Bôv đội pênhz phax Đắk Lắk đros têx tsưr ziv uô kinh têr paz trâu pêx xênhv

Zar zuôr tsâuk ntux nhoz thax tsav ntus đriv, thâuv hnuz zuôr piz plox jux juk đrâuv chor har jôngr cux zos thâuv zơưv Trần Văn Thanh, nhoz jok 2 xar ntus đriv Ia R’vê huyện Ea Súp, sêi đrơưv châuv paz yil lok tsêr. Zơưv Thanh puz pâuz, no zos chor yil tâu huôv tsar txix chor yil nôngz Bôv đội pênhz phax tỉnh Đắk Lắk muôz paz. Thâuv ntêx no chuôz zis zos chuôz zis pluôs, hâur shôngk shông 2016, chor cán bộ Bôv đội pênhz phax tưz xêir tsov muôz 11 tuk mâuv yil nôngz chiê zus huôv tsar kinh têr.

Đrâuv paz yil nôngz, bôv đội pênhz phax tsênhv tsik so muk paz kỹ thuật cxax yuôx phax tar moz, tso tơư, chos jâuz trâu nox chiê tsoz phưz trâu paz yil. Txix chor yil xuz thơưx, khov tsoz phưz jông txos nhiv no paz yil tưz huôv tsar muôx 40 tul, nhiêx muôs yil zos phênhv sâu chênhr trâu chuôz zis.

“Uô ntêx shông 2015, cur chuôz zis zos chuôz zis pluôs, tâu đônx pênhz phax paz, cxuô cấp nganhx tưz paz chiê zus yil sha mê nhuôs trâu chor chuôz zis pluôs hâur co muôx cur ziv chuôz zis. Hâur six hơưv zus xar muôx 2 shôngg đhâu, yil tưz sha tâu mê nhuôs muôx 40 tul lơưv, phênhv sâu txix yil iz shông txox 80-100 triệu đêiv. Cur pov đônx thiêz cxuô cấp nganhx li tsaz yênhx paz lok six muôx tsiv gri, tưz paz trâu cur chuôz zis txos nhiv no hla đhâu cêr pluôs”.

Hok zơưv Hồ Văn Thành nhoz jok 6, xar Ia R’vê, huyện Ea Súp chuôz zis cux zos chuôz zis pluôs, txov nhêv tiv zix hâur xar Ia R’vê. Zơưv Thành puz pâuz, oz niêv txir muôx moz gênhs yênhx shông, têx mê nhuôs mak zâu, phênhv sâu chênhr hâur chuôz zis tsuôk khov trâu 1.800 yiv ndis ar chor poz cưk thiêz kok ntông. Shông 2016, chor cán bộ Bôv đôiv pênhz phax Đắk Lắk tuôx khơưk muôz iz gơưv mâuv buô zus chiê sha mê nhuôs; sik côngv đros Trung đoàn 739, nhoz Binh đoàn 16 khơưk muôz 20 triệu đêiv chiê zuôr nôngz txir mo mix, cxiv luôs car đêx zưs chiê huôv tsar chos ntông nox txir. Lơưr pos Trần Lệ Thủy, Phưv bí thư thường trực Đảng ủy xar Ia R’vê, huyện Ea Súp, chor tsưr ziv huôv tsar kinh têr zos Bôv đội pênhz phax paz tưz paz trâu pêx xênhv tiv phaz lok six ntâu, ntâu ziv chuôz zis tưz hla đhâu cêr pluôs thiêz sir jos uô bluô nux. Đại tá Đào Việt Hùng, Phưv chỉ huy trưởng Bôv đội pênhz phax Đắk Lắk puz pâuz, ntu zuôr txos, taz viv zuôr tror kriz uô đêz đar ntâu đuô chor tsưr ziv kinh têr chiê paz trâu pêx xênhv hla đhâu cêr pluôs, truôx tuk luz nênhx.

