Hlôngr yiêz tsưr ziv huôv tsar uô kôngz đhâu tsaz yênhx iz xã iz xiv huv

Tỉnh Sơn La nhiv no muôx 200 ntâu zav xiv huv jông muôx têx huôv tsar uô yênhx têx huv iz xã iz xiv huv lok zos OCOP hâur ntu zuôr txos. No zos têx huv jông hâur thax tsav tox siêz Sơn La, muôx ntâu zav, 5 xiv huv chênhr zos: Zav nox, têx đêx hâuk, yuôx đrox njuôz.

Uô lơưr tsaz yênhx iz xã iz xiv huv jông, tỉnh Sơn La tưz tso tơưv ntâu tsênhv chei paz max tsôngv px huôv tsar uô nox uô hnar, lar heik zos moz siêz kriê cxaz têx txux chi tsưr ziv yuôr trâul thiêz kriê uô lơưr têx tsưr ziv yiêz hâur uô nox trâu tsôngv px.

Zơưv Lò Văn Nguyên, Giám đốc HTX ntông nox txir, huyện Sông Mã, tỉnh Sơn La heik pâuz:

“Hâur tsaz yênhx OCOP six hơưv kriê têx txux chi li heik sâuv mak pêz pov uô tâu lok six jông trâu HTX. Cur thâuv cxaz chuôz tsaz yênhx iz xã iz xiv huv jông chiê gra siêz gri têx hax huv thiêz gra lok phênhv sâu tâu siêz trâu HTX”.

Tỉnh Sơn La nhiv no tưz muôx 28 xiv huv tâu côngk nhav zos uô tâu jông, hâur co muôx 19 xiv huv zos uô jông tâu trơưk tsưr ziv, siêz xar; 9 xiv huv uô tâu lok six jông.... Sơn La tsênhv tror cxiv tsa tsưr ziv thiêz paz max têx lênhx muôx huv jông cxaz chuôz tsaz yênhx iz xã iz xiv huv jông thiêz têx huv kôngz nuv, tâu cxaz chuôz têx jiês cơưv sik hux jos uô jông têx huv li heik sâuv chiê sik đros paz tsưr ziv, txux chi uô, cux li sik đros sâu zuôr têx huv ntơư thâuv muôx zoz qơưx txos.

Zơưv Nguyễn Thành Công, Giám đốc Sở Kôngz nuv thiêz huôv tsar tox siêz tỉnh Sơn La heik pâuz:

“Nhiv no tỉnh Sơn La muôx tsênhv chei paz max kôngz nuv lok six tsênhv tsênhz, hâur co paz lok sâuv xiv huv OCOP, ntơư zos: Paz xuz thơưx, paz côngk nhav qơư uô têx huv thiêz uô lơưr tsưr ziv yiêz hâur uô têx huv OCOP..... Tỉnh Sơn La têx huv li heik no muôx têx muôs tâu lok six jông hâur ciêz đrôngs”.

Tỉnh Sơn La têx hax huv OCOP lok zos iz xã iz zav huv jông co tâu ntâuk grê siêz hâur cxuô jiês sik njiz, sik thav, hội kriz ciêz piêr kriê thiêz muôs têx hax huv kôngz nuv jông hâur têz qơưk thiêz sâuv ntiêx têz. Co zos têx uô tâu jông, khav tinhv txix tsưr ziv hlôngr yiêz huôv tsar uô kôngz lôngk, uô têx huv hur jông thiêz truôx./.

(Trấn Long-Riê Lâux cxeik, nhênhv)

Têx hâux lưv tsi cxoz uô thâuv trâus moz suôz liêz

Nam: Tsi chiv chir zuôr yuôx lok hâuk uô txu grês iz chêr cuz sor.

Nữ: Thâuv tsi tâu tâu xav tênhv tâu viv li chas iz chêr trâus cuz sor, tsi cxoz muk zuôr yuôx lok zôngv, viv têx yuôx no zuôr uô lênhx nênhs trâus lok nyar ntâu thâuv trâus moz suôz liêz, muôx têx lênhx uô lok nyar hâur plaz, lok six riêz nênhs.

