Jax sâu thưr 5.20.4.2017:

HLÔNGR YIÊZ SIÊZ XAR, TSƯR ZIV UÔ CHIÊ POX NHUÔS TSIV UÔ XÊNHZ YAR HUR ĐUÔ

          Uô tas têx hâux lưv, thâuv 6 six tsâus ntux thưr 7 yênhx ciêz, nôngx mênhx nhoz têx cấp hâur xã An Nhơn, huyện Châu Thành ho mul Canh Tân hội quán chiê sik seiz lax tsưr ziv uô nox uô hâuk, sik thav lok têx hâux lưv muôx hâur jêx jos. Zơưv Nguyễn Thanh Bình nhoz jos An Hòa, xã An Nhơn puz pâuz thâuv ntêx pox nhuôs nôngx mênhx nhoz no uô nox uô hâuk lênhx tưs tsuôk pâuz txos zuk hâux lưv uô, viv li thâuv sâu muôx têx mak muôx ntâu, muôx têx zav ho tsi muôx. Six hơưv jê ntơưv no, muôx Hội quán uô qơư xênhz huôx tưz gôngr phênhv sik côngv pox nhuôs nôngx mênhx, sik đros thav lok hâux lưv tsiv uô xênhz yar...

          “ Pox nhuôs tuôx sik đros thav lok têx hâux lưv muôx hâur jêx jos, lok zuk li tsưr ziv uô xênhz yar. Viv li, pov hội zos pêz jos li iz vênhx huôv lok six jông”.

          Hội quán tâu yênhx lix thâuv hli 5/2016, ntơưv jos cù lao An Hòa nhoz xã An Nhơn, huyện Châu Thành. Txos nhiv no, hội tiv 13 sâuv thax tsav tỉnh Đồng Tháp tâu yênhx lix ntơưv huyện Tam Nông.

          Zơưv Lê Minh Hoan, Bí thư tỉnh ủy Đồng Tháp- lênhx nênhs moz siêz đros đề án hlôngr yiêz tsiv uô xênhz yar kôngz nuv cux zos lênhx nênhs xar tơưv trâur nuv no puz pâuz, no zos qơư chiê pox nhuôs sik đros thav txos têx sir jos, tsưr ziv hlôngr yiêz uô xênhz yar, uô nox uô hâuk muôx chêx cuk. Txơưv iz qơư nhiês muôx nhiês theox chênhv, taz sik ciêz tưs lok sik iz đraz hlik thâuv uô tas têx hâux lưv, pox nhuôs ho sik njiz sik thav lok tsưr ziv uô xênhz yar, sik pheiz kênh chênhz zênhv uô nox uô hâuk muôx chêx cuk, chiê sik đros gôngr ziv chênhv...

          “ Cxuô hâux lưv cxôngx thâuv ntêx pêz tsi tâu uô tâu mak nhiv no tâu uô huv đros. Iz lênhx chos iz zav tsoz chos cov huv đros, nhiv no xar cov nôngx mênhx thôngx ziv uô lơưr zos iz hâux lưv tsi zôngx ziv. Zos tsi muôx HTX mak lax uô tâu xênhz yar lox. Uô mê mak nhiêx txiêx yưv uô siêz...Xar sik côngv uô xênhz yar mak tsuv sik côngv jông hâur luz nênhx. Hội quán yênhx lix xuz thơưx zos chiê pox nhuôs sik njiz sik thav, sik pheiz kênh têx tsưr ziv uô nox uô hâuk”.

          Ntơưv têx Hội quán, thâuv xênhz huôx, têx lênhx nênhs hâur hội sik thav chiê xeir njiêz luv lơưr têx lênhx nênhs hâur hội li zoz qơưx. Têx lênhx nênhs co sik seiz lax tsưr ziv uô yiêz, uô jông đuô thiêz sik đros seiz phim lok têx njiêz luv muôx lênhx coaz txos tsênhv njiêz xênhz huôx. Đhâu co, zos pox nhuôs muôx zoz qơưx xar nriêr pâuz cxaz, Ban chủ nhiệm sâu jênhv chiê sik seiz lax, zâuv cán bộ chuyên môn nhoz Tram cxiz kôngz, nganhx kôngz nuv tuôx têz trâu pox nhuôs nôngx mênhx.

          Tsi taz li ntơưv, đrâuv têx tsưr ziv uô nox uô hâuk, ntâu hội quán tsênhv tsov cưv txos côngz xưv cxiv tsa nôngx cxênhz yiêz. Nhoz xã An Nhơn, txos nhiv no, pox nhuôs tưz vênhv tôngv cxiv tsa tâu 3 tul qox, kho đuô 1000 yiv cêr nôngx cxênhz, pox nhuôs mul lol zôngx ziv đuô, muôv muôs hax huv cux jông đuô, mê nhuôs mul cơưv ntơưr cux zôngx ziv đuô. Zơưv Võ Văn Hùng, iz lênhx nênhs hâur Hội quán puz pâuz:

          “ Nhiv no zuk uô tâu tul tsi mak uô. Têz qơưk paz txưv cxaz mak ziv jông đuô. Zos six fênhx tos xưz mak tsi tâu. Ntâu lênhx nênhs tsênhv pluôs hênhr tsi pâuz tos txos thâuv tưs. Tsuv sir jos đros têz qơưk uô...”

          Zơưv Lê Minh Hoan, Bí thư tỉnh ủy Đồng Tháp heik, Hội quán huôx tôngv zos ndar txos hlôngr yiêz pox nhuôs nôngx mênhx li siêz xar, tsưr ziv uô. Nhiv no tsiv uô xênhz yar mak tsuv yax six hlôngr yiêz, luz nênhx tsi bluô nux tuôx zos tsi hlôngr yiêz tsưr ziv uô.

