Đăk lăk: Ziv hnuz ziv muôx ntâu trâur nuv uô nox

uô hâuk cxôngx uô kôngz nuv hur

6 shông ntâu đhâu uô lơưr tsưr ziv uô kôngz nuv hur, H.T.Farm (nhoz phường Thành Nhất, thành phố Buôn Ma Thuột) li têx xiv huv tưz muôx tâu qơư sâu zuôr ngaz tul ntơưv têx qơư muôv muôs xiv huv hur nhoz Đăk Lăk thiêz TP HCM. Chungz fênhx iz hnuz, H.T.Farm muôs trâu niêv ciêz cxôngx 100 txos 150 cir jâuz, kok cxuô zav. Muôx têx thâuv qơư tsêz chos muôs cxôngx 400 txos 500 cir iz hnuz đros grê muôs cxôngx 30 txos 55 cxênhz đeiv iz cir. Qơư tsêz chos muôz hâux lưv uô ngaz tul trâu 6 lênhx nênhs lox tôngv ntơưv qơư đros phênhv nhiêx shar cxôngx 4-5 tsov đeiv iz luz hlik. Tix lâuk Ngân Đức Khoa, tsưr qơư tsêz chos H.T.Farm puz pâuz, chiê taz por muôx txâuk xiv huv trâu tsôngv kruô, tix lâuk sik côngv 3 ziv chuôz zis, pheiz kênh tsưr ziv tsêz chos. Nhiv no muôx công ty TNHH Jâuz Việt Nhật thiêz công ty TNHH Nico Yasai sâu zuôr xiv huv trâu qơư tsêz chos:

          “Tsôngv box ziv hnuz ziv nhiêv zuôr têx xiv huv jâuz, tâuv hur. Nhiv no qơư sâu zuôr ngaz tul thiêz ziv hnuz ziv huôv tsar. Ntâu lênhx nênhs pâuz txos zuk, lơưr nriêr tuôx ciês ntơưv qơư chiê zuôr, nhiv no muôx tsi txâuk chiê cungz thiêz. Viv li six hơưv zuôr txos cur zuôr krêz đar mênhv chêx chos jâuz, tu zus buô thiêz chos ntông nox txir”.

          Cux truôx siêz huôv tsar lơưr saz tsiv uô hữu cơ côngv đros uô ju lix, trâur nuv Vax jông nhoz xã Cư Êbur, thành phố Buôn Ma Thuột tsênhv krêz đar mênhv chêx chiê chos jâuz, kok muôs trâu niêv ciêz thiêz yênhx qơư chiê têx lênhx hluôk nênhs tuôx uô si, nriêr pâuz. Tix lâuk Y Thơ Hwing, lênhx nênhs hâur paz nênhs cxiv tsa Vax jông no pheiz kênh, txơưv nhiv kruôr huôx tôngv taz sik viv sik côngv jông hâur uô kôngz nuv thiêz uô ju lix, Vax li xiv huv tsênhv tâu ntâu lênhx nênhs tsov cưv txos. Ntâu lênhx nhoz đrôngs Buôn Ma Thuột thiêz thax tsav nhoz buôk co cux sâu zuôr jâuz hâur yênhx hli, heik pêz thâux mul txos ciês ntơưv qơư đros phênhv nhiêx txiêx tâu thêv zos 500-600 cxênhz đeiv iz luz hlik. Đros tsưr ziv hlôngr yiêz tsôngv box li siêz xar sir zôngv xiv huv jâuz, tâuv hur, pêz tsênhv tror nriêr pâuz tsêz chos têx xiv huv jông đuô thiêz”

          “ Vax muôx têx tsưr ziv cungz txơưr trâu têx ziv chuôz zis sâuv thax tsav đrôngs Buôn Ma Thuột. Pir li cungz trâu têx ziv chuôzz is. Tsov lơưr yênhx ziv chuôz zis li zoz qơưx mak pêz cungz trâu lơưr”.

          Đhâu zuôr xar 4 shông uô cxix luôk zôngv đêx chos jâuz nhoz Đăk Lăk, txos nhiv no, công ty cổ phần kôngz nuv công nghệ siêz Agrieco Việt Nam tưz krêz cxaz têx qơư txơưr nhoz iz cxiê tỉnh hâur thax tsav Tây Nguyên thiêz faz Trung. Ntơưv Đăk lăk, công ty muôx 2 cxix luôk qơư đar 6 cxênhz yiv ndis tso ntơưv đrôngs Buôn Ma Thuột thiêz huyện Cư Mgar. Chungz fênhx iz luz hlik muôs trâu niêv ciêz muôx nhos 30 tênhr jâuz cxuô zav. Đros muôs trâu TPHCM thiêz Hà Nội, công ty li xiv huv tsênhv muôs trâu têx ciêz mê Vinmart ntơưv đrôngs Buôn Ma Thuột.

