Phuôx huiz mặt trận li pưs txux hâur cxiv tsa nôngx cxênhz yiêz nhoz Lào Cai

          Jos Bản Ngoang, xã Thẩm Dương, huyện Văn Bàn, tỉnh Lào Cai zos qơư muôx 100% tsôngv box mênhx cxưx Thái nhoz uô nênhx. Cxôngx iz thax tsav nôngx cxênhz muôx ntâu cêr uô nênhx pôngz kaz, Bản Ngoang nhiv no tưz muôx têx hlôngr yiêz jông, đros 100% ziv chuôz zis hâur jos muôx tsêr vêv xênhz huv vêv xênhz, muôx guôx cơư tsiêx cxu, ntâu chuôz zis tâu côngz jênhv zos chuôz zis “tsêr hur, vax jông”.

          Niêv lâuk Hà Thị Duyên, Chi hội tsar Chi hội pox niêv jos pheiz kênh: No zos têx tso pov tsênhv tsênhz lok têx hlôngr yiêz lok cêr uô nênhx, tsôngv box li siêz xar thâuv cxaz chuôz cxiv tsa nôngx cxênhz yiêz, hâur co muôx Mặt trận tổ quốc thiêz têx tsưr tsix đoanx thêv tiv phaz li têx gôngr côngv lox hâur côngz xưv vênhv tôngv, yax kriê: “Nênhs Thái thâuv ntêx muôx phongz cxưx pôngz kaz, khênhr cơư ciês tsiêx cxu hâur kaz tsêr tsar lơưx. Zos Chi hội tsar Chi hội pox niêv cur thâuv tưs cux vênhv tôngv, yax kriê cxuô pox niêv hâur jos tuôr jông vêv xênhz jêx jos, têx pox niêv thiêz tsôngv px sđ tưz pâuz cxiv uô tsêr vêv xênhz, cxiv uô guôx chiê cơư tsiêx cxu”.

          Đros jos Bản Ngoang, têx jêx jos txơưr nhoz xã Thẩm Dương cux sir jos tưr thik cxiv tsa nôngx cxênhz yiêz. Têx lênhx nênhs jông uô tâu hâux lưv jong li Phùng Văn Sinh, Vi Văn Sáng...tưz tâu kruôk txos viv sir jos vênhv tôngv tsôngv box gôngr côngv ar têz uô cêr zaoz thôngz, huôv tsar uô nox uô hâuk. Thẩm Dương cux tâu pâuz txos đros têx xiv huv nto bê li blêx blâuv kaz, đros ntâu trâur nuv chos tsax njuôz, kok zax zưv muôx chêx cuk. Tas nro xã tsênhv chêx chôngk uô tiêr têx ploz tsênhr lơưr kaz cik chiê sir jos tax xã nôngx cxênhz yiêz lok shông 2023. Zơưv Trần Đình Mát, Chủ tịch UB xã puz pâuz: “Năm 2020 xã muôx 29 tsêr xơư nas. Tas shông 2020 phênhv ntâu têx chuôz zis no tưz cxuôv tâu tsêr xơư nas, mặt trận tổ quốc thiêz đoàn thể muôx pưs txux lok six coaz tsôngv hâur hâux lưv yax mông, vênhv tôngv thiêz paz max têx chuôz zis no”.

          Thẩm Dương zos iz hâur têx xã uô jông hâux lưv chêx chôngk lưx lươngv, phuôx huiz đas jos thôngz đhâu cxiv vênhv tôngv “Tas nro tsôngv box sik côngv siêz cxiv tsa nôngx cxênhz yiêz, niêv đrôngs vav mênhx” reik đros phongz yaox tưr thik “Lào Cai sik côngv tês cxiv tsa nôngx cxênhz yiêz thiêz txu grês cêr pluôs truôx vênhs” zos UB MTTQ VN tỉnh phuôx tôngv.

          Têx shôngk đhâu, cxiv vênhv tôngv bo tưz tâu krêz uô đêz đar sâuv tas nro tỉnh. Đhâu co, phuôx huiz tâu zuôr xar 700 cxênhz hnuz côngz lox tôngv, 70 hecta ntâu ar gôngr côngv cxiv tsa nôngx cxênhz yiêz, 13 cxênhz luz tsêr tâu kho đuô, 600 ntâu luz tsêr tâu cxiv uô yiêz; yênhx cxênhz lênhx nênhs pluôs, tsôngv box trâus ntux nas ruôr hiêv tâu paz txưv cxôngx cuiv gôngr paz....Tas nro zos khov uô trơưk tsưr ziv chuôz tsar đas jos sik côngv siêz tas nro mênhx cxưx...Pos Bàn Thanh Thảo, Phưv Chủ tịch UB MTTQVN tỉnh Lào Cai heik: “Đros pênhr jos thiêz lưx lươngv tsênhv zos tsôngv box. Pêz ntâus grê co zos tsôngv box li têx sir jos hâur phuôx huiz jênh chuv, tsôngv box sir jos cxaz chuôz cxiv tsa Đangv, chinhr quyênx, chiê uô li chas cov thax tsav qơư nhoz truôx tul, xã, huyện, tỉnh thiêx li truôx tul. Co zos tsưr ziv chox kriê cxuô hâur hâux lưv uô jông cxiv vênhv tôngv no”.

          Txos nhiv no, tas nro tỉnh Lào Cai tưz uô tiêr thiêz huôv tsar truôx 61/127 xã tax nôngx cxênhz yiêz. Ntu zuôr txos, mặt trận tổ quốc có têx cấp thiêz têx đoanx thêv chinhr trị-xã hội nhoz Lào Cai tror cxơưz tiês yax mông, vênhv tôngv; thôngx cxix cxaz chuôz seiz car, heik kriê chiê phongz yaox tâu uô muôx chêx cuk jông. Lào Cai sir jos niêx shông muôx 80% ntâu jêx jos, thax tsav qơư nhoz tax vênhx huôv; chiê txos shông 2025, tiv phaz zuôr muôx cxaz 33 xã thiêz 4 huyện tax nôngx cxênhz yiêz./.

(An Kiên-Txâur Vax cxeik nhênhv)