Tsôngv px Yên Bái siz paz hla đhâu têx phiv liv hâur ntu muôx moz

Txơưv tiêk hnuz nhôngs tưz siêz, taz sik zơưv Đỗ Lâm Triết, 83 shông, nhoz jok Đồng Tâm, xã An Thịnh, huyện Lục Yên, tỉnh Yên Bái cux heik nưs tus tuz cov chox nưk tuôx trâu Ủy ban Mặt trận tổ quốc huyện chiê muôz 7 tsov đeiv nhiêx paz trâu cuiv nhiêx phax tir thêir moz Covid-19. Zơưv Triết heik pâuz, niêx hnuz mnôngs Đeix, hnor tiêk moz lok six riêz nênhs thiêz muôx têx huôv xênhz phiv liv, viv li zơưv Triết quyết tinhv muôz chor nhiêx zơưv cxênhx txuôs tâu hâur ntâu shông chiê paz trâu chor nênhs uô hâux lưv phax tar moz gênhs:

“Cur mnôngs Đeix, cur pâuz tsi tiêk zos VN xưz, mak tas nro ntiêx têz kror tưs cux muôx moz, viv li lok six cxơưx lok moz Covid-19. Cur xar tiêk, zuk zos đảng viên cux tsuv uô li chas paz đros phax tir thêir moz, qir txix têx li no, cur tưz muôz mê njik têx nhiêx txiêx txuôs tâu chiê paz trâu huyện phax tir thêir moz gênhs”.

Cux xưk li yênhx châuv cxênhz lênhx canr bôv, công chức, viên chức nhoz Yên Bái, tix lâus Nguyễn Văn Đức nhoz TP Yên Bái heik pâuz: Đros thiêz tsưr ziv xar đros paz phax tir thêir moz, viv li tix lâus thiêz chuôz zis thâuv tưs tưz uô jông lơưr têx cui tinhv cux li cơ quan muôx vax huôv heik kriê:

“Uô lơưr MTTQ VN luk hu lơưk cxuô lênhx sđ lok sâuv gôngr paz nhiêx txiêx trâu phax tar moz Covid-19, cur iz chas paz lok sâuv iz hnuz nhiêx hli, tsênhv nhắn tin xa nhiêx paz hur si thiêz. Lok six xar cov phax tir thêir tâu têx moz heik sâuv nzor chiê sđ muôx luz nênhx truôx tuk li kuz”.

Yuôr pos Vũ Thị Sấu, 90 shông, nhoz jok Yên Dũng, xã Yên Hợp, huyện Văn Yên, viv hluz txos têx lênhx uô hâux lưv niêx hnuz hmo car seiz, qênhz yuôx đal jos, shuôs têx lênhx nênhs mul lok hâur jok, pos tưz thor 2 lênhx nhuôs chox pos muk ciês ntơưv qơư lơưr uô hâux lưv seiz jor jêx jok co chiê paz 50 cxênhz đeiv nhiêx thiêz heik chor hluôk sir jos uô jông hâux lưv zok muôz lok phax tir thêir moz:

“Shông no moz gênhs muôx nhoz cxuô nro hâur hur si têz qơưk, cur pov chor nhuôv no uô hâux lưv niêx hnuz hmo seiz jor, lok six txov nhêv, cur muôx mê njik xưz, no zos cur têx cêr paz đros sđ phax tir thêir moz cux li phax tir ntâuk têx tsi jông”.

Uô lơưr Đảng, têz qơưk, Chính phủ thiêz têx đoanx thêv li luk hu zâuv, canr bôv, chiến sĩ, tsôngv px cxuô heir nênhs, têx doanh nghiệp nhoz hâur thax tsav tỉnh Yên Bái tưz jông siêz, thôngx ziv đros paz phax tir thêir moz Covid-19; paz max uô tsêr nhoz trâu nênhs muôx côngz têz qơưk, chuôz zis pluôs lok six txov nhêv trơưk ntâu faz tsưr ziv li: Nhắn tin, paz chuôz zênhx thiêz nhiêx txiêx.... Têx lênhx nênhs sik đros paz max ntơư iz hnuz muôx ntâu tus chôngz lênhx jux juk. Txix têx tuz nhuôs zâu txos trâu chor lâuk nênhs hnuz nhôngs siêz....puôr lênhx muk txos ntuô ntơưv qơư thiêz muôz zuk têx nhiêx cxênhx txuôs tâu hâur ntâu shông choz txos lênhx nênhs, têx qơư lênhk txeil sđ chor nhiêx siz chos gôngr paz.

Trơưk li Ủy ban MTTQ tỉnh Yên Bái thôngz sâu, txos nhiv no, chor nhiêx mak têx tsưr tsix, lênhx nênhs siz chos paz đhâu taz viv zos 2,4 tỷ đeiv ntâu đros trâu ntâu zav chuôz zêmhx phax tir thêir moz. Pos Nguyễn Thị Bích Nhiệm, Phưv Chủ tịch Ủy ban MTTQ VN tỉnh Yên Bái heik pâuz:

“Uô lơưr Ủy ban T.Ư MTTQ thiêz Ủy ban MTTQ tỉnh lul hu lơưk cxuô lênhx sđ, txos iz jiês no phênhv ntâu têx cơ quan, taz viv, lênhx nênhs hâur thax tsav tỉnh puôr lênhx sik đros paz max, yuôr ntâu taz viv mak lơưr paz ntâu nhiêx txiêx. Muôx têx heik, tsôngv px Yên Bái sik thôngx siêz, siz chos phax tir thêir moz gênhs; uô tsêr nhoz trâu têx lênhx nênhs muôx côngz têz qơưk thiêz chuôz zis pluôs. Iz chas ntơư, cux uô jông lơưr ngênhx y tế heik kriê thiêz Thủ tướng Chính phủ Chỉ thị”./.

(Trịnh Xuân-Riê Lâux cxeik, nhênhv)