Suôz gâux Then-Trax tính đror sênhr zênhk, lov jêv ntưk nhoz TP HCM

Nền đàn tính.....

Têx suôz gâux Then, trax tính li no tâu heik sênhr zênhk thiêz ntâuk  lov jêv ntưk hâur têx jiês xênhz huôx câu lạc bộ thâuv niêx tas cik sơưr nzor hnuz ciêz hâur yênhx ciêz ntơưv Tsêr vênhx huôv shux xênhz, thax tsav đrôngs Đại học Quốc gia TP HCM nhoz quận Thủ Đức.

Câu lạc bộ nhiv no muôx nhos 20 lênhx shux xênhz xênhz huôx tsi so thiêz 50 ntâu lênhx txơưr đuô đros côngv cêr lov jêv thâuv muôx six hơưv, hnuz nhôngs lok sik thâuv tâu câu lạc bộ heik txos cov nthuôr uô têx txux chi lov jêv co. Phênhv ntâu chor shux xênhz thiêz lênhx nênhs heik gâux then, ntâuk trax tính, lơưr puôr lênhx nhoz têx tỉnh Cao Bằng, Bắc Kạn, Lạng Sơn...., taz sik đros chuôz zis yêik txar lok  nhoz trâu thax tsav Tây Nguyên thiêz chor tỉnh Bình Phước, Bình Dương. Đhâu ntơư, lơưr tuôx cơưv ntơưr trâu TP HCM, đrôngs muôx chôngz nênhs thiêz huôv tsar jông yax hâur tas nro têz qơưk no, iz chas têx cêr ndo tsêr, ndo nênhs cxênhz jê, chor tuz nxeik hluôk nênhs Tày, Nùng tsênhv ndo txos zuk heir nênhs têx suôz gâux then, trax tính uô lov jêv thiêz. Chênhr viv li, shông 2013, iz cxiê lênhx tuz nxeik hluôk tưz yênhx lix câu lạc bộ heik gâux then-ntâuk trax tính nhoz TP HCM. Txix thâuv ntơư txos nhiv no, ntâu cxênhx tuz nxeik shux xênhz nênhs Tày, Nùng tưz tuôx trâu câu lạc bộ chiê sik đros nthuôr uô lov jêv, đros por hưv tsês zuk heir nênhs têx txux chi vênhx huôv jông tsi chiê pôngz plox.

Trơưk li ntâu lênhx nênhs nhênhz chơưv, heik gâux then iz txưv zos suôz sênhr heik jông lok zơưv sâuz pox sâuz, têx suôz sênhr txi uô têx chei uz no, taz sik nhiv no, gâux then tưz yênhx côngv thôngx nênhs Tày-Nùng-Poz Ziz nhoz chor tỉnh tox siêz faz Bắc pêz têz qơưk iz txux chi nthuôr uô lov jêv. Đros uô lov jêv shơư trâu têx suôz gâux then zos trax tính. Gâux then nhiv no tưz tsi zos suôz sênhr heik chiê txi hu zơưv sâuz pox sâuz, ntux paz trâu tsôngv lax px ntiêx têz uô tâu nox tâu hnar, luz nênhx truôx tuk, tsâu sor mak tsênhv zos côngv thôngx nênhs Tày-Nùng-Poz Ziz têx suôz sênhr, pax lul heik chiê xa zuk tsưr ziv, siêz xar, têx cêr hluz ndo yuô txos trâu têz qơưk, chuôz zis thiêz têx tus zuk hluz, nhiêv trâul. Heik gâux then tsi tiêk zos têx suôz sênhr heik jông nhoz hâur VN bê têx di sản vênhx huôv phi vật thể cấp têz qơưk, mak tưz tâu UNESCO côngk nhav zos di sản vênhx huôv jông sâuv ntiêx têz txix hnuz 12/12/2019. Chênhr zos li heik co, lênhx hluôk tuz heir nênhs Tày-Phan Văn trọng cux li têx lênhx hâur câu lạc bộ xar por hưv tsês thiêz nthuôr uô đêz đar zav txux chi lov jêv no trâu chôngz lênhx ntâu tus đros pâuz txos.

“Heik gâux then, ntâuk trax tính zos zôngv têx pax lul heik lol cêr gâux đrâul, luz nênhx xênhz huôx hâur niêx hnuz. Ntơư zos nênhs Tày-Nùng li txux chi uô si lov jêv jông. Pêz cxênhx hluôk nhiv no xar por hưv thiêz tuôr tsês têx txux chi co tsi chiê pôngz plox”.

