Triệu Thị Nhậy zos iz lênhx huôv tsar truôx hêir nênhs Cho têx txux chi, vênhx huôv jông

          Xênhz zus thiêz hloz lox hâur hêir nênhs Cho chuôz zis nhoz tỉnh Yên Bái, txix thâuv tsênhv zâu, pos Triệu Thị Nhậy tưz zênhx nhiêv zuk hêir nênhs Cho têx txux chi suôz sênhr hêik cưr cxiêx. Thâuv hloz lox muôx 10 shông, Pos Nhậy tưz tâu nưk niêv thiêz niêv têik kriê cơưv hêik hêir nênhs Cho têx suôz sênhr cưr cxiêx Páo Dung thiêz thâuv hloz lox tiêr nênhx, pos Nhậy têx suôz sênhr cưr cxiêx tưz tâu chôngz lênhx ntâu tus pâuz txos.

          Đhâu iz ntu ntêr, pâuz tâu zuk hêir nênhs têx txux chi, vênhx huôv jông chuôs li tưz trâus pôngz plox tsơưs lơưv jux juk. Chênhr zos li hêik ntơư, Triệu Thị Nhậy thiêx uô ntêx nyuôk cxiv tsa iz paz tuz nxêik cơưv shâuv thiêz khơưk tsês zuk hêir nênhs Cho têx txux chi, vênhx huôv jông hâur thax tsav xã cov muôx đros đrêiv hâur luz nênhx niêx hnuz tsik chiê pôngz plox; muôx chôngz lênhx ntâu tus tuz nxêik hâur thax tsav tuôx đros cơưv shâuv nthuôr uô cêr lov jêv, đhiê pax vuôs, hêik gâux, hêik cưr cxiêx…Đhâu co, muôx chôngz lênhx ntâu tus tưz muk đros tưr nthuôr uô cêr lov jêv đhiê pax vuôs, hêik gâux, hêik cưr cxiêx trâu cxuô tsênhv qơư, hâur thax tsav tỉnh Yên Bái tâu muôz ntâu ntơưr kruôk. Hâur ntu zok nriêr thiêz khơưk tsês hêir nênhs Cho têx txux chi, vênhx huôv jông, Triệu Thị Nhậy cux tsênhv xar tơưv heeirr nênhs Cho 40 jax cưr cxiêx muôx njiêz luk hêik txos zơưv Hloz Hôx têx luk kriê, hêik txos đảng, têz qơưs, jêx jos hlôngr yiêz, tsôngv px muôx luz nênhx tsâu sor: “Hâur ntu ntơư, tsôngv px luz nênhx tsênhv yuôr ntâu txov nhêv, phênhv ntâu tsôngv px hêir nênhs Cho tsênhv uô nênhx txov nhêv; tsik tâu moz siêz txos zuk hêir nênhs têx txux chi, vênhx huôv jông. Chênhr zos li co, ziv cxơưz cxiz trâu cur moz siêz zok nriêr, khơưk tsês chiê zuk hêir nênhs têx txux chi, vênhx jông tsik chiê pôngz plox”

          Pâuz tâu tsôngv pox niêv vir ndâuk hêir nênhs Cho, muôx tsưr ziv xơưk zuk hêir nênhs têx tsôngk tiêz, tsôngk yo, pax ntâuz đuôr tưk, taz sik tsênhv huôv tsar uô tsik tâu truôx. Txos shông 1996, tâu Hội pox niêv vir ndâuk tỉnh Yên Bái moz siêz paz max txos, Pos Triệu thị Nhậy tưz kriz  iz lớp kriê cơưv shâuv xơưk hêir nênhs Cho têx tsôngk tiêz, tsôngv yo, pax ntâuz đuôr tưk, muôx 45 lênhx pox niêv vir ndâuk tuôx cơưv. Đhâu ntơư, muôx chôngz lênhx ntâu tus pox niêv, vir ndâuk tưz muôx hâux lưv uô, muôx phênhv sâu tâu nhiêx txiêx chox lok sir zôngv hâur luz nênhx. Pos Triệu Thị Hồng, nhoz jos Ba Túc, Xã Phúc Lợi, tỉnh Yên bái shir phaz lul hêik: “Tâu niêv lâuk triệu Thị Nhậy kriê xơưk tsôngk tiêz, tsôngk yo, pax ntâuz đuôr tưk, ntok ntauz cxuô zav. Xav txos trâu nhiv no, cur tưz uô tâu ntâu zav pax ntâuz, tsôngk tiêz, tsôngk yo jông jav. Đros co, niêv lâuk Nhậy cux tsênhv kriê sđ cơưv shâuv hêik zuk hêir nênhs Cho têx cưr cxiêx Páo dung muôx đros đrêiv hâur luz nênhx”

