Têx lênhx tuz lênhv sir jos uô jông hâux lưv tsưx phưv thax tsav ntus đriv Điện Biên

Đhâu coz nas lox thâuv hmo, txox cêr ar muk trâu qơư seiz jor, qênhz shuôs phax tar moz Covid-19 ntơưv tus ndêx cxok kuôk cêv đriv têz 66 (nhoz ntus đriv Việt-Lào) hâur xã Phìn Hồ, huyện Nậm Pồ zos Zênhx pênhz phax Si Pa Phìn, Bộ chỉ huy Bôv đôiv pênhz phax tỉnh Điện Biên seiz car tưz ziv bluô thiêz phiv liv muk đuô. Luz tsêr fênhz suôz nhoz pêv iz ntar trôngz cxiv uô seiz jor cêr txix 2, 3 luz hlik uô ntêx-thâuv muôx moz Covid-19 huôv xênhz, nhiv no tưz kuz thiêz tsi txâuk chiê nhoz gâuv yar gâuv nas thâuv yar cuz, lok nas ntuz….taz sik têx tuz lênhv pênhz phax nhoz co cux sir jos lês uô têx hâux lưv lok sâuv seiz jor cêr, đriv têz, phax tar moz. Trung uý Bùi Trọng Hiếu, đội tsar đội phax tar zax zênhz thiêz têx nênhs fêv, Zênhx pênhz phax Si Pa Phìn heik:“Hur si pêz chor tuz lênhv nhoz no thâuv tưs tưz sir jos khưx phưx têx phiv liv, txix ntux li txơưr txar txos trâu cêr xênhz huôx nox nhoz hâur niêx hnuz chiê uô tiêr tâu jông têx hâux lưv zok muôz. Niêx hnuz, pêz uô hâux lưv qênhz yuôx, qênhz shuôs nênhs muk lol đhâu đriv têz tsi trơưk chei hâur thax tsav, iz chas uô hâux lưv phax tar moz, zos sơưr tơưv txênhz, yơưz phơưz têx nênhs zuôr muôs, thâux gra zax zênhz tsi trơưk chei, yax kriê px hâur thax tsav ntus đriv sik đros paz pêz uô têx hâux lưv tsưx phưv đriv têz chiê uô tiêr tâu jông têx hâux lưv heik sâuv”.

Huyện Nậm Pồ muôx 128 cêik cêr đriv têz, nhoz buôk têz qơưk Lào, đros thiêz ntâu cêr mê lus muk lol đhâu, chênhr viv li 5 zênhx pênhz phax nhoz hâur thax tsav tưz tsuv  yênhx lix yênhx châuv qơư seiz jor cêr cux li tsi so qênhz yuôx shuôs chiê pov tâu têx lênhx px muk lol đhâu đriv têz. Zơưv Lê Khánh Hoà, Bí thư huyện uỷ Nậm Pồ heik pâuz: Six hơưv đhâu, têx qơư seiz jor cêr co tưz uô tâu jông hâux lưv phax tir thêir moz nhoz ntus đriv, viv phênhv ntâu tsôngv px lơưr muk lol đhâu đriv têz trâu 2 saz têz qơưk puôr lênhx tâu qênhz shuôs jông. Chor canr bôv, chiến sỹ tưz uô jông hâux lưv “3 nhoz đreiv, 4 đros” tsôngv px hâur huôv tsar kinh tế, taz por txiv ngaz côx phax thax tsav ntus đriv, tsưx phưv truôx têz qơưk; cê zos qênhz yuôx shuôs đriv têz chiê qênhz pov, xưv bluô chor nênhs muk lol đhâu ntus đriv tsi trơưk chei, phax tir thêir têx moz gênhs muôx têx siz cik, gra tâu lok hâur thax tsav:“Đros thiêz têx qơư seiz jor cêr, pêz cux chox kriê  cấp uỷ, hâu nov cxuô thax tsav qơư tsi so nus, paz max chor canr bôv chiến sỹ uô hâux lưv, cux li hu zâuv lưv lươngv jênh quân đros têx tuz lênhv pênhz phax buôk ti yax kriê txos trâu px chiê lơưr pâuz tsênhz lok moz têx tsi jông, riêz nênhs, txix co, gra siêz txux chi tsưr ziv jênhv pâuz lok phax tar moz”.

