Lai Châu bax uô jông luôs hâux lưv taz por zoz thôngz nhoz thax tsav tox siêz đêz đrôngs cov truôx tuk trâu hnuz bâux xeir

Têx hnuz no, Công ty cxiv kho cêr ar sôr I tỉnh Lai Châu tưz tso lênhx nênhs muk qênhz yuôx shuôs têx cêr muk lol hâur thax tsav seiz car chiê qênhz pov zênhx max thiêz heik cov cxiv kho têx ntu cêr tsi jông, trâul puôk tsuôx …. Phênhv ntâu zos khơưz thoz têx cưx đês ntus cêr, qêz suô cêr cov jông, zôngx ziv muk lol….. Trơưk li Sở Zoz thôngz tỉnh tsưr ziv lok taz por truôx tuk zoz thôngz cêr ar, phưx vưv luôs hâux lưv bâux xeir đại biểu Côx hôiv khóa 15 thiêz đại biểu HĐND cxuô cấp, six cxiv 2021-2026, Công ty cxiv kho cêr ar sôr I tưz phênhz têx yêz, meir, chuôz zênhx nhoz trơưr ntơưv têx ntu cêr zôngx ziv muôx tox xưz poz cxuz sâuv txox cêr muk lol hâur tỉnh 127, 132; txox cêr lox 4H, 12 muk txix tỉnh Lai Châu trâu chor huyện Mường Tè, Nậm Nhùn, Sìn Hồ thiêz Phong Thổ. Zơưv Hoàng Tiến Quý, Giám đốc Công ty heik pâuz: “Pêz taz viv tâu choz seiz car 470 cêik cêr, pêz tưz xav tinhv hur tiz si cxuô ntu cêr zôngx ziv muôx tox xưz poz. Pêz nhiv no tưz phênhz 168 lênhx nênhs thiêz têx yêz, meir uz no nhoz têx qơư co, xav mak 30 cêik iz luz yêz câuk ar chiê thâuv tưs zos muôx tox xưz poz mak kênhz yax iz luz six hơưv yêz tsuv muk tâu ti txos chiê thoz huk têx ar, poz jêz cxuz cêr”.

  Zơưv Đặng Trấn Quốc, Giám đốc  Công ty seiz car thiêz cxiv kho têx cêr muk lol sôr 3 tỉnh Lai Châu heik pâuz: Txox cêr muk lol hâur tỉnh 133 tâu choz seiz car trâu 3 luz xã Hố Mít, Nậm Cần, Nậm Sỏ hâur huyện Tân Uyên nhiv no muôx ntâu ntu zôngx ziv trâul xưz poz, đêx ngaz zos ntux lok nas lox. Co zos chor xax nhoz qơư bâux xeir sôr 3. Chiê bax taz por truôx tuk zoz thôngz uô ntêx, hâur thiêz đhâu hnuz bâux xeir, taz viv tưz bax cxuô zav li: Tơưz hlâu, poz jêz, trox yêz, zav nox chiê  zênhx max cxiv kho tâu têx ntu cêr thâuv muôx tox xưz poz, trâul đêx ngaz, cuôr yôngz chiê têx yêz muk lol tâu đhâu: “Thâuv muk qênhz shuôs têx cêr, pêz tưz njuôk xav tâu iz cxiê ntu zôngx ziv trâul xưz poz thiêz uô ar poz jêz cxuz cêr, pêz tưz bax jông têx tsưr ziv chiê cxiv kho li: Phênhz yêz, têx meir, chuôz zênhx uz no…. nhoz trơưr ntơưv têx ntu cêr co chiê cxiv kho thâuv muôx yưv têx tsi jông”.

Tỉnh Lai Châu muôx 13 qơư bâux xeir, chor qơư bâux xeir phênhv ntâu nhoz trâu Ủy ban têx xã, zôngx ziv chiê cử tri sđ muk tso ntơưr. Taz sik đros trâu têx li: Zos tỉnh tox siêz, tox trôngz hâur pêk nxaz, phiv liv muk lol, ntâu ntu cêr khênhr muôx tox xưz poz, lar heik zos thâuv têx luz six hơưv ntux nas lox.

          Sở Zoz thôngz tỉnh Lai Châu tưz nzor cxiv uô tsưr ziv taz por zoz thôngz xa  trâu têx taz viv muôx vax huôv thiêz hâu nov cxuô thax tsav qơư. Taz viv seiz car txox cêr tưz xav tinhv tsênhz mênhx têx ntu zôngx ziv muôx tox xưz poz muk trâu chor xã hâur huyện Tân Uyên, Phong Thổ, Mường Tè, Nậm Nhùn. Iz chas ntơư, iz txox cêr puôr lênhx muôx tsưr ziv uô taz por truôx tuk zoz thôngz. Cux seiz têx ntu cêr ntơư trâul xưz poz, tsi jông li chas, chor taz viv seiz car, cxiv kho têx cêr co sik paz yêz, chuôz zênhx kho cov fiv đros, jông muk lol. Zơưv Nguyễn Văn Hưởng, Phưv Giám đốc Sở Zoz thôngz tỉnh Lai Châu heik: “Ngênhx tưz muôx tsưr ziv fuô uô taz por zoz thôngz uô ntêx, hâur thiêz đhâu bâux xeir tsênhv tsênhz. Têx txox cêr tsênhv cxiv kho, uô đuô, Sở tưz muôx ntơưr chox kriê cxuô Ban seiz car cxiv kho têx cêr muk lol cxiv uô tsưr ziv taz por têx yêz muk lol tâu đhâu hâur luz six hơưv uô thiêz kho cêr, iz zav li ntơưv têx ntu chor cêr muk lol hâur tỉnh 127, 129 thiêz 130. Hok têx cêr chor huyện, TP buôk ti seiz car, Sở tưz muôx ntơưr heik cxuô huyện cxiv uô, kho đuô cov taz por yêz muk lol đhâu sâuv cxuô txox cêr”./.

