Bộ đội Pênhz phax Kon Tum sik côngv đros pox niêv thiêz tsôngv box ntus đriv

          Hâur luz tsêr fênhz jaz fênhz juôr, niêv lâuk Y Ban, mênhx cxưx Giẻ-Triêng nhoz jos Đăk Ga, xã Ntus đriv Đăk Nhoong, huyện Đăk Glei, tỉnh Kon Tum xar tsi txos tiêk Tsaz yênhx “ sik côngv đros pox niêv nhoz ntus đriv ntu 2018-2020” ho pâuz txos niêv lâuk li luz nênhx mak tuôx paz uô tsêr nhoz. Niêv lâuk Y Ban heik, cxôngx thâuv tul txir tâu tas siv nênhx, 2 niêv tuz tsuôk uô liêx têz nhoz đhâu hnuz tưs jông hnuz co. Chuôz zênhx chuôz tas tsi muôx, cux tsi muôx jos uô lox tôngv viv li hâux lưv uô luz tsêr jông đuô nhoz zos hâux lưv niêv lâuk tsi car xar txos. Pâuz thôngz thax tsav, pâuz tâu niêv lâuk Y Ban li luz nênhx, Zênhx pênhz phax Đăk Nhoong paz hu grus chiê niêv lâuk tâu paz txưv cxiv uô tsêr nhoz jông siêz tsiv grê 50 tsov đeiv, niêv lâuk Y Ban shir phaz heik:

          “Cur luz tsêr lok six mê, lol nas mak lok six xơư nas. Tsi muôx pênhr xưv uô. Uô liêx têz tsoz phưz mê nhuôs xưz, chiê uô tâu nhiêx txiêx mak lok six lax. Lok six uô tsâus viv tov kaz no muôx tâu luz tsêr jông nhoz lơưv”.

          Tsaz yênhx “ Sik côngv đros pox niêv ntux đriv ntu 2018-2020” tâu Hội liên hiệp pox niêv tỉnh côngv đros Bộ chỉ huiz Bộ đội pênhz phax Kon Tum krêz uô ntơưv 5 xã ntus đriv muôx: Rờ Kơi, Mô Rai, huyện Sa Thầy; Đăk Blô, Đăk Nhoong, huyện Đăk Glei thiê xã Đăk Dục, huyện Ngọc Hồi. Tsaz yênhx li qơư tsov txos zos yax mông muôz siêz jênhv pâuz; kriê cxaz paz max trâu hội viên pox niêv yênhx tưv cxiv tsa chuôz zis shir phaz; tsoz phưz đas jos xênhz zus nhuôs; huôv tsar cêr uô nox uô hâuk chiê hla đhâu cêr pluôs truôx vênhs...Pos Trần Thị Phong Lan, Phưv chủ tịch Hội liên hiệp pox niêv tỉnh Kon Tum puz pâuz:

          “Lưx lươngv bộ đội pênhz phax cxôngx siêz jông thiêz txơưx jênhv tưz sik côgnv đros pêz uô jông tsaz yênhx. Têx hâux lưv mak krêz uô puôr lênhx lưx lươngv bộ đội Zênhx pênhz phax paz max. Lơưr paz cxaz trâu canr bộ hội nhoz cơ sở chiê tax chêx cuk jông tiv zix nhoz ntơưv xã ntus đriv”.

          Đros hâux lưv paz txưv nôngz nhux sha nhuôs chiê paz hội viên pox niêv mênhx cxưx tsơưs nênhs hla đhâu cêr pluôs truôx vênhs; tsưr tsix seiz njuôs thiêz kho moz tsi zuôr nhiêx txiêx iz shông iz jiês trâu pox niêv thiêz mê nhuôs zâu; khơưk muôz học bổng trâu shux xênhz pluôs sir jos cơưv ntơưr... “ Sik côngv đros pox niêv ntus đriv ntu 2018-2020”, lưx lươngv pênhz phax Kon Tum tsênhv muôx pưs txux coaz tsôngv hâur seiz car qênhx shênhx tsênhv tsênhz, xar tơưv tsưr ziv huôx tôngv. Thượng tá Phạm Văn Lâm, Phưv Chủ nhiệm chinhr trị, Bộ chỉ huy Bộ đội pênhz phax Kon Tum puz pâuz, chiê taz por têx huôx tôngv chox lol chêx cuk tsênhv tsênhz trâu hội viên pox niêv, côngz xưv no thâuv tưs cux tâu canr bộ, chiến sĩ têx Zênhx pênhz phax uô đros chinhz yênhx txơưx jênhv siêz tiv zix:

          “Bộ đội pênhz phax seiz car, pâuz thôngz qênhx shênhx tsôngv box mênhx cxưx tsơưs nênhs heik cxuô thiêz chuôz zis hội viên Hội pox niêv nhoz têx xã, jêx jos sâuv ntus đriv li luz nênhx. Pâuz tâu zoz qơưx thiêz têx vênhv thix zuôr trâus tsuv tâu paz txưv. Thôngz đhâu hâux lưv seiz car tưz cxiv tsa tâu tsaz yênhx, njiêz luv côngz xưv tsênhz mênhx, chiê krêz uô muôx chêx cuk tsaz yênhx no”.

