Jax sâu thưr 4 hnuz 20/4/2016:

Ngaz tuk vêv xênhz zav nox nhoz Yên Bái: Cux khov trâu txo hmông

Ciêz Mường Lò nhoz thị xã tox siêz Nghĩa Lộ tâu sêiz zos luz ciêz lox tiv zix lok tỉnh Yên Bái li hax huv kôngz nuv. Ntơưv no, qơư muôl muôs têx jâuz, txir ntông đros trâu cxuô zav nox, thâuv tưs cux muôx muôs hâur yênhx hnuz. Kror zôngx ziv jênhv pâuz zos tsôngv box cxuô mênhx cxưx nhoz no tsik so xêir têx zav gri fênhx zis chiê zuôr, tiv tsik muôx nhiêx, vax tsêr ho chôngz nênhs. Tix lâus Triệu Tài Toàn, xã Nậm Lành, huyện Văn Chấn nhiv kruôr zuôr jâuz ntơưv ciêz Mường Lò puz pâuz:

 “tsik pâuz shor luôs tsuôs yuôx lok tsik tsuôs, fênhz zis chêk zuôr xưz, viv tsik muôx nhiêx”.

Njiz ntâu lênhx nênhs muôl muôs jâuz thiêz uô jâuz mor nox ntơưv tỉnh Yên Bái, huyện Văn Chấn, Trấn yên, Lục Yên…pov tâu tiêk, txơưv cux cxơưx thâuv mnôngs tâu têx xor mông hêik lok trâus tsơưr tưx zav nox, chor muôl muôs hax huv tsik hur uô muôx yưv tsơưr tưx zav nox….taz sik pêx xênhv nhoz no cux tsik pâuz uô li chak chiê phax tar. Viv px txux chi kik, tsik pâuz tâu têx zav jâuz tâuv tsik hur, viv li thâuv zuôr jâuz nox lok cux khov trâu zuk kror muôs njiê pov chiê zuôr chox lok uo nox. Niêv tix Nguyễn Thị Chi, nhoz phường Nguyễn Phúc, thành phố yên Bái puz pâuz:

 “Jâuz ngaz tuk thiêz tsik ngaz tuk mak zuk sêiz sêz jâuz njuôz jông lok tsik jông, zos pov tsik muôx caz nox mak zos lơưr tsuôs yuôx lơưv. Hok li cur chor jâuz no mak njiê caz nox tas thiêz blôngx đaz tuôs, zos jâuz ngaz tuk; Zos chor jâuz ntông no muôz hâu siêr pov chor cuô đuz ndiêz mak zos jâuz muôx ntâu đạm zôngx ziv trâus tưx”.

Iz qir tiv uô trâu nênhs trâus tưx zav nox nhoz Yên Bái chuôz ndê siêz, co zos cor cav uô cxuô zav nox trơưk li tsôngv box cxuô mênhx cxưx nhoz thax tsav ntơư. Đhâu ntâu tiêv lok no, pox nhuôs tox siêz cux tsik so đê têx ndêz hâur har jôngr lok chiê uô nox, txơưv pâuz tiêk muôx chôngz nênhs trâus tuôs tiv pâuz tsik tsênhz zav tưs muôx tưx, zav tưs tsik muôx tưx. Đros co, nox têx zav nox tsik tâu uô siêr cux tâu tsôngv box nox ntâu. Niêv tix Hà Thị Xuân, pêx xênhv xã Thanh Lương, huyện Văn Chấn hêik:

 “Tsik uô chak li, thâuv ntêx lok chor lâul lơưr cux nox li co, tsik uô chak hlo. Zuk cux uô ntâu lơưv, zuk chuôz zis cux tsik so nox thiêz”.

