Yuôx nox tuôs thiêz têx cêr pôngz siêz nhoz thax tsav tox siêz Lai Châu

Tix lâus Tẩn Phù Dương, xênhz shông 1983, nhoz jok Po Chà, xã Nậm Xe, huyện Phong thổ chuôz zis luz tsêr nhoz kâus kêz jik sâuv ntar trôngz siêz, hâur xuz têx jôngr ntông lâuk. Kuôk no iz hlik ntâu, tix lâus tuk nhuôv nxeik hloz zos Tẩn Thị C, xênhz shông 2002 tưz trâul tuôs, đhâu thâuv đê têk yuôx nox tuôs pêv kâuv tsêr lok. Cêr pôngz siêz ntơư tưz đhâu tas, taz sik cux tsênhv nhoz trơưr hâur têx lênhx nênhs hâur chuôz zis, cux li tsôngv cưr tix nênhx tsa sơưr đơưk hâur jok đruôz siêz tsi plox, viv C zos iz lênhx nxeik gruôs thiêz mnôngs luk. Tix lâus Dương heik: Shông uô ntêx, thâuv C tsênhv cơưv ntơưr lớp 7 hâur tsêr cơưv ntơưv xã mak nưk txơưv tso ntơưr tsês lok tsêr, tsi cơưv. Chuôz zis xar tiêk, muôx têx nưk hluz niêv txir txov nhêv, viv li thiêx thor so ntơưr nzor chiê nhoz tsêr paz niêv txir uô liêx têz xưz, viv li cux chiê tuk nhuôv nhoz tsêr, tsi muk cơưv ntơưr. Six hơưv jê lok no, pâuz tiêk tul nhuôv nhiêv trâus iz tuk tuz nhoz luz jok tov ntêx. Tsi xar chiê tuk nhuôv zuôr txir nzor thiêz muk đêz, viv li chuôz zis tưz txưr tsi khênhr 2 tuk nhuôv siz đênhr uô gâux uô đrâul, txơưv chiê muôx têx tsi jông li sâuv. Tix lâus Tẩn Phù Dương heik:

"Thâuv hmo ntơư tưz lis, pov tuk nhuôv six cor meir tsi txơưx muk pư, cur tưz heik lênhx nhuôs tiêk cov muôz meir tsês muk pư, tưz lis lis lơưv. Tas cik sơưr nzor hnuz tov kaz, cur muk seiz tưv mak txos tar su tuk txir nzơưv tuôx hu tiêk cov lok tsêr, tuk nhuôv tưz tsi jông lơưv. Muôx tuk nhuôv niêv nhoz hâur tsêr taz sik lok txos nuk, mê nhuôv nox đaz tsi thiêz tsi jông thâuv tưs lok lênhx niêv cux tsi pâuz".

Muk đhâu txox cêr ndê tox nxaz thiêz njês saz trôngz tiv uz zos tix lâus Phàn A Văn chuôz zis li cêr pôngz siêz. Txix hnuz tix lâus pox niêv zos Lý Xa T nox yuôx tuôs tal, tix lâus chuôz zis tưz txov nhêv lok ziv trâus txov đuô thiêz. Qir tiv zos xav tâu tiêk, tix lâus pox niêv thiêz tuk zơưv zix siz đênhr, tix lâus pox niêv chiê muk đê yuôx nox tuôs. Tix lâus Phàn A Văn heik:

"Txix li hnuz pox niêv tuôs tas, cux qiv hênhr, viv li muôx kênh hnuz mak cur nhoz tsêr seiz jor mê nhuôv, muôx têx hnuz mak mul uô jos chiê muôx pluôk nox trâu chor nhuôs. Luz nênhx nhiv no txov nhêv cơưk, zuôr nox iz pluôk cxơưx iz pluôk xưz, cur tsuôk pâuz sir jos seiz jor têx nhuôs cov jông, tu zus keiz buô thiêz uô liêx têz".

