Qơư yax kriê trâur nuv uô ntêx thâuv siz zuôr uô txix gơưv li chêx cuk nhoz Đắc Lắc

Tsôngv cưr tix fôngx zưs hmor yuô! Hâur tsaz yênhx hnuz no muôx jax sâu heik txos qơư yax kriê trâur nuv uô ntêx thâuv siz zuôr uô txix gơưv li chêx cuk nhoz Đắc Lắc.

          Tâu krêz uô cxôngx shông 2010 txos nhiv no, qơư yax kriê trâur nuv uô ntêx thâuv siz zuôr uô txix gơưv tsênhv phuôx huiz chêx cuk hâur hâux lưv txu grês qênhx shênhx siz zuôr nzor, siz zuôr cxênhz jê nhoz tỉnh no. Cxôngx co, tsôngv box sâuv thax tsav li yênhx tưv tsoz phưz đas jos xênhz zus nhuôs, tiv zix zos hluôk nênhs tâu muôz siêz đuô. Pos Phạm Thị Tuyết Nhung, chi cục Phưv chi cục jênh số tsưr ziv xênhz zus nhuôs tỉnh Đắc Lắc puz pâuz: “Pox niêv, nhuôv nxeik tiv zix zos pox niêv nhoz hov hnuz nhôngs xênhz zus mê nhuôs...li jênhv pâuz tâu muôz siêz. Têx nhuôv nxeik, hluôk nênhs cux jênhv pâuz tâu Luật siz zuôr thiêz chuôz zis, qênhx shênhx siz zuôr cxênhz jê tâu txu grês phênhv tưs. Hâur 6 luz hlik hâur shôngk shông, lơưr số laov thôngz sâu tsi tâu cxix cxuô nhiv kruôr muôx 2 gơưv siz zuôr cxênhz jê. Têx gơưv siz zuôr nzor zos 34/1503 gơưv. Siz zuôr nzor cux txu grês...”

          Tsi taz yax mông lok chêi siz zuôr, siz zuôr nzor, siz zuôr cxênhz jê li txux hiêv, têx njiêz luv li siz pư uô cê taz por, tsưr ziv phax tar tsi chiê muôx mê nhuôs, tir thêir têx zav moz cik đhâu niêv txir siz pư uô cê, HIV/AIDS.... Qơư yax kriê uô ntêx thâuv siz zuôr uô txix gơưv tưz yênhx qơư tâu têx hluôk nênhs njênhs njôngr cxaz chuôz chiê muôz siêz yênhx tưv lok đas jos xênhz zus nhuôs uô ntêx thâuv siz zuôr uô txix gơưv.

          Niêv lâuk Lương Hoàng Kim Chi, nhoz qơư yax kriê jos 1, xã Hòa Tiến pheiz kênh: “Tâu cxaz chuôz Câu lạc bộ no mak cur pâuz tâu têx xor mông thâuv ntêx tsi tâu pâuz, câu lạc bộ tưz heik kriê trâu cur têx yênhx tưv  uô ntêx thâuv zuôr txir....”

          Yuôr niêv lâuk Trần Thị Phương Loan, sêiz car qơư yax kriê uô ntêx thâuv siz zuôr uô txix gơưv phường Tân Tiến, Thành phố Buôn Ma Thuột, tỉnh Đắc Lắc puz pâuz: têx lênhx nhoz qơư yax kriê thâuv nhiv kruôr cxaz chuôz tsênhv tsi car heik tơưv, tov kaz no tưz car heik tơưv, muôz siêz jênhv pâuz. Qir thơưx tsuôk muôx 30 lênhx đros cxaz chuôz, txos nhiv no zos 50 lênhx: “Thâuv ntêx xênhz huôx câu lạc bộ, phênhv ntâu têx thành viên tsi car heik tơưv tul tsi. Taz sik txos nhiv no, lơưr tưz car heik tơưv, nus têx tsi tâu pâuz hâur luz nênhx, sik pheiz kênh têx yênhx tưv thâuv nhiv kruôr hloz tiêr nênhs, cux xưk li têx tsi tâu pâuz lol chuôz zis, fôngx zưs...”

          Cán bộ lok sik cộng tác viên jênh số li tsưr ziv zos: mul txos cxuô chuôz zis, sik thav, vênhv tôngv chiê tsôngv box pâuz thôngz, cxôngx co hlôngr yiêz jênhv pâuz thiêz huôx tôngv. Pos Phạm Thị Tuyết Nhung heik lok zuk li côngz xưv: “Cux muôx têx lênhx nhoz Ma Đ’Rắc thâuv zuk mul njiz heik txos vênhv thix siz zuôr nzor, siz zuôr cxênhz jê li txux hiêv, mak lơưr mnôngs thiêz tsi zuôr. 4 shông tov kaz lơưr tror zuôr iz tul txơưr đuô. Co cux zos iz kror yênhx côngz hâur tsaz yênhx. Cxôngx siz hluz lơưr cuiz tênhv uô fôngx zưs...”