Muôx yưv zav nox tsik hur txos trâu cxuô thax tsav tox siêz no ziv hnuz ziv ntâu, chor nganhx txơưx jênhv nhoz Yên bái tưz kriz uô ntâu tsưr ziv paz trâu pêx xênhv phax tar trâus tsơưr tưx zav nox, hâur co sir jos uô yax kriê hêik pâuz txix ntâu tsưr ziv. Zơưv Lương Quốc Dũng, chic cụ trưởng chic cụ vêv xênhz ngaz tuk zav nox tỉnh Yên Bái puz pâuz:

 “Uô ntêx zos sir jos uô côngz xưv yax kriê chiê tsôngv box mênhx cxưx nhoz đêz tox siêz jênhv pâuz tâu têx kror zuôr trâus tsơưr tưx zav nox, iz zav li ndêz hâur har jôngr, zav tưs thiêx nox tâu; tiv oz zos têx zav tưx muôx hâur têx zav nox li kar cơưk, zos tsik uô jông uô mak cux zuôr trâus tưx. Đros co zos têx jiês nox yôngz cok, uô đaz uô kruô ntơưv têx qơư chôngz nênhs mak pêz tso cán bộ y tế muk kruôz kriê tsưr ziv xêir tsov, uô thiêz tsês chiê zav nox chiê taz por ngaz tuk vêv xênhz”.

Hâur ntu đhâu, pêx xênhv tox iêz Yên Bái tưz tsuv cxơưx txos tiv muôx yưv tsik so chor nênhs tuôs, tiv trâus tsơưr tưx zav nox. Taz sik, hêik txos phax tar têx zav nox tsik hur li hêik co mak pêx xênhv nhoz cux chuôs li tsuôk pâuz khov vav trâu txox hmông xưz./.

(Đinh Tuấn-Lik Thox cxêik nhênhv)

Phênhv thưr 4, hnuz 20/4/2016:

Moz kâux kror muôs

Moz kâux kror muôs zos luz njiêz muôs đơưz, tsi pov cêr thiêz muôx ntâu qir tiv uô trâu kror muôs kâux, tsi pov cêr, lar heik zos têx hmôngz lâuk, viv đas jos ntâus, hnuz nhôngs siêz, kror muôs iz hnuz tsi pov cêr jux juk, ntơư zos kâux kror muôs tiv lâuk, hnuz nhôngs siêz.

Têx muôx yưv thâuv kror muôs moz li heik sâuv:

Seiz njiê uz no uô huôz niêz lok sik pov tsi tsênhz, kror muôs iz hnuz tsi pov cêr jux juk thiêz tsi hnor moz li chas hlo.

-Muôx têx seiz njiê iz zav uô yênhx 2, 3 zav lok sik plas plak.

-Thâuv muk têx qơư muôx yar ntux mak chi kror muôs tsi yuô pov cêr. Cux seiz moz hnhar lok sik siz mak kror muôs plôngx tsi pov cêr thâuv muk têx qơư muôx yar ntux lok sik qơư nzôngr nzông.

Muôx ntâu zav yuôx trâu kror muôs, yuôx hâuk chiê kho zav moz heik sâuv; taz sik têx yuôx ntơư tsuôk zos lav trâu thiêz hâuk cov moz tsi huôv sei, kho tsi tâu jông hur, tsuôk hâuk mê njik thâuv tsi tâu fêis kho moz kror muôs.

-Chiê kho tâu jông moz kror muôs kâux, tsuv fêis kho. Taz sik cux seiz lênhx tiz nênhs ntơư kror muôs moz li chas? têx cưk yuôx zuôr xeir tsưr ziv kho.

Thâuv pov kror muôs muôx yưv têx li heik sâuv tsuv tuôx trâu qơư seiz njuôk shuôs, kho moz kror muôs chiê tâu heik kriê thiêz fêis kho moz kror muôs kâux. Ntơưv Sơn La, qơư uô đreiv hâux lưv seiz njuôk shuôs, kho moz kror muôs zos tsênhv qơư phax tar têx moz XH tỉnh Sơn La, ntơưv qơư số 5, phường Chiềng Lề, TP Sơn La. Ntơưv tsênhv qơư no muôx têx lênhx cưk yuôx txơưx seiz njuôk shuôs, kho moz kror muôs kâux  đros trâu heik kriê tsưr ziv chơưv kho ntâu zav moz lok kror muôs txơưr đuô./.

( Hồng Việt-Riê lâux cxeik, nhênhv)