Jax sâu thưr 5, hnuz 21/1/2016:

Đảng viên thiêz tsôngv pêx xênhv đros thiêz Đảng li Đại hội 12

 

 

 

Tưz muôx jiês tâu sơưr đros têx tuz lênhv tir ntâuk trok châuz, đhâu têx ntu kinh tế phiv liv, chêx tsôngk sik paz uô têx nuv, zơưv Phan Hồng Tịnh, phường Lý Thái Tổ, quận Hoàn Kiếm, Hà Nội heik pâuz, zênhx heik tsi tas tsi cxuô lok Đảng têx tsưr ziv txơưx njê chox car têz qơưs, tsôngv pêx xênhv VN hla đhâu têx ntu phiv liv thiêz txov nhêv. Đảng tưz muôx txux chi, tsưr ziv jông choz kriê têx tuz lênhv, tsôngv pêx xênhv sơưr đơưk ntâuk zênhx trok châuz, tsưx phưv têz qơưs tiêx tuk; chox car pêz têz qơưs hla đhâu têx phiv liv, tsi huôv tsar, jux juk cxiv tsa têz qơưs huôv tsar thiêz sik côngv đros luôs 2 chas têz qơưs sâuv ntiêx têz uô cxuô luôs hâux lưv. Hâur qênhx shênhx ntiêx têz thiêz thax tsav muôx ntâu phiv liv, pêz têz qơưs cux tsưx phưv tâu truôx jông têz qơưs chiê cxiv tsa, huôv tsar. Đhâu 30 shông hlôngr yiêz txos nhiv no, tsôngv box sơưr đơưk luz nênhx nox nhoz tưz tâu gra siêz lơưv ntâu, jêx jok tox siêz thiêz ciêz đrôngs tưz thiêz tsênhv hlôngr yiêz jux juk. Zos lênhx Đảng viên 50 shông nhoz hâur Đảng, zơưv Phan Hồng Tịnh heik:

“ Cur njênhs njôngr trâu đại hội jiês no, Đảng zuôr sir jos phuôx huiz tâu zuk txux chi, tsưr ziv  chiê chox car têz qơưs cov ziv hnuz ziv huôv tsar jông trâu ntu tov  kaz. Lênhx tưs cux xar cov tâu lênhx hâu nov txơưx njê, muôx tsưr ziv, pênhr xưv lok lês car uô têx nuv têz qơưs, paz tsôngv pêx xênhv gra siêz luz nênhx nox nhoz, lar heik zos tsôngv box tox siêz. Cur siêz vav xar njôngr cux xưk li tas nro tsôngv box sơưr đơưk xar cov luz nênhx tâu jông, truôx tuk chính trị, chox car têz qơưs iz hnuz huôv tsar jông jux juk”.

Jông siêz, thôngx ziv đros BCH T.Ư Đảng têx luk heik ntơưv jiês cơưv tiv 14 nhiv kruôr đhâu lok têx muôx jông thiêz phiv liv txix đros cxaz chuôz Hiệp định sik hux jos đhâu Thái Bình Dương ( TTP) li muôx liv, tsôngv box ntâuk grê siêz BCH T.Ư têx cêr thôngx ziv, jông siêz chiê Chính phủ VN đros chính phủ têx têz qơưs cir Hiệp định sik hux jos đhâu Thái Bình Dương ( TTP) lok hâur hli 2/2016. Taz sik, tsôngv box cux vav chiê siêz tiêk, Đảng tưz pâuz tsênhz, pâuz thôngz lok têx chei, cui tinhv, six hơưv, hnuz nhôngs jông chiê bax tsưr ziv sik côngv đros luôs 2 chas têz qơưs sâuv ntiêx têz, lar heik zos zuôr xeir tâu têx lênhx nênhs muôx pênhr xưv, txux chi, tsưr ziv jông lok car uô têx nuv lox, bax phax tir thêir têx tsi jông, uô lơưr Đại hội têx chei, cui tinhv, chox car têz qơưs huôv tsar. Zơưv Bùi Trọng Hùng, phường Ngọc Hà, quận Ba Đình, Hà Nội heik:

“ Xar cov Đại hội jiês no xeir tâu têx lênhx tiz nênhs txơưx njê, moz siêz uô nuv viv têz qơưs, viv tsôngv pêx xênhv, lar heik zos xeir tâu lênhx muôx txux chi, tsưr ziv thiêz đas jos jông. Li ntơư, taz sik thâuv choz uô hâux lưv mak cux zos têx cui tinhv, choz txix têx nuv kuz trâu têx nuv uô yiêz”.