          Hlôngr co, zos pov iz chêr cuz sor, tsuv zôngv têx tsưr ziv txơưr chiê uô cov luz chêr tsi cuz sor. Pir li tsi hnar tsôngs yo tuôz, chiê lênhx nênhs co nhoz trâu têx qơư lax khiêv, zôngv fuôv tsâu đêx sor so hâur pliêx, luz chêr trâu nênhs moz. Yuôx paz txu grês cuz sor tsuôk jông zôngv thâuv tâu bác sĩ heik kriê. Đrâuv co, tsi cxoz đê suôz lok zos tsik cxoz muôz tus nênhs moz car.

          Nam: Tsi nox têx zav nox đuz, muôx njik đuz, liêz

          Nữ: Thâuv nox lok sik hâuk têx zav nox đuz thiêz zav nox mêx njik liêz li hêik co, nênhs moz suôz liêz thâuv tơưv trôngx pov qir đuz thiêz qir mêx njik liêz. Viv li phênhz tsik tâu tsênhz têx qir shơư nyar đros nênhs trâus moz plaz.

          Đros nênhs moz ntuôr lok têx zav nox đuz  cux phênhz tsik tâu tsênhz co zos zav nox lok sik nyar đros nênhs moz plaz. Viv li, tsuv tsi cxoz nox têx zav nox đuz thiêz têx zav nox mêx njik liêz chiê zôngx ziv phênhz tâu têx moz muôx yưv co.

Nhạc cắt

          Nam: Tsi nox kê thâuv moz suôz liêz

          Nữ: Đros nênhs moz suôz liêz, tiv zix zos mê nhuôs zâu thâuv nox kê keiz zuôr uô luz chêr cuz sor đuô. Chênhr viv li, tsik cxoz nox kê keiz thâuv lênhx nênhs trâus moz suôz liêz.

          Nam: Tsi hâuk cuô đêx yuôx, cà phê, hâuk zênhz, hâuk chơưr.

          Nữ: Tas nro têx zav cuô đêx no puôr lênhx muôx cafein, uô siz mêx ndê siêz, plơưr đhiê chênhr, luz chêr gênhs gênhs. Nênhs moz suôz liêz tsi cxoz hâuk cuô đêx yuôx, viv hâuk  txu grês tsi tâu luz chêr cuz sor.

          Nam: Tsi nox ntâu têx zav nox muôx trox

          Nữ: Trox zos zav nox uô tsav plaz, tsi jông nhoz. Hâux lưv no uô nênhs moz ziv tsi jông nhoz, gênhs.

Nhạc cắt

          Nam: Tsi hâuk cuô đêx kaz jiz

          Nữ: Đêx kaz jiz muôx ga, thax, jiz mur thiêz têx zav nox muôx thax zos têx zav tsi cxoz nox thâuv trâus moz. Viv nox trâu hâur chêr zuôr uô txu grês đas jos tir tar caz moz, uô trâu lênhx nênhs trâus  moz suôz liêz ziv moz hnhar đuô.

          Nam: Tsi nox têx zav nox njiv cuz.

          Nữ: Thâuv trâus caz moz suôz liêz, nênhs moz li đas jos tir tar moz txu grês, zos nox têx zav nox njiv cuz zuôr uô lênhx nênhs ziv gênhs đuô, moz hnhar đuô.

          Nam: Txu grês tiv zix trâus zôngr tov.

          Nữ: Qir tiv uô moz suôz liêz zos tiv zôngr tov cik moz trâu lênhx nênhs. Thâuv trâus moz, njuôs xav nênhs moz tsênhv nhoz hâur thax tsav muôx moz huôv xênhz. Viv li, tsi cxoz chiê trâus zôngr tov, zos trâus zôngr tov tsi taz cik cxaz caz moz uô nênhs moz ziv moz hnhar đuô thiêz tsênhv zuôr cik moz trâu têx lênhx nênhs nhoz iz ndis co./.

(Thu Thùy-Txâur Vax cxeik nhênhv)