Txix lênhx nênhs xuz thơưx xar tâu thiêz nthuôr uô zos tix lâus Lương Văn Danh, txos nhiv no Câu lạc bộ heik gâux then-ntâuk trax tính TP HCM tưz muôx 8 shông, đhâu 4 lênhx nênhs car seiz. Lênhx nhiv no tsênhv seiz car Câu lạc bộ zos Đinh Thị Luyến-iz lênhx shux xênhz nênhs Tày tsênhv cơưv ntơưr hâur tsêr cơưv Đại học Nông lâm TP HCM. Đros thiêz Luyến, câu lạc bộ tsi tiêk zos qơư chiê tuz nxeik hluôk nênhs Tày, Nùng tâu siz chuôs njiz, mak tsênhv zos qơư chiê piêr kriê  têx suôz sênhr heik gâux thev-ntâuk trax tính txos trâu chor tuz nxeik hluôk luôs lưv heir nênhs txơưr đuô pâuz txos têx txux chi uô si lov jêv ntơư thiêz:

“Đros thiêz pưs txux zos seiz car Câu lạc bộ mak cur xar cov tuôr tâu chiê têx txux chi vênhx huôv, cêr lov jêv mak chor tix lâus thiêz niêv lâuk lơưr tưz cxiv uô tâu, thiêz chox Câu lạc bộ huôv tsar jông đuô. Nhiv no chor nênhs hâur Câu lạc bộ phênhv ntâu zos nênhs Tày, Nùng taz sik Câu lạc bộ thâuv tưs tưz jông siêz thiêz shir phaz tâu tok txeik têx fôngx zưs luôs lưv heir nênhs tuôx đros côngv cêr lov jêv, zos lơưr nhiêv txos heik gâux then-ntâuk trax tính”.

Têx shông xuz thơưx thâuv nhiv kruôr yênhx lix, Câu lạc bộ heik gâux then-ntâuk trax tính TP HCM txeik tâu Hoàng Phi Quân-Iz lênhx nênhs Tày pâuz thôngz, txơưx heik gâux then-ntâuk trax tính li cêr paz max lok sâuv kriê têx tsưr ziv, txux chi uô si lov jêv. Tov kaz no, lênhx nênhs co lâuk, hnuz nhôngs siêz, tsi đros Câu lạc bộ nthuôr uô têx cêr lov jêv, mak têx lênhx hâur Câu lạc bộ tưx siz heik kriê, sik cơưv shâuv. Lênhx pâuz kriê trâu lênhx tsi tâu pâuz, chor hloz kriê trâu chor zâu, uô li ntơư, chor tuz nxeik hluôk nênhs Tày-Nùng sik đros por hưv, tuôr tsês jông têx suôz sênhr heik gâux then-ntâuk trax tính tsi chiê pôngz plox. Hoàng Thị Dung-Iz lênhx nxeik heir nênhs Nùng, nhoz hâur câu lạc bộ tâu 7 shông heik:

“Têx lênhx lâuk, lênhx hloz mak viv ntâu qir tiv li uz li no viv li lơưr tsi nhoz hâur Câu lạc bộ, chor hluôk nhiêv thiêz xar nthuôr uô têx txux ci lov jêv ntơư taz sik tsi muôx lênhx nênhs tưs chox thiêz kriê. Co zos iz kro zuk xar njôngr thiêz chiê siêz cov muôx têx lênhx txơưx nthuôr uô têx txux chi jông li heik sâuv lok chox kriê pêz Câu lạc bộ, chiê muôx têx nthuôr uô tâu jông thiêz đêz đar đuô txos sđ pâuz txos”.

Nền đàn tính....

Iz chas xênhz huôx niêx ciêz ntơưv Tsêr vênhx huôv Shux xênhz nhoz đrôngs Đại học Quốc gia TP HCM, Câu lạc bộ tsênhv muôx ntâu hâux lưv uô txơưr đuô chiê txuôk đros trâu chôngz lênhx ntâu tus, lar heik zos Hội trại Tày-Nùng tâu uô lok hli 10 niêx shông. Iz chas co, Câu lạc bộ heik gâux then-ntâuk trax tính TP HCM tsênhv txeik tâu luôs lưv tus têx luk hu zâuv muk nthuôr uô lov jêv nhoz ntâu tsêr cơưv đại học lok sik cxaz chuôz têx xor xưv vênhx huôv nthuôr uô si lov jêv hâur TP HCM thiêz thax tsav. Lênhx tưs cux xar cov paz tâu zuk iz phênhv tưs têx côngz đas jos, txux chi uô si lov jêv chiê đros por hưv, tuôr tsês zuk heir nênhs têx cêr nênhx vênhx huôv jông tsi chiê pôngz plox./.

