Jax sâu thưr 7, hnuz 20/2/2016:

Hêir nênhs Giáy Quang Kim –Laox Cai, tsưr tsix ntênhk uô chiv kôngz yiêz

 

 

Txix thâuv têis cik sơưr nzor, hur si tsôngv px nhoz 18 luz jos thiêz xênhv vax nhoz xã Quang Kim, huyên Bát Xát, tỉnh Laox Cai tưz tuôx cxix cxuô trâu ntơưv tsênhv qơư xã thiêz muôx tsôngv kruô cux tuôx đros côngv cêr lov jêv. Lý Thị Phương Lai, shir phaz lul hêik:

: “Zos iz lênhx nênhs nhoz trâu tsênhv qơư thiêz cux uô côngz xưv trâu ntơưv no, cur sêiz pov cxuô trôngx jâuz mor grêix muôx cxix cxuô, cur cux jông siêz hênhr thiêz ntơư cux zos iz shông khưr tâu nox tâu hnar, uô nênhx shir phaz lul. Hla trâu shông yiêz, thor cov sđ nhoz khax nhoz jông, tsik muôx moz gênhk, khưr tâu nox tâu hnar, njiz ntâu cêr vav mênhx hâur luz nênhx”.

Uô ntênhk chêi đaz kruôk, hâur iz luz jos, iz xênhv nênhs, nhiêv uô txơưr lơưv nhiêk, tsik siz thôngx; nhiêk bax nhiêk iz kror qơư chiê txi côngk ntux, txi côngv đaz xênhz têz xênhz qơư. Hâur cxuô trôngx txi côngv ntơư, muôx cxix cxuô jâuz mor, grêix, kê hâu, nduôr, chơưr…chiê thor cov iz shông muôx ntux yar ntux nas lok paz zưs sđ têx kôngz lôngk hloz jông, sâu tâu nju kôngz, sđ muôx đas muôx jos, tsik muôx moz gênhk, sđ uô nênhx yar ntux đris.

Đhâu ntơư, tsôngv px sđ ho sik tưr lêix têz, tsêz chos kôngz lôngk hâur shông yiêz. Chor sik tưr lêix têz, chos kôngz lôngk ntơư, zos cxuô paz nhoz trâu cxuô luz jos tuôx sik tưr uô đros trâu nthuôr ntâu cêr lov jêv li: Yuôz trax, hêik cưr cxiêx, đhia pax vuôs, por poz, tso kêiz siz ndơư, tưr tuôr nduôr….Zơưv Trần Váưn Ngọc, chủ tịch uỷ ban xã Quang Kim, huyện Bát Xát, tỉnh Laox Cai hêik pâuz:

 “Ntênhk hội tsêz chos kôngz lôngk hauar shông yiêz, tâu tsưr tsix zos đrêiv hêir nênhs Giáy chêi đaz kruôk; ntơư zos tsuv muôx tưv lêix têz, tsêz chos kôngz lôngk, por poz…Ntơư zos têx chêi đaz kruôk, thor cov muôx ntux yar ntux nas lok zưs sđ têx kôngz lôngk hloz jông, sâu tâu nju kôngz”.

Hêir nênhs Giáy Quang Kim ntênhk hội, tâu uô ndax trâu liêz hnuz hli Hmôngz. Ntơư zos iz ntênhk hội thor ntux yar ntux nas lok paz zưs sđ têx kôngz lôngk hloz jông, sâu tâu nju kôngz hâur shông yiêz, sđ muôx luz nênhx tsâu sor./.

                                (Tsu cxêik, nhênhv-An Kiên)

 

 

 

 

 

 

Phênhv thưr 7, hnuz 20/2/2016:

Ntâuk los txir toz-Nênhs Thêir Lai Châu zav txux chi uô si lov jêv hâur têx hnuz tsiêz

 

 

Tsi pâuz mênhx shor muôx thâuv tưs lok, zav txux chi uô si ntâuk los txir toz muôx đros đreiv heir nênhs Thêir luz nênhx. Zav txir heir nênhs Thêir uô si ntơư zos iz zav txir hmaz hâur har jôngr. Txux chi uô si ntâuk los txir toz tâu tsưr tsix zôngx ziv, lênhx tưs cux muôx têx đros uô tâu, txơưv lâuk hluôk, hloz zâu, pox niêv lok sik txir nênhx cux puôr lênhx ntâuk tâu. Thax tsav qơư uô si zos iz mê thiêz tiêx lok sik muôx têx uô hâur têx kaz tsêr tsar lơưx lok tưz tâu. Têx txir toz ntơư muk đê pêv têx har jôngr lâuk lok, nưk zos iz zav hmaz, txi txir tơưr, iz pluôx txir ntêr xar muôx iz zak baz thiêz hâur ntơư muôx txix 4-5 luz nôngz khênhx, đuz; chor txir ntơư ziv uô si ntâu mak ziv chi jông gâux thiêz co cux zos iz zav txir chiê uô si tâu ntêr, tsi pâuz zêis, tsi uô tuôr xuôv, zôngx ziv khơưk tsês chiê.

