Sơn La: Taz por jông tiv zix trâu tsôngv box uô hâux lưv cêv kuôk

          Hâur têx hnuz đhâu, tsôngv box cxaz chuôz cêv kuôk chêx chôngk ntơưv no tâu seiz njuôs đas jos iz hnuz 2 jiês thiêz uô jông têx tsưr ziv phax tar moz. Thôngx cxix, tâu tuôv zênhv cxix cxuô têx zoz qơưx zuôr trâus phưx vưv xênhz huôx hâur niêx hnuz...lơưr cui tênhv.

          Niêv lâuk Trần Thị Thu Hà, nhoz phường Chiềng Lề, thành phố Sơn La- iz hâur têx lênhx tsôngv box nhiv kruôr tâu cêv kuôk tas 14 hnuz ntơưv Trung đoàn 754 shir phaz heik: “Nhoz no muôx cxix cxuô chuôz zênhx cxuô zav, tsênhv muôx ti vi seiz, muôx mạng wifi thiêz, iz hnuz 3 pluôk mor, viv li tsôngv box tsi cxoz cxơưx thâuv tuôx cêv kuôk, nhoz no zuk đas jos cux taz por, txơưv cur tsênhv xênhz tuz ci hâur chêr mak cux tso siêz, tso siêz đuô nhoz hâur tsêr thiêz”.

          Ciês thâuv uô tiêr ntâuz ntơưr tso tsôngv box tâu cêv kuôk đhâu 14 hnuz mul tsêr, Trung đoàn zuôr sik côngv đros tsênhv qơư seiz car moz tỉnh tsuôk yuôx tuô caz moz qơư cêv kuôk thiêz iz buôk ndis thax tsav. Thôngx cxix, tror bax chuôz zênhx chuôz tas taz por muôx txâuk 200 txax chiê tos tsôngv box tuôx cêv kuôk zos zuôr trâus.

          Trung tá Nguyễn Đình Chiến, Phưv trung đoàn tsar cux zos Tham mưu trưởng Trung đoàn 754, Bộ chỉ huiz quân sự tỉnh Sơn La puz pâuz: “Đros thiêz têx thax tsav bax trâu hâux lưv cêv kuôk mak Trung đoàn taz por jông têx côngz xưv, têx txax trâu tsôngv box tâu cêv kuôk jông tiv zix; tiv 2 zos cxix luôk vêv xênhz, taz por muôx ti vi, wifi chiê tsôngv box xênhz huôx thiêz tso siêz cêv kuôk hâur six hơưv cui tênhv”.

          Sâuv tas nro tỉnh Sơn La, thôngz sâu txos nhiv no, tas nro 12 huyện, thành phố puôr lênhx tưz bax têx qơư cêv kuôk, truôx siêz tos tsôngv box tuôx cêv kuôk thâuv zuôr trâus. Đrâuv co, tỉnh SƠn La cux nhiv kruôr uô tiêr iz qơư cêv kuôk chêx chôngk ntơưv thành phố Sơn La muôx 160 txax trâu tsôngv box. Six hơưv zuôr txos, têx qơư cêv kuôk chêx chôngk no zuôr tâu bax cxaz chuôz zênhx y tế chiê chuv tôngv tir tar zos muôx têx txơưr txar lok moz.

          Pos Nguyễn Thị Kim Anh, Giám đốc Sở y tế tỉnh Sơn La heik: “Chiê bax trâu tsêr kho moz huôx tôngv mak hâux lưv xuz thơưx nganhx y tế tsov cưv thiêz tsuv krêz uô zos lênhx nênhs. Đros tsêr kho moz no, Sở y tế zuôr chox kriê Tsêr kho moz đa khoa tỉnh tso têx bác sĩ, y tá cxôngx têx khoa muôx lênhx coaz tuôx tsoz phưz, kho moz ntơưv tsêr kho moz no”.

