Jax sâu thưr 4 hnuz 20/7/2016

Pêx xênhv pluôs thiêz cêr pôngz siêz tiv ar poz

Nhiv kruôr thâuv hâur hlik hli 7, trâus hiêv tiv khâuz jênhs chuô, ar poz muôx yưv ntơưv Quảng Ninh, yên Bái uô 4 lênhx nênhs tuôs uô trâu chôngz lênhx pêx xênhv ntơưv thax tsav ciêz Tông lệnh, huyện Thuận Châu, tỉnh Sơn La cxơưx hlo. Kuôk no muôx iz shông, ntơưv no tưz muôx yưv iz jiês ntux nas chuô đêx ngaz cuôr uô 7 lênhx nênhs tuôs, ntâu vax tsêr, hax huv trâus đêx cuôr yôngz thiêz puôk tsuôx, trâus hiêv lok kinh tế xar muôx 50 tỷ đêiv. Nhiv no ntâu chuôz zis nhoz ntus đêx tưz txar muk nhoz qơư yiêz thiêz tuk cưx đêx cux tưz tâu khơưz đar đuô chiê đêx ntưk muk thâuv txos chêix ntux nas, đêx huôv lok, taz sik đros ntâu chuôz zis mak cêr pôngz siêz tiv muôx nênhs trâus tuôs cux tsênhv nhoz trơưr. Zơưv Bùi Thanh Lộc nhoz xã Tông Lệnh, huyện Thuận Châu hêik:

 “Pêz nhoz no fênhx iz lênhs nav cưx đêx mê njik cxok ndê uô tsêr, thâuv ntux nas đêx huôv lok mak cuôr têx vuôz tsuôz lok khuôv. Uô trâu đêx pur ndê siêz thiêz fưx”.

Jok Nậm Bắt, xã Tân tiến, huyện bảo yên, tỉnh Lào Cai, yênhx châuv chuôz zis pêx xênhv nhoz no zuôr zôngx ziv njiz phiv liv tiv ar poz. Txix hli 7/2014, sâuv hâur trôngz saz đrâuv kaz jok muôx yưv ntâu caz plêz xưz txix oz đok txos 3 đok truz ntêr, zuôr zôngx ziv poz. Thâuv co, huyện bảo yên tưz xav jênhv tsuv txar qơư nhoz trâu 23 chuôz zis. Taz sik,, tiv phiv liv lok nhiêx txiêx viv li txix co txos nhiv no, hâux lưv txar qơư nhoz trâu pêx xênhv uô tsik tâu. Đros chor chuôz zis pluôs nhoz jok Nậm Bắt no mak tsuôk pâuz tok txos têz qơưk paz chiê txar qơư nhoz, nhiv no thâuv ntux lok nas lox mak lơưr tsuôk pâuz khiêr muk gâuv tov chor tsêr têz nhoz ntus jôngr. Zơưv Trương Văn Lán, jok Nặm Bắt puz pâuz:

 “Thâuv ntêx mak lơưr hêik tiêk txar muk nhoz trâu kror qơư saz tor thiêz mêir tưz khơưz plas tas lơưv taz sik ntêr lơưv cux tsik pov kriz uô. Nhiv no mak pêz lav uô luz tsêr zâu nhoz gâuv xưz, tsik muôx qơư nhoz yiêz mak uô tsik tâu tsêr”.

Lơưr thôngz sâu ntơưv 3 luz tỉnh Tây Bắc zos Lào Cai, Sơn la thiêz lai châu nhiv no muôx zuôr xar 1.100 ziv chuôz zis tsênhv uô nênhx nhoz hâur thax tsav zuôr zôngx ziv muôx ar poz, trâus chuô tsuv tâu txar qơư nhoz. Ciês tỉnh Yên Bái, hâur ntu txix 2015-2020 uô lơưr txar qơư nhoz trâu 1,758 chuôz zis nhoz thax tsav zôngx ziv trâus ntux têz uô hiêv lơưr tsưr ziv tsêx trung thiêz nhoz siz shơư. Lơưr Cục phax tar ntux têz uô hiêv li ntâuk gri, ar poz, ntux nas chuô ziv hnuz ziv uô hiêv ntâu txos chor tỉnh Tây Bắc, đrâuv qiv hơưv txơưr txar, mak ruôr hiêv jôngr; cxuz cưx ha chiê cxiv uô côngz trinhx, tsêr nhoz tưz uô trâu đêx ntưk tsik thôngz; pox nhuôs cor cav nhoz jê ntux đêx, ntar trôngz, tơư trôngz thiêz phax tar ntux têz uô hiêv tsênhv kik cux zos têx qir tiv chênhr. Zơưv Văn Phú Chính, Chánh văn phongx thường trực Ban chox kriê trung ương lok phax tar ntux têz uô hiêv, Cục trưởng cục Phax tar ntux têz uô hiêv puz pâuz:

 “Tsênhv pox nhuôs lok six muôx chênhz zênhv lok kror no,  taz sik ntâu jiês cux tsik tsov cưv txos ngaz tuk thâuv trâus ntux têz uô hiêv. Viv li pox nhuôs tsuv txar qơư nhoz, tsik uô tsêr nhoz jê ntus đêx, cưx ha thiêz tsik uô jê trôngz, nhoz têx ntar trôngz”.

Kror tsuv tsov cưv zos ntơưv chor tỉnh tox siêz faz Bắc nhiv no muôx ntâu qơư pêx xênhv nhoz muôx yưv ar poz thiêz tưz tâu nganhx txơưx jênhv ntâuk gri lok phiv liv, taz sik ntâu shông lok no tsik tâu txar qơư nhoz trâu pêx xênhv. Muôx qơư pêx xênhv tưz txar lok qơư nhoz yiêz sik ho tror kaz khiêr lok qơư nhoz kuz muôx ntâu kror phiv liv. Kror no puz pov, iz phênhv pêx xênhv tsênhv tso siêz, iz kror thiêz zos muôx tsik txâuk nhiêx paz thiêz chinhr quyền tsi sir jos uô, qênhz yuôx, tiv zix zos tiv phaz./.

(Thủy Việt-Lik Thox cxêik nhênhv)

Phênhv Thưr 4, hnuz 20/7/2016:

Nuk, têz lok têx nhiêx tuk txir tâu sơưv thâuv pox niêv xênhz zus mê nhuôs

1.Zơưv Hoàng Thịnh-Nhoz tỉnh Lào Cai nuk: Cur uô hâux lưv ntơưv doanh nghiệp saz têz qơưs đrâuv, gôngr BHXH txix shông 2007. Cur pox niêv tsi cxaz chuôz BHXH. Cur nhiêx hli gôngr BHXH nhiv no zos 15 tsov đeiv.Uô li thâuv cur pox niêv xênhz zus  nhuôs, cur zuôr tâu sơưv têx nhiêx ntơư li chas?

Têz: BHXH VN têz zơưv Hoàng Thịnh têx luk nuk li đrav kaz:

Lơưr Bộ lox tôngv-xaz pênhz thiêz XH cui tinhv ntơưv grêi 2, grê 9 thông tư số 59/2015/TT-BLĐTBXH hnuz 29/12/2015 mak tâu sơưv têx nhiêx paz iz jiês thiêz lênhx txir ntơư tsuv gôngr BHXH txix 6 luz hlik tror zar sâuv hâur 12 luz hlik uô ntêx thâuv tus pox niêv ntơư xênhz zus mê nhuôs.

Trơưk li cui tinhv heik sâuv, zos zơưv cxaz chuôz BHXH txưv 6 luz hlik tror zar sâuv hâur 12 luz hlik uô ntêx thâuv pox niêv xênhz zus nhuôs mak zơưv pox niêv zuôr tâu  sơưv iz jâuk bâuv 2 bâus phênhv nhiêx hli ntơưv qơư thâuv hâur luz hlik xênhz zus nhuôs trâu iz tuk nhuôv ( Phênhv nhiêx ntơưv qơư thâuv hli 4/2016 lơưr têz qơưs cui tinhv zos 1.150 cxênhz đeiv).

