Côngz trênhx đêx liv Nậm Rốm-zos đoanx tuz lênhv lâuk Điện Biên thax tsav qơư lix sưv

          Hnuz xiêz 3/10/1963, côngz trươngx Đại thuỷ Nậm Rốm tưz tâu cxiv uô. 2 cxênhz ntâu lênhx cán bộ thiêz 800 puô lênhx hluôk nhoz saz Hà Nội thiêz ntâu tỉnh li Hưng Yên, Thái Bình, Nghệ An, Hà Tĩnh, Nam Định, Thanh Hoá…tưz tuôx trâu Điện Biên chiê cxiv uô côngz trênhx Nậm Rốm.

          Hâur 7 luz shông sir tas ntâu đas cxiv uô, côngz trênhx tok đêx tưz uô tâu tiêr, muôx txâuk đêx lok uô đras blêx liêx Mường Thanh thiêz uô trâu tsôngv px nhoz thax tsav Mường Thanh shir phaz lul. Zơưv Trần Công Chính, hội tuz lênhv lâuk nhoz tỉnh Điện Biên hêik pâuz: “Hâur ntu cxiv uô qơư thêir đêx, thâuv cxiv uô ntơư phiv liv cơưs; viv hâur ntu ntơư tsênhv cxiv uô trơưk têx tsưr ziv kuz đrav ntêx, sir tas ntâu đas jos hênhr. Thiêz thâuv ntơư, hur tiz si cxuô lênhx cán bộ kỹ sư siz chos côngv đas jos tsưr ziv cxiv uô thiêx uô tâu tiêr tus côngz trênhx thêir đêx ntơư”.

          Hâur ntu cxiv uô côngz trênhx Nậm Rốm, cux zos ntu tros châuz Mỹ tsênhv taz tov tuôx ruôr hiêv txos faz Bắc. Thiêz ntu ntơư, cxuô lênhx sđ cê cxiv uô côngz trênhx, cê tir ntâuk tros châuz Mỹ thiêz tưz uô 18 lênhx tuz lênhv cxiv uô côngz trênhx trâus tros châuz tuô tuôs.

          Hâur 50 shông  muk đhâu txos trâu nhiv no, côngz trênhx Nậm Rốm cux zos cxuô lênhx tuz lênhv lâuk đrav ntêx iz côngz trênhx ntâuk chiv hâur ntu cxiv uô, paz phênhv trâu tsôngv px hâur thax tsav Mường Thanh muôx txâuk đêx tsêz chos blêx liêx hâur 2 chiv  iz shông. Txos trâu shông 1984, chor liêx blêx tsêz chos 2 chiv hâur iz shông ntơưv tỉnh Điện Biên zos 2.400 ha thiêz txos shông 2013, chor blêx liêx tsêz chos 2 chiv sâuv thax tsav tỉnh Điện Biên tưz tsar ndê txos 7.000ha, sâu tâu 20-60tax/1h li nhiv no.

          Ndax trâu chiv nhênhv, ntâuk zênhx tros châuz Điện Biên phủ,  hnuz xiêz 7/5/2015, côngz trênhx thêir đêx Nậm Rốm tưz tâu tỉnh Điện Biên tsưr tsix côngz fố, zos iz côngz trênhx lịch sử, vênhx huôv cấp tỉnh. Thiêz ntơư, cux chênhr zos luôs hâux lưv uô ndo txiêx njis txos txos cxuô lênhx tuz lênhv lâuk đrav ntêx sir tas ntâu đas jos tsưr ziv cxiv uô côngz trênhx thêir đêx. Zơưv Trần Hà Sơn, phưv Giám đốc sở kôngz nuv huôv tsar tox siêz tỉnh Điện Biên hêik pâuz: “Đhâu ntâu jiês tror cxiv kho đuô thiêz txos trâu nhiv no,  qơư thêir đêx, tok đêx txix ntơưv luz pak đêx Pá Khoang txos Nậm Rốm cux tsênhv truôx. Hur tiz si cxuô tus cưx liês tok đêx lok trâu cxuô đras blêx liêx tưz tâu hâu nov tỉnh đros trâu cxuô huyện, xã thiêz px moz siêz txos”.

          Chênhr zos cxiv uô tâu qơư thêir đêx, qơư tok đêx li hêik ntơư, nhiv no đras blêx liêx Mường Thanh, zos iz thax tsav qơư tsêz chos tâu cxuô zav blêx liêx kaz, tâu tsôngv kruô sđ nhiêv zuôr txos./.

                                                                                                               (Tsu cxêik nhênhv-Hữu Lợi-Tây Bắc)

Lai Châu: Chiê ntêk tâu têx lênhx nênhs nhiês zuôr muôs, uô luôv zax zênhz lox đhâu têz qơưk

  Mông txix tsôngv box sơưr đơưk heik pâuz thiêz tâu lưv lươngv Cảnh sát zoz thôngz, Công an tỉnh Lai Châu xav jênhv xuz thơưx, đhâu ntơư heik trâu Ban Giám đốc Công an tỉnh chiê cxiv tsa tsưr ziv sơưr tơưv txênhz, ruôr por tsês thiêz muôx ntâu lưv lươngv đros cxaz chuôz. Đhâu iz ciêz uô hâux lưv qênhz yuôx, têx công an tưz pâuz tâu ntơưv thax tsav xã Pú Nhi, huyện Điện Biên Đông, tỉnh Điện Biên muôx iz paz nênhs zos heir nênhs Hmôngz tsênhv tuôr hâur, côngv têk đros iz cxiê lênhx nênhs nhoz têz qơưk Lào nhiês zuôr muôs, uô luôv zax zênhz tsi trơưk chei txix Lào lok Điện Biên, thâux gra đhâu Lai Châu, Lào Cai muk saz Trung Quốc chiê muôs.