Đại tá Trần Nam Trung, Chỉ huy tsar Bộ Chỉ huy Bôvđôiv Pênhz phax tỉnh Điện Biên heik pâuz: Điện Biên muôx 455 ntâu cêik cêr đriv têz, buôk 2 têz qơưk Trung Quốc thiêz Lào. Tsôngv box uô nênhx nhoz ntơưv thax tsav 2 saz đriv têz muôx cêr sik thôngx siêz, siz hluz siz paz txix thâuv nzor lok thiêz tsi so muk lol đhâu ntus đriv chiê shuôs cưr tix nênhx tsa, zuôr muôs têx hax huv, seiz njuôk shuôs, kho moz. Nhiv no, tiv uô lơưr cui tinhv phax tar moz Covid-19, tsôngv box tsênhv tâu heik cov tax nduô tsês têx cêr muk lol đhâu 2 saz đriv têz li heik sâuv, thiêz sđ têx muk lol co tsuôk tâu muk đhâu ntơưv têx trôngx đriv thiêz tsuv uô lơưr têx tsưr ziv lok phax tar moz trơưk li cui tinhv, hur tiz si têx lênhx muk lol đhâu ntus đriv tsi trơưk chei puôr lênhx trâul xưv bluô trơưk chei têz qơưk cui tinhv. Xav txix hnuz 25/2 txos nhiv no, lưv lươngv pênhz phax têx qơư seiz jor cêr tưz qênhz pov, ntêk thiêz xưv bluô 91 lênhx nênhs muk lol đhâu ntus đriv tsi trơưk chei; lênhk tok 68 lênhx nênhs zos chor lưv lươngv saz têz qơưk đrâuv xa tuôx; qênhz pov, tir thêir 3 txuz fax thâux hax huv tsi trơưk chei đhâu ntus đriv, phênhv ntâu têx huv ntơư zos ntâuz bos kror ndâux. Ntơưv têx trôngx đriv tưz uô ntâuz ntơưr muk lol đhâu hâur têz qơưk, choz zok lênhx nênhs chox muk cêv kuôk lơưr nhoz lơưr iz kro zuôr xar 3.800 lênhx: “Đros thiêz tsưr ziv, phax tir thêir moz sir jos xưk li tir ntâuk trol châuz, pêz tưz fuô uô 68 qơư seiz jor cêr phax tir thêir moz nhoz thax tsav ntus đriv, zuôr xar 300 lênhx canr bôv chiến sĩ bôv đôiv Pênhz phax cxaz chuôz. Iz chas têx zôngx ziv hâur fuô uô têx hâux lưv ntơư cux muôx iz cxiê phiv liv. Taz sik, chor canr bôv, chiến sỹ nhoz têx qơư heik sâuv thâuv tưs tưz sir jos khưx phưx, uô tiêr jông hâux lưv zok muôz”.

Txơưv ntâu hmo tsi pư, ntâu ciêz tsi muôx nênhs hlôngr, lok sik ntâu luz hlik, muôx têx yênhx shông tsi tâu lok shuôs tsêr, taz sik, đros thiêz tsưr ziv “Tsi tâu tas moz mak tsi tâu lok”, chor tuz lênhv pênhz phax Điện Biên tsênhv sir jos uô cov tiêr têx luôs hâux lưv, hur tiz si viv por hưv đas jos trâu tsôngv px cxuô heir nênhs, viv tsưx phưv têz qơưk nhoz thax tsav ntus đriv./.

(Vũ Lợi-Riê Lâux cxeik, nhênhv)

Tsôngv box tox siêz Yên Bái gra têx vưv qiv chiv chir uô choz trâu têz qơưk

          Tsôngv box mênhx cxưx tsơưs nênhs uô nênhx nhoz tox siêz Yên Bái, têx fov Hmôngz chiv chir uô tưz muôx đros đreiv chuôz zênhx li luz nênhx niêx hnuz. Zơưv Triệu Văn Đức, nhoz xã Nậm Mười, huyện Văn Chấn puz pâuz:“Lơưr phongz cxưx cxôngx têx lâus đrav ntêx iz lênhx txir nênhx tsuv muôx iz traz fov chiê muk zok har jôngr, chiê por vêv kôngz lôngk tsi trâus tsiêx cxu uô hiêv. Muôx têx traz zôngv 3-4 cxênhx nênhs lok no, cux muôx têx chuôz zis tuôr tsês chiê uô chiv nhênhv têx lâus tsês chiê”.