          Shông 2019, jos ntok ntâuz, xơưk pax ntâuz đuôr tưk jos Hai Túc tâu côngk nhav zos qơư khơưk tsês hêir nênhs Cho têx txux chi, vênhx huôv jông thiêz pos Nhậy zos iz lênhx uô ntêx nyuôk uô tâu truôx luôs hâux lưv co: “Jông siêz zos khơưk tâu tsês hêir nênhs Cho têx txux chi, vênhx huôv jông trâu ntơưv jos hai Túc đros trâu jos hai Túc zos qơư huôv tsar thiêz tsês chiê zuk hêir nênhs tsơưs têx txux chi, vênhx huôv jông cxôngx nzor thiêz tsênhv zuôr sir jos huôv tsar uô cov tâu ntâu zav hax huv jông, muôs trâu tsôngv kruô oz chas têz qơưs”

          Trơưk li zơưv Lương Hồng Ngoan, phưv chủ tịch xã Phúc Lợi, huyện Lục Yên, tỉnh Yên Bái: Pos Triệu Thị Nhậy zos iz lênhx muôz siêz trâu ntuô zok nriêr, khơưk tsês zuk hêir nênhs Cho têx txux chi, vênhx huôv jông cxôngx nzor hâur thax tsav tsik chiê trâus pôngz plox: “Triệu Thị Nhậy zos iz lênhx khơưk tsês thiêz huôv tsar truôx hêir nênhs Cho luôs hâux lưv ntok ntâuz, xơưk pax ntâuz đuôr tưk, xơưk tsôngk tiêz, tsôngk yo thiêz khơưk tsês tâu hêir nênhs Cho cxuô suôz sênhr hêik gâux, hêik cưr cxiêx tâu têz qơưs kruôk txos”

          Shông 2018, pos Triệu Thị Nhậy, tâu chủ tịch têz qơưs muôz  ntơưr kruôk, viv uô truôx luôs hâux lưv khơưk tsês tâu hêir nênhs Cho têx txux chi, vênhx huôv jông muôx đros đrêiv hâur luz nênhx tsik chiê pôngz plox./.

                                            Tsu cxêik nhênhv-Thiều Nghiệp Tây Bắc

Têz sơưr đơưk têx luk nus lok bảo hiểm y tế, bảo hiểm xã hội 

Hâur ntu tsênhv shâuv uô hâux lưv pok thêv nhiêx  BHXH, BHYT?

Hâur ntu tsênhv shâuv uô hâux lưv (ntêr yax zos 2 luz hlik) tâu uô trơưk li cui tinhv hux thôngx shâuv uô hâux lưv, tsi tâu zos ntu uô hâux lưv chênhr  trơưk li hux thôngx lox tôngv, viv li tsi tâu thêv nhiêx BHXH, BHYT.

Hâur ntu so xênhz zus nhuôv pok thêv nhiêx BHXH, BHYT?

Hâur ntu so xênhz zus mê nhuôv tsi thêv nhiêx BHXH, tsuôk thêv BHYT xưz. Trơưk li cui tinhv, nênhs lox tôngv tsuv thêv 3%, taz sik têz qơưk cxiz nênhs sir zôngv lox tôngv paz chor nênhs lox tôngv thêv chor nhiêx co.

Txix hnuz xiêz 01/7 muôx cui tinhv tưs lok sâuv tsôngv pêx xênhv tsuv đas cir seiz njuôk shuôs kho moz ntơưv huyện mak tsi tâu đas cir seiz njuôk shuôs kho moz ntơưv têx tsêr kho moz hâur tỉnh nhoz đros iz thax tsav qơư? Viv nhiv no, pêz zuôr ntơưr seiz njuôk shuôs moz txưv zênhv trơưk chuôz zis, tâu cơ quan bảo hiểm heik cov kho đuô qơư seiz njuôk shuôs kho moz xuz thơưx, zos Tsênhv qơư y tế hlôngr viv li thâuv ntêx zos tsêr kho moz đa khoa thax tsav. Xar pâuz tsênhz seiz têx li heik co zos li chas?

