Tsuv uô tsêhz mênhx têx phiv liv hâur xưv lik

ngaz tuk đô thị nhoz Sơn La

Muôs huv sâuv ntus cêr lox tâu ntâu shông lok no, taz sik chor nênhs muôs zav nox thâuv sơưr nzor ntơưv thax tsav phường Quyết Thắng, thành phố Sơn La ho tsik trâus hêik, xưv lik lok sik trâus cxov tsês têx hax huv hlo. Têis cik sơưr nzor mak muôs mor blâuv, zar hnuz kêix mak muôs xổ số. Nênhs muôs thiêz muôx chôngz lênhx zuôr ciês ntơưv ntu cêr yuôx 4. Hâux lưv ntơư tâu chor nênhs muôs huv hêik pâuz li no:“Tas nro saz no, chor nênhs muôs mor blâuv saz tor lơưr cux thêv trơưk hli tas lơưv, yênhx hli thêv 300 cxênhz đêiv, hok muôs hâur ciêz mak nhiêx cux thêv 90 cxênhz đêiv iz hli. Xưk li ntu pêr mak chor nênhs muôs xổ số cux thêv 200 cxênhz đêiv iz hli. Thâuv tưs cux hêik tiêk tsik muôx ntơưr, hêik tiêk tok nênhs sâu ntơưr, taz sik tsik pov muôx ntơưr cir hlo tsuôk hêik li xưz”.

“Iz lênhx nênhs muôs huv thêv 300 cxênhz đêiv, zuk tsuv thêv trâu lơưr cov zuk thiêx tâu jông jâuv muôs huv, lơưr tsik châuv lơưv, taz sik cux tsik pâuz uô li chak tiv zos zuk uô cxâuv, cux zos lơưr paz, zos lơưr tsik txêik nhiêx tsik khênhr zuk jâuv muôs huv li no mak cux tsik pâuz uô li chak”.

Tưz tsik zos phường Quyết thắng xưz, nênhs muôx huv sâuv ntus cêr nhoz jê ciêz tsênhv qơư, phường Chiềng Lề cux tsuv thêv nhiêx trâu phường chie tsik trâus xưv lik:“Zos zuk muôs sâuv têx ntus cêr, hâur cêr mak thiêx muk thêv nhiêx uô chêi đros trâu lơưr, zos tiêk jâuv ntơưv têx qơư tsik zos ntus cêr mak tsik thav thêv nhiêx. Iz jiês muk mak thêv nhiêx ciês trâu iz shông zos iz triệu oz puô cxênhz. No zos phường lơưr sâu nhiêx”.

Uô hâux lưv đros nênhs sâu xor xưv Đaix TNVN, zơưv Lò Thanh Thủy, phưv phòng, uô đội trưởng đội quy tắc đô thị thành phố Sơn La puz pâuz: Lơưr cuiz tênhv đros thiêz cán bộ đội quy tắc thành phố lok sik tổ quy tắc đô thị phường thâuv xưv lik uô cxâuv hành chính hâur hâux lưv ngaz tuk đô thị, muôs hax huv trơưk ntus cêr puôr lênhx uô ntâuz ntơưr xưv lik têx uô cxâuv, muôx chêi xưv bluô lơưr yênhx kror uô cxâuv, tiv zix zos tsik tsuv sâu ciês nhiêx txiêx. Zos tiêk cán bộ uô xưk li sơưr đơưk hêik mak zos uô tsik zos lơưv:“Kror hâux lưv no mak tsik zos lơưv, viv sâu nhiêx mak tsik tâu chêi sâu. Uô cxâuv tsik ngaz tuk ntus cêr mak tsik muôx nênhs tâu sâu nhiêx, pêx xênhv cux uô tsik zos thiêz cán bộ xưv lik ciês têx hâux lưv co cux tsik zos. Zos tiêk phường uô mak chõ xlok ntơưv phường, uô cxâuv mak tsuv muôx cuêz tênhv xưv bluô hành chính thiêz thêv nhiêx trâu kho bạc têz qơưk”.

Txix pêx xênhv sơưr đơưk hêik pâuz thiêz têx muôx yưv thêv nhiêx cán bộ uô jênhv vưv uô chêi đros thiêz nênhs nav txênhz ntus cêr chiê muôs huv, thành phố Sơn La tsuv qênhz yuôx, sêiz shuôk đuô đội sêiz car ngaz tuk đô thị li têx hâux lưv uô; tổ quy tắc đô thị têx xar, phường sâuv thax tav, zos pov uô cxâuv tsuv tâu xưv lik truôx. Têx kror uô tsik zos no tưz muôx yưv iz ntu ntêr lok lơưv, zos li chor nhiêx sâu tâu txix têx kror uô tsik zos co zuôr muôz trâu kror tưs? Lênhx tưs zos nênhs sơưr paz trâu têx hâux lưv uô tsik zos no? No cux zos têx luk nus, sơưr đơưk xar cov muôx tâu iz lo luk têz tsênhz mênhx txix chính quyền thành phố Sơn La./.

