Jax sâu thưr 3.20.12.2016:

CÊR SHIR PHAZ LOX SÂUV CÔNGZ TSINHX ĐÊX TÊNHV LAI CHÂU

          Chiv blêx nhiv kruôr đhâu, niêv lâuk Điêu Thị Thiện chuôz zis nhoz jos Nậm Hài, xã Mường Mô, huyện Nậm Nhùn sâu tâu 24 hnaz blêx. Viv tsêz chos trâu têx ar têz yiêz, sâu tâu blêx, muôx txâuk nox hâur niêx hnuz thiêz tsênhv muôx txâuk chuôz zis tsês chiê tos tsiêz shông yiêz zuôr txos.

          Niêv lâuk Thiện chuôz zis đros 124 ziv chuôz zis tsôngv box jos Nậm Hài txar tuôx nhoz no chiê tsês qơư kuz uô tsêr meir đêx tênhv Lai Châu tưz tâu 4 shôngk. Cxôngx thâuv txar lol nhoz no, pox nhuôs luz nênhx muôx ntâu hlôngr yiêz. Cêr mul lol zôngx ziv đuô, muôx tênhv tênhz, đêx xênhz huôx cxix cxuô phưx vưv xênhz huôx. Đrâuv tâu cungz ar uô tsêr nhoz, cungz ar uô xênhz yar, paz txưv txar qơư nhoz, pâux nzir.... têx ziv chuôz zis tsênhv tâu paz txưv kôngz krâur hâur 4 shông. Niêv lâuk Điêu Thị Thiện heik:

          “ Oz tul mê nhuôs mul cơưv ntơưr ntơưv tsênhv qơư, cơưv ntơưr nhoz no jê đuô, nhoz jos kuz mak tsuv mul đêz hênhr”.

          Zơưv Lò Văn Học, nhoz jos Nậm Hài cux shir phaz heik:

          “ Txar tuôx qơư yiêz mak jông đuô, muôx tênhv tênhz, cêr mul lol, tsêr cơưv ntơưr, trạm y tế, xênhz huôx nhoz no cux jông đuô nhoz qơư kuz”.

          Lơưr zơưv Trần Văn Dũng, tsar ban coar lik dưv án yưv pênhr têx côngz tsinhx kôngz nuv thiêz huôv tsar nôngx cxênhz tỉnh Lai Châu puz pâuz: Chor ziv chuôz zis trâus zênhr shar thâuv krêz uô côngz tsinhx đêx tênhv Lai Châu zos 2000 ntâu ziv, tas nro tâu txar tuôx 18 qơư nhoz yiêz:

          “ Hâur six hơưv krêz uô dự án, zuôr chênhz zênhv thâuv uô tsêr meir đêx tênhv Sơn La mak pêz krêz uô uô cê têx côngz tsinhx, cxôngx qơư nhoz txos tsêr cơưv, cêr zaoz thôngz, cxix luôk cưx đês, đêx hur... Viv li thâuv tsôngv box jênhv ar mak tưz tuôv zênhv tâu tsôngv box têx zoz qơưx thâuv tuôx nhoz qơư yiêz”.

          Krêz uô dự án txar qơư nhoz yiêz trâu tsôngv box chiê uô tsêr meir đêx tênhv Lai Châu, đros thiêz têx chênhz zênhv, jax cơưv muôx tâu cxôngx uô tsêr meir đêx tênhv Sơn La, tỉnh Lai Châu xav tênhv, côngz xưv txar qơư nhoz trâu tsôngv box zos tas nro Đảng bộ li jênhv vưv tsênhv. Tỉnh tưz huiz tôngv tas nro cxix luôk chính trị, têx nganhx sik đros uô. Tỉnh tưz njuôs xav têx qơư nhoz yiêz đros huôv tsar KTXH tỉnh, thiêz sâuv yênhx thax tsav reik đros cxiv tsa nôngx cxênhz yiêz.

          Hâur six hơưv krêz uô, têx tiv phaz tưz taz por jênhv chuv, tâu tsôngv box thiêz chinhr quyênx cơ sở thôngx ziv. Lơưr co 2000 ntâu ziv chuôz zis tưz txar mul qơư nhoz yiêz taz por. Zơưv Lê Trọng Quảng, Phưv chủ tịch UB tỉnh Lai Châu puz pâuz:

          “ Tsênhv chei đros qơư nhoz yiêz chiê zuôr qơư kuz uô tsêr meir đêx tênhv Lai Châu tưz tâu uô uô cê, tsênhz mênhx thiêz yax mông txos tsôngv box, tâu tsôngv box têx mênhx cxưx thôngx ziv. Vênhv thix tiv 2 zos cux zuôr chênhz zênhv thâuv uô tsêr meir đêx tênhv Sơn La, côngz xưv njuôs xav jiês no tâu uô sei reik đros cxiv tsa nôngx cxênhz yiêz. Viv li hâux lưv uô têx côngz tsinhx cxuô zav tâu taz por truôx jông cux xưk li ndar txos hlôngr yieiez kôngz nuv, kinh têr chiê nzor ngaz tul luz nênhx cux xưk li tsưr ziv huôv tsar truôx vênhs lêx ntêr trâu côngz xưv txar qơư nhoz yiêz tưz tâu xav tênhv”.

