Jax sâu thưr 2, hnuz 21/12/2015

Lào Cai: Bax tsưr ziv phax tar no trâu nhux tưv, nhux đas nhoz thax tsav tox siêz

 

 

Tix lâus Páo xênhv Vax nhoz xã Sa Pả, huyện Sa Pa, tỉnh Lào Cai chuôz zis muôx 4 tuk nhux, txơưx tiêk lav cxiv uô qơư cơư, taz sik tâu muôz ntâuz tax xor thêir ntov jông, zos thâuv tưs muôx chuô txiêk, ntux nas li tsi yâu chuô thiêz yiê nas. Têx jâuz krâur cux tâu tix lâus chuôz zis bax tsês txâuk trâu nhux tưv nox ntêr hnuz. Têx hnuz ntux nas, no njiv, muôz ciês têx jâuz trâu tsiêx nox ntơưv qơư; hnuz tưs ntux yar, sor sơưr mak li tso têx nhux muk nox jâuz pêv yar. Khov pâuz tâu têx tsưr ziv phax tir thêir no  li co trâu têx tsiêx, 2 shông lok  no tix lâus Páo têx nhux tưv tưz tsi trâus tuôs no. Tix lâus Páo heik:

“ Qơư cơư tsiêx  mak zuk muôz ntâuz tax têx lok xor thêir iz ndis, vor vuôk chiê chuô txiêk tsi yâu, nas tsi ntuz, tsi chiê têx tsiêx nhoz lak yar. Lok sik zuk zôngv têx đeiv pav đaz tuôs lok sik têx tsôngk trik yo kuz tsi jông hnar vor trâu tsiêx têx đrâuz kâuv cov tsi yuô no….”

Lơưr zơưv Triệu Thiết Nghĩa, Phưv tsar phòng kinh tế-kôngz nuv huyện Sa Pa, tỉnh Lào Cai, shông no ntux no lis, taz sik ho txơưr txar phiv liv, pir li nhiv kruôr 1, 2 hnuz jêx tưv 25 tưv taz sik tưz grêk hlo yuôr 10 tưv. Chênhr viv li, chiê phax tir thêir đros têx tsi jông no, txix ciês hâur cheix ntux no, huyện tưz bax tsưr ziv fuô kriê lok sâuv phax tar no trâu têx tsiêx  li: cxiv uô yiêz, kho đuô têx qơư cơư tsiêx cov khor thiêz truôx, khơưk tsês têx kuôr blêx, muôz têx tâux vâuv cov kâuz tsês trâu tsiêx nox hâur têx  hnuz ntux no njiv:

“ Shông no pêz tưz bax uô têx ntơưr xa trâu têx xã, thị trấn hâur thax tsav huyện. Txix ntơư, pêz chox kriê têx lênhx canr bôv seiz car kôngz jôngr nuv xã, lar heik zos têx lênhx uô hâux lưv cxiz kôngz,  fuô kriê trâu tsôngv box pâuz lok têx tsưr ziv phax tir thêir no trâu tsiêx cxu; iz chas ntơư tsi so qênhz shuôs, đros tsôngv box uô têx trâur nuv cux li fuô kriê uô têx qơư cơư tsiêx cxu chiê lêis jâuz, muôz krâur trâu nox ntơưv qơư hâur tas nro huyện”.

Nhiv no xav hur si têx nhux tưv, nhux đas hâur huyện Sa Pa muôx nhos 10 cxênhz tuk. Iz chas têx chuôz zis muôx qơư khor thiêz truôx cơư thiêz muôx txâuk jâuz, krâur trâu nox, iz tsưr ziv tâu ntâu ziv chuôz zis tsôngv box xeir uô zos chiê txo grêk tsơưs têx nhux tưv, nhux đas trâus tuôs tiv ntux no, zos bax tsưr ziv chaz têx nhux tưv, nhux đas muk seiz trâu qơư kis, têx thax tsav muôx ntâu jâuz tâux li: xã Tòng Sành, Cốc San, huyện Bát xát hâur têx hnuz no njiv no hênhr.

Hâu nov thiêz tsôngv box Sa Pa têx hâux lưv bax fuô uô đros ntâu faz tsưr ziv phax tar no trâu tsiêx zos hâux lưv uô tsi so thiêz zuôr trâus txos chiê por hưv tâu jông têx tsiêx cxu hâur cheix ntux no njiv./.

