Muk shuôs “thax tsav qơư tsiv uô têx têik, huz” nhoz Vĩnh Long

Muk shuôs jok tsiv uô têx têik thiêz huz uz no...., tsôngv kruô sđ zuôr seiz njiê pov tâu lơưr têx luôs hâux lưv uô chor huz thiêz têik muôz ar luôx liêz ndu uô tâu co. Cux seiz têx huz thiêz têik ntơư uô li chas mak chor nênhs tsiv uô muôz têx ar tor siz shơưk, puôz nhiêk txơưr nhiêk tsi chiê ndu.  Lok sâuv puôz, cok têx đuôz trâu luz huz, luz têik, ntơư tsuv zos têx lênhx muôx tsưr ziv jông, txơưx sâu, cok uô thiêx uô tâu jông. Thâuv zuôr puôz uô têx huz, têik li heik sâuv mak lơưr tsuv muôx têx têik, qơư niêk puôz; muôx tâu qơư mav muôz têx ar luôx nquôr trâu têx têik co, niêk tuôr cov chênhr uô têx huz. Niêk, tuôr tâu tso trâu hâur têik, mav muôz jiêz yar ntux cov kruôr, thâuv tưs kruôr li yêv luz têik ntơư, chiê lênhx nênhs txơưx cok uô têx đuôz muôz cxuôv cov đu, li sâu uô têx trêr pax txêix jông trâu. Tix lâus Lê Văn Hiền, iz lênhx nênhs ndu uô đrêiv têx têik thiêz huz li heik sâuv nhoz xã An Phước, huyện Mang Thít heik pâuz:

“Zuk muôz cơư, vor cov ntov, ndu muôx nhos 36 luz six hơưv, li max mav krêz hâu. Zos krêz nzor hênhr mak cux tsi jông. Thâuv krêz zos pov têx huz, têik ntơư tưz mê njik đuz mak txơưv jông”.

Kror lar heik, zos têx huz thiêz têik Cổ Chiên thiêx muôx têx li heik ntơư, taz sik cux uô tâu txêix lok six jông gâux, muôx iz đraz liêz shơư iz đraz đơưz. Chênhr têx li heik no tưz uô trâu chor huz thiêz têik Cổ Chiên, Vĩnh Long nưk muôx nưk iz kro jông tsi thôngx li lưv zav huz thiêz têik txơưr đuô.

Luôs hâux lưv uô co tưz muôz hâux lưv uô trâu yênhx châuv cxênhz lênhx lox tôngv muôx phênhv sâu tâu truôx thiêz zos qơư kriê  txux chi uô nuv trâu têx lênhx muôx tsưr ziv jông, moz siêz uô tâu têx xiv huv. Jok tsiv uô têx huz thiêz têik ntơư têx xiv huv tưz muôx muôs nhoz chor têz qơưk châu Âu, châu Mỹ, châu Úc thiêz iz cxiê têz qơưk châu Á li: Hàn Quốc (đài Loan, Hồng Kông, Trung Quốc), Nhật Bản... Tix lâus Trương Tấn Nghĩa, iz lênhx tsưr tsiv uô têx huz thiêz têik li heik sâuv nhoz TP Vĩnh Long heik pâuz:

“Pêz jok thâuv ntêx tsi uô têx huz thiêz têik no, mak tsuôk uô gạch xưz. Pêz muôz lok uô siv, uô tâu yênhx côngz lok shông 1997. 2 shông tov kaz, lok shông 2000 mak tâu trơưk li tsưr ziv, siêz xar, ciêz đrôngs sâu zuôr zos ntơưv châu Âu”.

Luôs hâux lưv tsiv uô têx gạch, huz, têik nhoz Vĩnh Long tưz uô tâu muôx 100 shông đrav ntêx lok thiêz huôv tsar uô ntâu txix têx shông 2007-2008. Tas nro tỉnh Vĩnh Long, têx jiês uô ntâu mak muôx 1.300 qơư uô têx gạch, huz thiêz têik muôs trâu luôs 2 chas têz qơưk đrâuv li  2.800 qơư uô thiêz ndu, muôz hâux lưv uô truôx trâu yênhx châuv cxênhz lênhx lox tôngv. Ciês luôs hâux lưv uô têx huz thiêz têik muôs trâu luôs 2 chas thax tsav đrâuv, hâur tỉnh muôx zuôr xar 130 qơư li  800 qơư ndu uô têx huv heik co.

