Lịch sử hnuz xiêz 2/9

Hnuz xiêz 2/9/1945, ntơưv quảng trường Ba Đình lịch sử tưz muôx iz jiês mít tinh chôngz nênhs. 50 ntâu vạn lênhx nênhs hlôngr njêx muôs trâu cxuô cxênhx nênhs thiêz lênhx tưs cux shir phaz lus tok kriz xênhz têz qươk Việt Nam tiêx tuk, hlôngr yiêz.

Hâur khôngz qiv shir phaz lul co, Chủ tịch Hồ Chí Minh tơưv tuôx ntơưv luz mêir nta suôz. Hlôngr njêx muôs chính phủ-zos ủy ban Mênhx cxưx giải phóng trung ương-nhênhv jax ntơưr, têz qơưs VN tiêx tuk, hlôngr yiêz. Hêik trâu tsôngv box thôngz têz qơưk thiêz tas nro sơưr đơưk sâuv ntiêx têz pâuz, txix hnuz no, têz qơưk Việt Nam tưz truôx tuk, muôx cêr vav mênhx.

Jax ntươr nhênhv cux hêik mênhx: tas nro cxuô mênhx cxưx sâuv ntiêx têz puôr lênhx muôx vax huôv siz bâus; mênhx cxưx tưs cux muôx vax huôv uô nênhx nhoz, muôx vax huôv zok nriêr cêr uô nênhx shir phaz.

Jax ntươr nhênhv khav tênhv: “Iz mênhx cxưx tưr sir jos tir ntâuk tros châuz Pháp muôx 80 ntâu shông đhâu no, iz mênhx cxưx tưz sơưr đrêiv lok saz Đồng Minh tir tar phát xít hâur ntu ntươ, mênhx cxưx co tsuv tâu uô nênhx muôx vax huôv siz luôs!...Têz qơưk Việt Nam muôx vax huôv tâu uô nênhx muôx cêr vav mênhx, thiêz tsênhz mênhx tưz yênhx iz luz têz qơưk truôx tuk. Tas nro mênhx cxưx Việt Nam sir jos tsưx phưv zuk têz qươs ziv hnuz ziv truôx jông”.

Đros ntươ, Chủ tịch Hồ Chí Minh cux hêik trâu tas nro ntiêx têz: “Têz qơưk Việt Nam muôx vax huôv tâu uô nênhx vav mênhx truôx tuk; tsênhz mênhx tưz zos yênhz iz luz têz qơưk truôx tuk. Tas nro mênhx cxưx Việt Nam zuôr sir jos tsưx phưv zuk têz qươs ziv hnuz ziv truôx jông, hlôngr yiêz”.

Txix no đros zos lênhx tsưr chênhr hâur têz qơưk, nênhs Việt Nam, đros muôx Đảng cộng sản Việt Nam lênhx tov sir jos tsav txênhz tir ntâuk tros châuz. Pêz châus shông đhâu, txix hnuz “nhênhv jax ntươr têz qươs VN tiêx tuk”, shông 1975, Đảng pêz thiêz tuz lênhv đros trâu pêx xênhv pêz tưz uô tiêr côngz xưv lịch sử nto bê: ntâuk zênhx tros châuz faz Nam, suôv câuv zênhx liv côngz xưv cách mạng mênhx cxưx- têz qơưk tâu tiêx tuk.

Têz qơưk tưz tâu tiêx tuk, pêx xênhv pêz muôx vax huôv siz luôs, “Jax ntươr têz qươs tiêx tuk, thax zênhz” zênhx nhoz đrêiv hâur nênhs Việt Nam siêz tsik plox. Đros tsiv gri lox co, hnuz 2/9 zos yênhx mênhx cxưx li hnuz hôiv lox, zos hnuz kriz xênhz têz qơưk Việt Nam.

Jax ntươr têz qươs VN tiêx tuk, tưz uô muôx yưv iz ntu yiêz, jiês xuz thơưx ciês nênhs Việt Nam sơưr truôx đrênhk, tso siêz zuk tưz zos yênhx nênhs hâur iz luz têz qơưk tiêx tuk. Thiêz txix hnuz 2/9, nênhs Việt Nam piz muôx luz nênhx yiêz./.

(TTXVN-Lik Thox cxêik nhênhv)

Jax sâu thưr 7.2.9.2017:

Lênhx nênhs thiêz mênhx cxưx li vax huôv hâur nhênhv jax ntươr têz qươs tiêx tuk.