          Nhiv no, đros thiêz trâur nuv Hội quán li huôv tsar, Bí thư tỉnh ủy Đồng Tháp Lê Minh Hoan puz pâuz, nôngx mênhx tưz pâuz uô têx xiv huv kôngz nuv hur, taz por đas jos lênhx nênhs sir zôngv. Đros co, pox nhuôs pâuz tiêk zuk tsuv cxơưx trâu zuk; tsôngv box cux jux jus xar tiêk, sik pheiz kênh yênhx tưv chiê paz max lênhx nênhs txơưr cux zos paz max trâu zuk.

          “ Hội quán zos têx lênhx nôngx mênhx xar hlôngr yiêz li qơư sik njiz. Tsưr tsix txưv zênhv, zos xênhz huôx hâur kaz ciêz, sik thav lok têx hâux lưv muôx hâur chuôz zis, lok uô xênhz yar kôngz nuv. Cungz têx xor mông, cxeix laov chiê pox nhuôs sik seiz lax. Thâuv ntêx txos nhiv no uô Hội quán trâu thax tsav chos txir ntông chiê nôngx mênhx uô xiv huv hur, tsi tsuôk yuôx tsi trơưk cui tênhv...Lơưr kaz ciês zos nôngx mênhx hlôngr yiêz”.

          Zơưv Lê Minh Hoan, bí thư tỉnh ủy Đồng Tháp puz pâuz: Hội quán zos iz trâur nuv lok six zuôr trâus uô. Zos qơư chiê têx lênhx nênhs nôngx mênhx sik đros muôx iz siêz xar, iz hâux lưv uô sik njiz sik thav. No zos trâur nuv jông chiê hlôngr yiêz nôngx mênhx; zos qơư trâu cấp ủy, chinhr quyênx, đoanx thêv tso tơưv têx chuv trương tuôx txos ciês tsôngv box chuôz zis, jêx jos, cxôngx co txos côngv thôngx sơr đơưs./.

(TTT- Txâur Vax cxeik nhênhv)

Phênhv thưr 5, hnuz 20/4/2017

Zơưv Cuốc muôx txux chi tsưr ziv tu zus tsiêx cxu

     Txix shông 2000, zơưv Nguyễn Văn Cuốc chuôz zis tưz yưv pênhr chos 3 cxênhz xưv phaz têx kôngz thiêz tâux phưx vưv tu zus tsiêx cxu. Đros thiêz tsưr ziv zuôr lur zus ntêr, zơưv tưz chiv chir muk cơưv shâuv têx lênhx txơưx huôv tsar uô nox hâur thax tsav thiêz  luôs 2 chas thax tsav đrâuv tsưr ziv uô, đhâu ntơư cơưv nzir têx tsưr ziv uô kôngz, tu zus tsiêx cxu chiê uô lơưr hâur luz nênhx. Shông 2005, đros trâu têx pênhr zuk muôx tâu, zơưv kêr txeik nzir 20 tsov đeiv txix zênhx hax tsênhv chei XH huyện Sông Mã, zuôr nôngz nhux lok zus, krêz đar nzir qơư chiê tu zus nhux cơư guôx. Viv tâu tu jông txix muôx txâuk têx jâuz, krâur trâu nox, vêv xênhz qơư tu zus hur si, cxax yuôx phax moz tsi so trâu têx nhux viv li zơưv Cuốc chuôz zis paz nhux thâuv tưs cux tsi trâus muôx moz, hloz vav jông, iz shông muôx nzir 5 txos 6 tuk nhuôv nhux.

     Ntâuk grê lok lênhx bôv đôiv lâuk Nguyễn Văn Cuốc tsưr ziv huôv tsar uô nox, zơưv Hà Văn Cương, Phưv Chủ tịch hội bôv đôiv lâuk huyện Sông Mã heik li no: Iz chas tu zus 6 tuk niêv nhux sha nhuôs, 8 tuk nhux chiê muôs, zơưv Cuốc chuôz zis tsênhv tu zus đreiv têx buô, keiz ok thiêz, iz shông muôs muôx 4 tênhr ntâu têx buô lox, sâu tâu lok 160 ntâu tsov đeiv; xav hur si zơưv chuôz zis li phênhv sâu tâu hâur shông mak tâu txix 270-300 tsov đeiv iz shông. Tsi tiêk uô nox uô hâuk coz, zơưv Cuốc tsênhv uô ntêx nyuôs hâur yax kriê, vênhv tôngv tsôngv pêx xênhv sơưr đơưk uô jông lơưr Đảng, têz qơưk têx chei kriê; moz siêz đros cxaz chuôz têx phôngz yaox, hâux lưv hâur Chi hội bôv đôiv lâuk jok 11; sir jos đros uô tsaz yênhx "cxiv tsa jêx jok yiêz, ciêz đrôngs vav mênhx", zơưv chuôz zis cê muôz 200 xưv phaz ar têz chiê trâu krêz uô têx cêr jêx jok cov đar jông mul lok. Đros thiêz têx luôs hâux lưv uô tâu jông li heik sâuv, zơưv Cuốc tưz tâu tỉnh thiêz huyện muôz ntâu ntơưr kruôs lok sâuv uô nox uô hâuk coz, moz siêz đros uô têx hâux lưv xã hội...../.

(Báo Sơn La điện tử-Riê Lâux cxeik, nhênhv)