Têx txuz nox yuôx tuôs nhoz jok Po Chà, cux xưk li têx jêx jok thax tsav tox siêz nhoz Lai Châu txix thâuv ntêx txos nhiv no puôr lênhx zos tiv têx cêr txov nhêv, siz khiz, siz char siz chês mê njik hâur chuôz zis cux uô muôx yưv têx tsi jông li heik sâuv. Lar cxơưx đuô zos ntu jê lok no, têx txuz li ntơư khênhr muôx yưv ntâu trâu têx tuz nxeik, hâur ntơư muôx hur si têx nhuôs shux xênhz tsênhv cơưv ntơưr cấp iz đros thiêz têx qir tiv mê mê li: Bâu tơưk trâu zuk têx fôngx zưs, lok sik trâus niêv txir chêv, tsi xar muk cơưv ntơưr..... Đros ntơư cux muôx iz ntuk, zênhx pênhz phax hâur thax tsav thiêz hâu nov ntơưv qơư tsưr tsix têx jiês đoz, ro têx yuôx nox tuôs, taz sik viv zav yuôx no nưk tuôx nưk hâur têx xuz tsuôs, hlar thiêz tuôx lok six sei, viv li tsik zôngx ziv đoz thiêz ro tâu tas têx yuôx nox tuôs ntơư por tsês.

Trơưk li cơ quan muôx vax huôv tỉnh Lai Châu thôngz sâu tsi tâu cxix cxuô, txix shông 2015 txos nhiv no hâur thax tsav tưz muôx 50 ntâu txuz, phênhv ntâu zos nox têx yuôx li heik sâuv, uô tuôs 40 ntâu lênhx nênhs. Lar heik zos têx txuz nox yuôx tuôs ntơư, phênhv ntâu zos muôx nhoz tsôngv box heir nênhs Hmôngz, Cho, Thêir lok zos Poz Ziz....ntơưv têx thax tsav tox siêz đêz đrôngs thiêz ntâu đuô hur si cux zos hâur thax tsav têx xã ntus đriv txov nhêv, tsôngv box txux chi kik. Thượng tá Lý Ngọc Linh, zênhx tsar zênhx pênhz phax Sin Suối Hồ, huyện Phong Thổ heik cxơưx hlo li no:

"Txơưv tiêk têx cơ quan muôx vax huôv thiêz hâu nov ntơưv qơư tưz sir jos siz chos yax kriê trâu tsôngv box sơưr đơưk pâuz lok yuôx nox tuôs têx tsi jông, taz sik cux uô tsi yuô tâu trơưk li tsưr ziv, siêz xar. Chiê đơưk uô tâu têx li heik no, cur xar mak ro thiêz đoz por tsês pêz cux uô đreiv têx no, taz sik iz chas ntơư tsuv moz siêz txos uô jông hâux lưv yax kriê trâu tsôngv box sơưr đơưk pâuz to tâuz lok yuôx nox tuôs têx tsi jông trâu côngv thôngx. Txơưv tiêk têx cêr siz char siz chês, tsi jông siêz li chas, têx tsưr tsix đơưk tu xeir, tu luk hâur jok tsuv pâuz tâu tsôngv box têx tsưr ziv, siêz xar chiê đơưk tu li chas cov huv đros...".

Iz chas têx cơ quan muôx vax huôv thiêz hâu nov cxuô cấp tỉnh Lai Châu tsênhv sir jos sik đros côngv tês tir thêir tsik chiê muôx yưv têx txuz tsik jông hêik sâu; taz sik, hâur niêx hnuz têx tsoz yuôx nox tuôs cux tsênhv tuôx, hlar mok iz ndis têx jêx jok thiêz zôngx ziv muôx ntâu txuz tsi jông xưk li heik sâuv nhoz thax tsav tsôngv box tox siêz. Thiêz têx cêr pôngz siêz txix nox yuôx nox tuôs cux tsênhv muôx yưv, lok six zuôr trâus txos nzir têx tsưr ziv sir jos sik đros phax tir thêir chiê gra cêr truôx tuk, nox nhoz shir phaz lus trâu têx jêx jok thax tsav tox siêz, đêz đrôngl./.

                                   (Khắc Kiên-Riê Lâux cxeik, nhênhv)

PHÊNHV HEIK KRIÊ CÊR CHEI TÊZ QƠƯS

Têx chei cui tênhv uô ntơưr chứng minh thư

Nus: Cur ndeiv cur kuz têz qơưk Quảng Ngãi shông 1981 (thâuv co cur muôx10 shông) đros cur niêv mul Vũng Tàu chiê uô nênhx, cxôngx co txos nhiv no cur tưz muôx chuôz zis thiêz muôx 6 tul mê nhuôs. Nhiv no cur xar hlôngr hộ khẩu lol đros cur tuk txir li hộ khẩu taz sik cur tsi muôx iz zav ntâuz ntơưrtưs hlo. Xar nus, cur tsuv uô ntâuz ntơưr li chas thiêzz uô tâu ntơưr chứng minh thư thiêz hlôngr tâu hộ khẩu?

