Lai Châu: Tsôngv box tox siêz chuv tôngv por vêv tsiêx cxu hâur chei ntux no

Xã Nùng Nàng, huyện Tam Đường nhoz siêz đuô ntus đêx hiêr 1 cxênhz 200 yiv, niêx shông ntux no njiv. No cux zos qir tiv uô kôngz nuv tiv phaz yax six trâus ruôr hiêv tiv qiv hơưv no njiv, hâur co muôx paz tsiêx cxu. Khov tsôngv box chuv tôngv cxênhx tsês zav nox, their guôx tu zus mak hâur têx hnuz ntux no njiv nhiv kruôr đhâu, tiv phaz li paz tsiêx cxu muôx zuôr xar 5 cxênhz tul tsi trâus tuôs no. Zơưv Hầu A Lỳ, nhoz jos Lao Tỷ Phùng, xã Nùng Nàng, huyện Tam Đường puz pâuz:

          “ Thâuv ntêx cur chuôz zis khênhr tso tưv pêv têx yar jâuz, tsi pâuz txos hâux lưv no, viv li tâu chinhr quyênx xã tuôx yax mông cxênhx tsês nhaz blês thiêz chos tâux nxư cxênhx tsês hâur cheix ntux no. Cur tror their đuô guôx cơư, cxênhx tsês nhaz blês trâu tưv nox, chiê tưv tsi trâus tuôs no trâus moz gênhs”

          Nùng Nàng zos huyện Tam Đường luz xar uô kôngz nuv, phênhv ntâu zos tsôngv box Hmôngz nhoz uô nênhx thiêz pox nhuôs luz nênhx phênhv ntâu khov txos uô xênhz yar kôngz nuv. Tas nro xã muôx 5 cxênhz ntâu tul tsiêx cxu, phênhv ntâu zos nhux tưv nhux đas, nênhk, yik thiêz no cux zos tsôngv box tiv phaz li têx tsiv gri hâur chuôz zis. Chiê taz por trâu paz tsiêx cxu, uô ntêx thâuv txos chêix ntux no, chinhr quyênx tiv phaz tưz yênhx lix têx tuêv yax mông txos têx jêx jos chiê vênhv tôngv tsôngv box kho đuô guôx, cxênhx tsês jâuz tâux thiêz lơưr tsiêx cxu lok cơư hâur têx tsêr guôx.

          Zơưv Ma Cang Dinh, Chủ tịch UB xã Nùng Nàng, huyện Tam Đường puz pâuz:

          “ Chiê taz por trâu paz tsiêx cxu, xã cux tưz vênhv tôngv pox nhuôs chos tâux nxư chiê muôx nzirzav nox trâu tsiêx cxu lok cheix ntux no. Mênhv chêx jôngr hâur xã cux đar, viv li cxênhx tsês jâuz krâur hâur jôngr cux ntâu. Xã cux yênhx lix têx tuêv mul têx jos vênhv tôngv pox nhuôs phax tar ntux no trâu tsiêx cxu thiêz mul qênhz yuôx yênhx ziv chuôz zis, cux xưk li heik kriê têx ziv chuôz zis their têx tsêr guôx thiêz uô guôx li chas cov huv đros”.

          Chiv tsâux yiêz shông 2017-2018, tỉnh Lai Châu trâus ruôr hiêv zuôr xar 900 tul tsiêx cxu, hâur co tiv phaz trâus ruôr hiêv hnhar tiv zix zos huyện Than Uyên 400 ntâu tul. Nhiv no tas nro tỉnh muôx 350 cxênhz ntâu tul. Cxôngx qênhx shênhx qiv hơưv grês kis thiêz tsi so txơưr txar têx hnuz đhâu, nganhx kôngz nuv Lai Châu tưz muôx ntâuz ntơưr sik côngv đros nganhx muôx txơưx jênhv thiêz chinhr quyênx têx tiv phaz sir jos yax mông vênhv tôngv tsôngv box chuv tôngv tsês chiê jâuz tâux, their guôx cơư, tsi chiê tsiêx cxu trâus tuôs no, tuôs yeiz; thôngx cxix chuôz tsar seiz car moz chiê chuv tôngv tir tar.