          Krêz uô ntêx nhênhv jax ntơưr têz qươs tiêx tuk, tror heik lok tas nro lênhx nênhs sâuv ntiêx têz li siêz xar tso tơưv đhâu Mỹ thiêz Pháp li jax ntơưr têz qươs tiêx tuk; Chủ tịch Hồ Chí Minh khav tênhv: “Tas nro têx mênhx cxưx sâuv ntiêx têz thâuv xênhz zus lol puôr lênhx fênhx zav. Mênhx cxưx tưs cux muôx vax huôv tâu nhoz uô nênhx, muôx vax huôv tâu uô nênhx jông”. Kror co tso pov, iz mênhx cxưx tsênhv trâus kuôz zuôv, trâus têz qơưk txơưr ntâus tsiv, tsôngv box tsênhv nhoz uô nênhx txov nhêv njuôr, mênhx cxưx co thiêz lênhx nênhs co tsi muôx vax huôv siz luôs. Chủ tịch Hồ Chí Minh tưz heik tơưv Mỹ, Pháp li têx siêz xar chiê khav tênhv lênhx nênhs li vax huôv, lok six tsiv grê, coaz tsôngv đuô thiêz zos mênhx cxưx li vax huôv.

          “ Tsôngv box hâur tas nro pêz têz qơưk hmor yuô! Tas nro cxuô lênhx nênhs thâuv xênhz zus lol puôr lênhx muôx vax huôv iz zav. Têx vax huôv co, tsi muôx lênhx tưs uô ruôr hiêv txos. Hâur têx qênhx shênhx co muôx vax huôv tâu nhoz uô nênhx siz luôs thiêz shir phaz”.

          Lơưr chủ tịch Hồ Chí Minh, mênhx cxưx thiêz lênhx nênhs li vax huôv sik đros đreiv uô cê. Mênhx cxưx tâu uô luz nênhx truôx tuk thiêx taz por tâu lênhx nênhs li vax huôv, uô jông lênhx nênhs li vax huôv zos phuôx huiz txưv zơưx mênhx cxưx li têx tsiv grê thiêz ziz njiêz tsênhv tsênhz. Hâur jax ntươr têz qươs tiêx tuk, chủ tịch Hồ Chí Minh tưz heik tơưv tsênhz mênhx mênhx cxưx li vax huôv fênhx zav mak iz lênhx nênhs Việt Nam puôr lênhx muôx vax huôv tâu sơưv têx tsênhv tsênhz co. Viv mênhx cxưx li vax huôv tưz zos têx cxênhx nênhs Việt đrav ntêx pâur zuk li trox nya, tsưr ziv đas jos chiê muôx tâu. Viv li Chủ tịch Hồ Chí Minh tưz khav tênhv li no:

          “Têz qơưk Việt Nam muôx vax huôv sơưv txưv zơưx tiêx tuk, thiêz tsênhz mênhx tưz yênhx iz têz qơưk txưv zơưx, tiêx tuk. Tas nro mênhx cxưx Việt Nam truôx siêz chox tas nro chinhz yênhx thiêz lưx lươngv, txox siê thiêz chuôz zênhx chuôz tas chiê tuôr truôx zuk li vax huôv txưv zơưx, tiêx tuk co”.

          Mênhx cxưx li vax huôv tưz tâu tso pov thôngz đhâu Cơưx mênhv hli 8, yuôr lênhx nênhs li vax huôv tsuv hla đhâu six hơưv ntêr thiêx tâu xav tênhv thiêz uô cxôngx hâux lưv cxiv tsa têz qơưk xã hôiv chủ nghĩa zos tsôngv box li, viv tsôngv box.

          Cxôngx ntơưr Hiến pháp xuz thơưx shông 1946 xav tênhv: lênhx nênhs li vax huôv txos têx chêi Hiến pháp shông 1959, 1980, 1992 thiêz 2013 tưz tror uô tsênhz mênhx lênhx nênhs njiêz luk, tsôngv box li vax huôv, luôs hâux lưv tsênhv lok chinhr triv, kinh têr, xã hôiv, vênhx huôv thiêz têz qơưk, xã hôiv li txơưx jênhv hâur hâux lưv seiz tâus, taz por, por vêv lênhx nênhs li vax huôv....

          72 shông tưz mul đhâu cxôngx thâuv cơưx mênhv hli 8 yênhx côngz thiêz têz qơưk Việt Nam tâu krêz xênhz tiêx tuk, pêz têz qơưk tưz muôx têx trus tơưv txênhz por vêv mênhx cxưx cux xưk li taz por trâu lênhx nênhs li vax huôv. Siêz xar lok mênhx cxưx thiêz lênhx nênhs li vax huôv hâur jax ntơưr têz qươs tiêx tuk, cux tsênhv muôx đros đrêiv luz nênhx hâur ntu nhiv no./.

