Muôz siêz pox niêv mênhx cxưx tsơưs nênhs li qơư sơưr

Pox niêv mênhx cxưx tsơưs nênhs muôx zuôr xar 7,1 tsov lênhx, tsav zuôr xar 50% nênhs mênhx cxưx tsơưs nênhs. Zos thâuv ntêx pox niêv mênhx cxưx tsơưs nênhs thâuv tưs cux zos têx lênhx nênhs tsi tâu seiz tsiv grê, mak nhiv no, Việt Nam tưz tâu Liên hợp quốc ntâus grê zos 1 hâur 10 têz qơưk uô jông tiv zix qơư tsov txos lok cxơưz tiês txir nênhx pox niêv vax huôv siz luôs thiêz choz vax huôv trâu pox niêv thiêz mê nhuôs nxeik hâur têx tsưr ziv huôv tsar truôx vênhs. Ntơưv ntâu thax tsav mênhx cxưx tsơưs nênhs, hâux lưv tsoz phưz thiêz muôz siêz pox niêv li qơư sơưr tưz thiêz tsênhv muôx ntâu hlôngr yiêz jông. Pir li nhoz xã Ngọc Chiến, huyện Mường La, tỉnh Sơn La, iz luz hlik iz jiês, tuêv yax mông jênhv số tsưr ziv xênhz zus nhuôs thiêz tsoz phưz đas jos xênhz zus xã sik hlôngr muk têx jêx jos yax mông. Niêv lâuk Nguyễn Thúy An, cán bộ y tế xã Ngọc Chiến pheiz kênh: "Luz hlik tưs pêz cux uô uô cê hâur têx jiês cxax yuôx phax moz trâu mê nhuôs. Jux jus pox nhuôs hlôngr yiêz siêz xar, lơưr chiv chir chox mê nhuôs tuôx cxax yuôx thiêz mnôngs zuk yax mông cux chôngz"

          Đros têx trâur nuv krêz uô nhoz cấp cơ sở li Ngọc Chiến, côngv đros ntâu chính sách y tế, txos nhiv no pox niêv mênhx mênhx cxưx tsơưs nênhs tâu zôngv y tế tưz tâu hlôngr yiêz ntâu. Tưz muôx 70% ntâu pox niêv mênhx cxưx tsơưs nênhs tâu seiz njuôk shuôk mê nhuôs hâur yênhx hli, 98% nênhs mênhx cxưx tsơưs nênhs muôx ntơưr BHYT.

          Đros hâux lưv tsoz phưz thiêz chiê têx pox niêv mênhx cxưx tsơưs nênhs tâu tsoz phưz y tế, iz hâur têx hâux lưv cuiz tênhv txir nênhx thiêz pox niêv vax huôv siz luôk thiêz muôz siêz pox niêv mênhx cxưx tsơưs nênhs li qơư sơưr zos cxơưz tiês lơưr cxaz chuôz têx huôx tôngv kinh têr, muôz siêz pox niêv li pưs txux hâur chuôz zis.

          Ntơưv Nghệ An, đrâuv hâux lưv cxiv tsa têx trâur nuv, têx cấp hội pox niêv tỉnh tưz chêx chôngk vênhv tôngv hội viên pox niêv cxaz chuôz Đề án paz txưv pox niêv huôv tsar cêr uô nox. Khov co, đề án tưz zaz zâuv tâu chôngz pox niêv cxaz chuôz đros muôx 2 cxênhz ntâu tsưr ziv. Niêv lâuk Nguyễn Thị Thanh Hương, Phưv chủ tịch Hội liên hiệp pox niêv huyện Tân Kỳ, tỉnh Nghệ An puz pâuz: "Thâuv uô đề án pox niêv huôv tsar cêr uô nox qir thơưx uô pêz cux njiz ntâu phêv liv. Taz sik đhâu iz ntu pox niêv tưz hlôngr yiêz jênhv pâuz. Pox niêv cxaz chuôz tuêv sik hux jos ziv hnuz ziv chôngz đuô. Txơưv zos trâur nuv huôv tsar cêr uô nox tsi tâu tax chêx cuk siêz, taz sik tưz qir paz pox niêv pâuz tsênhz đuô lok hâux lưv huôv tsar cêr uô nox thiêz chiv chir huôv tsar cêr uô nox hâur chuôz zis".

          Iz hâur têx chêx cuk jông txơưr hâur muôz siêz pox niêv mênhx cxưx tsơưs nênhs li qơư sơưr nhoz pêz têz qơưk zos cxơưz tiês pox niêv mênhx cxưx tsơưs nênhs cxaz chuôz têx chiz coaz têz qơưk. Zos côx hôiv khóa 14, muôx 36 teiv plor zos pox niêv mênhx cxưx tsơưs nênhs tsav 42% teiv plor nênhs mênhx cxưx tsơưs nênhs, mak txos nhiv no côx hôiv khóa 15, têx pox niêv mênhx cxưx tsơưs nênhs ndê txos 44 teiv plor tsav zuôr xar 50%. Nhoz tiv phaz, cán bôv, công chức, viên chức pox niêv zos nênhs mênhx cxưx tsơưs nênhs cux ziv hnuz ziv chuôz ndê.

          Sâuv têx chêx cuk tax tâu pox niêv li pưs txux tâu muôz siêz, hâur co muôx pox niêv mênhx cxưx tsơưs nênhs tror tâu Đảng, pêz têz qơưk tsov cưv thâuv cxiv tsa thiêz uô chính sách. Tsaz yênhx huôv tsar KTXH thax tsav mênhx cxưx tsơưs nênhs thiêz tox siêz ntu 2021-2030 tưz tsês dự án sô 8 trâu hâux lưv uô txir nênhx pox niêv vax huôv siz luôs thiêz car chêx têx vênhv thix zuôr trâus đros pox niêv thiêz mê nhuôs. Dự án zos Trung ương Hội liên hiệp pox niêv VN lov lik cxiv tsa, sik côngv đros UB mênhx cxưx zos chiz coaz coar lik têz qơưk lok côngz xưv mênhx cxưx chiê krêz uô. Pos Hoàng Thị Hạnh, Thứ trưởng Phưv chủ nhiệm Ub mênhx cxưx puz pâuz: "UB mênhx cxưx tưz sik côngv đros Hội liên hiệp pox niêv VN chiê krêz uô đề án. Uô ntêx zos tsuv xav tênhv tul tsi zos zuôr trâus đros pox niêv nhoz thax tsav tsôngv box mênhx cxưx tsơưs nênhs mak dự án no heik txos. No chênhr zos vênhv thix jênhv pâuz lok cxênhx txir nênhx pox niêv, lok paz pox niêv mênhx cxưx tsơưs tâu zôngv têx jix vuv lok y tế, zaoz zux, cxuôv por tsês têx phênhz pêx lok cxênhx txir nênhx pox niêv chiê pox niêv mênhx cxưx tsơưs nênhs tâu cxaz chuôz tas đros têx huôx tôngv xã hội. Thiêz ban cán sự Đảng, Ub mênhx cxưx cux tưz thôngx ziv đros têx bộ, ban, nganhx muôx lênhx coaz txos hâux lưv krêz uô têz qơưk li chủ trương Đề án lox uô uô cê hâux lưv txir nênhx pox niêv vax huôv siz luôs hâur têx dự án tsênhv yuôr hâur tsaz yênhx"./.

(VOV4-Txâur Vax cxeik nhênhv)