“Hâur ntuz zuôr txos, Đảng ủy Bôv chỉ huy Pênhz phax tror hêik têx phongx, ban, chor đônx pênhz phax thiêz tiểu đoàn huấn luyện cơ động kriz uô nzir chor tsưr ziv muôx chêx cur hâur ntu zuôr txos chiê paz trâu pêx xênhv. Paz trâu pox nhuôs zuz nôngz blêx yiêz chiê pox nhuôs kriz uô paz chuôz ndê tsơưr lươngv. Sik côngv đros chor cán bộ mênhx cxưx chiê kruôz kriê kỹ thuật, zuz nôngz tsoz chos huv đros đêx ar nhoz thax tsav ntus đriv chiê pêx xênhv sir zôngv chuôz ndê phênhv sâu, truôx tuk luz nênhx. Đhâu co sik côngv đros Bôv đội pênhz phax por vêv ntus đriv”.

Đros têx tsưr ziv tsênhv tsênhz, muôx chêx cur tâu bôv đôiv pênhz phax Đắk Lắk kriz uô paz trâu pêx xênhv thax tsav ntus đriv, ntâu ziv chuôz zis muôx nzir tsar tov sir jos hla đhâu cêr pluôs truôx tuk luz nênhx. Pêx xênhv li siêz njênhs njôngr đros lưx lươngv pênhz phax thax tsav ntus đriv têz qơưk tâu truôx jông đuô, ziv hnuz muôx chêx cur đuô chiê por vêv tâu truôx tuk tsưr qênhx ntus đriv têz qơưk./.

(TTTN-Lik Thox cxêik nhênhv)

Tir tar thaz huôz- chuôz cxaz tsôngv box li siêz njênhs đros Đangv

          Cxôngx Đangv li six cxiv Đại hội 12 txos nhiv no muôx zuôr xar 1300 lênhx đangv viên trâus kỷ luật tiv thaz huôz thiêz cxoz txưv uô tsi trơưk chei, hâur co muôx têx lênhx nênhs lênhs tov thênhv siêz. Cux cxôgnx six cxiv Đại hội txos nhiv no Thanh tra Chinhr phuv cux chêx chôngk seiz car têx vênhv thix zôngx ziv muôx yưv têx hâux lưv tsi jông, đhâu co choz trâu chiz coar yưr lir hình sự 188 txuz đros 335 lênhx nênhs. Kiểm toán têz qơưk tưz tsưr tsix qênhz yuôx 434 taz viv, sâu tâu 65 cxênhz tỷ đeiv ntâu. Nhiv kruôr đhâu, Trung ương tưz yênhx lix 8 đoanx côngz xưv mul txos 20 tỉnh, thành phố chiê qênhz yuôx, seiz car hâux lưv seiz car têx txuz hâux lưv, krêz tik cêr cxâuv, qênhz yuôx, xưv bluô têx txuz thaz huôz nox nhiêx ntơưv tiv phaz...qir khưx phưx têx hâux lưv tsi jông muôx yưv. Ủy ban qênhz yuôx Trung ương li têx ntâus grê lok ntâu canr bôv nhoz cấp Trung ương txos tiv phaz, têx cuiz tênhv xưv phuôv, cuiz tênhv tik cêr cxâuv tưz tâu chôngz tsôngv box tsov cưv txos. Kror co tso pov tas nro puôr lênhx fênhx zav, lênhx tưs uô cxâuv txos tưs tsuv yưr lir txos co. Zơưv Nguyễn Xuân Hồng, Hội bộ đội lâuk thị trấn Minh Đức, huyện Thủy Nguyên, thành phố Hải Phòng xar li no:

          “ Lơưr cur côngz xưv phax tar thaz huôz six hơưv đhâu uô jông thiêz lok six muôx chêx cuk. Tsôngv box tas nro têz qơưk lok six njênhs njôngr. Cur cux njênhs Đangv li lênhs tov, tiv zix zos Tổng Bí thư Nguyễn Phú Trọng tsênhv uô, xưv bluô tâu têx lênhx nênhs canr bôv thênhv siêz huôz nox nhiêx li zơưv Đinh La Thăng, Trịnh Xuân Thanh”.