Taz sik nhiv no viv hâur ciêz đrôngs muôx ntâu zav, đros trâu tsuv sik tsav txênhz đros iz cxiê têz qơưk hâur thax tsav huôv tsar uô nox, gri zuôr têx chuôz zênhx uz no lok uô thiêz côngz lox tôngv tsar ndê, ntâu qơư uô têx huv li heik sâuv tưz tsês, hok iz cxiê qơư mak lav uô iz kro mê njik xưz. Hur tiz si puôr lênhx vav chiê siêz tiêk, luôs hâux lưv no zuôr tâu tror kho, uô đuô iz cxiê qơư muôx suôz bê hâur thax tsav tsiv uô têx huz, têik co. Tix lâus Nguyễn Ngọc Huy, iz lênhx tsưr tsiv uô têx huz thiêz têik li heik sâuv nhoz Mang Thít heik pâuz:

“Thâuv tsênhv uô, mak têx yêz mul lok thâux ar, thâux huz, têik lok six ntâu, lênhx nênhs uô hâux lưv cux lok six chôngz, lov jêv ntưk. Têx lênhx tuôx uô hâux lưv mak muôx txos puô lênhx..... Ntâu lênhx nênhs bluô nux, luz nênhx tsâu sor zos khov uô luôs hâux lưv no. Nhiv no mak tsuôk yuôr 2, 3 châuv lênhx xưz. Cur xar uô tâu, muôs tsi tâu, nhiv no sir jos cov tuôr tâu tsês zuk hâux lưv uô, zuk hlôngr yiêz tsưr ziv uô nuv cov txo grêk tsơưs nhiêx txiêx chiê zus têx lênhx đros zuk uô hâux lưv, viv iz cxiê lênhx lơưr tưz đros zuk uô hâux lưv tâu 10 tơưv shông lok no”.

Doanh nghiệp uô nox njiz phiv liv, nênhs lox tôngv phênhv sâu tâu cux trâul txo grêk tsơưs. Niêv lâuk Nguyễn Thị Hồng Thúy, iz lênhx công nhân nhoz huyện Long Hồ heik:

“Thâuv tsênhv uô têx huz thiêz têik mak lol six chôngz nênhs cơưk, nhiv no 2, 3 lênhx hluôk tưz tsi uô lơưv, lơưr muk uô hâux lưv trâu lưv luz công ty tas, tsuôk yuôr têx lênhx muôx hnuz nhôngs li pêz thiêx nhoz, uô ntơưv no xưz. Uô zav hâux lưv no cux tâu thiêz. Zos muôx huv ntâu mak uô cux truôx”.

Chiê tror kho, uô đuô luôs hâux lưv tsiv uô têx huz thiêz têik thâuv nzor, Sở Công thương Vĩnh Long tưz nhênhz chơưv, uô tâu trơưk tsưr ziv “qơư ndu, tsiv uô yiêz têx huz, têik Vĩnh Long” tâu Bộ Khoa học thiêz công nghệ côngk nhav thiêz muôz ntơưr tsiv uô. Qơư yiêz co tưz muôz lok uô siv thiêz uô tâu jông. Lar heik zos qơư yiêz no thâuv tsiv uô thiêz ndu têx ar mak tsi nqo, tsi pâus, tsi uô kiêk nênhs trâu tênhx qơư thiêz six hơưv ndu lur, uô tâu ntâu đuô 10 bâus pir li thâuv ntêx...... Zơưv Phạm Tứ Phương, Giám đốc Sở Công Thương tỉnh Vĩnh Long heik pâuz:

“Ngênhx công thương zuôr sir jos fuô uô ngênhx têx tsưr ziv, đêx anr chiê paz max doanh nghiệp gra siêz txux chi tsưr ziv uô hâux lưv, sik tsav txênhz đros luôs lưv doanh nghiệp, tiv 2 zos jux juk hlôngr yiêz tsưr ziv uô hâux lưv. Tror hlôngr yiêz txux chi tsưr ziv uô, tsuv uô đros trâu hlôngr yiêz têx ntâuz ntơưr chiê đơưk uô tâu zênhx max doanh nghiệp têx phiv liv cik txos....”.

Têx luôs hâux lưv uô tâu xuz thơưx hâur hlôngr yiêz tsưr ziv uô nuv zos qơư truôx thiêz zov chênhr paz cxiv uô, kho đuô  hâux lưv tsiv uô têx huz thiêz têik nhoz Vĩnh Long tưz iz ntuk muôx suôz bê to tsi chiê pôngz plox./.

(VOVĐBSCL-Riê Lâux cxeik-Tsu Vưx nhênhv)