Tuz lênhv thiêz pêx xênhv cêr côngv siêz nhoz ntus đriv Nậm Nhừ

Jok Nậm Nhừ 1, xar Nậm nhừ (huyện Nậm Pồ) đhâu 4 hli trâus đêx cuôr yôngz, pêx xênhv luz nênhx tưz tror truôx tuk jux juk.

Tsar jok Nậm Nhừ 1 Lưv Xênhv Muôk puz pâuz: No zos jiês đêx ngaz cuôr phiv liv tiv zix hâur 20 shông tror lok no, pox nhuôs pov thiêz njiz trâus. Yênhx châuv luz tsêr đros cxuô zav trâus đêx cuôr yôngz tas hur si. Tâu hâu nov ntơưv qơư, chor tsưr tsix đoanx thêv, tiv zix zos Bôv đôiv Pênhz phax nhoz sâuv thax tsav sir jos đros paz, têx vax tsêr, cêr muk lok cux tâu kho đuô, pox nhuôs sơưr đơưk ho sik đros hla đhâu têx phiv liv, sir jos huôv tsar cêr uô nox chiê muôx tâu phênhv sâu hâur luz nênhx:

“Đhâu jiês đêx ngaz cuôr, Bôv đôiv Pênhz phax tưz gra cxur tuôx paz trâu pêx xênhv, kho đuô têx vax tsêr. Lơưr tưz đros đrêiv pêx xênhv chiê kho đuô vax tsêr cxuô zav trâus đêx cuôr yôngz . Txos nhiv no mak pêx xênhv luz nênhx tưz tror truôx tuk jux juk thiêz tso siêz khưr uô nox lơưv”.

Đros cưk kriê ntơưr Lò Thị Thỏa, Hiệu trưởng tsêr cơưv nhuôs zâu Nậm Nhừ, xar Nậm Nhừ, 50 ntâu lênhx cán bộ chiến sĩ Zênhx Pênhz phax Nậm Nhừ tir nas, sir jos thoz huk têx cuô ar, kho đuô tsêr lớp cơưv ntơưr chiê chor shux xênhz cxuô mênhx cxưx tror tuôx cơưv tâu ntơưr hâur shông cơưv yiêz zos iz kror ndo njôngr txos tsik plox. Viv thâuv njiz trâus têx cêr txov nhoz thax tsav qơư no, cưk kriê thiêz shux xênhz hâur tsêr cơưv cux tsik so tâu chor tuz lênhv pênhz phax sir jos paz lok cxuô kror:

“Zênhx Pênhz phax Nậm Nhừ cux sêi đrơưv tuôx paz trâu pox nhuôs thiêz tsêr cơưv ntơưr khưx phưx têx trâus ruôr hiêv tiv đêx ngaz cuôr. Đrâuv paz đas jos mak lơưr cux paz ntâu kror trâu pêz thiêz. Cur pov chor Bôv đôiv Pênhz phax ntơưv no tưz paz trâu pêx xênhv thiêz chor cưk kriê ntơưr li pêz lok six ntâu, zuk cux pov tso siêz đuô thiêz sir jos uô hâux lưv đuô”.

Trung tá Đặng Văn Hạnh, Zênhx tsar Zênhx Pênhz phax Nậm Nhừ, bôv chỉ huy Bôv đôiv Pênhz phax tỉnh Điện Biên puz pâuz: sêiz car, por vêv ntus đriv Việt Nam thiêz Lào ntêr xar muôx 20 cêik cêr đros 6 tuk ndêx chiv ntus đriv, têx shông đhâu, Zênhx Pênhz phax Nậm Nhừ tsik so sir jos uô jông hâux lưv por vêv truôx tsưr qênhx, ngaz tuk ntus đriv, ngaz tuk xar hôiv sâuv thax tsav. Đros co, chor cán bộ, chiến sĩ hâur taz viv cux tsik so sir jos hêik thiêz đros pêx xênhv nhoz 6 luz jok hâur xar huôv tsar uô nox, cxiv uô cêr muk lok chiê paz trâu pêx xênhv zôngx ziv muk lok thiêz hlôngr yiêz đuô luz nênhx.

Đhâu jiês đêx ngaz cuôr thâuv hli 8 nhiv kruôr đhâu, đrâuv sir jos paz trâu pêx xênhv kho thiêz uô đuô têx vax tsêr, taz viv cux tsênhv uô ntâu tsưr ziv chiê paz trâu pox nhuôs muôx nzir phênhv sâu truôx tuk luz nênhx. Txix co, cux zos paz uô truôx đuô cêr sik côngv siêz quân-pêx xênhv chiê sik đros por vêv truôx tsưr qênhx ntus đriv têz qơưk.