          Muôx ntâu txuz, thaz huôz tsênhv muôx lênhx coaz txos côngz xưv canr bôv. Canr bôv li têx uô cxâuv tâu côngz fur tsênhz mênhx tsi taz ntơưv iz cxiê qơư. Muôx têx txuz chiê bo xeir iz lênhx nênhs mak tas nro têx bộ nganhx txos tiv phaz puôr lênhx uô cxâuv, pir li zơưv Trịnh Xuân Thanh. Lok sik hâux lưv xeir têx tuz nhuôs, lênhx nênhs cxênhz jê uô hâu nov cux muôx yưv ntâu ntơưv iz cxiê tiv phaz. Cux xưk li canr bộ thênhv siêz sơưr thơưx iz tiv phaz, iz nganhx tsuv trâus xưv bluô txos qơư tưz muôx ntâu...Lơưr zơưv Phạm Thế Duyệt, kuz Chủ tịch Ủy ban Trung ương MTTQ Việt Nam, hâux lưv tsuôk hâur iz shông, lok six ntâu canr bộ trâus xưv bluô tsi zos iz hâux lưv nhiv kruôr uô cxâuv, mak zos tiv côngz xưv canr bộ ntêr lol no tsi tâu tâu qênhz yuôx jông.

          Cxôngx qênhx shênhx tsênhv tsênhz, đhâu Đại hội 12 txos nhiv no, Bộ chinhr trị cux tưz tso tơưv têx cui tênhv lok ploz tsênhr ntâus grê canr bộ. Co zos 5 hâux lưv tsuv uô thâuv bo xeir canr bộ; lok hlôngr canr bộ, lok qênhz yuôx, seiz car hâux lưv thôngz sâu chuôz zênhx chuôz tas... Hâux lưv xeir zuôr, pheiz côngz, hlôngr canr bộ li qơư uô xưv, pheiz cấp coar lik canr bộ; njuôs xav, thox cxov, kriê cxaz canr bộ; uô chế độ, chinhr sách đros cán bộ....cux tâu cui tênhv jông, muôx ntâu hlôngr yiêz chiê txu grês têx hâux lưv tsi jông muôx yưv. Tsênhz mênhx tso pov, têx hlôngr yiêz jông hâur côngz xưv cxiv tsa, hlôngr yiêz Đangv, tơưv txênhz phax tar thaz huôz nox nhiêx tưz gôngr phênhv coaz tsôngv chuôz cxaz tsôngv box li siêz njênhs njôngr thiêz thôngx ziv. Giáo sư Hoàng Chí Bảo, kuz Ủy viên Hội đồng lý luận Trung ương heik mênhx, Đangv tsuv hur si thiêx li truôx vênhs. Viv li, chiê tuôr truôx tsôngv box li siêz njênhs, Đangv tsuv hur si.

          “ Zos Đangv tsi hur si uô muôx yưv têx hâux lưv tsi jông no zos Hloz Hôx li cêr cxơưx tiv zix thâuv Đangv tuôr qênhx. Viv li mak viv chas Hloz Hôx zuôr tsov cưv tiv zix zos hâux lưv tir tar thaz huôz nox nhiêx, tir tar chủ nghĩa lênhx nênhs. Đros 1 Đangv cơưx mênhv tưz tuôr qênhx, nyei tiv zix zos tsi jê tsôngv box, tso tơưv têx quyết sách tsi huv tsôngv box li siêz, uô muôx yưv têx hâux lưv tsi jông. Iz Đangv tsuv hur si thiêx li truôx vênhs tâu, co zos shưz xar cơưx mênhv li theox chênhv”.

          Hlôngr yiêz Đangv qir uô cxôngx hâux lưv hlôngr yiêz canr bộ, phuôx huiz jênh chuv, tsênhz mênhx. Têx sir jos hlôngr yiêz tso pov tsênhz mênhx đhâu côngz xưv phax tar thaz huôz nox nhiêx six hơưv đhâu, chuôz cxaz tsôngv box li siêz njênhs njôngr Đangv. Tsôngv box cux xar njôngr Đangv li hâux lưv uô co zuôr uô hlôngr yiêz tsênhz mênhx têx cấp, têx nganhx, Tổng bí thư, Bộ chinhr trị li siêz sir jos zuôr tâu tas nro Đangv, tas nro tsôngv box, cxuô nganhx, cxuô cấp sir jos thôngx ziv uô, tsi chiê muôx hâux lưv têx uô cxâuv tsuôk tâu qênhz pov thâuv Ủy ban qênhz yuôx Trung ương tsưr tsix qênhz yuôx, mak uô ntêx co tiv phaz, bộ nganhx puôr lênhx pov cov uô trơưk tsưr ziv./.

( Lại Hoa-Txâur Vax cxeik nhênhv)