Cảnh sát zoz thôngz Sơn La qênhz yuôx hâuk chơưr, bia đhâu bóng bay chiê phax tar caz moz

Hâux lưv qênhz yuôx, njuôk shuôk hâuk chơưr, bia đhâu bóng bay tâu kriz uô txix tsưr ziv: nênhs tsar yêz thâuv tâu hêik cov njuôk shuôk hâuk chơưr, bia zuôr yuôz iz chor paz hâur zuk luz chêr trâu hâur luz bóng bay; đhâu co chor pa no tâu tso trâu hâur luz mêir njuôk shuôk têx chơưr, bia co đhâu iz zar car nhựa zos zav chuôz zênhx y têr tir tar caz moz. Đhâu thâuv njuôk shuôk têx chơưr, bia tas mak bóng bay zuôr tâu muôz por tsês thiêz zar car nhựa co cux tâu hlôngr đuô iz tuk yiêz.

Trung tá Mè Văn Quý, cán bộ đôiv Cảnh sát zoz thôngz-trật tự, Công an huyện Yên Châu puz pâuz:

“Cán bôv chiến sĩ kriz uô côngz xưv qênhz yuôx zuôr sir jos phax tar chor nênhs hâuk chơưr, bia tsar yêz muk lok tâus cêr. Đros côngz xưv phax, tar caz moz mak sơưr đơưk tưz sir zôngv bóng bay chiê njuôk shuôk hâuk chơưr, bia, sir jos chiê taz por tâu ngaz tuk zoz thôngz”.

Hâux lưv qênhz yuôx hâuk chơưr, bia đhâu bóng bay mak tas ntâu six hơưv đuô pir li yuôz ciês têx pa co trâu hâur luz mêir njuôk. Taz sik, hâur ntu muôx moz Covid-19 phiv liv li nhiv no, mak yuôz têx paz co đhâu luz bóng bay zuôr paz ngaz tuk đuô, cux xưk li phax tar tâu siz cik caz moz.

Khov muôx chor nênhs uô hâux lưv li uô jông thiêz sir jos hêik kriê, chor nênhs chêix yêz muk lok tâus cêr lênhx tưs cux pâuz tâu thiêz jôngz siêz uô trơưk tsưr ziv njuôk shuôk hâuk chơưr, bia yiêz no. Tix lâus Trần Đình Duy, iz lênhx nênhs tsar yêz muk lok tâus cêr ntơưv thị trấn Yên Châu, huyện Yên Châu hêik:

“Thâuv tâu sơưr đơưk njuôk shuôk hâuk chơưr, bia txix tsưr ziv yuôz pa trâu hâur luz bóng bay mak cur lok six tso siêz thâuv mak caz moz tsênhv lok six phiv liv li nhiv no”.

Đhâu 1 hli ntâu kriz uô tsưr ziv njuôk shuôk hâuk chơưr, bia txix bóng bay, lưx lươngv Cảnh sát zoz thôngz, Công an huyện Yên Châu tưz pov, xưv bluô 50 ntâu lênhx nênhs uô cxâuv lok hâuk chơưr, bia thâuv tsar yêz muk lok tâus cêr.

Taz sik tsênhv tsênhz tiês cux tsênhv muôx iz cxiê lênhx nênhs liv zôngv txos caz moz chiê uô phiv liv trâu chor lưx lươngv muôx vax huôv; thâuv li no mak chor nênhs hâur đôiv zuôr sir jos hêik kriê cov lơưr pâuz tsênhz.

Thượng úy Nguyễn Đình Viễn, Đôiv tsar đôiv Cảnh sát Zoz thôngz-trật tự, Công an huyện Yên Châu puz pâuz, zos nênhs tsar yêz cux tsik uô trơưk mak zuôr uô ntâuz ntơưr xưv bluô kror cxâuv tsik uô trơưk chêi lok njuôk shuôk hâuk chơưr, bia.

“Pêz cux hêik trâu thênhv siêz cov moz siêz txos, sêiz shuôk hlôngr đuô tsưr ziv uô hâux lưv, têx mêir qênhz yuôx hâuk chươur, bia lơưr ploz tsênhr kỹ thuật yiêz, iz zav li njuôk shuôk lơưr tsưr ziv ntiêx têz mak zuôr tsik yuôz ciês pa trâu hâur têx mêir chiê nhoz sik cêv kuôk txix mêir txos  trâu nênhs tsar yêz, chiê taz por uô tiêr hâux lưv qênhz yuôx, cê taz por phax tar  tâu jông caz moz hâur ntu zuôr txos”.

