Jax sâu  thưr 2, hnuz 20/3/2016:

Têx cưk yuôx tuz lênhv pênhz phax cêr  sor siêz nhoz ntus đriv Sốp Cộp

     Zơưv Vưx Por Xênhv Shôngx nhoz jok Pu Ha, xã Mường Lạn, huyện Sốp Cộp hnuz nhôngk tưz siêz, tsi so trâus muôx moz gênhs, taz sik têx tuz nhuôs lênhx tưs cux max uô liêx têz viv li chox tsi tâu zơưv muk seiz njuôk shuôs moz tsi so trâu qơư y tế. Niêx hli zơưv puôr lênhx tâu chor tuz lênhv zênhx pênhz phax Mường Lạn, huyện Sốp Cộp tuôx seiz njuôk shuôl moz ciês ntơưv tsêr thiêz pheiz yuôx trâu zơưv nox. Zơưv Por cux tưz tso tsês têx cêr uô nênhx pôngz kaz li: Uô nênhz zêis ntâu chiê kho moz:

   "Thâuv ntêx, lênhx tưs hâur jok trâus moz cux puôr lênhx zos uô nênhz seiz xưz. Taz sik moz tưz tsi jông. Nhiv no, chor cưk yuôx, lơưr tiêk cur trâus moz plaz, lơưr muôz yuôx thiêz heik kriê cur cov nox yuôx cxix cxuô trơưk cui tinhv. Nhiv no pêz tsôngv box tsuôk njênhs ntâu trâu chor cưk yuôx bôv đôiv heik xưz, thâuv muôx moz tsi uô nênhz ntâu li đrav ntêx lơưv".

    Zênhx pênhz phax Mường Lạn nhoz hâur thax tsav xã mường Lạn, huyện Sốp Cộp, seiz car 50 ntâu cêik cêr ntus đriv têz qơưk đros thiêz 16 jok, 2 qơư tsôngv box uô nênhx nhoz, muôx 6 heir nênhs. Zos xã ntus đriv, sơưr đơưk tsênhv tuôr tsês ntâu phôngz cxưx cêr nênhx pôngz kaz, tsôngv box tsi yuô tâu muôx txux chi tsưr ziv lok sâuv tsoz phưz đas jos, phax tar têx moz gênhs..... Đros thiêz chor cưk yuôx pênhz phax, chiến sỹ uô luôs hâux lưv seiz njuôk shuôs, chơưv kho moz hâur zênhx pênhz phax li tsưr ziv, siêz xar zos tsi nyei txov nhêv thiêz phiv liv, niêx hnuz niêx hmo muk trâu yênhx ziv chuôz zis seiz njuôk shuôs moz thiêz pheiz yuôx tsi zuôr nhiêx trâu tsôngv box; đros qơư y tế xã thiêz cấp ủy hâu nov ntơưv qơư tsưr tsix têx jiês fuô kriê lok sâuv tsoz phưz đas jos trâu tsôngv box ntơưv têx jêx jok. Pos Quàng Thị San, nhoz jok mường Lạn, xã Mường Lạn, huyện Sốp Cộp, tỉnh Sơn La heik:

    " Cur nhiêv thiêz njênhs njôngr lok chor cưk yuôx bôv đôiv nhoz no, xưk li zuk lênhx nênhs cxênhz jê hâur tsêr. Thâuv tưs tsôngv box muôx moz mak muôx chor cưk yuôx bôv đôiv tuôx, seiz njuôk shuôs moz trâu pêz tsôngv box. Uô tsâus ntâu txos têx cưk yuôx bôv đôiv nhoz no hênhr".