(Thanh Thủy-Riê Lâux cxeik, nhênhv)

Zôngv phênhv ntâu công nghệ thôngz xor mông hâur huôx tôngv tso ntơưr bo xeir nhoz Lào Cai

Hâux lưv ntơưv Tsênhv qơư thôngz xor mông-VNPT Lào Cai têx hnuz uô ntêx thâuv tso ntơưr bo xeir chuôz ndê siêz. Tiv zix zos thâuv phêv ziv trực tuyến đros zoz qơưx thôngz xor mông phưx vưv tsưr ziv chính trị chuôz ndê tiv moz Covid-19 huôv xênhz uô zênhr shar. Zơưv Ma Văn Quân, Giám đốc Tsênhv qơư pheiz kênh:“Pêz chuôz tsar 100% cán bộ công nhân viên, txos nhiv no cux tuôv zênhv tâu 100% zoz qơưx hâux lưv. Thax tsav tưs tsi taz por pêz yưr lir ciês hâur hnuz. Qơư tsov txos zos hâur jiês tso ntơưr bo xeir no taz por 100% thôngz xor mông tâu, tsi chiê trâus zênhr shar, phưx vưv jông tiv zix thâuv muôx lênhv cxôngx thênhv siêz”.

          Six hơưv đhâu, yênhx châuv phêv ziv njiz cử tri vênhv tôngv tso ntơưr bo xeir đros teiv plor Côx hôiv thiêz Hội đồng cấp tỉnh, cấp huyện nhoz Lào Cai tưz tsưr tsix jông cxôngx thav trực tuyến. Zuôr xar 150 qơư njiz cử tri trực tuyến tâu taz por phưx vưv cxênhx txuôk, trơưk chei cui tênhv. Zơưv Vương Trinh Quốc, Chủ tịch UB thị xã Sa Pa, chủ tịch UB bo xeir thị xã puz pâuz: “Chor cử tri cxaz chuôz chôngz, viv lơưr cui tênhv ntơưv qơư iz hội trường muôx 1 qơư njiz cử tri trực tuyến ntâu tiv zix 30 lênhx, uô cxix cxuô tsưr ziv phax tar moz. Cur pov huôx tôngv njiz taz por trơưk tsưr ziv, jênh chuv; coaz tsôngv tiv zix zos côngz xưv bax trâu jiês bo xeir, tiv zix zos têx kỹ thuật thôngz xor mông, chuôz zênhx công nghệ thôngz xor mông”.

          Iz hâur têx jênhv vưv tsov cưv xuz thơưx hâur côngz xưv tso ntơưr bo xeir zos huôx tôngv yax mông. Khov zôngv công nghệ thôngz xor mông, têx cổng thôngz xor mông điện tử, sik côngv mạng trực tuyến, cxix luôk nta suôz thiêz yax mông cxôngx luk mênhx cxưx nhoz Lào Cai tưz paz thôngz xor mông jiês bo xeir txos cử tri thiêz tsôngv box nhoz têx thax tsav tox siêz, thax tsav tsôngv box mênhx cxưx tsơưs nênhs. Zơưv Phạm Văn Tâm, Tsar phongx vênhx huôv-thôngz xor mông huyện Bát Xát puz pâuz: “Nhiv no, cxix luôk nta suôz nhoz 274 cụm loa ntơưv 176 jêx jos puôr lênhx huôx tôngv jông. Tiv zix, hâux lưv zôngv công nghệ nta suôz cxôngx tsưr ziv IP đhâu mạng internet tưz khưx phưx tâu têx huv đros thax tsav huyện Bát Xát; taz por tsơưr lươngv nta suôz, chox cxix cxuô têx xor mông tuôx txos cử tri thiêz tsôngv box sâuv thax tsav huyện”.

          Uô ntêx jiês tso ntơưr bo xeir, zôngv têx công nghệ thôngz xor mông nhoz Lào Cai tsênhv tâu vênhv tôngv tas nro thiêz cxix luôk phần mềm thôngz xor mông, ntâuz ntơưr cxôngx Trung ương txos cơ sở; gôngr phênhv muôz siêz chêx cuk chox kriê, txu grês six hơưv; thôngx cxix taz por zoz qơưx lok txiv ngaz thôngz xor mông./.

(An Kiên-Txâur Vax cxeik nhênhv)