          Zơưv Hà Quang Huy, Phưv giám đốc Sở kôngz nuv thiêz huôv tsar nôngx cxênhz tỉnh Lai Châu puz pâuz:

          “ Cheix ntux no shông 2018-2019 zuôr muôx ntâu txơưr txar, têx jiês ntux no shông no uô zênhr shar lok six ntâu txos uô xênhz yar kôngz nuv tiv zix zos por vêv paz tsiêx cxu, keiz ok sâuv thax tsav tỉnh. Pêz cux tso tơưv têx ntâuz ntơưr chiê sik côngv đros UB têx cấp, tiv zix zos cấp cơ sở lok côngz xưv yax mông, vênhv tôngv tsôgnv box chuv tôngv phax tar yeiz thiêz no trâu tsiêx cxu...”

          Tsiêx cxu zos tsôngv box nôngx mênhx tox siêz Lai Châu li têx tsiv gri hâur chuôz zis. Têx hnuz no, tsôngv box mênhx cxưx têx tiv phaz puôr lênhx chuv tôngv lơưr tsiêx cxu pêv har jôngr lok cơư hâur guôx, qơư tsov txos zos taz por đas jos thiêz tsơưr lươngv trâu tsiêx cxu hâur chuôz zis./.

( Khắc Kiên- Txâur Vax cxeik nhênhv)

Cưk kriê ntơưr Trần Thị Hải Yến-lênhx nênhs paz uô qơư txuôk txix chor nênhs siêz jông đros chor shux xênhz thax tsav txov nhêv Sơn La

Cưk kriê ntơưr Trần Thị Hải Yến nhiv no zos cưk kriê ntơưr ntơưv tsêr cơưv nhuôs zâu Chiềng Kheo, xar Chiềng Kheo, huyện Mai Sơn, Sơn La. No zos tỉnh Sơn La iz hâur chor thax tsav 3 tsênhv txov nhêv tiv zix.

Xênhz zus thiêz hloz lox hâur chuôz zis txov nhêv taz sik gruôs thiêz sir jos cơưv ntơưr, cưk kriê Yên pâuz tâu thiêz xar njôngr txos chor shux xênhz xênhz pluôs nhoz đêz, tox siêz li têx phiv liv hâur luz nênhx. Hâur 20 ntâu shông uô hâux lưv, tsik hêik txos ntux yar ntux nas, cưk kriê Yến tsik so zos nênhs paz uô qơư txuôk txix chor nênhs siêz jông đros shux xênhz thiêz chuôz zis shux xênhz pluôs txov nhêv. Cưk kriê tưz muôx njêx  muôs txos 40 ntâu jêx jok nhoz tox siêz, nhoz đêz zos huyện li chor xar txov nhêv. Têx cê muk lok nkâuk lêv, ndê tox, đaz tuôs, cêr zâu muôx ntâu poz jêz; têx hnuz ntux lok nas chuôs tsi nhav jơưk; têx jiês trâus ntos ntơưv têx ntus kaz tsuô siêz…tưz tsik zos uô trâu cưk kriê cxơưx mak tsênhv paz trâu cưk kriê muôx siêz đuô chiê paz trâu têx shux xênhz nziv hluz. Cưk kriê Yên hêik: ntâu jiês muk trâu têx jêx jok tox siêz iz lênhs, têx hnuz ntux lok nas, cêr bluô nhav, ntos ntâu jiês, trâus moz, trâus saz, mak tsuôk pâuz jâuv kuôx, kuôx tas chêk ho tror muk, txos thâuv ưus têx nênhs siêz jông chor hax huv muôz puz tâu muôz txos trâu pox nhuôs mak thiêx tso siêz:

“Đros thax tsav tox trôngz, tox siêz li ntơưv pêz no mak njiz lok six ntâu phiv liv, kror phiv liv lox tiv zix lok thax tsav thiêz cêr muk lok, muôx hnuz mak njiz ntux nas, lok nas lox, đêx ntưk sâuv trôngz lok chuôs tsi, kaz cêr ho zos kaz tsuôk toz, viv li lok six nyêi, thâuv co mak chuôs li luz nênhx zos khov trâu txox hmông lơưv xưz. Taz sik cux sir jos chiê muk đhâu têx ntu cêr co cov txos tâu trâu chor shux xênhz thiêz têx tuz nhuôs tsôngv box pluôs”.

