Jax thưr 6, hnuz 20/11/2015

Uô jông trâur nuv shux xênhz nhoz tsêr cơưv niêv txir zus mor trâu shux xênhz tox siêz Mường La

Đros Nzuôv Xênhv Shôngx, shux xênhz lớp 5A, tsêr cơưv cxênhx iz Nặm Păm, huyện Mường la thiêz ntâu lênhx fôngx zưs đros cơưv uô cê, iz hnuz tuôx tsêr cơưv nhiv no tưz tsênhv tsênhv zos iz hnuz shir phaz, lov jêv. Tsêr nhoz đêz tsêr cơưv muôx 15 cêik, taz sik chor shux xênhz tưz tsi trâus nhoz hâur têx luz tsêr fênhz suôz lav uô lav nhoz, tsi trâus zuk uô zuk mor nox li đrav ntêx. Txix thâuv tsêr cơưv tsưr tsix uô jâuz uô mor nox chêx tsôngk trâu shux xênhz ntơưv tsêr cơưv, Nzuôv txox cêr cơưv txux tưz tsi yuô txov thiêz phiv liv li thâuk ntêx. Tsêr cơưv cxênhx iz Nặm Păm zos  huyện Mường La iz xã tox siêz, shux xênhz phênhv ntâu zos heir nênhs tsơưs li: Thêir, Hmôngz, Kháng, La Ha. Ntâu lênhx vax tsêr nhoz kuôk đêz tsêr cơưv muôx yênhx châuv cêik viv li têx ziv chuôz zis tsuv tuôx uô têx luz tsêr fênhz suôz nhoz jê tsêr cơưv trâu chor nhuôs nhoz cơưv ntơưr. Tuôx nox nhoz cơưv ntơưr txov nhêv njuôr tưz uô hiêv tsi tsơưs txos têx nhuôs cêr cơưv txux. Txix qênhx shênhx no, thâuv kaz shông 2013, Ban giám hiệu tsêr cơưv tưz hu zâuv têx lênhx cưk kriê ntơưr, shux xênhz niêv txir thiêz tsôngv box sơưr đơưk siz chos đros paz nhiêx, shôngz ntông, hnuz côngz lox tôngv cxiv uô yiêz, kho đuô 5 qar tsêr lớp cơưv, qơư tơưv trôngx, đros trâu qơư nox nhoz, uô jâuz uô mor cov khor kho, đu lus, hur si chiê tsưr tsix uô jâuz mor nox chêx tsôngk trâu 92 lênhx shux xênhz nhoz hâur tsêr cơưv niêv txir zus mor. Tâu nox nhoz, xênhz huôx chêx tsôngk, chor nhuôs shux xênhz đas jos, tsơưr lươngv cơưv ntơưr tưz gra siêz jux juk, tsi muôx shux xênhz tso ntơưr tsês li đrav ntêx. Xã Pi Toong muôx 4 qơư tsêr cơưv, 13 qơư cơưv, zuôr xar 1.800 lênhx shux xênhz. Paz têx shux xênhz muôx vax tsêr nhoz đêz tsêr cơưv tso siêz nhoz cơưv ntơưr, shông cơưv nhiv kruôr đhâu, xã tưz yax kriê, vênhv tôngv hâu nov, đoanx thêv thiêz tsôngv pêx xênhv sơưr đưk siz chos paz tâu 400 tsov đeiv ntâu thiêz yênhx cxênhz hnuz côngz chiê cxiv uô iz qơư cơưv shux xênhz nhoz hâur tsêr cơưv niêv txir zus mor, muôx 2 qar tsêr nox mor, qơư uô jâuz mor thiêz têx côngz trênhx txơưr đuô. Txix thâuv tsưr tsix qơư cơưv shux xênhz tuôx nhoz hâur tsêr cơưv niêv txir zus mor, chor cưk kriê ntơưr tsi tsuv muk trâu yênhx jêx jok chiê hu zâuv têx shux xênhz tuôx tsêr cơưv, cơưv ntơưr, têx qơư cơưv thâuv tưs shux xênhz tưz tuôx cơưv cxix cxuô. Txos nhiv no, têx tsêr cơưv hâur thax tsav huyện Mường La tưz bax uô tâu 116 qar tsêr nhoz trâu shux xênhz nhoz hâur tsêr cơưv niêv txir zus mor, 18 qơư uô jâuz mor nox trâu shux xênhz. Ciês shông cơưv 2014-2015, luôs hâux lưv cxiv uô jông thiêz khor têx tsêr cơưv muôx shux xênhz nhoz hâur tsêr cơưv niêv txir zus mor tâu tsưr tsix, đoanx thêv, tsôngv box ntơưv qơư jông siêz, thôngx ziv paz, tưz hu zâuv sơưr đơưk paz tâu xar muôx 650 tsov đeiv, têx cưk kriê ntơưr thiêz shux xênhz niêv txir yênhx cxênhz hnuz côngz, shux xênhz 2.200 hnuz côngz chiê uô têx qơư uô jâuz mor nox, cxiv kho qơư nox nhoz….jux juk uô tâu trơưk tsir ziv, siêz xar tso têx nhuôs shux xênhz nhoz hâur tsêr cơưv niêv txir zus mor. Iz chas uô jông lơưr têx chei paz cxur, nhiêx nox trâu shux xênhz, têx tsêr cơưv cux tsưr tsix trâu chor nhuôs shux xênhz uô iz kro mê njik têx vax jâuz, tu zus keiz buô huv đros, cê choz kriê tsưr ziv uô nênhx, cê hlôngr pluôk nox trâu têx shux xênhz. Huyện Mường La txos nhiv no tưz tsênhv tsênhv khưx phưx shux xênhz cxênhx iz thiêz cxênhx 2 tso ntơưr tsês cơưv tsi tas tsi tiêr; tsơưr lươngv kriê thiêz cơưv ntơưr tâu gra siêz jux juk. Ntơư zos luôs hâux lưv uô tâu jông trâur nuv shux xênhz nhoz hâur tsêr cơưv niêv txir zus mor, paz cxơưz gra shux xênhz thax tsav tox siêz tsưr ziv, siêz xar hâur cêr cơưv txux./.

