Jax sâu thưr 2 hnuz 21/11/2016:

Sơn La: Sir jos uô hâux lưv krir cơưv ntơưr

        Cưk kriê ntơưr Por Xênhv Thox, mênhx cxưx Hmôngz tưz uô tâu 5 shông cưk kriê ntơưr ntơưv tsêr cơưv cxênhx iz Phổng Lái, huyện Thuận Châu, tỉnh Sơn La. Bâuv co six hơưv muk lok đêz muôx 40 ntâu cêik cêr txix tsêr txos tsêr cơưv ntơưr, đros ntâu kror phiv liv li cêr đaz tuôs gâuk, lêv, tsâuk huôz, sik cưk kriê ntơưr por cux xar njôngr tiêk: Ziv phiv liv mak ziv sir jos kriê ntơưr trâu chor nhuôs, paz trâu chor nhuôs txơưx đuô chiê muôx tsar tov cxuôv yêiz thiv pluôs. Cưk kriê Por hêik:

        “Txơưv lok six phiv liv taz sik zos iz lênhx cưk kriê ntơưr, pêz zuôr sir jos muôz tyk ntơưr kriê trâu têx tuz nhuôs sơưr đơưk. Sir jos uô jông iz lênhx cưk kriê ntơưr li pưk txux, txơưx jênhv, uô chak cov chor shux xênhz nhoz tox siêz no pâuz tâu ntơưr, co zos iz lênhx cưk kriê ntơưr li siêz xar njôngr”.

        Tsêr cơưv ntơưr cxênhx iz Phổng Lái nhiv no muôx 6 lớp, 100 ntâu lênhx shux xênhz, phênhv ntâu zos mênhx cxưx tsơưs nênhs; hok cưk kriê ntơưr mak chôngz lênhx zos nênhs nhoz qơư kik tuôx uô hâux lưv. Pâuz tâu luk tsik siz thôngx zuôr phiv liv txos hâux lưv kriê thiêz cơưv ntơưr, chor cưk kriê ntơưr tưz siz hêik sik đros cơưv luk mêhx cxưx. Cơưv luk mênhx cxưx cux tsik zôngx ziv, taz sik chor cưk kriê ntơưr tưz sir jos cơưv cxuô luz six hơưv chiê pâuz tâu luk, paz trâu kriê ntơưr cux zôngx ziv đuô. Cưk kriê ntơưr Giang Thị Nguyệt nhoz hâur tsêr cơưv puz pâuz:

         “Cur zos nênhs tsoz tsiz, chor shux xênhz zos Hmôngz, viv li pêz tsuv sir jos cơưv nzir luk Hmôngz, txơưv cơưv tsik tas, taz sik têx kror zov chênhr paz trâu zuk kriê ntơưr mak pêz cux sir jos cơưv cov tâu. Têx thâuv pêz tsik pâuz mak nus shux xênhz paz cxêik uô luk tsoz tsiz, txix luk tsoz tsiz cxêik uô luk Hmôngz, txix co cưk kriê thiêz shux xênhz siz nus chiê sik pâuz thiêz cơưv ntơưr tâu jông đuô”.

       Tsêr cơưv ntơưr li iz cxiê qar cơưv ntơưr tsênhv zos lav uô txix shôngz ntông, txos chêix ntux no mak lok six no. Taz sik, chor cưk kriê ntơưr nhoz no cux tsênhv yênhx hnuz sir jos kriê ntơưr trâu shux xênhz. Cưk kriê ntơưr Phí Thị Chí, phưv hiệu trưởng tsêr cơưv ntơưr cxênhx iz Phổng Lái puz pâuz:

       “Đros têx phiv liv li co mak tsuv hêik chor cưk kriê ntơưr lok six sir jos, nhiêv hâux lưv, pêz sir jos lok six ntâu chiê uô chak cov kriê tâu ntơưr trâu chor shux xênhz jông tiv zix”.

       Cux lơưr cưk kriê Chín, cxuô kror phiv liv njiz trâus sơưr đơưk cux sir jos cov đhâu. Chor cưk kriê ntơưr thiêz shux xênhz li vav njôngr zó tâu cxuô cấp, cxuô nganhx yưv pênhr paz cxuô zav, tâu uô jâuz mox nox ntơưv tsêr cơưv, đhâu co tưz paz cxươz cxiz trâu cxuô lênhx shux xênhz truôx siêz cơưv ntơưr đuô chiê muôx txâuk tsưr ziv txux chi huôv tsar cêr uô nox, tso tsês tâu yêiz pluôs sâuv thax tsav qơư nhoz./.

