Ntâu luz jos nhoz Mường Nhé (Điện Biên) shir phaz muôx tênhv tênhz tos tsiêz

Têx hnuz no, sik côngv đros cêr shir phaz cheix ntux yiêz 2020, 620 ntâu ziv chuôz zis nhoz Mường Nhé (Điện Biên) li cêr shir phaz tâu chuôz ndê thâuv muôx tênhv tênhz têz qơưk tâu chaz lol txos jêx jos thax tsav ntus đriv. No zos têx ziv chuôz zis ntơưv 15 qơư nhoz nhoz Đề án 79, tâu công ty tênhv jos Điện Biên (nhoz tập đoàn tênhv jos Việt Nam) sir jos uô tiêr côngz tsinhx cungz tênhv trơưk six hơưv hlôngr trâu shông yiêz.

          Zơưv Hangv A Tà, tsôngv box nhoz jos Hua Sin 1, xã Chung Chải, huyện Mường Nhé, tỉnh Điện Biên shir phaz puz pâuz: Thâuv ntêx tsi muôx tênhv tênhz, thâuv hnuz pôngz kror mak tsôngv box puôr lênhx tso tsês uô tsi tâu hâux lưv tưs lơưv thiêz.       Taz sik nhiv no, khov muôx tênhv têz têz qơưk, jêx jos muôx tivi seiz, tâu mnôngs Đeix, têx mê nhuôs muôx tênhv tênhz cơưv ntơưr; têx niêv pos jâuv chiê xơưk pax ntâuz, cêr mul lok pov cêr lul....“Uô tsâus Đảng, têz qơưk, pox nhuôs txar lok nhoz qơư yiêz cxôngx shông 2008 txos nhiv no tưz tâu 12 shông lơưv, shông no muôx tênhv tênhz, tsưr yưv pênhr cux muôz nhiêx txiêx chiê paz pox nhuôs hâur jos Hua Sin uô tâu tsêr nhoz. Nhiv no muôx tênhv tênhz thiêz mak lok six jông siêz”.

          Tsar jos Hua Sin 1 Hangv A SÙng, nhoz xã Chung Chải, huyện Mường Nhé cux puz pâuz: Nhiv no muôx tênhv tênhz lơưv, zuôr xar 50 ziv chuôz zis tsôngv box Hmôngz nhoz hâur jos tso siêz zuôr ti vi, nzuôv tênhv, têx zav meir phưx vưv uô kôngz lôngk....chiê paz huôv tsar kinh têr jông đuô thiêz. “2,3 shông tov ntêx pox nhuôs tsi muôx tênhv tênhz mak lok six txov nhêv, khov muôx Đangv, chinhr phuv paz max txos, pox nhuôs nhoz jos Hua Sin luz nênhx tsâu sor jux juk. Tsêr nhoz, tênhv tênhz muôx cxix cxuô, ntu zuôr txos pox nhuôs zuôr shir phaz đuô”.

          Huyện Mường Nhé nhiv no tưz muôx zuôr xar 6 cxênhz 500 sâuv tas nro 8 cxênhz ziv chuôz zis tâu zôngv tênhv tênhz, tax 80% ntâu. Zơưv Thox A Dế, Phưv chủ tịch UB huyện Mường Nhé puz pâuz: Hâux lưv uô tiêr thiêz chox lol sir zôngv côngz tsinhx cungz tênhv tênhz trâu têx jêx jos nhoz đề án 79 sâuv thax tsav têx xã Sín Thầu, Chung Chải, Mường Nhé, Mường Toong thiêz Pá Mỳ zuôr chox lol chêx cuk lok six tsênhv tsênhz phưx vưv tsôngv box li luz nênhx xênhz huôx thiêz uô kôngz nuv, gôngr phênhv cxơưz tiês huôv tsar kinh têr, cux xưk li taz por txiv ngaz chinhr trị, taz por xã hội sâuv thax tsav, côx phax têz qơưk: “Cxôngx thâuv ntêx txos nhiv no têx ziv chuôz zis tsôngv box tsi muôx tênhv tênhz sir zôngv, nhiv no muôx mak pox nhuôs lok six jông siêz, thâuv muôx tênhv tênhz pâuz ntâu đuô têx xor mông, vênhx huôv, xã hội, muôx ti vi, điện thoại zôngv...txơưx hlôngr yiêz tsoz chos, pox nhuôs li vênhx huôv cux hlôngr yiêz jông”.

          Lơưr zơưv Trần Đức Dũng, Phưv giám đốc Công ty tênhv jos Điện Biên: Tas nro pênhr yưv uô côngz tsinhx cungz tênhv tênzh trâu 15 jêx jos nhoz Mường Nhé zos 15 tỷ đeiv, phưx vưv cungz tênhv tênhz ngaz tul trâu 600 ntâu ziv chuôz zis. Six hơưv zuôr txos, taz viv zuôr chuôz tsar têx huôx tôngv yax mông chiê tsôngv box pâuz thiêz sik côngv jông hâur hâux lưv por vêv tênhv tênhz; sir zôngv tênhv taz por, cxênhx txuôk thiêz muôx chêx cuk. “No zos cán bộ nganhx tênhv tênhz li têx sir jos chiê chaz tik  tênhv tênhz txos pox nhuôs, huôv tsar kinh têr sâuv thax tsav huyện Mường Nhé. No zos hur si cán bộ têx sir jos hâur six hơưv đhâu, uô li chas chiê cov muôx tênhv tênhz txos pox nhuôs nzor tiv zix hâur six hơưv kaz shôngk shông thiêz cux zos six hơưv uô ntêx nox tsiêz 30 têz qơưs”.

          Tưz zuôr xar txos tsiêz 30 têz qơưs, muôx tênhv tênhz tik txos jêx jos, tsôngv box Mường Nhé ziv muôx cêr shir phaz đuô tâu nox iz luz tsiêz lov jêv đuô trơưk siêz xar njôngr cxôngx ntâu shông đhâu lol./.

(Vũ Lợi- Txâur Vax cxeik nhênhv)