Lào Cai muôz siêz pưs txux seiz car bo xeir

Hâur têx hnuz no, UB Mặt trận tổ quốc thành phố Lào Cai tsênhv chêx chôngk seiz car cxuô tsưr tsix li têx ntâuz ntơưr, nênhs ứng cử li ntâuz ntơưr, côngz xưv bax trâu hâux lưv bo xeir li lo bê cử tri, taz por cơ sở cxuô zav ntơưv têx taz viv bo xeir, têx tiv phaz  trực thuộc cxiv tsa tsưr ziv phax tar ntux nas, phax tar moz Covid-19…Nhiv no, 80% ntâu taz viv xã, phường tưz tâu qênhz yuôx, seiz car. Zơưv Đoàn Văn Ngàn, Chủ tịch UB MTTQVN Thành phố Lào Cai puz pâuz:

          “Đrâuv co pêz tsênhv yax six seiz car thôngz đhâu pâuz tâu xor mông, tos jênhv ntâuz ntơưr xa tuôx. Tsênhz mênhx pêz tsi tâu jênhv tâu ntơưr thix ziv tưs muôx lênhx coaz txos côngz xưv bo xeir. Taz sik pêz cux tsuv pâuz tsênhz chiê car chêx, pir li ntơưv têx Phêv ziv sâu zuôr cử tri li ziv chênhv, muôx hâux lưv tưs cử tri tsi tâu to tâuz, xar tiêk tsi zos taz sik đhâu thâuv heik kriê, car chêx cử tri tưz pâuz tiêk pêz tsênhv uô trơưk tsưr ziv, trơưk heik kriê, taz por jênh chuv, tsênhz mênhx”.

          Đros hâux lưv krêz uô côngz xưv seiz car huv đros qênhx shênhx tsênhv tsênhz ntơưv tiv phaz, taz por trơuk cêr chei thiêz tâu tsôngv box thôngx ziv, hâux lưv cxơưz ties yax mông chiê tsôngv box jênhv pâuz cxix cxuô lok côngz xưv bo xeir cux tâu tsov cưv, thôngz đhâu cxix luôk thôngz xor mông lok sik uô uô cê hâur têx phêv ziv Chi bộ, Đảng viên 213, khiêz phêv qơư tsôngv box nhoz uô nênhx… Đrâuv co, iz lênhx tsôngv box cux tâu vênhv tôngv cxaz chuôz seiz car chiê huôx tôngv bo xeir tsưr tsix trơưk cui tênhv. Cử tri Lý Ngọc Sáng, xã Hợp Thành, TP Lào Cai heik:

          “ Cử tri nhoz jos Nậm Rịa pêz mak 100% zos tsôngv box Xa Phó viv li yênhx tưv vênhx huôv cux tsi siz bâus, đhâu yax mông pox nhuôs cux tưz jênhv pâuz tâu tiêk tsuv xeir lênhx nênhs muôx txâuk pênhr xưv txux chi hlôngr njêx muôk trâu tsôngv box thiêz cxôngx co krêz uô côngz xưv bo xeir xã Hợp Thành tưz uô lok six jông”

          Phuôx plov đhâu jiês seiz car, qênhz yuôx côngz xưv bo xeir ntơưv Lào Cai hnuz 14/4, Phưv Chủ tịch côx hôiv Nguyễn Đức Hải puz pâuz, ziv xar txos hnuz bo xeir, pưs txux seiz car ziv coaz tsôngv đuô. Lào Cai tưz uô jông côngz xưv bax trâu jiês bo xeir. Đrâuv co, côngz xưv tsưr tsix tsuv uô jông cxôngx têx hâux lưv mê tiv zix, Lào Cai cux tsuv chêx chôngk chuôz tsar tsôngv box li siêz njênhs njôngr:

          “Têx đoanx seiz car tsuv uô jông zuk li txơưx jênhv thiêz seiz car jông têx côngz xưv tsênhv tsênhz nhoz cấp cơ sở, ciêr chênhr yưr lir têx tsi tâu uô tâu, têx vênhv thix tsuv chêx chôngk car chêx viv six hơưv cxôngx nhiv no txos hnuz bo xeir yuôr tsi ntâu thiêz”./.

                     (An Kiên- Txâur Vax cxeik nhênhv)

Yên Bái sir jos phax tar moz tơưv poz sâuv tơưr grêix tsiêx cxu

Hâur oz pêz hnuz đhâu lok no, tix lâus Nguyễn Văn Công nhoz jok Gò Cấm, xar Vân Hội, huyện Trấn Yên tsik pâuz shor tiv li chak chuôz zis pêz tuk nhux đas ho trâus moz tơưv poz sâuv tơưr grêix. Hâur co tuk nhux mê tiv zix mak trâus moz hnhar đuô hur si, têx poz tơưv sâuv tơưr tưz to lưx thiêz tưz tâu cán bộ Tsênhv qơư paz huôv tsar kôngz nuv huyện Trấn Yên muôz phâuk por tsês. Nhiv no oz tuk nhux đas tsênhv nhoz, têx poz moz tơưv sâuv tơưr grêix mak cux njiê pov tsênhz jux juk, tix lâus Công thiêz cán bộ thú y tsênhv sêiz shuôk jông, cux xưk li kriz uô têx tsưr ziv chiê phax tar caz moz ơưk:

“Cur chor nhux đas mak tâu zus cơư hâur guôx xưz, tsik chox muk kror tưs hlo, chor jâuz tâux trâu nhux nox lok cux chos jê ntơưv tsêr guôx xưz tsik zos muk txiêr đêz lok”.