(Thủy Long-Lik Thox cxêik nhênhv)

Gia Lai: chuôz tsar đảng viên pênhz phax mul têx jêx jos

ntus đriv

          Chi bộ jos Beng, xã Ia Chía, huyện Ia Grai, tỉnh Gia Lai muôx 7 lênhx đảng viên. Six hơưv jê ntơưv no, chi bộ muôx cxaz iz lênhx đảng viên zos Trung úy Ngô Văn Hữu, cán bộ Zênhx pênhz phax Ia Chía. Trung úy Ngô Văn Hữu puz pâuz, hâux lưv cxaz chuôz xênhz huôx chi bộ jos tưz paz tix lâuk pâuz tâu pox nhuôs li siêz xar njôngr. Cxôngx co, muôx têx ziv chênhv gôngr côngv trâu jêx jos cux xưk li heik kriê trâu cấp ủy, chinhr quyênx tiv phaz cov huv đros đuô:“Uô lơưr thênhv siêz li tsưr ziv thiêz sir jos cxaz chuôz xênhz huôx chi bộ, qơư tsov txos zos chiê muôz siêz tsơưr lươngv xênhz huox chi bộ thiêz sik côngv hâur côngz xưv vênhv tôngv tsôngv box. Đhâu côngz xưv xênhz huôx nhoz jêx jos zuk cux pâuz tâu pox nhuôs li siêz xar chiê cxôngx co muôx tsưr ziv heik trâu cấp ủy, chinhr quyênx tiv phaz, chỉ huiz taz viv muôx têx tsưr ziv paz pox nhuôs huv đros đuô”.

          Lâuk jos Rơ Châm Chích, BÍ thư chi bộ jos Beng, xã Ia Chía, Huyện Ia Grai, tỉnh Gia Lai puz pâuz, cxôngx thâuv muôx đangv viên bộ đội pênhz phax lok đros xênhz huôx, chi bộ li chêx cuk huôx tôngv tâu muôz siêz tsênhz mênhx. Têx đảng viên hâur jos cux pâuz tsênhz đuô lok zuk li pưs txux. Cxôngx co, ntâu lênhx đảng viên tưz sir jos đuô hâur huôv tsar kinh têr, uô ntêx nyuôk chiê pox nhuôs cơưv shâuv uô lơưr. Ntâu ziv chuôz zis cxôngx co mak tưz truôx siêz hlôngr yiêz tsoz chos, cxôngx tsuôk pâuz chos poz cưk, kok ntông pox nhuôs tz pâuz chos cxaz tsoz chos txơưr li cà phê, điều, chos đrox tu zus nhux đas, yik, tso lok phênhv sâu siêz, luz nênhx ngaz tul đuô.       “Thôngz đhâu trâu pox nhuôs pâuz Đảng, têz qơưk li chủ trương, cêr chei thiêz tiv phaz li têx tsưr ziv, sik côngv đros bộ đội coar lik cêr ntus đriv. Uô li chas chiê chuôz tsar cêr coaz siv jông hâur tsôngv box thiêz bộ đội sâuv thax tsav ntus đriv no. Tiv 2 zos vênhv thix huôv tsar kinh têr chiê txu yeiz cxuôv pluôs. Qơư tsov txos zos tuôr truôx txiv ngaz chinhr trị, trật tự taz por xã hội sâuv ntus đriv”.

          Tỉnh Gia Lai muôx cêr ntus đriv ntêr 90 ntâu ceik cêr mul đhâu 7 xã, 3 huyện, buôk têz qơưk Campuchia. Sâuv cêr ntus đriv yênhx lix cxix luôk zênhx pênhz phax đros 8 zênhx. Lơưr đại tá Vũ Trung Kiên, Chỉ huiz tsar Bộ chỉ huiz pênhz phax tỉnh Gia Lai, pênhz phax tỉnh tưz xeir tâu 7 lênhx cán bộ, đảng viên jông nhoz têx zênhx pênhz phax chiê chuôz tsar cxaz chuôz ban chấp hành Đảng bộ têx xã. Thôngx cxix, 50 lênhx cán bộ, đảng viên jông txơưr nhoz têx zênhx pênhz phax cux tâu xeir chiê chuôz tsar mul cxaz chuôz xênhz huôx nhoz têx chi bộ jêx jos sâuv ntus đriv. No zos lưx lươngv nhoz jê tsôngv box, chiê pâuz tâu tsôngv box li siêz xar, ziv chênhv thix ziv, heik trâu cấp ủy, chinhr quyênx tiv phaz cux xưk li pênhz phax tỉnh chiê uô jông đuô têx jênhv vưv kinh têr, xã hội, txiv ngaz chinhr trị sâuv thax tsav ntus đriv:          “Heik kriê cui chế sik côngv hâur đảng ủy Bộ tư lệnh pênhz phax đros tỉnh ủy Gia Lai, pêz tưz chuv tôngv cxiv tsa cui chế sik côngv đros huyện ủy 3 huyện ntus đriv. Sâuv co zôngv lưx lươngv cán bộ pênhz phax zos tsênhv. Lưx lươngv no zuôr niêx hnuz đros cấp ủy chinhr quyênx tiv phaz hlôngr yiêz, cxiv tsa têx muôx jos lok chinhr trị, kinh têr”.

          Đros uô jông côngz xưv por vêv tsưr qênhx, txiv ngaz, bộ đội pênhz phax Gia Lai tsênhv muôx têx tsưr ziv uô jông, gôngr phênhv coaz tsôngv hâur hâux lưv huôv tsar kinh têr, muôz siêz luz nênhx chinhz yênhx trâu tsôngv box sâuv thax tsav ntus đriv. Đhâu co, sik côngv por vêv jông ntus đriv têz qơưk./.

(VOVTây Nguyên-Txâur Vax cxeik nhênhv)