( TTT-Txâur Vax cxeik nhênhv)

Phênhv thưr 7 hnuz 2/9/2017

Tsôngv box Thái Tây Bắc li tsưr ziv uô chơưr xơưk

Tsôngv box Thái Tây Bắc li cxuô zav chiê uô chơưr xơưk zos muôx cxur blâuv, lok sik poz cưk blâuv tâu tsâu đhâu hmo, đhâu co muôz bo cov si đêx tas. Muôx đros mê njik xuô blêx jơưr hur si, tsuv zuôr chor xuôk blêx blâuv thâuv jơưr, tos trâu hâur kaz fiêz đêx, hok chor xuô blêx ntaz sâuv blêiv đêx tsuv muôz por tsês. Tas nro chor cxur thiêz xuô blêx co tâu bo tsês cov si đêx tas mav muôz siz tor tso hâur tsu chuz cov siêr. Đhâu thâuv chuz siêr mav muôz lok foz cov txiêk. Thâuv mor tưz txiêk, muôz 3 txos 4 luz xaz luôx luz piz tuôr cov mok uô hmôngr, đhâu co muôz fông tor đros mor blâuv thiêz xuô blêx cov siz bâus. Zav xaz no mak zos pox nhuôs chiv chir uô txix hmôngr cxur thiêz cxuô zav txix har jôngr, ntâu zav zos yuôx tsiv gri tsư kaz, thiêz kaz jiz đuô, tsik xưk li chor xaz chiê chuz chơưr. Chơưr tâu vâuv 3 hnuz, thâuv tưz ndê chơưr thiêz tsư kaz, pox nhuôs muôz tso trâu hâur huz chơưr. Sâuv hâu huz chơưr tâu pox nhuôs vor txix iz chor blôngx tsơưz, đhâu co muôz iz chor yâur lok tor đros đêx lo trâu cov luz huz ntov, lok sik zôngv hnaz tax khi cov truôx tsik chiê điv pa. Pos Quằng Thị THăng, nênhs tsik so uô chơưr xơưk nhoz jok Là, thành phố Sơn La puz pâuz:

“Xaz uô chơưr xơưk mak txơưr, luz xaz zâuv, nhoz tsêr cur cux tsik so uô chơưr xơưk chiê muôs, nênhs pâuz mak tuôx tênhv zuôr, tiv zix zos têx hnuz ntênhk, hnuz tsiêz, hnuz 2/9, jêx jok muôx cêr lov jêv, hơưv tsêr yiêz… mak lơưr tuôx zuôr chox muk hâuk”.

Chơưr xơưk đhâu thâuv vâuv hâur huz muôx 10 hnuz, cux jông muôz lok hâuk. Thâuv Pox nhuôs muôz chor chơưr ntơư lok sir zôngv, tsuv zôngv đêx hur râuz bâu tsês cov txiêk mav nquôr trâu hâur huz chiê tor chơưr xơưk. Iz huz chơưr xơưk mak muôx tsơưs tiv zix 4 tuk car shôngz gruk chơưr, chor car gruk chơưr co tâu zôngv têx car shôngz zâu uô thiêz chor car gruk chơưr co muôx ntâu lok tsơưs khov trâu chor nênhs hâuk chôngz lok tsơưs. Thâuv hâuk mak chor nênhs lâul muôx suôz bê, lok sik têx kruô zuôr tâu tsưr tsêr zâuv hâuk uô ntêx. Zơưv Quàng Xương Hặc nhoz jok Pu Viêng, xã Chiềng Đông, huyện Tuần Giáo, tỉnh Điện Biên puz pâuz:

“Chơưr xơưk mak muôx txix thâuv ntêx lok, thâuv hâuk chơưr mak tsuv muôx zâuv hâuk chơưr, zâuv sơưr đơưk sik đros tuôr car gruk chơưr li cur, chơưr no zos chos blêx blâuv têz cur chos, zâuv sơưr đơưk sik đros hâuk côngv cêr lov jêv…”

Thâuv hâuk chơưr xơưk, pox nhuôs tsik so zôngv cuz tưv chiê uô têik ntiv đêx nquôr trâu hâur huz chơưr xơưk thiêx zôngx ziv njuôk tâu thiêz muôx iz lênhx nênhs zos nênhs tuôr cuz tưv chiê nquôr đêx trâu hâur huz chơưr xơưk, iz lênhx nênhs lok sik iz paz nênhs sik hlôngr hâuk. Muôx qơư mak cê hâuk chơưr xơưk, cê đhiê pax vuôs iz ndis huz chơưr uô cêr lov jêv.

Chơưr xơưk zôngx ziv uô thiêz tâu tsôngv box Thái Tây Bắc uô tuôr chiê hâur yênhx chuôz zis, txos thâuv hơưv tsêr yiêz, nox yôngz cok lok sik hnuz ntênhk, hnuz tsiêz mak muôz lok hâuk. Muôx huz chơưr xơưk nhoz hâur luz đraz đhiê pax vuôs xòe, đros suôz trax đror nxê ntưk uô trâu sơưr đơưk siz sưv jê đuô thiêz muôx cêr siz hluz, siz paz đuô./.

(Lường Hạnh-Lik Thox cxêik nhênhv)