          Phưv Chủ tịch UB tỉnh Sơn La Phạm Văn Thủy cux puz pâuz cxaz: “Sơn La zos iz hâur têx tiv phaz njuôs xav trâus cik moz siêz, viv li UB tỉnh Sơn La tưz chox kriê txos qơư đros têx chiz coaz muôx txơưx jênhv tsuv yênhx lix têx qơư cêv kuôk lơưr Ban chox kriê cấp têz qơưk, trung ương li cui tênhv. Thiêz hnuz no pêz tuôx chiê yênhx lix tsêr kho moz tuôv zênhv cxix cxuô trâu hâux lưv cêv kuôk, kho moz uô ntêx thiêz lêx ntêr”./.

(Long Anh-Txâur Vax cxeik nhênhv)

Lok chế độ BHXH trâu nênhs tsuv cêv kuôk y têr tiv moz Covid-19

BHXH Việt Nam nhiv kruôr muôx ntơưr xa trâu Bôv Lox tôngv-Xaz pênhz thiêz Xar hôiv, Bôv Y têr lok chế độ BHXH trâu nênhs lox tôngv tsuv tâu cêv kuôk y têr chiê phax tar caz moz lok cêr uô pa yiêz Covid-19.

Lơưr co, uô lơưr Ban Bí thư, Thủ tướng Chính phủ li chox kriê lok hâux lưv phax tar caz moz cêr uô pa Covid-19 thiêz khov trâu chêi têz qơưk têx cui tênhv, BHXH Việt Nam hêik trâu Bôv Lox tôngv-Xaz pênhz thiêz Xar hôiv thôngx ziv đros chor nênhs trâus cêv kuôk y têr chiê phax tar moz lơưr cơ quan muôx qênhx li cui tênhv tâu sơưv chế độ moz gênhs lơưr cui tênhv hâur ntu cêv kuôk y têr.

Lok ntâuz ntơưr chiê tâu sơưv moz gênhs trâu nênhs trâus cêv kuôk y têr zos: Chơưv kho nhoz hâur tsêr kho moz (mak muôx ntơưr tơưv tsêr kho moz); zos chơưv kho tsik nhoz hâur tsêr kho moz mak muôx ntơưr tso so hâux lưv tâu sơưv BHXH lok sik ntơưr tơưv tsêr kho moz zos y, bác sỹ chơưv kho nzir đhâu six hơưv kho nhoz hâur tsêr kho moz uô. Taz sik, đros nênhs trâus cêv kuôk y têr tsik trâus moz têx zav moz siz cik mak tsik muôx têx ntâuz ntơưr no.

Đros nênhs cêv kuôk ntơưv tiv phaz (Tsik zos hâur zuk tsêr nhoz) mak qơư y têr cêv kuôk muôx ntơưr cungz jênhv six hơưv cêv kuôk trâu nênhs tsuv tâu cêv kuôk y têr chiê tâu sơưv têx chế độ lơưr Bôv chêi lox tôngv, chêi BHXH thiêz ntâuz ntơưr kruôz kriê (zos muôx) li cui tênhv.

Đros chor nênhs cêv kuôk ntơưv tsêr, BHXH Việt Nam hêik Bôv Y têr thôngx ziv chiê trạm Y têr xar, phường, thị trấn qơư nênhs lox tôngv nhoz khov lơưr bê ntơưr chor nênhs tsuv tâu cêv kuôk y têr ntơưv tsêr tâu Trưởng ban chox kriê phax tar caz moz cấp xar muôx txơưx jênhv uô ntâuz ntơưr so hâux lưv tâu sơưv BHXH trâu nênhs lox tôngv chiê tâu paz trơưk chế độ moz gênhs lơưr cui tênhv.

Nhạc cắt ngắn

Bôv Y têr hêik cêv kuôk y têr hâur 14 hnuz trâu chor nênhs nhoz siz jê đros nênhs muôx moz, nênhs tâu xav tiêk trâus moz thiêz chor nênhs lok txix thax tsav qơư muôx moz. Pox nhuôs tsuv uô truôx jông lơưr tsưr ziv phax tar moz chiê tir tar tâu caz moz siz cik./.

(Thu Thùy-Lik Thox cxêik nhênhv)