Moz tơưv poz sâuv tsiêx cxu têx tơưr grêix zos piz huôv moz txix hnuz 29/3 txos hnuz 13/4 ntơưv 4 ziv chuôz zis ntơưv huyện Trấn Yên thiêz Văn Chấn. hâur co chuôz zis xuz thơưx ciês pov chor nhux trâus moz zos tix lâus Hà Huy Giáp ziv chuôz zis, nhoz jok Phạ, xar Việt Hồng. Tâu pâuz tix lâus Giáp chuôz zis nhiv kruôr zuôr pêz tuk nhux đas nôngz txix Thái Bình lok zus, hok nhoz Thái Bình mak cux zos thax tsav qơư tsênhv muôx chor tsiêx cxu trâus moz zav moz no.

“Pov chor nhux đas ntơưv Thái Bình jông gâux thiêx muk zuôr lok zus. Thâuv chox chor nhux đas lok txos pêz hnuz tov kaz pov chor nhux trâus moz tơưv têx poz sâuv tơưr grêix mak tưz hêik trâu chính quyền ntơưv qơư pâuz sêz zos moz li chak, đhâu co thiêx pâuz tiêk trâus moz tơưv poz sâuv tơưr grêix”.

Lơưr thôngz sâu, txix hnuz 14/4, nhoz Yên Bái muôx 7 tuk nhux đas trâus moz tơưv poz sâuv tơưr grêix, tưz tsuv muôz 5 tuk phâuk por tsês, hnhar xar muôx 1 tấn. Txix thâuv pov muôx nhux trâus moz, chính quyền cxuô thax tsav qơư thiêz Tsênhv qơư paz huôv tsar kôngz nuv cxuô huyện, Chi cục Tu zus thiêz Thú y tỉnh tưz kruôz kriê ciês trâu chor chuôz zis tu zus cêv kuôk chor nhux đas trâus moz thiêz kriz uô têx tsưr ziv sêiz shuôk jông chor tsiêx cxu tsik tâu trâus moz; tsuôs yuô tuô lov caz moz tsik chiê siz cik moz trâu cxuô qơư. Kruôz kriê txos trâu chor chuôz zis têx tsưr ziv tu chor tsiêx cxu, sêiz kaz truôx jông hâux lưv zuôr muôs, thâux xa thiêz tuô fêik chor tsiêx cxu. Zơưv Đặng Bình Nguyên, Phưv Chi cục trưởng, Chi cục Tu zus thiêz thú y tỉnh Yên Bái puz pâuz:

“Moz siz cik zos đhâu têx zôngr, caz uz no, đuô li tsênhv zos cik moz đhâu thâux xa tsiêx cxu txix qơư muôx caz moz trâu têx qơưk tsik muôx caz moz. Chor chuôz zis tu zus tsuv kriz uô jông têx tsưr ziv phax tar tsik chiê caz moz siz cik đêz đar”.

Nhạc cắt

Chiê phax tar tsik chiê moz tơưv poz sâuv tơưr grêix têx tsiêx cxu siz cik moz trâu cxuô qơư, UBND tỉnh Yên Bái tưz muôx ntâuz ntơưr hêik nganhx kôngz nuv thiêz cxuô thax tsav qơư sir jos uô jông têx tsưr ziv chiê tir tar, qênhz yuôx, phax tar jông moz tơưv poz nhoz chor nhux, tưv. Hâur co, tsuv sêiz shuôk jông hâux lưv thâux xa, zuôr muôs nhux, tưv pâuz tsik tsênhz qơư chiê nzor pov tâu thiêz xưk li cov truôx jông. Zos tiêk muôx têx qơư xav tiêk chor tsiêx cxu co trâus moz tơưv poz sâuv tơưr grêix mak tsuv njuôk shuôk ciês caz moz ơưk thiêz zos pov tsiêx cxu trâus moz mak tsuv tsưr tsix hlơưr phâuk por tsês lơưr cơ quan thú y hêik kriê. Thôngx cxix, kruôz kriê trâu pêx xênhv kriz uô jông têx tsưr ziv chiê phax, tar caz moz nhoz tsiêx cxu; tsik jêik caz moz; tsik zuôr muôs, thâux xa chor nhux, tưv trâus moz lok sik trâus tuôs; tsik tuô fêik, zuôr muôs grêix têx nhux, tưv trâus moz lok sik trâus tuôs; tsik muôz chor nhux, tưv trâus tuôs por tsês trâu cxiê qơư…/.

(Đinh Tuấn-Lik Thox cxêik nhênhv