    Thiếu tá Lương Quốc Thoại,  cưk yuôx bôv đôiv nhoz hâur zênhx pênhz phax Mường Lạn heik: Têx lênhx tuz lênhv, chiến sỹ hâur taz viv puôr lênhx đros đrêiv tsôngv box li" đros tsôngv box nhoz, đros tsôngv box nox, đros tsôngv box uô têx luôs hâux lưv uz no" thiêx pâuz tâu tsênhz lok tsôngv box sơưr đơưk tsưr ziv, siêz xar li chas. Iz chas ntơư, moz siêz txos tsoz phưz luz nênhx nox nhoz, đas jos trâu tsôngv box, paz lơưr luz nênhx iz hnuz tâu gra  siêz jux juk. Uô tâu li ntơư thiêx tâu tsôngv box njênhs njôngr, vênhv tôngv tâu lơưr đros por hưv đriv têz, têx ndêx cxok kuôk cêv ntus đriv:

    "Pêz cux moz siêz sir jos uô hâux lưv, xav tinhv ntơư zos hâux lưv chính trị viv li thâuv jiês iz, jiês 2 tsôngv box tsi tâu njênhs mak pêz cux tror sir jos uô, fuô kriê li chas cov tsôngv box pâuz to tâuz thiêz njênhs, ntơư thiêx zos têx jông, cêr shir phaz thâuv tâu tsôngv box njênhs njôngr"..

    "Zênhx pênhz phax zos tsêr nhoz, đriv têz zos zuk têz qơưk, tsôngv box cxuô heir nênhs zos cưr tix nênhx tsa". Đros thiêz tsưr ziv, siêz xar li ntơư, chor cưk yuôx bôv đôiv nhoz thax tsav  ntus đriv Sốp Cộp tsênhv niêx hnuz sir jos moz siêz lus uô jông hâux lưv tsoz phưz đas jos trâu tsôngv box 2 saz đriv têz Việt-Lào, paz trâu  tsôngv box thiêz têx tuz lênhv pênhz phax nhoz thax tsav ntus đriv ziv hnuz ziv muôx cêr thôngx siêz truôx jông đuô./.

                    (Hồng Việt-Riê Lâux cxeik, nhênhv)   

Phênhv thưr 2 hnuz 20/3/2017:

Chủ tịch côx hôiv Nguyễn Thị Kim Ngân: Tsik chiê Điện Biên fênhx six pluôs

   Lơưr bí thư tỉnh Điện Biên Trần Văn Sơn, Điện Biên zos tỉnh tox siêz faz Tây Bắc têz qơưk muôx ntus đriv ntêr 400 ntâu cêik cêr buôs ti oz têz qơưk zos Lào thiêz Trung Quốc. Tas nro tỉnh muôx 10 taz viv hành chính cấp huyện; 130 xã, phường, thị trấn, hâur co 110 xã txov nhêv thiêz nhoz buôs ntus đriv; muôx 19 mênhx cxưx sik đros uô nênhx nhoz.

Phênhv sâu nhiêx txiêx têz qơưk tiv phaz shông 2016 zos 7.425 tiv đêiv, siêz đuô 10% ntâu pir li njuôk xav. No cux zos shông xuz thơưx ciês tỉnh Điện Biên tax tâu phênhv sâu nhiêx txiêx têz qơưk muôx sâuv thax tsav zos 1.000 tiv đêiv.

Bí thư tỉnh Điện Biên Trần Văn Sơn hêik Chủ tịch côx hôiv tsov cưv, sêiz kaz muôz chor pênhr tsênhv yuôr zos 956 tiv đêiv ntâu chiê Điện Biên yưv uô cov tiêr chor dự án cxuô zav zov chênhr ntơưv chor qơư nhoz yiêz uô tsêr mêir đêx tênhv Sơn La; sêiz kaz uô lơưr Thủ tướng chính phủ li chox kriê lok hâux lưv txar pêx xênhv tsir qơư nhoz tsik zos chêi lok hâur thax tsav huyện Mường Nhé; Côx hôiv nhênhz chơưv kho đuô phênhv paz hâur tsênhv chêi zaz zâuv yưv pênhr đros chor tỉnh Tây Bắc; kho đuô qơư tsar đrêk yêz za Điện Biên Phủ.

Hêik ntơưv jiês uô hâux lưv, Bộ trưởng Bộ kôngz nuv thiêz huôv tsar jêx jok Nguyễn Xuân Cường phêiz kênh đros têx phiv liv, thôngx cxix phôngv jông, shir phaz đros têx chêx cur tỉnh Điện Biên tưz uô tâu.