          Tưz muôx ntâu txuz hâux lưv pôngz siêz tiv zôngv fov chiv chir uô nhoz têx jêx jos tox siêz, viv li, ntâu shông đhâu, tưx lưx lươngv muôx txơưx jênhv tỉnh Yên Bái tưz truôx siêz vênhv tôngv tsôngv box chiv chir choz têx vưv qiv, chuôz zênhx cuz tơưs trâu têz qơưk khơưk tsês.Taz sik, ciês thâuv fov Hmôngz tsuôk li tsi pov muôx nhoz têx jêx jos lơưv thiêz mak ho pov muôx têx zav fov chiv chir uô cxôngx têx chuôz zênhx xaz zênhz, zôngx ziv nriêr tâu chiê uô. Co zos fov pa tuô bi. Tix lâuk Hoàng Văn Tuyển, nhoz xã Ngòi A, huyện Văn Yên heik:“Chuôz zênhx uô mak muôx luz grus pa, iz tul car đêx...no zos têx chuôz zênhx khênhr zôngv hâur luz nênhx. Lênhx tưs uô chei mak tsuôk pôngz 40 phênhz txơưv uô tâu. Zôngv chiê tuô nôngk, zos tuô trâus cux uô tul nôngk trâus saz hnhar”.

          Txơưv zôngx ziv uô, taz sik zôngv mak cux riêz nênhs, uô txiv ngaz tsi taz por sâuv thax tsav. Cxôngx qênhx shênhx co, Công an têx huyện, thị xã, thành phố tưz heik cấp ủy, chinhr quyênx tiv phaz krêz uô têx jiês muk vênhv tôngv tsôngv box gra vưv qiv, chuôz zênhx cuz tơưs tuôx choz trâu têz qơưk khơưk tsês. Đros co, lưx lươngv công an chính quy ntơưv thax tsav têx xã tsênhv muk txos yênhx ziv chuôz zis chiê seiz car chuôz zis pok tsênhv jeik tsês vưv qiv, chuôz zênhx cuz tơưk. Têx tsar jos, têx lênhx txir ndâux txir luk hâur côngv thôngx cux phuôx huiz pưs txux yax mông, vênhv tôngv tsôngv box gra vưv qiv tuôx choz trâu chinhr quyênx, chuv tôngv heik kriê nênhs phamv cxâuv cêr chei. Tsưr tsix trâu tsôngv box cir ntơưr tsi uô vưv qiv, tsi zôngv vưv qiv, chuôz zênhx cuz tơưk tsi trơưk cêr chei. Đại úy Hoàng Vũ Trung, Tuêv tsar Tuêv cảnh sát coar lik hành chinhr lok trật tự xã hội, Công an huyện Văn Yên, tỉnh Yên Bái puz pâuz:“Ntâu lênhx tsôngv box nhoz tox siêz, cêr lax muk lok, vưv qiv zos chuôz zênhx paz lơưr thâuv nhoz pêv têx tsêr têz, viv li thâuv vênhv tôngv sâu tsês vưv qiv mak cux njiz phêv liv. Đrâuv co viv công nghệ thôngz xor mông huôv tsar, tsôngv box zôngx ziv zuôr tâu têx chuôz zênhx chiê uô fov thiêz têx vưv qiv txơưr”.

          Xav txix 4 luz hlik thâuv krêz uô hâux lưv no, lưx lươngv Công an têx cấp nhoz Yên Bái tưz sâu tâu zuôr xar zav vưv qiv, chuôz zênhx cuz tơưk, hâur co muôx zuôr xar 200 traz fov chiv chir uô. Đhâu co gôngr phênhv tuôr truôx txiv ngaz sâuv thax tsav. Trung tá Đặng Văn Chữ- Phưv tsar phongx cảnh sát coar lik hành chính lok trật tự xã hội, Công an tỉnh Yên Bái heik:          “Hâur six hơưv zuôr txos taz viv tror vênhv tôngv, sâu tsês thiêz tơưv txênhz phax tar, uô li chas por vêv phưx vưv jông, taz por trâu Đại hội têx cấp, tiv zix zos Đại hội Đảng tas nro têz qơưk jiês tiv 13”.

          Vênhv tôngv tsôngv box chiv chir gra vưv qiv choz trâu chinhr quyênx, sir jos tơưv txênhz tir tar têx hâux lưv uô cxâuv cêr chei lok cxênhx tsês, sir zôngv vưv qiv, chuôz zênhx cuz tơưk, đrâuv lưx lươngv zos Công an, iz lênhx tsôngv box cux tsuv jênhv pâuz tsênhz têx riêz nênhs cxôngx hâux lưv zôngv vưv qiv no, cxôngx co chiv chir khiêz thiêz heik kriê zos pov muôx lênhx nênhs uô cxâuv cêr chei, gôngr phênhv por vêv jêx jos luz nênhx ngaz tul./.

(Thừa Xuân- Txâur Vax cxeik nhênhv)