          Têx hnuz no, tsôngv box têx mênhx cxưx thax tsav qơư nhoz yiêz tsênhr sir jos uô lox tôngv xênhz yar. Lênhx tưs cux jông siêz hơưv tos hnuz uô tiêr côngz tsinhx, viv dưv án uô tiêr uô ntêx iz shôngk pir đros tsưr ziv mak muôx iz phênhv gôngr côngv tsi mê cxôngx pox nhuôs têx mênhx cxưx nhoz no./.

(Lan Thủy- Txâur Vax cxeik nhênhv)

Phênhv thưr 3 hnuz 20/12/2016

Chêi por vêv thiêz huôv tsar jôngr

     Grê 36. Tas nro pêx xênhv li txơưx jênhv por vêv jôngr.

    1. Cơ quan têz qơưk, tsưr tsix, côngv thôngx pêx xênhv jêx jok, ziv chuôz zis, tiz nênhs muôx txơưx jênhv por vêv jôngr, uô jông têx cuiz tênhv lok por vêv jôngr cov zos đrêiv chêi têz qơưs .

    2. Tsưr tsix, ziv chuôz zis, tiz nênhs nhoz trâu thax tsav muôx jôngr, ntus jôngr muôx txơưx jênhv uô trơưk cxuô cuiz tênhv por vêv jôngr; hêik trâu cơ quan têz qơưs muôx vax huôv lok sik tsưr jôngr pâuz lok qir tiv uô hluôr tơưk cuz jôngr, têx kror uô hiêv txos jôngr; uô lơưr cơ quan têz qơưs muôx vax huôv têx chêi tso tơưv.

     Grê 37. Tsưr jôngr li txơưx jênhv por vêv jôngr

    1. Tsưr jôngr muôx txơưx jênhv por vêv zuk têx har jôngr; cxiv tsa cxuô faz tsưr ziv por vêv jôngr; phax tar ntor luôx jôngr; phax tar tuô tsiêx kuk thiêz phax tar hluôr tơưk cuz jôngr, phax tar têx zav uô hiêv txos jôngr lơưr cuiz tênhv hâur chêi no.

    2. Tsưr jôngr tsik uô lơưr têx cuiz tênhv ntơưv ntu 1 Grê no chiê têx jôngr ntông trâus ruôr puôk tsuôx, tus tsưr jôngr ntơư, tsuv trâus cxâuv chêi têz qơưs.

    Grê 38. Uyv ban cxuô cấp li luôs hâux lưv por vêv jôngr

    1. Uyv ban tinhv, thanhx phôr nhoz saz trung ương tsuv tâu uô

   a) Tso tơưv têx ntâuz ntơưr hêik lok sêiz car, por vêv jôngr hâur zuk thax tsav qơư nhoz.

    b) Tsưr tsix uô côngz xưv yax kriê lok chêi têz qơưs por vêv thiêz huôv tsar jôngr;

    c) Tsưr tsix, chox kriê hâux lưv phax cuz, tuô cuz jôngr, phax tar têx zav uô ruôr hiêv txos jôngr nhoz tiv phaz; chox kriê uô thiêz qênhz yuôx hâux lưv por vêv jôngr ntông lơưr chinhr phuv cuiz tênhv;

    d) Chox kriê hâux ưv tsưr tsix cxiv luôs hâux lưv por vêv jôngr, huiz tôngv thiêz sik côngv đros chor nênhs chiê tir thêir cxuô kror uô hiêv txos jôngr sâuv thax tsav;

    đ) Qênhz yuôx hâux lưv uô lơưr chêi têz qơưs lok por vêv thiêz huôv tsar jôngr sâuv thax tsav; xưv bluô chor nênhs ruôr ntor zuk têx jôngr ntông sêiz car, por vêv jôngr lơưr chêi têz qơưs quy tênhv.

    2. Uyv ban huyênv, quânv, thiv xar, thanhx phôr nhoz tinhv muôx txơưx jênhv:

    a) Kruôz kriê uô lơưr têz qơưs têx chêi lok sêiz car, por vêv, sir zôngv jôngr hâur zuk tiv phaz;

     b) Tsưr tsix côngz xưv yax kriê, hêik pâuz, kruôz kriê chêi têz qơưs por vêv thiêz huôv tsar jôngr;

    c) Chox kriê Uyv ban xar, phươngx, thiv trânr uô lơưr têx tsưr ziv por vêv jôngr, kriz uô ntông lơưr phapz luâtk li cuiz tênhv;

     d) Huiz tôngv thiêz sik côngv cxuô lưx lươngv sâuv thax tsav chiê tir thêir cxuô kror uô hiêv txos jôngr, phax cuz, tuô cuz jôngr, phax tar têx uô hiêv txos jôngr;

    đ) Qênhz yuôx uô lơưr chêi têz qơưs, sêiz car, por vêv jôngr sâuv thax tsav; xưv bluô chor nênhs uô ruôr hiêv txos  jôngr ntông cov zos đrêiv chêi têz qơưs./.

(Tuyết Lan-Lik Thox cxêik nhênhv)