Têz: 1. Lok têx chei cui tênhv đăng cir hộ khẩu

          Lơưr cui tênhv ntơưv grê 19 chêi nhoz muk lok, tsôngv box muôx qơư nhoz huv cêr chei nhoz tỉnh tưs mak đăng cir nhoz ntơưv tỉnh co. Zos mul ntiêr, kêr qơư nhoz mak tsuv tâu lênhx nênhs puz ntiêr, puz kêr thôngx ziv cxôngx ntâuz ntơưr.

          1.1. Chiz coaz muôx qênhx jênhv hồ sơ ntâuz ntơưr:

          - Đros thiêz TP trực thuộc Trung ương mak khiêz hồ sơ ntâuz ntơưr ntơưv Công an huyện, quận, thị xã;

          - Đros thiêz tỉnh mak khiêz hồ sơ ntâuz ntơưr ntơưv công an xã, thị trấn nhoz huyện, Công an thị xã, thành phố nhoz tỉnh.

          Zos cox đăng cir hộ khẩu lol thành phố Vũng Tàu mak tsuv khiêz hồ sơ ntâuz ntơưr ntơưv công an Thành phố Vũng Tàu.

          1.2. Hồ sơ ntâuz ntơưr đăng cir muôx li đrav kaz:

          - Ntơưr sâu hlôngr hộ khẩu, lênhx nênhs hâur chuôz zis, hâur co muôx tsưr tsêr zos cox li tul txir li ziv chênhv lok hâux lưv thôngx ziv puz cox đros nhoz hâur hộ khẩu thiêz cir bê, sâu tsênhz mênhx bê, six hơưv hnuz nhôngs.

          - Ntơưr sâu bê têx lênhx nênhs hâur chuôz zis;

          - Ntơưr côngz jênhv siz zuôr uô txix gơưv lok sik ntâuz ntơưr txơưr côngz jênhv zos niêv txir viv lơưr Thông tư số 35/2014/TT-BCA li cui tênhv, zos niêv txir mak tsuv muôx ntâuz ntơưr côngz jênhv qơư nhoz huv cêr chei, muôx ntơưr côngz jênhv lok sik muôx UB xã, phường, thị trấn li ntơưr côngz jênhv zos niêv txir.

          1.3. Hâur six hơưv 15 hnuz cxôngx hnuz jênhv hồ sơ ntâuz ntơưr, Công an thành phố Vũng Tàu zuôr uô ntâuz ntơưr trâu cox; zos tsi thôngx ziv puz hlôngr hộ khẩu mak tsuv muôx ntâuz ntơưr têz thiêz heik tsênhz mênhx lik zơưx.

          2. Lok têx chei cui tênhv uô Chứng minh thư

          Tsôngv box Việt Nam cxôngx 14 shông tror sau, uô nênhx nhoz hâur têz qơưk Việt Nam tsuv mul chiz coaz Công an nhoz qơư đăng cir hộ khẩu uô ntơưr Chứng minh thư.

          Hồ sơ ntâuz ntơưr thix ziv cungz ntơưr Chứng minh thư muôx: (1) Hộ khẩu; (2) Shav zos công an cxêik, sâuv ntơưr chứng minh thư thiêz ntơưr sâu xor mông. Shav zos 3x4 cm, tsov tsênhz mênhx pliêx flu, tsi chox tsov iêr...(3) Ntơưr sâu xor mông cungz ntơưr CMT; (4) Niês ntir tês sâuv ntơưr sâu xor mông...(5) Khiêz nhiêx txiêx uô ntơưr CMT.

          Cxôngx thâuv jênhv txâuk ntâuz ntơưr huv đros, chiz coaz Công an tsuv uô tiêr CMT trâu tsôngv box lơưr cui tênhv./.

( Thanh Thủy- Txâur Vax cxeik nhênhv)