                       (An Kiên-Riê lâux cxeik, nhênhv)

 

 

 

 

 

 

 

 

 

 

 

          Phênhv “Cxiv tsa Đangv” hnuz 21/12/2015:

Tuz lênhv nhoz thax tsav ntus đriv Tây Nguyên

 

 

          Tưz pov tsênhz cxuô luôs hâux lưv tuz lênhv uô nhoz ntơưv oz tỉnh Gia Lai thiêz Kon Tum; tơư zos huôv tsar chos ntông tso cuô mik. Xar 30 shông đrav ntêx, Bộ tuz lênhv Quốc phôngx tưz tso tơưv luôs hâux lưv huôv tsar chos ntông tso cuô mik ntơưv thax tsav faz Tây pêz têz qơưs.  Tuz lênhv Binh đoanx 15 luôs hâux lưv huôv tsar cêr uô nox, tưz uô tâu tiêr đros trâu tsưx phưv truôx ntus đriv.  Zos iz thax tsav ntus đriv đêz yênhx puô caik cêr, thâuv tưs tưz tsưx phưv tâu truôx thiêz nhiv no tsôngv px thax tsav hêik ntơư muôx luz nênhx tsâu sor cux zos chos ntông tso cuô mik thiêz muôx tuz lênhv yax kriê.  Zơưv Rơ ma Hin, tsar jos Chan, xã Ia pờ nôn, huyện Đức Cơ, tỉnh gia Lai hêik pâuz: Đhâu xar 30 shông uô nênhx đros đrêiv tuz lênhv huôv tsar chos ntông tso cuô mik, 200 ntâu ziv chuôz zis hâur jos tưz muôx luz nênhx tsâu sor jux juk. Zơưv Rơ ma Hin hêik pâuz:

          Băng: “Thâuv tsik tâu huôv tsar chos ntông tso cuô mik mak px luz nênhx txov nhêv cơưs. Nhiv no huôv tsar chos ntông tso cuô mik, tưz pov tsôngv px sđ muôx txâuk nox txâuk hnar, luz nênhx tsâu sor, tuz cxêik tâu muk cơưv txux chi”

          Chiê tsôngv px nhoz thax tsav ntus đriv hlôngr yiêz luz nênhx, pâuz huôv tsar cêr uô nox, tsuv tsik so yax kriê tsôngv px sđ uô đros trâu chos ntông tso cuô mik, huôv tsar kinh tế cux chênhr zos luôs hâux lưv chính trị, luôs hâux lưv cxiv tsa Đangv.  Lar hêik zos luôs hâux lưv huôv tsar đảng trâu công nhân hêir nênhs tsơưs cux tâu tuz lênhv Binh đoanx 15 moz siêz txos uô ntêx. Chênhr zos li hêik ntơư, xar 30 shông đros đrêiv tuz lênhv huôv tsar cêr uô nox, cxuô lênhx công nhân tưz pov muôx luz nênhx hlôngr yiêz jux juk. Zơưv  Ka Pu mực, zos iz lênhx công nhân chos ntông tso cuô mik, zos lênhx đảng viên xuz thơưx tâu tsa nhoz Đảng hâur jos Chan, xã Ia Pờ nôn, huyện Đức Cơ, tỉnh Gia Lai hêik pâuz:

          Băng: “Cur uô nênhx đros đrêiv công nhân chos ntông tso cuô mik chiê huôv tsar kinh tế, chiê cxiv tsa xã, đơn vị cov ziv hnuz ziv huôv tsar truôx thiêz txo grêk tâu yêiz pluôs”

          Tuz lênhv Binh Đoanx 15 tưz chos tâu 42 cxênhz ha ntông tso cuô mik, xar 400 ha cà phê nhoz trơưk ntus đriv cam pu chia ntơưv oz tỉnh Gia Lai thiêz Kon Tum.  Đhâu ntơư, tưz zok nriêr tâu 6 kror qơư chiê tsôngv px huôv tsar cêr uô nox nhoz trơưk ntus đriv; muôx 17 cxênhz lênhx đros uô hâux lưv; hâur ntơư muôx 7 cxênhz lênhx tsôngv px hêir nênhs tsơưs têx tuz cxêik ntơưv tsênhv qơư. Binh Đoanx 15 zos iz đơn vị Quốc phôngx, tsưx phưv ntus đriv thiêz huôv tsar uô đros đrêiv tsôngv px sđ, Thiếu tướng Đặng Anh Dũng, Tư lênhv binh đoanx 15 hêik pâuz:

          Băng: “Hâur uô luôs hâux lưv sêiz car ntus đriv, Binh đoanx, thâuv tưs muôx cêr thôngx siêz đros đrêiớưtôngv px thiêz hâu nov ntơưv qơư. Binh đoanx 15 cux xav tiêk: Huôv tsar kinh tế cux zos iz luôs hâux lưv tsuv tâu uô trau ntơưv tsênhv qơư thiêos iz luôs hâux lưv chính trị, tâu tsôngv px thiêz hâu nov ntơưv qơư jông siêz đros uô tâu truôx”.

          Iz thax tsav ntus đriv faz Tây hâur pêz têz qơưs, tuz lênhv Binh đoanx 15, têx ntông tso cuô mik thiêz cà phê tsênhv taz tov huôv hloz jông, cux chênhr zos cxươz cxiz tsôngv px nhoz thax tsav ntus đriv truôx siêz huôv tsar cêr uô nox cov muôx luz nênhx truôx tuk, tsâu sor./.

                                                                                  (CQTT Tây Nguyên)