Jax 2: Chiê tox siêz tsik yuôr cêr pôngz siêz txix chơưr

Chơưr uô muôx yưv têx phiv liv, têx thâuv tsênhv uô tuôs nênhs zos pêx xênhv hâuk ntâu chơưr. Hok chuz chơưr, zuôr muôs thiêz sir zôngv chor chơưr no cux muôx tsik so nhoz tsôngv box tox siêz Sơn La. Cxur, xaz zos têx zav chiê uô chơưr tâu pox nhuôs zuôr ntơưv têx ciêz đrôngs lok viv li cux khav tênhv tsik tâu tsơưr lươngv, muôx tưx lok tsik muôx. Niêv tix Lù Thị Mòn, iz chuôz zis chuz chơưr ntâu shông nhoz jok Bản Bó, phường Chiềng An, thành phố Sơn La puz pâuz:

“Txix thâuv cxiv tsa chuôz zis txos nhiv no, cur cux tsik so chuz chơưr chiê chuôz zis sir zôngv thiêz muôs trâu pox nhuôs hâur jok. Txix thâuv uô txos nhiv no tsik hnor lênhx tưs tuôx hêik li chak hlo, tsik zos cur chuôz zis xưz, chor chuôz zis txơưr đuô cux uô. Cur uô zos chiê trâu chuôz zis sir zôngv, pox nhuôs hâur jok cux zuôr muk zôngv”.

Iz thênhv jux juk tir tar têx phiv liv tiv chơưr, lưx lươngv cảnh sát zoz thôngz Công an tỉnh Sơn La tưz sir jos uô côngz xưv qênhz yuôx, xưv lik truôx chor yêz cxaz chuôz zoz thôngz uô zuôv chêix hâuk chơưr bia thâuv tsar yêz, txo grêk tsơưs têx  txiêz nanv zôngx ziv muôx yưv. Chor qơư y tế sik côngv njuôk kho moz đros yax kriê, hêik trâu nênhs moz pâuz txos chơưr, bia li têx phiv liv tsik jông, txix co sir jos chiv zênhk chơưr. Cưk yuôx Lê Văn Thành, giám đốc tsêr kho moz Tâm thần tỉnh Sơn  La puz pâuz:

“Yax kriê trâu pêx xênhv pâuz txos chơưr li têx phiv liv. Tsuv muôz uô iz tsaz yênhx kruôz kriê hâur tsêr cơưv ntơưr, hâur hluôk nênhs, hội gâux muôv vir ndâuk chor jiês xênhz huôx, tso trâu hâur chêix jêx jok. Zos tiêk hâuk chơưr cux zos kror cor cav hâur yênhx hnuz mak cux lax uô”.

Ban chox kriê 389-Ban chox kriê phax tar muôl muôs hax huv chuôr thiêz tsik zos chêi tỉnh Sơn La cuxair jos uô côngz xưv qênhz yuôx, xưv lik huôx tôngv uô xênhz yar kinh doanh chơưr sâuv thax tsav, đros côngz xưv yax kriê, hêik trâu pêx xênhv pâuz pháp luật, gra siêz pêx xênhv li txơưx jênhv đros têx hax huv chơưr chuôr, tsik taz por tsơưr lươngv. Hâur co tsov cưv txos chor chơưr pêx xênhv chiv chir uô, chơưr tsik pâuz tsênhz qơư…hâur chor hli txix hâur shôngk shông txos nhiv no, lưx lươngv sêiz car ciêz đrôngs tỉnh tưz qênhz yuôx 270 qơư uô, kinh doanh chơưr; xưv lik phamv cxâuv 143 qơư; sâu tsês muôx 400 ntâu triệu đêiv, sâu tsês muôx 1.600 lir chơưr đơưz; zuôv sâu tsês 6.300 ntâu lir chơưr, 230 hưx chơưr pâuz tsik tsênhz qơư, tsik lo ntơưr li cuiz tênhv. Taz sik, lơưr zơưv Nguyễn Viết Thông, chi cục phưv chi cục sêiz car ciêz đrôngs Sơn La: côngz xưv sêiz car, qênhz yuôx cux njiz tsik tsơưr têx phiv liv:

“Sâuv thax tsav mak chor qơư uô chơưr zos qơư zâu. Tsôngv box mênhx cxưx uô chơưr zos phưx vưv trâu zuk sir zôngv thiêz uô xênhz yar tu zus. Viv li, hâux lưv sêiz car, qênhz yuôx chor qơư kinh doanh njiz ntâu phiv liv tiv thax tsav đar, nênhs ho muôx tsơưs. Đros co, chuôs li chor qơư kinh doanh zuôr chơưr txix ntâu qơư sik txơưr, lax qênhz yuôx tâu yênhx zav chơưr li qơư uô. Thâuv nhiêx txiêx phưx vưv trâu hâux lưv qênhz yuôx uô hâux lưv no tsênhv muôx tsơưs”.