Trơưk li Bộ Y tế cui tinhv ntơưv Grê 8, Grê 9 Thông tư 40/2015/TT-BYT hnuz 16/11/2015: Lênhx nênhs zuôr ntơưr seiz njuôk shuôs moz tâu vax huôv đas cir qơư seiz njuôk shuôs, kho moz xuz thơưx hâur đeiv ntơưr co ntơưv iz hâur têx qơư seiz njuôk shuôs kho moz xuz thơưx hâur xã lok sik têx qơư y tế iz zav li ntơư, tsêr kho moz hâur huyện lok sik iz zav li hâur huyện, huv đros qơư uô hâux lưv, qơư nhoz thiêz qơư seiz njuôk shuôs kho moz co. Hok têx qơư seiz njuôk shuôs kho moz txix ntơưr bảo hiểm y tế xuz thơưx hâur tỉnh, T.Ư mak uô trơưk li Giám đốc Sở y tế kriê thiêz cui tinhv đhâu thâuv muôx Giám đốc BHXH tỉnh ntâuz ntơưr thôngx ziv.

Seiz lok sâuv têx cui tinhv heik tas co, cox tâu xeir qơư đas cir seiz njuôk shuôs kho moz xuz thơưx txix bảo hiểm y tế ntơưv iz hâur têx qơư seiz njuôk shuôs kho moz hâur quận, huyện, xã cov huv đros trâu zuk qơư nhoz.

Chuôz zis muôx 3 tus nhuôv puôr lênhx muk cơưv hur si, pok tâu txo grêk tsơưs têx nhiêx zuôr bảo hiểm y tế shux xênhz?

Cox 3 tus nhuôv puôr lênhx zos shux xênhz mak zuôr ntơưr bảo hiểm y tế tâu nhiêx txiêx têz qơưk paz iz phênhv nhiêx thêv zuôr chor ntơưr co trơưk Chính phủ li cui tinhv ntơưv yôngx 3 Grê 4 Nghị định sôr 146/2018.NĐ-CP hnuz 17/10/2018 cui tinhv tsênhz mênhx thiêz kriê uô lơưr iz cxiê grê hâur chei Bảo hiểm y tế.

Yôngx 1 Grê 8 Nghị định sôr 146/2018/NĐ-CP cui tinhv phênhv paz max trâu chor shux xênhz zuôr ntơưr seiz njuôk shuôs moz, tsơưs yax zos 30%. Iz cxiê tỉnh, TP muôx têx sir zôngv nhiêx txiêx ntơưv qơư lok sik hu zâuv sơưr đơưk hâur xã hội trơưk chei têz qơưk, sik đros paz nzir iz kro mê njik thêv têx nhiêx shux xênhz zuôr ntơưr seiz njuôk shuôs moz. Zos têx lênhx, hâur thax tsav qơư paz nzir tsi tâu mak hur si 3 lênhx nhuôv tsuv thêv 70% nhiêx zuôr ntơưr seiz njuôk shuôs kho moz.

Cur chuôz zis zos chuôz zis heir nênhs tsơưs, nhiv kruôr đhâu tsi tâu têx ntơưr seiz njuôk shuôs moz zos têz qơưk paz zuôr ntơư txix hnuz xiêz 01/7/2021. Đhâu co, cur thiêx li muôz nhiêx zuôr ntơưr seiz njuôk shuôs moz trâu cur thiêz cur tus nhuôv tuz  nhiv kruôr cơưv tas ntơưr lớp 8 trơưk chuôz zis. Taz sik hâur tsêr cơưv nhiv no lơưr hêik tiêk, shux xênhz tsi tâu zuôr ntơưr seiz njuôk shuôs moz đros chuôz zis, tsuv zuôr hâur tsêr cơưv. Uô li thor nus seiz chei tưs cui tinhv têx li heik co?

Ntơưv yông 2 Grê 13 chei bảo hiểm y tế shông 2014 cui tinhv “Iz lênhx nênhs zos lênhx tâu zuôr têx ntơưr seiz njuôk shuôs moz trơưk ntâu tsưr ziv nhiêk txơưr nhiêk cui tinhv ntơưv Grê 12 hâur chei no, mak thêv têx nhiêx zuôr ntơưr seiz njuôk shuôs moz trơưk li kror xuz thơưx lênhx nênhs co tâu xav tinhv trơưk cui tinhv chor nênhs tâu zuôr têx ntơưr ntơư cui tinhv ntơưv Grê 12 hâur chei no.

Seiz trơưk li têx heik sâuv, cox tus nhuôv zos shux xênhz mak zuôr ntơưr seiz njuôk shuôs moz shux xênhz thiêz tâu nhiêx txiêx têz qơưk paz max 30% chor nhiêx thêv zuôr ntơưr seiz njuôk shuôs moz lơưr cui tinhv./.

Thu Thùy-Riê Lâux cxeik, nhênhv