Têx canr bôv, đảng viên thiêz tsôngv box tsênhv lok six moz siêz txos, njênhs njôngr trâu têx lênhx đại biểu, chor nênhs hlôngr njêx muôs trâu 4,5 tsov lênhx Đảng viên hâur hur si têz qơưs lok dự Đại hội zuôr siz chos paz têx tsưr ziv jông trâu Đảng cxiv tsa têx chei, cui tinhv uô huv đros sơưr đơưk,  chox têz qơưs huôv tsar hâur ntu hlôngr yiêz. Zơưv Đỗ Văn Hy, nhoz thị trấn Hậu Lộc, tỉnh Thanh Hóa heik:

“ Đảng viên cux xưk li tsôngv box tsênhv chiê siêz, vav njôngr trâu Đại hội zuôr txos tso tơưv tâu têx chei jông thiêz huv tsôngv pêx xênhv chiê huôv tsar ngênhx kinh tế pêz têz qơưs cov jông đuô, lơưr chuôs luôs 2 chas têz qơưs sâuv ntiêx têz. Xar uô tâu li co tsuv muôx têx lênhx nênhs txơưx njê, moz siêz uô nuv viv tsôngv pêx xênhv viv têz qơưs. Vav chiê siêz tiêk, têx lênhx đại biểu ntơư zuôr xeir tsov tâu têx lênhx nênhs muôx txux chi tsưr ziv, pênhr xưv nhoz hâur BCH chiê lês car uô têx nuv lox hâur têz qơưs, chox pêz têz qơưs huôv tsar jông thiêz truôx, taz sik iz chas ntơư cux muôx tsưr ziv sik hux jos đros luôs 2 chas thax tsav chiê pêz têz qơưs ngênhx kinh tế huôv tsar lơưr chuôs luôs têx têz qơưs”.

Tsôngv box njênhs njôngr thiêz chiê siêz Đảng Đại hội 12 zuôr tror sir jos uô lơưr têx txux chi tsưr ziv, hâux lưv uô tâu jông hâur 85 ntâu shông cxiv tsa thiêz huôv tsar, tror muôx têx tsưr ziv jông, huv đros tsôngv pêx xênhv, chox car pêz têz qơưs cov ziv hnuz ziv huôv tsar, truôx jông./.

                                         (TTT-Riê Lâux cxeik, nhênhv)

 

 

 

 

 

Phênhv “Nênhs gruôs uô tâu hâux lưv jông”, hnuz 21/1/2016:

Iz lênhx px pâuz uô bluô nux

 

 

Hâur iz luz tsêr puôz ar, zos tix lâus Tẩn A Sếnh oz niêv txir cxiv uô thiêz tix lâus Sếnh cux thav tiêk: Đhâu zuôr pox niêv, cxiv tsa ziv chuôz zis, uô luz nênhx pluôs, txov nhêv njuôr, zav tưs cux tsik muôx, oz niêv txir niêx hnuz muk khưr uô kôngz lôngk cux tsik txâuk nox. Đhâu ntâu jiês muk cơưv shâuv huôv tsar cêr uô nox chiê txo grêk yêiz pluôs; txix hâur shông 2009, tix lâus tưz kir txêik cưr tix nênhx mê njik pênhr nhiêx, chiê zuôr tsiêx cxu lok tu zus. Hâur shông 2011, tix lâus Sếnh tưz tror txêik 100 triệu  nhiêx têz qơưs chiê kriz đar thax tsav qơư, huôv tsar tu zus tsiêx cxu. Xav kror đruôz đraz, iz shông, tix lâus oz niêv txir, tưz muôs tâu 2 tấn buô đros trâu têx nhiêx muôs nhux tưv, nhux đas; chưx nhiêx côngk, đas jos tu zus, tix lâus ziv chuôz zis tsênhv sâu tâu 300 ntâu triệu nhiêx. Tix lâus Tẩn A Sếnh hêik pâuz:

“Txix cxiv tsa ziv chuôz zis, tsênhv uô luz nênhx txov nhêv, iz phênhv zos tsik tâu muôx tsưr ziv huôv tsar cêr uô nox, iz phênhv zos thax tsav tox siêz Sìn Hồ muôx chuô txiêk, tsuv tâu xêir tsiêx cxu tu zus cov ndax chêix tsiêx cxu thiêx hloz jông. Txix ntơư, cur tưz pâuz tâu hâur thax tsav ciêz đrôngl, muôx chôngz lênhx ntâu tus nhiêv nox grêix nênhk, cur thiêx zuôr nênhs chox lok huôv tsar tu zus chiê muôs trâu tuz luôv ciêz đrôngl”

Iz chas ntơư, tix lâus tsênhv muôz hur si têx pênhr nhiêx hâur ziv chuôz zis chox lok zuôr tâu 4 luz máy uô vuôk luôx Ba Thanh, chiê muôs trâu hâur thax tsav, cxiv uô vax tsêr. Xav iz shông, muôs vuôk luôx, sâu tâu 400 ntâu triệu nhiêx thiêz txos trâu nhiv no, tix lâus tưz muôx txâuk nhiêx zuôr tâu yêz ô tô thâux vuôk luôs muôs trâu cxuô qơư hâur thax tsav. Tix lâus Chẻo A Nái hêik pâuz:

 “Tix lâus Sếnh zos iz lênhx paz tâu trâu pêz sđ huôv tsar cêr uô nox, huôv tsar tu zus tsiêx cxu thiêz zok nriêr hâux lưv trâu tsôngv px sđ uô. Viv muôx tixx lâus Sếnh kror qơư uô vuôk luôx, cur oz niêv txir tưz sâu tâu 4 triệu nhiêx hâur iz luz hli txix puôz vuôk luôx muôs thiêz muôx txâuk nhiêx txiêx zus mê tuz nxêik muk cơưv ntơưr”.

Xã Tả Phìn, zos thax tsav qơư, tix lâus Sếnh xênhz zus lox hloz; phênhv ntâu zos tsôngv px hêir nênhs Cho uô nênhx nhoz; xav hur si xã mak muôx 230 ziv chuôz zis pluôs. Tả Phìn, zos thax tsav ar têz tsuôs, tsôngv px nhoz thax tsav no tsik pov kaz tsêz chos zav kôngz lôngk tưs thiêz tsik pov kaz tu zus zav tsiêx cxu tưs. Txix tix lâus Sếnh têx tsưr ziv huôv tsar cêr uô nox, tưz muôx chôngz lênhx px hâur thax tsav cơưv shâuv huôv tsar tu zus tsiêx cxu-huôv tsar uô kôngz lôngk, iz thênhv jux juk muk đhâu yêiz pluôs. Zơưv Chẻo Cuổi Lù, tsar jos Sèng Lản, xã Tả Phìn hêik pâuz:

 “Hâur pêz luz jos no, tsuôk muôx tix lâus Sếnh ziv chuôz zis thiêx pâuz huôv tsar cêr uô nox tâu truôx. Iz chas uô tsar cêr uô nox hâur ziv chuôz zis, tix lâus Sếnh tsênhv paz ntâu ziv chuôz zis huôv tsar cêr uô nox, tu zus tsiêx cxu, muk đhâu yêiz pluôs, muôx luz nênhx truôx tuk jux juk”.

Chưx tsik tâu cêr yêiz pluôs, truôx siêz bo huôv tsar cêr uô nox txix tu zus tsiêx cxu-huôv tsar uô kôngz lôngk; tix lâus Tẩn A Sếnh tsiv nhos uô iz tsov iêr chi cax lul chiê tsôngv px hâur thax tsav ntơư cơưv shâuv uô trơưk, cov muôx luz nênhx truôx tuk, tsâu sor./.

                                                                  (Tsu cxêik, nhênhv-Chẻo Thu)