Têx shông đhâu, cưk kriê Yến tưz uô qơư txuôk đros ntâu đoanx nênhs siêz jông njuôk shuôk, kho moz trâu chor shux xênhz trâus khik ndâux, trâus moz plơưr…thiêz paz trik yo, khâu, chuôz zênhx cơưv ntơưr trâu yênhx cxênhx lênhx shux xênhz. Xav ciês hâur shông 2018 no, cưk kriê Yến đros chor nênhs siêz jông tưz paz muôx 2 tấn ntâu ntơưr cơưv trâu chor shux xênhz tas nro 3 cxênhx cơưv nhoz têx xar thiêz zuôr xar 5.000 fâu ntơưr, đros cxuô zav trik yo, chuôz zênhx cơưv ntơưr txơưr đuô. Nhiv kruô no zos paz yênhx châuv txox fuôv trâu chor shux xênhz qơư trâus đêx cuôr yôngz Nà Ớt, huyện Mai Sơn…cưk kriê Yên hêik: Zuk pov lok six shir phaz viv thâuv paz tâu trâu chor shux xênhz, chor nhuôs, vav tiêk chor nhuôs zuôr muôx nzir cêr shir phaz sir jos đuô hâur cơưv ntơưr:

“Kror tưs phiv liv zos zuk sir jos mak cux zuôr uô tâu đhâu xưz, tiv iz zos muk kriê ntơưr, muk đros trâu chor shux xênhz mak zuk tsuv sir jos muk cov txos chiê chor shux xênhz tsênhv tok trơưr zuk njiê pov tâu zuk; tiv oz zos muk đros chor tuz nhuôs tsôngv pluôs mak lơưr tsênhv tok zuk chiê tâu khơưk muôz huv paz”.

Huyện Mai Sơn nhiv no muôx 2.500 ntâu cán bộ, cưk kriê ntơưr hâur nganhx zoz zux. Cux xưk li cưk kriê Yến, yênhx lênhx cưk kriê cux tsênhv sir jos, tas siêz njưl viv côngz xưv kriê ntơưr trâu cxênhx nênhs tov ntêx no. Zơưv Nguyễn Văn Phát, Phưv trưởng phongx Zoz zux huyện Mai Sơn puz pâuz:

“Hâur ntu đhâu cux muôx lok six ntâu lênhx cưk kriê ntơưr thâuv uô côngz xưv ntơưv têx thax tsav txov nhêv mak tưz muôx tâu têx hâux lưv uô xar hôiv lok six jông, tsiv gri trâu chor shux xênhz nhoz thax tsav txov nhêv. Chor cưk kriê muôx têx hâux lưv uô siêz jông, hêik têx tsưr tsix, tiz nênhs cxaz chuôz sik côngv paz trâu chor shux xênhz nhoz têx qơư txov nhêv, têx thâuv tsênhv zos cxiv uô tsêr, lớp cơưv ntơưr trâu chor shux xênhz thiêz”.

Chor cưk kriê ntơưr têx hâux lưv uô tsênhv tsênhz, siêz jông co nhoz huyện Mai Sơn tưz thiêz tsênhv paz tsik tsơưs trâu côngz xưv zoz xux nhoz tỉnh tox siêz Sơn La, mak uô ntêx zos paz trâu chor shux xênhz nhoz têx xar txov nhêv muôx nzir tsar tov tuôx tsêr cơưv ntơưr chiê txix co paz hlôngr yiêz đuô luz nênhx, cxuôv yêiz thiv pluôs./.

(Hoàng Long-Lik thox cxêik nhênhv)