“Ntu zuôr txos, đros sir jos siz paz, Zênhx Pênhz phax Nậm Nhừ zuôr paz iz phênhv nhiêx txiêx chiê pox nhuôs huôv tsar chos tâux đuz nhox uô cuô car zâux muôs paz muôx nzir phênhv sâu. Pox nhuôs nhoz ntơưv no cux lok six sir jos thiêz sik côngv jông, chor chuôz zis jênhv sêiz jor por vêv ndêx chiv ntus đriv mak sir jos uô hâux lưv thiêz uô tiêr tâu jông têx hâux lưv tâu choz zok”.

Lơưr zơưv Nhè Chứ Xênhv Zax, Phưv Chủ tịch ủy ban xar Nậm Nhừ, ntu đhâu, chor nênhs fêv tsik so liv zôngv pox nhuôs nhoz ntơưv no txux chi kik chiê nziêk đas uô zuôv Đảng, Têz qơưk têx cêr chêi. Taz sik, đros muôx chor cán bộ, chiến sĩ Pênhz phax Nậm Nhừ li têx paz, qênhx shênhx no tưz grêk tsơưs ntâu, pêx xênhv tưz pâuz đuô, sir jos por vêv tsưr qênhx ntus đriv têz qơưk, tso siêz khưr uô nox, huôv tsar kinh têr chiê uô bluô nux ntơưv zuk qơư nhoz:

“Chiê pox nhuôs sơưr đơưk tsik mnôngs trơưk chor nênhs fêv nziêk đas. Cán bộ, chiến sỹ zênhx cux sik côngv jông đros xar hâur hâux lưv qênhz yuôx ntus đriv, muôx tsưr ziv yax kriê lơưr yênhx hli, yênhx shông chiê tuôr truôx tâu ngaz tuk. Txos nhiv no, pox nhuôs tưz truôx tuk luz nênhx, sir jos huôv tsar uô nox thiêz cux tsik njiz trâu têx phiv liv tưs ntâu lơưv”./.

(Vũ Lợi-Lik Thox cxêik nhênhv)

Têz qơưk têx chei, cui tinhv taz por vax huôv trâu heir nênhs tsơưs nhoz VN

Hiến pháp shông 2013-Pêz têz qơưk têx chei, ntâuz ntơưr muôx grik yax tưz heik tsênhz mênhx đuô lok heir nênhs tsơưs thiêz côngz xưv mênhx cxưx. Iz chas ntơư, ntơưv Grê 5 Hiến pháp shông 2013 cui tinhv: “Têz qơưk xã hội chủ nghĩa Việt Nam zos têz qơưk thôngx ziv cxuô heir nênhs, sik đros uô nênhx nhoz uô cê hâur têz qơưk Việt Nam. Cxuô heir nênhs muôx vax huôv siz luôs, sik thôngx siêz, siz hluz siz paz, sik đros huôv tsar; txưr tsi khênhr lênhx tiz nênhs tưs heik thiêz seiz luôs lưv tus, lưv heir nênhs tsi muôx grik.... Têz qơưk têx lul heik zos luk Choz Tsiz. Cxuô heir nênhs muôx vax huôv, muôx chei zôngv zuk heir nênhs li lul heik, ntơưr sâu, por hưv tsês têx txux chi cêr nênhx vênhx huôv, phôngz cxưx jông thâuv nzor. Têz qơưk uô lơưr tsênhv chei huôv tsar thiêz muôz jông six hơưv chiê cxuô heir nênhs tsơưs sir jos đros luôs lưv heir nênhs siz tưr huôv tsar uô nox, đros têz qơưk huôv tsar, vav mênhx”.

Iz chas Grê 5 Hiến pháp shông 2013 tâu xav tinhv zos tsưr ziv, hâu cêr trâu tsênhv chei mênhx cxưx, hâux lưv mênhx cxưx; côngz xưv mênhx cxưx tsênhv tâu cui tinhv tsênhz mênhx hâur Hiến pháp shông 2013 lok cxuô grê hâur chei têz qơưk, tsênhv tsênhz li: Ntơưv Grê 42 Hiến pháp 2013 cui tinhv: “Tsôngv px muôx vax huôv xav tinhv zuk heir nênhs, sir zôngv zuk heir nênhs têx lul heik, xeir heik luôs lưv heir nênhs têx lul thâuv uô hâux lưv, sik thav pêv...”; Grê 58 cui tinhv: “Têz qơưk tsov cưv uô lơưr tsaz yênhx tsoz phưz đas jos trâu tsôngv box tox siêz thiêz heir nênhs tsơưs”. Lênhx sâu xor xưv Hoàng Thu Thùy, heir nênhs Tày, kuz tsar Phongx Đoanx thêv, Ban Vênhx huôv, Đeix nta suôz VN jênhv tinhv:

“Muôx têx heik, Hiến pháp 2013 zos chei têz qơưk truôx jông chiê Đảng, têz qơưk têx tsưr ziv, tsênhv chei, cui tinhv lok mênhx cxưx thiêz côngz xưv mênhx cxưx tâu khav tinhv hâur tsênhv tsênhz; px vax huôv cux li tsôngv box heir nênhs tsơưs luz nênhx nox nhoz tâu taz por, jux juk hlôngr yiêz”.

