Luôs hâux lưv puôz uô huz cxôngx nzor ntơưv Mường Chanh-Sơn la

Đros đrêiv luôs hâux lưv puôz uô huz đhâu ntâu shông lok, pos Vì Thị Lanh, nhoz jos Nông Ten, xã Mường Chanh, huyện Mai Sơn, tỉnh Sơn La, cux tsik pâuz tsênhz luôs hauax lưv puôz uô huz ntơư shor muôx txix thâuv tưs lok. Txix thâuv lox hloz trâu thax tsav qơư ntơư, cux zênhx pov niêv txir, pos zơưs puôz uô Huz đros đrêiv hâur luz nênhx thiêz thâuv hloz lox, pos Lanh cux cơưv shâuv tsưr ziv puôz uô huz txix shông 1977 txos trâu nhiv no.

          Băng: “Thâuv ntêx nhoz Mường Chanh, muôx chôngz lênhx ntâu tus puôz uô Huz, zos chuôz zis tưs uô tsik tâu mak cux ntiêr nênhs uô. Pêz chuôz zis têx mê tuz mê nhuôv cux muôx ntâu tus tsik uô. Taz sik cux tâu têz qơưs moz siêz cxơưz cxiz mak pêz thiêx tsênhv six puôz uô huz txos trâu nhiv no tsik chiê pôngz plox”

          Têx ar puôz uô huz ntơưv Mường Chanh, zos zav ar blâuv thiêz têx ar tâu khơưz ntơưv cxuô jêk liêx chox lok uô. Thâuv zuôr muôz chor ar ntơư chox lok puôz uô huz, tsuv muôz têx ar co tuôr cov blâuv; đhâu ntơư mav muôz chor ar co chox lok puôz uô cxuô zav huz txêix pax jông jav txơưr tsik siz thôngx. Hur tiz si cxuô zav Huz, têik, hưx cux tâu puôz uô txêix pax jông jav huv đros hêir nênhs ntơư li luz nênhx hâur niêx hnuz tsik chiê pôngz plox.

          Hur si têx huz, têik, hưx puôz uô tâu cxuô zav pax txêix jông jav, tsuv tsês chiê iz luz hli cov kruôr mak muôz chox lok trâur tơưk hlơưr ndu. Ntơư zos jiês zov chênhr uô cov tâu cxuô zav huz, têik, hưx chox lok sir zôngv. Mường Chanh têx kror txok hlơưr ndu, tsuv tâu khơưz uô hâur kror ar lok sik khơưz uô trâu ntơưv têx ntar trôngz. Têx qơư hlơưr ndu puôz uô cxuô zav huz, têik, hưx co, tsuv muôx qơư trâu hluôr tơưk điv pa, qơư trâur tơưk. Ntơư zos tsuv tâu trâur tơưk ndu ntêr iz hnuz iz hmo lok zos ntêr 16 luz six hơưv; đhâu ntơư tsuv muôz ar puôz thêir luz kror txok co cơư cov ntov tsês ntêr 5 hnuz, 4 hmo cov chor hưx ntơư truôx khor, sir zôngvf tâu ntêr shông. Pos Vì Thị Lanh hêik pâuz nzir:

          Băng: “Xar uô cov tâu iz zav huv jông, uô ntêx zuk tsuv xêir cov tâu têx ar jông, tsik muôx poz jêz shơư thiêz chor ar co tsuv zos zav ar blâuv thiêx chox lok puôz uô tâu têx huz, têik, hưx truôx jông, sir zôngv tâu ntêr shông”.

          Nhiv no cxuô zav huz, têik, hưx zos pos Vì Thị Lanh nhoz Mường Chanh puôz uô tâu, zos muôx 19 zav jông txơưr tsik siz thôngx, tâu chox lok sir zôngv huv đros luz nênhx niêx hnuz thiêz muôx chôngz lênhx ntâu tus cux nhiêv sir zôngv cxuô zav huz, têik, hưx hêik ntơư đros đrêiv luz nênhx tsik chiê pôngz plox. Taz sik txos nhiv no, đros trâu têz qơưs huôv tsar, muôx ntâu hlôngr yiêz lok cxuô tsar zav; tsôngv px hâur thax tsav xã Mường Chanh tưz tso tsês luôs hâux lưv puôz uô huz, têik, hưx cxôngx nzor, tsuôk zos yuôr pos Vì Thị Lanh chuôz zis thiêx tsênhv puôz uô têx hax huv hêik ntơư tsik chiê pôngz plox thiêz iz shông pos Lanh chuôz zis tsuôk puôz uô tâu 60-70 luz, têik, hưx chiê muôs trâu ciêz đrôngl, muôx phênhv sâu tâu 10 ntâu triệu đêiv nhiêx. Zơưv Lò Văn Hè, phưv chủ tịch uỷ ban xã Mường Chanh hêik pâuz:

Băng: “Hâu nov hâur xã cux li tsôngv px sđ tsưr ziv siêz xar njôngr tiêk, tsuv huôv tsar cov tâu truôx luôs hâux lưv puôz uô huz, têik, hưx Mường Chanh tsik chiê pôngz plox. Taz sik, viv muôx ntâu phiv liv txos chuôz zênhx tsiv uô. Chênhr viv li, hâu nov thênhv siêz tsuv muôx têx tsưr ziv yiêz chiê paz trâu tsôngv px Mường Chanh tror huôv tsar cov tâu truôx cxuô zav huz, têik, hưx hêik sâu tsik chiê pôngz plox”./.

                       (Tsu cxêik nhênhv-Cà Thanh, Lưu văn bản-In đĩa)