          Ciês hâur jiês sơưr cêr uô tsaz yênhx “ sik côngv đros pox niêv ntus đriv ntu 2018-2020” nhiv kruôr đhâu, ntơưv 5 xã ntus đriv tỉnh Kon Tum, ntâu trâur nuv “ Pox niêv sik côngv tês đros Bộ đội pênhz phax por vêv ntus đriv, ndêx đriv têz reik đros por vêv tênhx qơư”, “ Tuêv sik côngv pox niêv chos mix cao sản” tưz tâu yênhx lix; 10 luz yêz tuôv tâu khơưk muôz trâu têx mê nhuôs shux xênhz pluôs sir jos cơưv ntơưr; 10 luz tsêr jông siêz, 50 luz tsêr vêv xênhz tâu paz txưv trâu chuôz zis hội viên pox niêv muôx luz nênhx txov nhêv.

          Canr bộ chiến sĩ pênhz phax Kon Tum sir jos huiz tôngv tâu ntâu pênhr jos paz tsôngv box cxiv tsa luz nênhx tsâu sor, txiv ngaz nhoz thax tsav ntus đriv ziv hnuz ziv truôx tul./.

                     (VOVTN-Txâur Vax cxeik nhênhv)

Iz cxiê tsênhv chei zov chênhr qir uô lơưr txix hli 6/2018

Txưr canr bôv liv zôngv zuk vax huôv, uô tuôr thênhv, phiv liv hâur uô têx ntâuz ntơưr

Chính phủ Nghị định 61/2018/NĐ-CP lok sâuv lês uô hâux lưv têz qơưk hâur đơưk uô têx ntâuz ntơưr hành chính cui tinhv:

Đơưk uô têx ntâuz ntơưr hành chính trơưk cui tinhv, ntơưv cấp bộ, qơư lênhk txeil thiêz xa muôz têx ntâuz ntơưr đơưk uô co ntơưv bộ, cơ quan iz zav li bộ lênhk txeil têx ntâuz ntơưr hành chính zos zuk vax huôv lês uô lok sik têx taz viv nhoz hâur bộ, cơ quan iz zav li bộ uô.

Qơư lênhk txeil thiêz muôz têx ntâuz ntơưr uô tâu Tổng cục thiêz iz zav li co, cục nhoz hâur bộ lênhk txeil têx ntâuz ntơưr hành chính zos zuk vax huôv lês uô lok sik zos zuk lưv cơ quan, taz viv uô. Têx cơ quan hâur T.Ư qơư lênhk txeil thiêz xa muôz têx ntâuz ntơưr tâu tsưr tsix trơưk li têx hâux lưv uô ntơưv qơư lênhk txeil têx ntâuz ntơưr hành chính zos zuk vax huôv lês uô lok sik zuk cơ quan, taz viv uô....

Canr bôv, công chức, viên chức tâu choz hâux lưv heik kriê, lênhk txeil têx ntâuz ntơưr, lês uô têx nuv no, xa muôz têx ntâuz ntơưr hành chính co trơưk li cui tinhv ntơưv cơ quan muôx vax huôv, tsi tâu liv zôngv zuk vax huôv uô tuôr thênhv, phiv liv trâu tsưr tsix, xiz nênhs tuôx uô  têx ntâuz ntơưr hành chính.

Nghị định cux txưr canr bôv tsi lênhk nhav uô, truz ntêr six hơưv, hnuz nhôngs uô têx ntâuz ntơưr hành chính lok sik chiv chir heik cov cxaz nzir têx ntâuz ntơưr uz no tsi trơưk chei têz qơưk cui tinhv, heik hloz heik zâu tsi moz siêz lês uô têx ntâuz ntơưr trâu luôs têx lênhx tuôx uô ntâuz ntơưr......

Hur tiz si têx lênhx uô zuôv chei, tsi trơưk cui tinhv sâuv puôr lênhx trâus tik cêr cxâuv trơưk đreiv li chei têz qơưk.

Nghị định no qir uô lơưr txix hnuz 21/6./.

(Thu Thùy-Riê Lâux cxeik, nhênhv)