Hâux lưv Cảnh sát zoz thôngz, Công an huyện Yên Châu xar tơưv, kriz uô tsưr ziv njuôk shuôk hâuk chơưr, bia đhâu bóng bay tưz paz trâu huyện Yên Châu thiêz cxuô thax tsav qơư nhoz tỉnh Sơn La uô tâu jông oz tsưr ziv, cê taz por ngaz tuk zoz thôngz, cê phax tar tâu jông caz moz./.

(Trấn Long-Lik Thox cxêik nhênhv)

Niêv lâul Thò Thị Zax, zos iz lênhx pox niêv pâuz huôv tsar cêr uô nox

Niêv lâul Thò Thị Zax, heir nênhs Hmôngz, nhoz jok Há Chế, xã Tả Lủng, huyện Mèo Vạc, tỉnh Hà Giang xênhz thiêz hloz lox nhoz trâu iz huyện pluôs, taz sik niêv lâuk Zax tưz muôx tsưr ziv txơưx huôv tsar uô nox chiê gra siêz phênhv sâu tâu trâu chuôz zis, hla đhâu yeiz pluôs thiêz jux juk uô bluô nux.

Qir txix njiz trâul têx phiv liv lok đêx phưx vưv xênhz huôx thiêz zưs têx kôngz lôngk, niêv lâuk Zax tưz pâuz tâu tiêk, tsuôk sir jos huôv tsar tu zus tsiêx cxu đros trâu chos tâux li muôx têx gra siêz phênhv sâu tâu trâu chuôz zis. Txix ntơư, niêv lâul tưz muôz têx liêx têz uô tsi jông poz cưk hlôngr chos tâux chiê tu zus nhux tưv. Iz chas co, niêv lâul tsênhv nzaz nzơưv chuôz zis têx ar têz phaz, por tox đo chiê chos tâux, muôx nzir jâuz trâu tsiêx nox.

Iz chas krêz đar liêx têz chos tâux phưx vưv tu zus nhux tưv, niêv lâul Zax tsênhv muôz chuôz zis têx pênhr cxênhx txuôs tâu zuôr tsôngv cưr tix nênhx sđ hâur thax tsav thiêz ntơưv têx ntênhs ciêz hâur qơư têx tus nhux tưv zuôs lok zus cov trok maz. Iz jiês niêv lâul zus chor nhux tưv li heik co zos txix 7-8 tus, đhâu 3-4 luz hlik txơưv jông muôs trâu chor tuz luôv nhoz têx tỉnh tiêx đras, nhiêx muôs têx tsiêx thiêz nhiêx nju txix zus trok maz têx tus nhux zuôs li ntơư, iz hlik chuôz zis muôx phênhv sâu tâu, xav kror đruôz đraz txix 20-25 tsov đeiv, đhâu yưx tas têx nhiêx txiêx zuôr jâuz krâur, ntiêr nênhs lêis jâuz puz.

Chiê huôv tsar tu zus tsiêx cxu tâu trơưk tsưr ziv, niêv lâul heik, tsuv pâuz tu thiêz vêv xênhz hur si têx qơư cơư, khi tsiêx; phax tar moz ơưk thiêz bax tsês têx jâuz krâur trâu tsiêx nox hâur cheix ntux no. Iz chas co, chiê chor tsiêx trok maz sei thiêz jông gâux, thâuv zuôr têx tus nhux zuôs lok zus cux tsuv muôx tsưr ziv tu, co zos xeir zuôr chor nhux zuôs tsênhv mok ntơư xưz, tu zus thiêx zôngx ziv thiêz trok tâuk, xuz thơưx zos tsuv muôz yuôx chaz trâu nhux hâuk thiêz zôngv têx hmôngr cxur, hmôngr cưk, kuôr cưk….puz nhux nox.

Tsi tiêk huôv tsar uô nox uô hâuk coz, niêv lâul tsênhv shir phaz thiêz jông siêz sik pheiz kênh, kriê têx tsưr ziv tu zus, phax tir thêir moz ơưk trâu têx tsiêx trâu tsôngv cưr tix nênhx tsa sđ hâur thax tsav đros zus, uô trơưk thiêz. Txix têx tsưr ziv huôv tsar uô nox, tu tâu tsiêx cxu trơưk siêz xar, niêv lâul Thò Thị Zax tưz tâu Hôiv pox niêv huyện Mèo Vạc muôz ntâu ntơưr kruôs viv txơưx huôv tsar uô nox uô hnar thiêz paz max sđ hâur thax tsav qơư nhoz sik đros hla đhâu yeiz pluôs, muôx luz nênhx vav mênhx, tsâu sor.

Tsôngv box….! Phênhv “Nôngx mênhx zuôr tsuv pâuz” hnuz no tsuôk muôx li no xưz. Phênhv no zos Đeix TNVN nhoz faz Tây Bắc uô đros trâu Tsênhv qơư cxiz kôngz têz qơưk paz max./.

(Vàng Lan BT-Riê Lâux cxeik, nhênhv)