Chiê uô tâu lơưr li Hiến pháp 2013 lok côngz xưv mênhx cxưx, ntâu ntâuz ntơưr hâur cxix luôs chei têz qơưk VN li: Chêi Dân sự, chei siz zuôr thiêz chuôz zis, Chei Di sản vênhx huôv.... tưz uô tsênhz mênhx têx cui tinhv hâur Hiến pháp 2013 thiêz puôr lênhx heik tsênhz txos cxuô heir nênhs vax huôv siz luôs.

Iz zav li, hâur chêi Dân sự nhiv no, chei co li iz hâur têx cui tinhv lok heir nênhs têx txux chi, cêr nênhx jông thâuv nzor...., ntơưv Grê 7 chêi Dân sự 2015 cui tinhv lok têz qơưk tsênhv chei đros thiêz têx li: “Txơưv zuôr uô li chas, muôx đaz tsi lok tsuv taz por tuôr tsês tâu cxuô heir nênhs têx txux chi cêr nênhx vênhx huôv, phôngz cxưx jông thâuv nzor, sik thôngx siêz, siz hluz siz paz, iz lênhx nênhs viv sđ, sđ viv iz lênhs thiêz cxuô heir nênhs uô nênhx nhoz uô cê hâur têz qơưk VN têx cêr nênhx jông”. Chei vênhx huôv VN tror heik mênhx txos tsênhv chei mênhx cxưx, Grê 17 Chei no khav tinhv: “Têz qơưk seiz trâu gri, cxơưz cxiz cxuô heir nênhs tsơưs tuôr tsês, por hưv zuk heir nênhs têx txux chi vênhx huôv jông, muôx chei, muôx vax huôv gôngr paz, uô trâu côngv thôngx cxuô heir nênhs VN muôx ntâu zav txux chi vênhx huôv jông ziv hnuz ziv huôv tsar”.

Hâur hâux lưv tu plâuz ntus, Grê 133 Hiến pháp 2013 cui tinhv: “Toax anr taz por trâu px têz qơưk xã hội chủ nghĩa Việt Nam nhoz hâur têx heir nênhs muôx vax huôv zôngv zuk heir nênhs li lul heik thiêz ntơưr sâu thâuv Toax anr tu px têx plâuz ntus”. Chei heik sâuv tưz uô tsênhz mênhx cui tinhv ntơư hâur chei Hiến pháp thiêz zos iz hâur têx cui tinhv chênhr hâur chei co. Iz chas ntơư, ntơưv Grê 29 Chei tố tụng hình sự tưz cui tinhv “Lul heik thiêz ntơưr sâu thâuv tu têx plâuz ntus zos lul Choz Tsiz. Lênhx nênhs heik plâuz ntus thiêz tu plâuz ntus muôx vax huôv zôngv zuk heir nênhs têx lul heik, ntơưr sâu thiêz tsuv muôx nênhs cxeik têx lul, ntơưr sâu co”. Niêv lâuk Lương An Dương, heir nênhs Tày, kuz shux xênhz tsêr cơưv Đại học Luật Hà nội heik:

“Têx, chiê nênhs heir nênhs tsơưs tâu zôngv zuk heir nênhs têx lul heik thiêz ntơưr sâu thâuv heik plâuz ntus thiêz tu têx trôngx plâuz zos six hơưv chiê lơưr muôx têx heik tas zuk li tsưr ziv, siêz xar, têx hâux lưv uô cxâuv chei têz qơưk thiêz cux zos six hơưv chiê cơ quan, lênhx nênhs sơưr tu têx trôngx plâuz pâuz tsênhz thiêz xav tâu têx uô cxâuv, txix ntơư uô lơưr thiêz tu trơưk chei têz qơưk cui tinhv trâu têx lênhx nênhs trâul cxâuv”.

          Têz qơưk xã hội chủ nghĩa Việt Nam zos têz qơư thax zênhz, tiêx tuk tâu txix têx tuz lênhv, tsôngv px VN sđ li đas jos, trox nyar sir tir ntâuk trol châuz tsưx phưv qơư nhoz lok. Chênhr viv li, chei têz qơưk zos têz qơưk tso tơưv, tsuv cxiv kho têx chei, cui tinhv huv đros trâu XH, chiê taz por cxuô heir nênhs VN sđ puôr lênhx muôx liv, muôx vax huôv siz luôs, fiv đros cxuô heir nênhs hâur côngv thôngx nênhs VN têx cêr lịch sử, vênhx huôv thâuv nzor, uô trâu sđ muôx luz nênhx tsâu sor, sik thôngx siêz./.

(VOV4-Riê Lâux cxeik, nhênhv)