Thượng tá Lê Quốc Khánh, Phưv Tsar phongx Cảnh sát qênhz yuôx têx nênhs fêv, nênhs nhiês zuôr muôs, uô luôv zax zênhz, Công an tỉnh Lai Châu heik pâuz: Chor nênhs heik sâuv lơưr têx tsưr ziv, nuv uô lok six txơưx jêik, thâuv têx nênhs saz têz qơưk Lào côngv têk đros chor nênhs hâur têz qơưk nhiês uô. Iz lênhx nênhs tâu choz uô iz zav nuv nhiêk txơưr nhiêk thiêz tsi muôx lênhx tưs pâuz txos lênhx tưs li nuv uô. Đhâu thâuv têx zax zênhz tâu thâux gra txix Lào lok txos đriv têz Việt Nam, mak nưk muôx nưk tiz nênhs nhoz co tok thâux gra lok trâu ntơưv TP Điện Biên Phủ chiê muôz krưr uô yênhx poz. Đhâu co, lênhx tiz nênhs nhoz saz  têz qơưk Lào mav tuôx trâu saz Việt Nam thiêz 2 lênhx nênhs chênhr thâux xa chor zax zênhz ntơư muk trâu Lào Cai chiê tok txeik huv. Thượng tá Lê Quốc Khánh heik:"Txuz plâuz no, lok sâuv lưv lươngv mak hu hur si têx canr bôv, chiến sĩ đros cxaz chuôz, hâur têx hnuz ntux nas lox, cêr mul lok tsi so trâus xưz poz viv li têx canr bôv, chiến sĩ công an cux lok six phiv liv. Hâur six hơưv sơưr tơưv txênhz, nhak ntêl chor nênhs heik sâuv mak lơưr tsi so hlôngr đuô tsưr ziv, qơư nhoz. Iz jiês lơưr hlôngr tsưr ziv, qơư nhoz nhiês thâux gra mak pêz ho tror tsuv cơưv, seiz lax đuô lưv faz tsưr ziv chiê nhak ntêl chor nênhs co. Thiêz  thâuv lơưr siz choz huv tưz trâus 2 tổ côngz xưv nhak pov, ntêk tâu ciês ntơưv qơư".

2 lênhx nênhs trâul ntêk tâu zos Shôngx A Thai, xênhz shông 1996, nhoz têz qơưk Lào thiêz Tsuô Xênhv Hơưx, xênhz shông 1989, nhoz ntơưv jok Phủ Lồng, xã Pú Nhi, huyện Điện Biên Đông, tỉnh Điện Biên, đros thiêz 300 cxênhz njiêr yuôx zax zênhz cxuô zav thiêz iz cxiê chuôz zênhx txơưr đuô cik txos.

Thiếu tướng Lê Văn Bảy, Giám đốc Công an tỉnh Lai Châu, Tsar ban chox kriê yơưz vơưz txuz plâuz no heik pâuz: Co zos txuz nhiês zuôr muôs, uô luôv zax zênhz lox yax, lưv lươngv Công an tỉnh Lai Châu ntêk tâu thiêz cux zos txuz nhiês zuôr muôs, uô luôv lox yax têx yuôx zax zênhz hâur tas nro têz  qơưk txix thâuv ntêx txos nhiv no. Nor zos txuz plâuz lox, muôx lênhx tiz nênhs saz têz qơưk đrâuv đros côngv têk uô, nhiês thâux gra têx zax zênhz mul lok đhâu têz qơưk lok Việt Nam  chiê muôs trâu luz têz  qơưk tiv 3. Chiê ruôr por tsês tâu txuz plâuz heik sâuv, Ban Giám đốc Công an tỉnh tưz tsuv hu chôngz lênhx canr bôv, chiến sĩ, têx chuôz zênhx uz no....txix ntâu lưv lươngv thiêz sik đros yơưz vơưz, ruôr por tsês:"Lai Châu zos thax tsav qơư đruôz đraz, tâu Bộ Công an, Chính phủ ntâuk grê zos iz hâur 10 thax tsav zov chênhr khênhr muôx lênhx tiz nênhs nhiês thâux gra, zuôr muôs, uô luôv zax zênhz mul lok đhâu thax tsav Lai Châu trâu têx thax tsav, suôv qơư txơưr đuô. Chiê phax tir thêir tâu têx nênhs heik sâuv mul lok đhâu, mak pêz zuôr tror fuô uô têx faz tsưr ziv, hâux lưv chiê qênhz pov nzor, tir thêir nzor têx tsưr tsix, lênhx tiz nênhs nhiês zuôr muôs, thâux gra ntâu têx zax zênhz mul lok đhâu thax tsav tỉnh Lai Châu chiê muk trâu têx qơư txơưr đuô".

Công an Lai Châu luôs hâux lưv ruôr por tsês txuz nhiês zuôr muôs, thâux gra ntâu têx yuôx zax zênhz mul lok đhâu têz qơưk jâuv no zos luôs hâux lưv uô hơưv tok 55 shông hnuz yênhx lix lưv lươngv Cảnh sát Việt Nam. Đhâu têx nuv uô tâu jông heik sâuv, lưv lươngv Công an Lai Châu zuôr sir jos fuô uô ntâu faz tsưr ziv, hâux lưv chiê phax tir thêir tâu jông đuô têx txuz nhiês zuôr muôs, uô luôv zax zênhz lox tsi trơưk chei, paz tuôr truôx txiv ngaz, ngaz tuk hâur thax tsav./.

                                  (Khắc Kiên-Riê Lâux cxeik, nhênhv)