          Pâuz tâu zoz qươx nhiv no, ntâu lênhx hluôk nênhs nhoz Đăk lăk tưz truôx siêz xeir tsưr ziv uô kôngz nuv lơưr saz hữu cơ, taz por chiê uô nox uô hâuk. Đhâu co, gôngr phênhv muôx phênhv sâu, hlôngr yiêz kinh têr trâu zuk tiz nênhs, thôngx cxix jux jus hlôngr yiêz tsôngv box li siêz xar thiêz xeir têx xiv huv hur chiê sir zôngv./.

(H Xíu- Txâur Vax cxeik nhênhv)

Pêx xênhv Mộc Châu thêr vor phax tar ntux lok lơưr

trâu têx txir khơưz

Đhâu iz coz ntux nas đros lơưs, têx njiê pov tâu nhoz chor nênhs chos txir khơưz đuz ntơưv Mộc Châu, tỉnh Sơn La têx vax txir ntông zos ntông tsik jông tas, têx txir ntông mak jênhs pôngz tas trâu hâur hâur pâuk ntông. Muôx têx vax txir ntông txi txir ndư, tsuôk muôx iz hli thiêz mak jông sâu đê, đhâu muôx ntux lok nas đros lơưs tưz uô trâu pêx xênhv sâu tsik tâu đaz tsi hlo. Taz sik li, zơưv Nguyễn Trí Dũng ziv chuôz zis nhoz Tiểu khu Pa Khen 1, thị trấn Nông trường Mộc Châu mak ho txơưr. Txơưv ntux lok lơưs, taz sik zơưv chuôz zis 2 ha ntâu txir khơưz đuz cux tâu por vêv ngaz tuk txix tsưr ziv uô yiêz:

“Thâuv uô mak cux muôx chôngz lênhx nênhs hêik tiêk zuôr thêir tsik tâu, taz sik cur cux sir jos uô tax tâu. Đhâu ntux lok lơưs mak tưz pov tâu cur kror uô no zos kror jông, viv chor ntông hâur qơư thêir vor no mak tsik jênhs iz luz txir tưs hlo, paz thêir tâu chuô viv li chor chês ntông tsik siz tsông mak cux paz uô trâu chor txỉ rntông tsik jênhs”.

Zơưv Nguyễn Trí Dũng têx zav vor trâu chor txir khơưz mak tâu uô zôngx ziv: tsuôk zôngv ndêx shôngz, têx nzêik nhựa xor thêir vor thiêz muôx hluô khi. Nhiêx txiêx chiê uô têx co mak tas muôx 100 triệu đêiv iz ha. Chor nxêik thêir vor no mak zuôr zôngv tâu muôx 4 shông, zos uô ndê kuôr hlâu mak têx jâuv zuôr zôngv tâu ntêr đuô. Tix lâus Hàng A Sếnh, iz lênhx nênhs nhoz Tiểu khu Pa Khen 1, thị trấn Nông trường Mộc Châu, huyện Mộc Châu hêik:

“Jiês ntux nas đros lơưs nhiv kruôr đhâu chor vax txir ntông tưs tsik muôx thêir vor mak trâus jông lok six ntâu, txir hloz Dũng uô tâu qơư vor lơưv mak cux tsik trâus jênhs hlo. Pox nhuôs nhoz ntơưv no mak tsuv cơưv shâuv uô trơưk chiê têx txir ntông tsik jênhs ntâu”.

Txix zơưv Nguyễn Trí Dũng ziv chuôz zis tsưr ziv uô no, chôngz lênhx nênhs tưz tuôx cơưv shâuv chiê uô trơưk.

Zơưv Nguyễn Đại Thắng, Phưv chủ tịch UBND thị trấn Nông trường Mộc Châu puz pâuz, thị trấn zuôr tror nhênhz chơưv, nriêr pâuz chiê txix co kriz uô tsưr ziv no trâu pox nhuôs sâu thax tsav:

“Chiê tsưr ziv uô no tâu uô jông đuô mak pêz tsuv đros pox nhuôs nriêr pâuz lok chor nxêik khor li chak, uô siêz li chak, đar li chak cov jông đuô, cov thâuv uô tâu lơưv mak paz thêir vor tâu txix 3-4 shông trrr sâur cov paz cxênhx txuôs tâu nhiêx txiêx trâu pox nhuôs”.

Đros ntux yar ntux nas txơưr txar phiv liv, muôx tâu têx tsưr ziv chiê paz phax tir thêir zos kror paz trâu pêx xênhv txo grêk tsơưs têx trâus hiêv; đros co cux zos chiê paz trâu kôngz nuv huôv tsar truôx đuô./.

(CTV TTTB-Lik Thox cxêik nhênhv)