Đơưk têx phiv liv txix quyết tinhv 861

Shông cơưv 2021-2022 no, niêv lâul Lưv Xênhv Shôngx, nhoz jok Đồng Ruộng, xã Kiên Thành, huyện Trấn Yên chuôz zis muôx 2 tus nhuôv nxeik cơưv ntơưv tsêr cơưv cxênhx iz thiêz cxênhx 2 Kiên Thành. Txix shông cơưv 2020-2021 tror zar uô ntêx, niêv lâul 2 tus mê nhuôv tâu nox nhoz, xênhz huôx hâur tsêr cơưv, cơưv ntơưr niêv txir zus mor thiêz tâu paz pluôk su tax txos kaz ciêz mav muk tok chor nhuôs lok tsêr. Shông cơưv yiêz no, tsi thôngx li ntơư. Uô lơưr Thủ tướng Chính phủ Quyết tinhv sôr 861 thiêz Ủy ban mênhx cxưx Quyết tinhv 433, jok Đồng Ruộng nhoz hâur 122 luz jok hâur tas nro thax tsav tỉnh Yên Bái zuôr tsi nhoz hâur thax tsav txov nhêv, cux iz zav li niêv lâul 2 niêv txir 2 tus nhuôv zuôr tsi tâu paz lok nox nhoz, xênhz huôx ntơưv tsêr cơưv, xuz thơưx zos ntu cêr muk tsêr cơưv ntêr muôx 9 cêik, iz hnuz muk 2 jiês xa thiêz tok mê nhuôv. Têx li heik no tsi tiêk zos niêv lâul Lưv chuôz zis thiêx njiz trâul, mak tsênhv muôx hur si 50 ntâu lênhx shux xênhz  hâur jok Đồng Ruộng thiêz.

“Muk cơưv mak iz tus lok tsêr thâuv tar su, hok iz tus txos zar zuôr tsâuk ntux thiêx lok, cêr muk lol phiv liv, zuk tsuv muk uô liêx têz thiêz, lok six max, tsi shênhx tok têx mê nhuôv”.

Cik txos uô lơưr têx cui tinhv, chei heik sâuv, xã Kiên Thành muôx hur si 894 lênhx shux xênhz trâul uô ruôr hiêv. No zos iz phiv liv tsi tsơưs trâu têx nhuôs, viv phênhv ntâu chor nhuôv zos shux xênhz heir nênhs tsơưs, vax tsêr nhoz đêz tsêr cơưv, luz nênhx txov nhêv, shux xênhz tsi tâu têz qơưk paz max, têx nhuôs muk lol cơưv hâur niêx hnuz njuôk xav zuôr uô tsi jông txos tsơưr lươngv zoz zux, têx tuz nhuôs tsi yuô moz siêz txos cêr cơưv ntơưr…. Taz sik chiê chor niêv uô txir pâuz to tâuz lok têz qơưk li chei yiêz, hâu nov ntơưv qơư thiêz chor cưk kriê ntơưr hâur tsêr cơưv cxênhx iz, cxênhx 2 Kiên Thành tưz muk yênhx chuôz zis shux xênhz chiê yax kriê, heik tsôngv pêx xênhv tso têx tuz nhuôs tuôx tsêr cơưv, cơưv ntơưr hâur shông cơưv yiêz. Zơưv Lê Văn Toán, phưv thơưx seiz car tsêr cơưv cxênhx iz, cxênhx 2 Kiên Thành heik, txơưv txov nhêv thiêz phiv liv li ntơư hâur muk lol heik, yax kriê, taz sik hur tiz si viv têx tuz nhuôs shux xênhz viv li chor cưk kriê ntơưr cux sir jos, tsuôk zos phênhz mênhx, sik thav đros shux xênhz li niêv txir lơưr thiêx pâuz tsênhz thiêz tror tso chor nhuôs tuôx tsêr cơưv, cơưv tơưr xưz:

“Pâuz tiêk chuôz zis cux lok six phiv liv hâur xa thiêz tok chor nhuôv muk lol cơưv ntơưr, lar heik zos vax tsêr nhoz đêz tsêr cơưv, hur tiz si viv têx nhuôs cêr cơưv txux, tsêr cơưv zuôr muôz jông six hơưv chiê têx nhuôs tâu tuôx tsêr cơưv, cơưv ntâuz cơưv ntơưr”.

 Txix têx hâux lưv uô uô ntêx li heik sâuv thâuv zuôr uô trơưk Quyết tinhv 861 thiêz 433, ngênhx zoz zux tỉnh Yên Bái tưz tso tơưv ntâu faz tsưr ziv tsênhv tsênhz, huv đros trâu yênhx thax tsav qơư. Trơưk li zơưv Đào Anh Tuấn-Phưv Giám đốc Sở zoz zux tỉnh Yên Bái, đros thiêz Quyết tinhv 861 tưz fuô uô mak:

“Sở tưz seiz car, hux jos đros têx cơ quan cik txos, cxuô thax tsav qơư cxơưz tiês uô jông hâux lưv yax kriê, hu zâuv têx nhuôs shux xênhz tuôx tsêr cơưv, cơưv ntơưr. Sở tưz tso tơưv tsưr ziv, phuôx tôngv phôngz yaox sik hluz, sik paz hâur tas nro ngênhx, chiê paz max têx nhuôs shux xênhz heir nênhs tsơưs, thax tsav txov nhêv đros thiêz tsưr ziv “tsêr cơưv siz paz tsêr cơưv”, “hâur lớp siz paz hâur lớp”, “shux xênhz thax tsav tsi yuô txov nhêv paz têx shux xênhz thax tsav txov nhêv”, sir jos qênhz shuôs chor nênhs tsi tâu sơưv têx chei paz trâu chor xã, jêx jok tưz hla đhâu thax tsav txov nhêv chiê hu zâuv cxuô pênhr jos, sơưr đơưk hâur xã hội sik đros paz max têx nhuôs shux xênhz muôx luz nênhx txov nhêv. Phênhz têx shux xênhz vax tsêr nhoz đêz tsêr cơưv, taz sik muk lol tsi tâu hâur hnuz, cux tsi tâu sơưv têx chei paz mak zuôr tror tso têx nhuôv ntơư nox nhoz, xênhz huôx hâur tsêr cơưv chiê cơưv ntơưr”./.

                              (VOV4-Riê Lâux cxeik, nhênhv)

Tsôngv box Sa Pa pheiz kênh chênhz zênhv phax tar yeiz thiêz no njiv trâu tsiêx cxu

Nhoz uô nênhx hâur thax tsav qơư siêz yênhx cxênhz yiv pir đros thiêz ntus đêx hiêr, thâuv txos cheix ntux no, zơưv Tẩn Văn Siệu, nhoz jos Sín Chải, xã Tả Phìn, thị xã Sa Pa thiêz têx ziv chuôz zis tu zus nhoz iz buôk ndis ho tsês six hơưv kho đuô guôx cơư tưv. Zơưv Siệu puz pâuz, nhux tưv mak tir no tsi chuôk li têx tsiêx cxu txơưr, têx hnuz ntux no njiv mak tsi cxoz tso nhux, tiv zix zos thâuv sơưr nzor viv zôngx ziv uô njê trâu tơư, moz plaz.

          “Qiv hơưv txơưr txar ntâu, shông tưs thâuv txos hli 10 zênhz lix mak pêz tsi tso nhux thiêz, tsuv cơư hâur guôx tas. Guôx mak pêz zôngv ntâuz tax their cov jông tsi chiê trâus chuô njơưx, chiê nhux tsi trâus no”

          Yuôr tix lâuk Lý Quẩy Tình, nhoz xã Tả Phìn, thị xã Sa Pa pheiz kênh, nhux tưv cơư hâur guôx tsi tso muk nox jâuz pêv têx trôngz, tsuv bax cxix cxuô jâuz tâux uô ntêx thâuv txos cheix ntux no. Heik cán bộ cxiz kôngz tuôx paz, iz chas zuôr krâur cxênhx tsês, tix lâuk chuôz zis tsênhv vâuv kâuz tâux nxư, nhaz blêk zos ntux no njiv ntêr mak tsi cxơưx nhux trâus tuôs yeiz:

          “Hleik blêx tas cur sâu tsês têx nhaz blêk chiê puz nhux nox, tsi li mak cheix ntu no zuôr trâus yeiz, tso nhux mak tsi car tso muk đêz, tsi tso muk hâur lênhx nênhs txơưr li vax têz”.

          Cheix ntux no cux zos cheix muôx tsơưs têx jâuz tâux, zos cxênhx tsês tsi tâu nhaz blêk, krâur lok sik guôx cơư tsi taz por, nênhs tu zus tsuv lơưr nhux muk qơư kis chiê taz por. Zơưv Zax A Lung, Phưv chủ tịch UB xã Tả Phìn, thị xã Sa Pa heik:

          “Pêz cux tưz muôx ntâuz ntơưr thix ziv sik côngv xa txos têx tiv phaz li Tằng Loỏng, Hợp Thành lok sik Cốc San TP Lào Cai chiê thor ziv chênhv, heik kriê pox nhuôs lơưr tsiêx cxu muk qơư kis, taz por tsiêx cxu huôv tsar jông”.

          Thị xã Sa Pa nhiv no muôx 4 cxênhz 300 ntâu ziv chuôz zis tu zus tsiêx cxu, đros tas nro muôx 14 cxênhz tul tsiêx cxu, phênhv ntâu zos nhux tưv. Shông tưs, hâux lưv phax tar yeiz thiêz no trâu tsiêx cxu cux zos iz hâur têx jênhv vưv coaz tsôngv xuz thơưx, chênhz zênhv tso pov zos ziv krêz uô nzor mak ziv muôx chêx cuk. Zơưv Phạm Tiến Dũng, Phưv Chủ tịch UB thị xã Sa Pa puz pâuz:

          “Nhiv no sâuv thax tsav muôx 91% ntâu têx ziv chuôz zis tu us tưz bax tâu guôx cơư taz por, 70% ntâu ziv chuôz zis chuv tôngv tâu jâuz tâux trâu tsiêx cxu. Hâur ntu zuôr txos, pêz zuôr tror chox kriê qênhz yuôx chiê paz txưv tsôngv box”.

          Đros ntâu ziv chuôz zis nôngx mênhx nhoz Sa Pa, nhux thiêz tưv zos tul tsiêx cxu paz huôv tsar cêr uô nox. Chiê por vêv chuôz zis li tsiêx cxu hâur cheix ntux no muôx ziz njiêz lok six lox hâur cxuôv cêr yeiz pluôs, huôv tsar KTXH nhoz tiv phaz./.

(An Kiên-Txâur Vax cxeik nhênhv)