                                 (Hoàng Long-Lik Thox cxêik nhênhv)

Phênhv thưr 2, hnuz 21/11/2016:

Lov jêv, sik côngv siêz- siz chos cxiv tsa jêx jok truôx jông

      Hnuz hội huôv tsar cêr thôngx siêz tâu tsôngv box Thêir nhoz jok Pá Làng, xã Nghĩa Phúc, thị xã Nghĩa Lộ seiz xưk li hnuz hội chênhr hâur shông. Txơưv max uô têx nuv bâuv tưs, sđ cux puôr lênhx tso hâux lưv tsês, tuôx đros côngv cêr lov jêv hâur hnuz hội. Têx tuz nhuôs muk uô nox đêz, zos lok tâu lơưr cux lok đros tsôngv cưr tix nênhx tsa sđ uô lov jêv hâur hnuz ntơư. Pos Hoàng Thị Thơm, nhoz hâur jok Pá Làng, xã Nghĩa Phúc, thị xã Nghĩa Lộ heik pâuz:

     “ Hnuz hội no, sđ nhoz hâur jok muôx cêr thôngx siêz jông, sik đros uô si lov jêv, siz njênhs njôngr, sik paz huôv tsar uô nox. Chuôz zis tưs cux lov jêv, sđ sik đros heik cưr cxiêx uô si, tsôngv  cưr tix nênhx tsa sđ hâur jok lênhx tưs cux puôr lênhx tuôx đros côngv cêr lov jêv hur si”.

     Hâur hnuz hội, chi bộ, hâu nov hâur jok đros tsôngv box sđ tror ntâuk grê, tis seiz lok têx luôs hâux lưv uô tâu li: uô nox uô hâuk, cxiv tsa jêx jok vênhx huôv, cxiv tsa jêx jok yiêz hâur shông đhâu, seiz lax tso tơưv têx tsưr ziv lok sâuv huôv tsar uô nox uô hnar hâur shông zuôr txos. Đhâu pluôk mor trâu tsôngv cưr tix nênhx tsa sđ sik đros nox uô cê, tsôngv box hâur jok tsênhv sik đros nthuôr uô têx cêr lov jêv txux chi vênhx huôv jông thâuk nzor, sik tuôr têk đhiê pax vuôs…. Pos Lò Thị Cương, nhoz hâur jok shir phaz heik:

     “ Hnuz hội niêv côngv siêz, sđ tâu tror siz njiz siz chuôs, sik thav lok sâuv têx cêr uô nox, thiêz tâu têx hloz, hâu nov hâur jok heik kriê têx chei, tsưr  ziv huôv tsar uô nox uô hnar….viv li pêz sđ ziv jông siêz thiêz shir phaz đuô. Shông no muôx ntâu ziv chuôz zis muôx luz nênhx jông đuô cxiê shông viv li jok tsưr tsix hnuz hội niêv côngv siêz lox đuô. Tuôx siz njiz siz chuôs, sik thav li no chiê siz heik kriê lok sâuv têx cêr uô nox, sik đros cxiv tsa luz nênhx jông đuô”.

       Bí thư chi bộ jok Pá Làng-Hà Văn Quỳnh shir phaz heik pâuz: Nhiv no hâur jok, têx ziv chuôz zis pluôs tsuôk yuôr xar muôx 20%. Ciês têx chuôz zis đảng viên, tưz tsi muôx chuôz zis tưs pluôs. Tsôngv box sđ cux tso tsês têx cêr nênhx phôngz cxưx pôngz kaz, nox yôngz cok thiêz muôx ntênhk tuôs tsi uô ntâu chei, ndax fiv ntu têz qơưs hlôngr yiêz nhiv no đros trâu luz nênhx vênhx huôv jông. Chênhr viv li, muôx 80% ziv chuôz zis tâu côngk nhav zos chuôz zis vênhx huôv. Phôngz yaox vênhx huôv vênhx ziv tâu ntâuk grê zos xã iz hâur têx qơư chi cax, uô tâu truôx jông….. Hnuz hội niêv côngv siêz chênhr zos six hơưv chiê trâu tsôngv box sđ tror tis seiz đuô lok têx luôs hâux lưv sir jos uô hâur iz shông đhâu, cxiv tsa luz nênhx vênhx huôv. Zơưv Hà Văn Quỳnh heik:

         “ Hâur hnuz hội niêv côngv siêz tas nro tsôngv box sđ, pêz ntâuk grê lok sâuv tsôngv cưr tix nênhx tsa sđ têx luôs hâux lưv huôv tsar uô nox uô hnar hâur shông. Tiv 2 zos xeir têx chuôz zis uô tâu hâux lưv jông chiê kruôs txos hâur hnuz hội no.           Muôz cêr shir phaz, chiê siêz trâu sđ tror sir jos sik tưr huôv tsar uô nox”.

Đhâu hnuz hội, tsôngv box sđ ziv muôx cêr thôngx siêz truôx đuô, siz chos cxiv tsa têz qơưs cov iz hnuz huôv tsar truôx jông./.

                                  (Đinh Tuấn-Riê Lâux cxeik, nhênhv)