2.Pos Phạm Thị Thủy-uô hâux lưv trâu công ty yưv pênhr zuôr muôs ar nuk li no: Hnuz xiêz  8/1/2016, cur xênhz zus mê nhuôv ntơưv tsêr kho moz xênhz zus nhuôs T.Ư zos viv tuk nhuôv ntơư muôx 8 luz hlik trâus tuôs hâur chêr, muk xênhz zus ntơưv tsêr yuôx kho moz, taz sik tsêr yuôx kho moz tsi uô ntơưr xav jênhv tuk nhuôs co trâus tuôs, li ntơư niêv tơưv tsêr kho moz, nhuôv tuôs đros trâu têx ntâuz ntơưr seiz njuôk shuôs moz ntơưv tsêr kho moz sâu mênhx, mê nhuôv 8 luz hlik. Cur gôngr BHXH txix shông 2007, nhiv no tsênhv gôngr BHXH ntơưv quận Đống Đa zos lơưr tos zuôr nênhs lox tôngv, Công ty  yưv pênhr zuôr muôs ar gôngr. Cur nhiêx gôngr BHXH nhiv no zos 3,8 tsov đeiv iz shông hâur six hơưv jê lok no. Thâuv cur gra têx ntâuz ntơưr tơưv tsêr kho moz  lok trâu cơ quan BHXH mak BHXH Đống Đa heik cov cur muôz đeiv ntơưr xav jênhv nhuôs trâus tuôs thiêx tâu 16 tsov đeiv, hok muôx ntơưr tơưv tsêr kho moz mak tâu 5 tsov đeiv. Li ntơư, cur zuôr tâu sơưv têx nhiêx BHXH li chas?

Têz: BHXH Việt Nam thor têz pos Phạm Thị Thủy têx luk nuk li no:

Grê 31 chêi BHXH cui tinhv tâu sơưv nhiêx BHXH thâuv pox niêv lox tôngv xênhz zus nhuôs zos gôngr BHXH txâuk txix 6 luz hlik tror zar sâuv hâur 12 luz hlik uô ntêx thâuv xênhz zus nhuôs lok sik jênhv mê nhuôv puôs.

Lơưr cui tinhv ntơưv grêi 3, grê 34 Luật BHXH mak six hơưv tâu sơưv têx nhiêx BHXH đros thiêz têx lênhx nênhs li đrav kaz thâuv xênhz zus nhuôs mak mê nhuôv tsi tâu muôx 2 luz hlik trâus tuôs, lênhx niêv tâu so uô hâux lưv 4 luz hlik xav txix hnuz xênhz zus nhuôs.

Grê 101 Luật BHXH cui tinhv têx ntâuz ntơưr tâu sơưv têx nhiêx BHXH xênhz zus nhuôs zos ntuk nhuôs trâus tuôs muôx: Ntơưr côngz jênhv tuk nhuôs trâus tuôs, zos lênhx nhuôs tuôs đhâu thâuv xênhz zus tâu lok mak tsi tâu uô ntơưr krêz xênhz, têx ntơưr uô chiê tâu sơưv têx nhiêx BHXH xênhz zus nhuôs zos: Ntơưr seiz njuôk shuôs moz bản sao lok sik tuk niêv têx ntơưr tơưv tsêr kho moz.

Li ntơư, pos Phạm Thị Thủy têx ntâuz ntơưr tưz txâuk chiê tâu sơưv nhiêx BHXH xênhz zus nhuôs taz sik viv pos Thủy heik tsi mênhx lok sâuv six hơưv, hnuz nhôngs gôngr BHXH hâur 12 luz hlik uô ntêx thâuv xênhz zus nhuôs viv li BHXH Việt Nam tsi pâuz têz tsênhz  mênhx trâu pos Thủy.

Zos pos Thủy tưz gôngr BHXH txâuk 6 luz hlik tror zar sâuv hâur 12 luz hlik uô ntêx thâuv xênhz zus nhuôs thiêz muôx cxix cxuô têx ntâuz ntơưr li heik sâuv  đhâu thâuv xênhz zus nhuôs mak pos Thủy tâu so 4 luz hlik xav txix hnuz xênhz zus nhuôs./.

( Thanh Thủy-Riê Lâux cxeik, nhênhv)