Los txir toz cux seiz têx thax tsav, qơư nhoz nhiêk muôx nhiêk iz tsưr ziv uô si txơưr tsi siz thôngx, taz sik khênhr tsưr tsix uô đuô hur si mak zos pheiz uô 2 paz, ziv muôx chôngz lênhx đros uô si mak ziv lov jêv. Txir toz thâuv lơưr ntâuk mak muôz luz tso tsa sơưr njus, tuôr iz luz nhoz mê njik đêz tuô muk trâu. Xuz thơưx zos muôz chor los txir toz tsa uô iz hax, đhâu ntơư cêv yar tiêx uô 2 caz, iz caz kuôk iz caz muôx 1,5 txos 2 thiêr. Cux seiz lênhx nênhs uô si, zos lâuk lok nhuôs zâu mak cêv đêz thiêz jê cov fiv đros, lênhx tiz nênhs tưs ziv txơưx ntâuk mak ziv cêv đêz. Heik lok sâuv tsưr ziv ntâuk los txir toz, pos Lò Thị Phái, nhoz Phường Đông Phong, TP Lai Châu heik pâuz nzir:

“ Uô si ntâuk los txir toz muôx lok six ntâu tsưr ziv uô. Xuz thơưx muôz iz luz los txir toz tso ntơưv chor njik ntir tơư chiê tuô muk; đhâu ntơư zos muôz luz los txir toz tso ntơưv hâur châus chiê tuô….”

Hur tiz si 4 jâuk uô si tuô puôr lênhx tuô cov trâus, iz paz uô si li ntơư qir txix lênhx nênhs xuz thơưx tax txos trâu lênhx uô kaz hâur iz tos paz uô si ntơư puôr lênhx tsuv tuô trâus hur si, tas jâuv iz nzênh trâu jâuv 2…., zos iz hâur paz ntơư tuô tsi trâus mak iz lênhx txơưx tuô paz đros tuô lok cux tâu, zos tuô tas nro chor txir toz cux tsi trâus mak tos ntơư sưz. Paz tưs tuô tâu đhâu 4 jiês li heik sâuv mak qir ndê trâu thênhv 2, zos paz tưs hla tsi đhâu ntu tưs mak tso tsês ntơưv ntu co, chiê ntâuk tuô tov kaz. Thiêz no cux chênhr zos six hơưv chiê trâu têx tuz nxeik hluôk luôs  2 chas thax tsav jêx jok, hâur xã sik tưr txux chi uô si, pâuz tâu lênhx nxeik, tuk tuz tưs muôx txux chi jông, txơưx ntâuk thiêz đhâu têx jiês uô si lov jêv hâur hnuz tsiêz li co, ntâu lênhx tuz nxeik hluôk tưz yênhx txix yênhx gơưv, cxiv tsa luz nênhx truôx njês. Zơưv Lò Văn Chom, nhoz xã Mường Cang, huyện Than Uyên, tỉnh Lai Châu heik:

“ Zav txux chi ntâuk los txir toz uô si lov jêv khênhr tsưr tsix trâu têx hnuz tsiêz hâur shôngk shông yiêz. Lênhx tưs cux muôx têx đros uô si tâu taz sik uô si ntêr yax cux zos chor tuz nxeik hluôk. Ntơư cux zos six hơưv chiê trâu pêz kriê têx tuz nhuôs pâuz txos zav txux chi uô si thâuv nzor no thiêz paz por hưv, tuôr tsês chiê zuk heir nênhs têx txux chi vênhx huôv jông đrav ntêx”.

Txux chi uô si ntâuk los txir toz thâuv tưs tưz lov jêv, hnor lênhx nênhs ntâuk zênhx suôz luôs đros suôz kư nxê ntưk, ziv uô trâu muôx cêr shir phaz, lov jêv hâur têx hnuz tsiêz./.

                                (Thúy Ngoạn-Riê Lâux cxeik, nhênhv)