(TTTPHCM-Riê Lâux cxeik, nhênhv)

Huôv tsar du lix hâur thax tsav pak đêx Ba Bể

Muk sêiz shuôk têz qơưs txos pak đêx Ba Bể, pos Nguyễn Mỹ đros têx fôngx zưs txix tỉnh Hưng Yên cux shir phaz lul txos têx tox trôngz câuv har jông jav:

          Băng: “Thax tsav qơư no mak jông jav hênhr, taz sik muk lok cux phiv liv cơưs. Cur tuôx txix Bắc kạn đêz 70 ntâu caik, cux muk tas 2 six hơưv thiêx txos ntơưv ntus pak đêx no. Zos txix ntơưv trôngx vas muk ndis pak đêx txos trâu jos du lix pác Ngòi oz pêz cêik cêr cux muk tas 40 phênhz, viv cêr muk lok đaz tuôs”

          Têx tox trôngz câuv har jông jav, taz sik cêr muk lok phiv liv, qơư nox hâuk, qơư so, qơư uô si đos đis. Ntơư zos tsôngv kruô ndis shuôk têz qơưs uô si txos pak đêx Ba Bể. Shông 2019 zos shông muôx chôngz lênhx kruô tuôx uô si sêiz shuôk têz qơưs txos pak đêx Ba Bể, zos 530 cxênhz lênhx. Zơưv Trịnh Đình Sính, phưv Giám đốc sở zoz thôngz tỉnh Bắc Kạn cux hêik pâuz tiêk: Hâur ntu 2021-2025, tỉnh zuôr muôz têx pênhr nhiêx cxiv kho đuô 3 txox cêr chiê tsôngv kruô zôngx ziv muk lok uô si sêiz shuôk têz qơưs. Hâur ntơư, kriz cxiv uô yiêz txox cêr txix đrôngl Bắc kạn muk txos trâu pak đêx Ba Bể, njuôk xav pênhr nhiêx cxiv uô tas 2.300 tỷ đêiv.

          Băng: “Txox cêr txix đrôngl Bắc kạn muk trâu pak đêx Ba Bể tưz tâu uỷ ban tỉnh cir ntơưr chiê kriz cxiv uô. Taz sik, đhâu txox cêr no uô tiêr txuôk đros txox cêr muk ndis pak đêx Ba Bể cux tsênhv cxiv uô tsik tâu jông. Chênhr zos li hêik ntơư, Sở zoz thôngz hêik trâu uỷ ban tỉnh tsuv tror cxiv uô nzir oz txox cêr no. Trơưk li njuôk xav, pênhr nhiêx cxiv uô cêr muk ndis pak đêx Ba Bể tas muôx 145 tỷ đêiv. Kror tiv oz, txox cêr txix xã Quảng Khê, huyện Ba Bể muk txos trâu xã Khang Ninh, huyện Ba Bể zos 16 cêik; pênhr nhiêx cxiv uô tas muôx 439 tỷ đêiv”

          Iz chas tox trôngz câuv har jông jav, cux tsênhv muôx cxuô luz jos li: Tày, Hmôngz huôv tsar cêr uô nênhx nhoz trơưk oz saz ntus pak đêx Ba Bể đros đrêiv hêir nênhs co têx txox chi, vênhx huôv jông cxôngx nzor. Muk uô si sêiz shuôk txos pak đêx Ba Bể, tsôngv kruô cux tâu nox hêir nênhs nhoz thax tsav co cxuô zav nox kaz thiêz tâu sêiz cxuô hêir nênhs ntơư nthuôr uô cêr lov jêv đros trâu têx suôz gâux suôz trax lov jêv lul. Zơưv Hà Văn trường, Giám đốc sở vênhx huôv tỉnh Bắc Kạn cux hêik pâuz tiêk: Du lix jôngr ntông-huôv tsar cxuô hêir nênhs têx txux chi, vênhx huôv jông zos iz luôs hâux lưv uô muôx liv trâu sđ:

          Băng: “Bắc kạn tưz thôngx ziv muôz pênhr nhiêx huôv tsar uô du lix thiêz khơưk tsês têx txux chi, vênhx huôv jông tsik chiê pôngz plox thiêz tsênhv uô ntâuz ntơưr cov UNECO  côngk nhav pak đêx Ba Bể-Na Hang yênhx iz vênhx huôv jông sâuv ntiêx têz”

          Iz chas pak đêx Ba Bể cux tsênhv muôx tus đêx Năng, Động Puông….zos têx qơư jông jav chiê tsôngv kruô tuôx uô si sêiz shuôk txos.

          Zơưv Phạm Duy Hưng, phưv chủ tịch uỷ ban t8ỉnh Bắc Kạn hêik pâuz:

          Băng: “Hâux lưv chênhr zos huôv tsar du lix pak đêx Ba Bể, pêz tsênhv tror cxơưz cxiz cxuô doanh nghiệp muôz pênhr nhiêx tuôx cxiv uô vax tsêr, huôv tsar du lix, qơư uô si, qơư muôs hax huv, qơư muôs cxuô zav nox cov ziv hnuz ziv jông đuô, huv đros tsôngv kruô siêz nhiêv”./.

                                                 Tsu cxêik nhênhv-VOV Đông Bắc