Phênhv thưr 6: 20/11/2015

PHÊNHV NRIÊR PÂUZ HÁP LUẬT

 

Tsôngv pox nhuôs sơưr đơưk hmor yuô! Hâur phênhv nriêr pâuz pháp luật ciêz no, pêz tror xã trâu tsônv pox nhuôs sơưr đơưk têx cuiz tênhv lok luật đêx ar.

Grê 7. Nênhs muôx txơưx jênhv trâu têz qơưk đros hâux lưv sir zôngv ar

1. Nênhs sơưr thơưx tsưr tsix, tsưr tsix saz đrâuv têz qơưk muôx txơưx jênhv ngoại giao, doanh nghiệp muôx pênhr yưv saz đrâuv têz qơưk đros zuk tsưr tsix li hâux lưv sir zôngv ar.

2. Chủ tịch UBND xã, phường, thị trấn đros hâux lưv sir zôngv đêx ar kôngz nuv trâu tsưr ziv côngz; ar tsi zos uô kôngz nuv tưz choz trâu UBND xã, phường, thị trấn (đrav kaz no hu cxuô zos UBND cấp xã) chiê zôngv trâu tsưr ziv cxiv uô tsêr uô hâux lưv ủy ban thiêz chor côngz trinhx công côngv phưx vưv huôx tôngv vênhx huôv, zoz zux, y tế, thể dục, thể thao, qơư uô si, ciêz, qơư nza thiêz tiv phaz li chor côngz trinhx txơưr đuô.

3. Nênhs hlôngr njêx muôs trâu côngv thôngx pêx xênhv đros hâux lưv sir zôngv ar tưz tâu choz trâu côngv thôngx pêx xênhv.

4. Nênhs sơưr thơưx cơ sở tôn giáo đros thiêz hâux lưv sir zôngv ar tưz choz trâu cơ sở tôn giáo.

5. Tsưr chuôz zis đros thiêz chuôz zis li sir zôngv ar hâur chuôz zis.

6. Tiz nênhs, nênhs Việt Nam nhoz saz đrâuv têz qơưk đros thiêz zuk li hâux lưv sir zôngv ar.

7. Nênhs muôx đros qênhx sir zôngv thax ar lok sik nênhs hlôngr njêx muôs trâu paz nênhs muôx qênhx uô cê sir zôngv ar đros thiêz hâux lưv sir zôngv kror ar co.

Grê 8. Nênhs muôx txơưx jênhv trâu têz qơưk đros thiêz ar tâu choz chiê sêiz car.

1. Nênhs sơưr thơưx tsưr tsix muôx txơưx jênhv đros hâux lưv coangr lik ar li đrav kaz:

a) Tsưr tsix tâu choz coangr lik chor côngz trinhx công côngv, zos côngz trinhx cêr zoz thôngz, qox, kror tso đêx, ntus cêr, cxiv luôs côngz đêx, cxiv luôs tso đêx, cxiv luôs côngz trinhx đêx liv, njưs thêir đêx; quảnng trường, tượng đài, fiêx txi côngv;

b) Tsưr tsix kinh tế tâu choz coangr lik thax tsav ar chiê uô chor dự án yưv pênhr lơưr tsưr ziv cxiv tsa-choz zok (BT);

c) Tsưr tsix tâu choz sêiz car ar muôx têx đêx lox thiêz ar muôx đêx tsik so sir zôngv;

d) tsưr tsix huôv tsar cuiv ar tưz tâu choz sêiz car cuiz ar sâu tsês lơưr cơ quan têz qơưk muôx qêhx li cuêz tênhv sâu ar tsês.

2. Chủ tịch UBND cấp xã muôx txơưx jênhv đros hâux lưv coangr lik ar sir zôngv trâu tsưr ziv công côngv tâu choz chiê sêiz car, ar tsik tâu choz, ar tsik tâu muôz ntiêr ntơưv tiv phaz.

3. Chủ tịch UBND tỉnh, thành phố muôx txơưx jênhv đros hâux lưv sêiz car ar tsik tâu sir zôngv ntơưv têx poz hiêr tsik tâu muôx nênhs hoz ntơưv tiv phaz.

4. Nênhs hlôngr njêx muôs trâu côngv thôngx pêx xênhv muôx txơưx jênhv đros ar tâu choz trâu côngv thôngx pêx xênhv chiê por vêv, huôv tsar jôngr lơưr pháp luật li cuiz tênhv lok por vêv thiêz huôv tsar jôngr./.

( Tuyết Lan-Lik Thox cxêik-Riê Lâux, Lik Thox  nhênhv)

( Lường Hạnh- Riê Lâux cxeik, nhênhv)