Txis shông 2013, Ban Thường vụ Tỉnh Ủy Sơn La tưz tso tơưv chỉ thị số 25 lok gra siêz txơưx jênhv thiêz kho đuô cán bộ, đảng viên, công chức, viên chức li txơưx jênhv. Đhâu 4 shông ntâu kriz uô, đros chêx cur jông zos iz hnuz jux juk gra siêz đuô cán bộ, công chức, viên chức li txơưx jênhv, tiv zix zos hlôngr yiêz tâu tas nro cán bộ, công chức, viên chức li cor cav hâuk chơưr bia thâuv uô hâux lưv, tiv zix zos cấp xã, phường, thị trấn. Zơưv Mai Văn Lành, phưv trưởng ban Tuyên giáo Tỉnh Ủy Sơn La puz pâuz:

“Uô lơưr chỉ thị, phênhv ntâu cán bộ, đảng viên, công chức, viên chức tưz gra siêz txơưx jênhv, sir jos uô hâux lưv, sir zôngv muôx chêx cur six hơưv uô hâux lưv. Chor cơ quan, taz viv li chor jiês cơưv zos tsưr tsix trâu zar têik cik mak tsik no su, lok sik nox taz sik tsik hâuk chơưr, bia. Iz cxiê lênhx nênhs uô cxâuv tưz tâu xưv lik, kruôz kriê đuô”.

Chor lưx lươngv txơưx jênhv li sir jos zuôr paz uô trâu pêx xênhv hlôngr yiêz đuô jênhv pâuz lok sir zôngv chơưr, bia. Taz sik, chiê tox siêz tsik yuôr têx phiv liv, pôngz siêz txix chơưr mak tsuv muôx têx huôx tôngv tsênhv tsênhz txix yênhx jêx jok, yênhx chuôz zis thiêz yênhx lênhx pêx xênhv nhoz tox siêz./.

(Bích Thủy-Lường Hạnh-Lik Thox cxêik nhênhv)

PHÊNHV ĐÊX HUR THIÊZ VÊV XÊNHZ TÊNHX QƠƯ JÊX JOK

Yax six nzuôr chêr

          - Luz chêr tsi tâu nzuôr hur si zos tênhx qơư jông chiê moz huôv xênhz.

          - Zôngr thiêz tês zoss qir tiv thiêz qơư uô cik têx zav moz no.

          - Khâuz ndơưk kiês nênhs thiêz tsi kruôr zos theox chênhv chiê caz hmoz huôv xênhz.

          - Moz kror muôs liêz zôngx ziv siz cik nhoz lênhx nênhs zos sik đros zôngv uô cê iz txox fuôv nzuôr muôs.

          - Chaz mak zôngx ziv gras đhâu tơưr greix lol hâur lênhx nênhs li chêr.

          Têx hâux lưv tsuv uô:

          - Yax six nzuôr chêr, tsuv zôngv yuôx phongx thiêz đêx hur nzuôr.

          - Nzuôr muôs hâur niêx hnuz.

          - Nxuô khâuz ndơưk thiêz fuôv nzuôr muôs yax six thiêz jiêz cov kruôr.

          - Tsi zôngv uô cê iz txox fuôv nzuôr muôs.

          - Tsi chiê mê nhuôs gras lok sik txov hâur ar.

          - Tsi mul tơư liêz tsuv ar.

          Sir zôngv thiêz por vêv hâur đêx hur si

          - Đêx trâus kiês nênhs zos qir tiv uô trâus têx zav moz li: thox plaz...

          - Tas nro têx hâur đêx ( kror đêx cxơưr, đêx nas, pas đêx...) puôr lênhx muôx caz hmoz viv têx hâur đêx no trâus kiês nênhs txix ntâu qir tiv txơưr.

          - Kror đêx jê tsêr vêv xênhz, guôx tu zus tsiêx cxu zuôr trâus kiês nênhs.

          - Têx hâur đêx txơưr cux zuôr trâus kiês nênhs zos: nhoz jê cxix luôk cưx đês tso đêx kiês nênhs, jê tsêr vêv xênhz, qơư por têx vuôz tsuôz kiês nênhs...

          - Kror đêx cxơưr, pas đêx lok sik têx chuôz zênhx trâu đêx tsi muôx chuôz zênhx vor cux zôngx ziv trâus kiês nênhs….

          Têx hâux lưv tsuv uô:

          - Sir zôngv hâur đêx hur chiê uô mor nox thiêz hâuk.

          - Zôngv thiêz por vêv hâur đêx.

          - Por vêv hâur đêx: kror đêx cxơưr, tul đêx, pas đêx...

          - Tsi tso yar tsiêx cxu cxiê qơư.

          - Tsi zôngv đêx nas hâur têx coz nas xuz thơưx viv zôngx ziv trâus kiês nênhs thâuv ntưk sâuv trur tsêr lol.

          - Chuôz zênhx tso đêx tsuv muôx hâu vor cov ntov, hur thiêz tâu nzuôr hur si tsik so.

          - Chuôz zênhx đâuk đêx tsuv tâu por vêv hur si, yax six nzuôr thiêz muôz đei cov siêz.

          - Tsi zôngv têk cor trâu hâur têx đêx hur thiêz têx chuôz zênhx đâuk đêx, chuôz zênhx tso đêx./.

(Tuyết Lan- Txâur Vax cxeik nhênhv)