Jax thưr 4: 21/10/2015

Hla đhâu cêr pluôs txix uô ntâuz trâur lâus cxôngx nzor

 

Niêv tix Zax Thị Mảy cxaz chuôz tổ uô ntâuz trâur lâus cxôngx nzor nhoz Chế Cu Nha txix thâuv yênhx lix txos nhiv no. Niêv tix Mảy puz pâuz: txix zuk li têx hax huv uô tâu, niêv tix thiêz chôngz lênhx gâux muôv vir ndâuk hâur xã tưz muôx nzir phênhv sâu truôx tuk, txix 500 txos 3 triệu 500 cxênhz đêiv tror sâur, tiv zix tsênhv muôx nênhs sâu tâu 5 triệu đêiv.

Tổ xơưk ntâuz trâur lâus cxôngx nzor nhoz Chế Cu Nha yênhx lix shông 2009, txos nhiv no tưz muôx zuôr xar 40 lênhx hội viên. Chiê têx huv tâu tsôngv kruô pâuz txos, đrâuv tsênhv qơư kriê nghêx siêz jông Hà Nội paz hâur sâu zuôr, paz piêr pâuz têx hax huv; tổ xơưk ntâuz trâur lâus tsênhv côngv đros tsênhv qơư kriê hâux lưv uô huyện kriz chor lớp krê xơưk ntâuz trâur lâus, uô fuôv trâu chor gâux muôv vir ndâuk; cxaz chuôz iz cxiê ntênhk ciêz ntơưv Hà Nội chiê piêr pâuz têx hax huv. Đros chênhz zênhv muôx hâur xơưk trik yo, chor hội viên tsik so cơưv shâuv hlôngr yiêz têx huv uô, khov co mak yênhx tưv xơưk ziv hnuz ziv siêz đuô.

Nhiv no, đrâuv mênhx cxưx li têx trik yo, ntâuz, tiêz cxôngx nzor, chor hội viên tưz uô tâu 20 zav hax huv li flâuz hâur hâur ndông, flâuz pav, hnaz, fuôv…tâu tsôngv kruô nhiêv txos. Txix hâur shông txos nhiv no, tổ xơưk tưz tso iz cxiê nênhs muk thik tưr hax huv txơưx xar tơưv dự án thiv pluôs ntơưv tỉnh Yên Bái. Tổ tưz tax tâu giải iz hâur jiês thik, đros giải khơưk kruôk tâu xar muôx 100 triệu đêiv tâu muôz zos mêir xơưk khâuz ndơưk trâu tổ.

Ntâuk gri lok tổ xơưk ntâuz trâur lâus no hâur côngz xưv cxuôv yêiz thiv pluôs thiêz tuôr chiê nghêx cxôngx nzor, pos Trần Thị Nguyệt, phưv chủ tịch Họi gâux muôv vir ndâuk huyện Mù Cang Chải hêik:

Băng: “Tổ xơưk ntâuz trâur lâus no paz muôx nzir phênhv sâu tsik tsơưs trâu chor vir ndâuk sơưr đơưk truôx tuk luz nênhx. Kror zov chênhr zos tuôr chiê vênhx huôv mênhx cxưx Hmôngz thôngz đhâu xơưv ntâuz trâur lâus cxôngx nzor. Ntu zuôr txos, pêz zuôr zok nriêr qơư muôl muôs, côngv đros ntâu tos chiê muôs têx hax huv thiêz hlôngr yiêz tsơưr lươngv hax huv. Tror sơưr txêik pênhr chiê paz trâu sơưr đơưk kriz đar uô….”

Phuôx huiz xơưv ntâuz trâur lâus xưk li xã Chế Cu Nha, huyện tox siêz mù Cang Chải, tỉnh Yên Bái tưz tsik zos tuôr chiê tâu zuk mênhx cxưx li nghêx cxôngx nzor, mak tsênhv paz trâu pêx xênhv hla đhâu cêr yêiz pluôs, sir jos uô bluô nux./.

(Chẻo Thu-Ly dịch đọc)

 

 

Phênhv đas jos hnuz thưr 4.21.10.2015

Tsưr ziv phax tar siêz muôx trox

(nhênhv 2 suôz )

 

1. Nox hâuk cov huv đros

No zos tsưr ziv xuz thơưx thiêz zov chênhr tiv zix hâur phax tar siêz muôx trox. Tsuv nox hâuk cov huv đros, huv pluôs nox, huvv six hơưv, huv zav nox, nox tsơưs thâuv hmo ntux, tiv zix zos đhâu 7 six tsâuk ntux.

Nox tsơưs chor zav nox ciz, nthênh. Nox ntâu chưk lok zos suôz, khâux khâuv chiê luz chêr muôx nzir tsơưr đạm tsik gruk têx đạm txix grêix. Tsov cưv txos chor zav nox li ndêz, đêx yuôx zêx njuôz, tâuz tưs, cuô tâuv pâur, tâuv mos, txir lưk suôr, cuô txoz, kix, txir caz nzưr, txir thênhx caz…

Hâuk tsơưs cà phê, zênhz nzêik, chơưr, bia thiêz cxuô zav hâuk muôx cồn txơưr đuô…

2. Tsuv sir jos uô hâux lưv, muk lok

Tsuv sêiz shuôk six hơưv hâur iz hnuz cov huv đros, xêir tsov trâu zuk iz môn thể thao huv đros thiêz tsês iz hnuz tsơưs tiv zix 39 phênhz chiê uô, thôngx cxix hâur six hơưv uô hâux lưv, mak 30 phênhz uô hâux lưv tsuv tsês 5 phênhz chiê muk lok, tis chêr chiê cxaz nzir phax tar siêz muôx trox.

3. Chuôz cxaz đas jos trâu luz chêr

Tsuv nox nzir cov luz chêr muôx txâuk chor vitamin, tsơưr tsuv muôx chiê paz luz chêr muôx jos. Kror no tưz tsik zos paz tir tar moz siêz muôx trox mak tsênhv phã xtar ntâu zav moz txơưr đuô.

4. Tsik sir zôngv chor zav yuôx uô phiv liv txos siêz

Tsuv nus bác sĩ uô ntêx thâuv zuôr zôngv yuôx chiê tsik zôngv tâu chor yuôx uô hiêv txos siêz xưk li yuôx phax tar moz trưx phax, yuôx tir tar caz moz…tsuv nus bác sĩ chiê pâuz tâu zôngv chor yuôx li chak cov muôx chêx cur.

5. Njuôk shuôk đas jos tsik so

Njuôk shuôk nyar tsik so 6 luz hli iz jiês chiê pâuz tâu moz thiêz chơưv kho cov ndar six hơưv thiêz muôx chêx cur tiv zix.

6. Tsik so sir zôngv chor zav nox muôx liv trâu siêz

Zôngv tsik so chor zav nox uô lax siêz, chuôz cxaz tir tar tưx trâu luz chêr, lok sik têx zav nox jông trâu siêz lơưr bác sĩ li hêik kriê zuôr paz trâu sơưr đơưk muôx iz luz siêz muôx jos chiê por vêv luz chêr thiêz phax tar siêz muôx trox lok six muôx chêx cur.

7. Nox hâuk cov huv đros lok hnhar cir.

Hnhar cir, tros maz tưz tsik zos qir tiv uô muôx moz siêz muôx trox mak tsênhv uô muôx yưv ntâu zav moz txơưr đuô. Tsuv chiê zuk nhoz iz phênhv hnhar cir huv đros zuk luz chêr thiêz muôx tsưr ziv txo grêk cir cov jông./.

(Hồng Việt-Ly dịch đọc)