Cux cik txos tsênhv njiêz no, Tổng giám đốc Đaix TNVN Nguyễn Thế Kỷ hêik tiêk, chiê zaz zâuv chôngz đuô tsôngv kruô tuôx trâu Điện Biên mak kriz uô kho đuô qơư tsar đrêk yêz za zos kror tsuv uô. Thôngx cxix tsuv kho đuô cêv kuôk chiê por vêv jông tiv zix têx di tích têz qơưk.

“Bảo tàng Điện Biên thiêz têx qơư di tích txơưr đuô tsik tâu txâuk chiê hêik lok zênhx liv Điện Biên Phủ. Cur xar mak no tưz tsik zos zênhx liv trâu Việt Nam xưz tsênhv zos kror zênhx liv trâu tas nro, zos zênhx liv trâu kror fêv thiêz siêz xar muôx tâu tiêx tuk”.

Hêik suôv câuv jiês uô hâux lưv, Chủ tịch côx hôiv Nguyễn Thị Kim Ngân ntâuk gri siêz têx chêx cur Điện Biên tưz uô tâu. Chủ tịch côx hôiv hêik tiêk, nhiv no Điện Biên tsênhv muôx chor ziv chuôz zis pluôs siêz tiv zix têz qơưk thiêz qir piz uô kik, cxuô zav muôx tsik tâu txâuk, taz sik Điện Biên cux muôx kror liv lok tsar tov huôv tsar, tiv zix zos du lịch. Điện Biên têx jâuv pluôs lok kinh tế, taz sik tsik pluôs vênhx huôv, kror tsuv hêik zos tỉnh no tuôr chiê thiêz huôv tsar tsik tâu tâu kror no.

Đros cxuô mênhx cxưx nhoz no li siêz xar uô cov Điện Biên huôv tsar đuô, Chủ tịch côx hôiv hêik tiêk, Việt Nam tsuôk muôx iz Điện Biên Phủ xưz mak tsik chiê Điện Biên fênhx six pluôs.

Viv li, Chủ tịch côx hôiv hêik lênhx tov tỉnh no tsuv uô jông lơưr Trung ương Đảng li Nghị quyết, côx hôiv li Nghị Quyết, chor tsênhv chêi truôx tuk xã hội. Chủ tịch côx hôiv hêik, Điện Biên tsuv tsov cưv txos piêr pâuz lok du lịch thiêz uô chor tsưr ziv huôv tsar kôngz nuv huv đros qênhx shênhx nhoz tiv phaz.

“Điện Biên cux muôx ntâu kror jông xưk li Lai Châu thiêz chor tỉnh Tây Bắc, taz sik Điện Biên zos qơư muôx ntâu kror jông, du lịch di tích lịch sử, chiv xênhz thiêz muôx ntâu vênhx huôv mênhx cxưx, no zos kror chiê uô du lịch cov huv đros. Viv li tỉnh tsuv sir jos uô cxuôzav du lịch”.

Lok tỉnh Điện Biên li têx ziv chênhv, Chủ tịch côx hôiv hêik chor bộ, nganhx, chor Ủy ban côx hôiv muôx txơưx jênhv nhênhz chơưv, têz cov huv đros têx cêr chêi. Uô truôx jông lơưr chor lênhx tov Đảng, têz qơưk tưz uô hâux lưv li ntâuk gri, chox kriê ntơưv Điện Biên. Đros hêik cov kriz đar qơư đrêk, tsar yêz za, Chủ tịch côx hội hêik tiêk:

“Lok yưv pênhr kriz đar qơư đrêk tsar yêz za mak uô huv lơưr Thủ tướng chính phủ li ntâuk gri, lơưr cêv kuôk. Taz sik cur pov tiêk, thâuv tsik tâu muôx cêr muk chênhr mak yưv pênhr trâu yêz za nhoz Điện Biên zos kror tsuv uô. Zos uô tsik tâu tâu qơư đrêk tsar yêz za lox đar mak cux tsuv kho đuô qơư nhiv no”.

Jiês uô hâux lưv đros tỉnh Điện Biên cux tưz suôv câuv Chủ tịch côx hôiv thiêz đoanx côngz xưv li jiês uô côngz xưv ntơưv oz tỉnh tox siêz faz Bắc zos Lai Châu thiêz Điện Biên./.

                              (TTT-Lik Thox cxêik nhênhv)