          Txơưv tiêk nhiêx txiêx paz txưv krêz uô tsi ntâu, muôx nhos 60 tsov iz trâur nuv iz shôngk, muôx têx jiês xênhz huôx iz cán bộ tsuôk jênhv tâu 90 cxênhz đeiv iz jiês sik thav, taz sik đros thiêz siêz sir jos muôz siêz đas jos trâu tsôngv box, muôz siêz jênhv pâuz trâu cxênhx hluôk, phuôv tsar côngz xưv jênh số, lơưr tror trâu siêz uô jông têx huôx tôngv ntơưv qơư yax kriê no./.

Phênhv: NÔNGX MÊNHX ZUÔR TSUV PÂUZ

                    Luk Hmôngz (sôr 20)

                    Nta suôz hnuz   hli   shông 2016

                    Uô: VOV4

                    Nhạc hiệu phênhv “Nôngx mênhx zuôr tsuv pâuz”

Tsôngv pox nhuôs sơưr đơưk hmor yuô! Zos iz xã tox siêz muôx ar uô kôngz nuv tsơưs đros thiêz qiv hơưv phiv liv uô trâu luôs hâux lưv chos kôngz lôngk nhoz Sủng Là-Đồng Văn-Hà Giang njiz ntâu phiv liv. Chos tâux thiêz tu zus nhux đas tâu sêiz zos iz kror tsưr ziv uô huv đros paz trâu pêx xênhv nhoz no cxuôv yêiz thiv pluôs,  muôx nzir phênhv sâu.

Tu zus nhux đas cov tros muôx nzir phênhv sâu

(Hlôngr suôz)

Tix lâus Vưx Dungr Por, nhoz jok Đoàn Kết, xar Sủng Là, huyện Đồng Văn, tinhv Hà Giang li chuôz zis zuôr tâu 4 tuk nhux đas ntơưv chor ciêz Sà Phìn, Lũng Phìn lok zus cuv tros. Tâu cán bộ cxơưz cxiz uô kôngz huyện Đồng Văn kruôz kriê kỹ thuật, paz zav nox, yuôx cxax phax tar caz moz ươk trâu tsiêx cxu, viv li nhux hloz lox sêi, tsik trâus cik caz moz ơưk. Tix lâus hêik: “Thâuv ntêx cur chuôz zis tsik tâu pâuz tu zus nhux đas cov tros, viv li zuôr mâuv nhux lok zus hloz lox kênhz”. Lơưr tix lâus Por li njuôk xav mak iz hli nhux đas ndê muôx 3 triệu đêiv. Gri iz tuk nhux đas thâuv nhiv kruôr zuôr zos txix 25-27 triệu đêiv, nhiv kruôr zus tâu iz hli tưz muôx nênhs tuôx zok zuôr gri 31 triệu đêiv iz tuk.

Tsưr ziv tu zus nhux đas cov tros tâu uô hâur 3 luz hli, pox nhuôs tâu cơưv shâuv jông lok xêir zuôr chor hênhr nhux tsik muôx moz, tsik lâul hênhr chiê zus cov tros txix 24-26 hli hnuz nhôngs. Tsêr guôx mak tsuv uô lơưr faz nam, taz por đar txix 4-5 yiv ndis iz tuk nhux nhoz, muôx txâuk qơư trâu jâuz nox, đêx hâuk, taz por trâu tu zus cov tros, muôz nox cov txâuk cxuô zav nox, đêx hâuk. Thôngx cxix, tsik so vêv xênhz tsêr guôx, njik plâuz trâu nhux cov nhux hloz jông. Đhâu pêz hli zus cov tros mak tsuv muôz muôs ciês zos tsik uô li mak chêx cur zuôr tsik siêz”.

Phưv chủ tịch UBND xã Sủng Là, Lê Thị Bộ, puz pâuz: xar muôx 80% chor ziv chuôz zis nhoz Sủng Là puôr lênhx tu zus nhux đas chiê muôx qir zuôv, đas jos thiêz chiê muôs. Thâuv ntêx, pêx xênhv tsik muôx tsưr ziv tu zus viv li chêx cur tsik siêz. Thâuv trạm cxơưz cxiz uô kôngz tỉnh li tsưr ziv tu zus nhux đas cov tros tâu kriz uô, tas nro xã muôx 70 ziv chuôz zis nhoz 3 jok Đoàn Kết, Lũng Cẩm Trên, Sáng Ngài cxaz chuôz. Chor ziv chuôz zis tưz tax tâu zoz qơưx muôx txix 3-5 tuk nhux, tsêr guôx uô huv li tsưr ziv, muôx txâuk cxuô zav trâu nhux nox. Txơưv nhiv kruôr kriz uô txix hâur hlik hli 6, taz sik tsưr ziv tu zus nhux li no cux tưz paz muôx tâu chêx cur.

Zơưv Zax Pà Sinh nhoz jok Đoàn Kết puz pâuz, txơưv nhiv kruôr tu zus nhux đas cov tros tâu iz ntu taz sik zơưv chuôz zis tưz muôs tâu iz tuk gri zos 31 triệu đêiv, sâu tâu nhiêx liv 7 triệu đêiv. Nhiv no zơưv ziv chuôz zis tsênhv tu zus 3 tuk nhux đas cov tros lơưr cán bộ cxơưz cxiz uô kôngz li kruôz kriê.

Phênhv Nôngx mênhx zuôr tsuv pâuz hnuz no xâuk li no xưz. Phênhv no zos Đaix TVN congv đros tsênhv qơư cxơưz cxiz uô kôngz têz qơưk uô./.