Jax sâu thưr 2 hnuz 21/3/2016:

Cxiv tsa jêx jok yiêz tsuv uô trâu pêx xênhv, viv pêx xênhv

Ntơưv Đồng Tháp, phênhv ntâu tsôngv pêx xênhv shir phaz lul hêik pâuz lok tsaz yênhx cxiv tsa jêx jok yiêz zos Đảng, têz qơưk li iz tsưr ziv uô huv đros; tax tâu phênhv ntâu, huv pêx xênhv siêz xar. Txos nhiv no, ntơưv thax tsav qơư ntơư, tưz muôx 27 xã tâu cungz jênhv uô tâu tiêr luôs hâux lưv cxiv tsa jêx jok yiêz. Hâur 5 shông đhâu, Đồng Tháp tưz huiz tôngv muôx 33 cxênhz 500 tỷ đêiv chiê yưv uô tsaz yênhx, hâur co muôx 700 tỷ đêiv ntâu zos pêx xênhv sik côngv paz. Đhâu co, cxuô jêx jok hâur thax tsav tỉnh tưz pov muôx ntâu hlôngr yiêz jông. Zơưv Nguyễn Anh Kiệt, iz lênhx pêx xênhv nhoz huyện Thanh Bình shir phaz hêik: “Jêx jok yiêz mak zuôr uô hlôngr yiêz ntâu kror. Uô xênhz yar, huôv tsar kinh tế tâu hlôngr yiêz, luz nênhx cux hlôngr yiêz ntâu. Đhâu co, pêx xênhv tâu siz njiz, cơưv shâuv. Txix co puz pov pêx xênhv tsuv pâuz thiêz uô jênhv vưv chiê sik đros cxiv tsa chính quyền”. Ntơưv jiês cơưv thôngz têz qơưk văn phongx sêiz car luôs hâux lưv cxiv tsa jêx jok yiêz 2016, tâu cơưv trâu hnuz 11/3 ntơưv Cần Thơ, Văn phongx sêiz car cxiv jêx jok yiêz 2016 trung ương li pov cov hêik mênhx xav txos nhiv no iz huôv têz qơưk muôx 1 cxênhz 760 xã; muôx 19% ntâu xã uô tâu tiêr luôs hâux lưv cxiv tsa jêx jok yiêz; muôx 17 cơ quan cấp huyện tâu thủ tướng chính phủ côngz jênhv uô tiêr luôs hâux lưv cxiv tsa jêx jok yiêz. Hâur co, côngz xưv cxiv tsa jêx jok yiêz tưz paz tâu trâu pêx xênhv, hlôngr yiêz luz nênhx.

Taz sik, têx phiv liv cux muôx yưv hâur qênhx shênhx uô. Hâur co, sik cêv kuôk nhoz têx thax tsav hax zav tsênhz mênhx đuô. Zos faz Đông Nam Bộ tax tâu 64% ntâu mak thax tsav tox siêz faz Bắc tsuôk tax tâu 9% ntâu thiêz Tây Nguyên zos 15% ntâu. Đros co, lok six ntâu tsưr ziv sêiz car sik côngv nhoz chor bộ, nganhx thiêz cxuô cấp muôx ntâu phiv liv; cux tsênhv muôx yưv zos uô cov muôx chiê nzor tax ploz tsênhr; qênhx shênhx yuôr nux gri hâur cxiv tsa nhoz iz cxiê tiv phaz tsik tâu muôx tsưr ziv cêir chêx cov tiêr. Đros co muôx tsik txâuk têx tsưr ziv phêiz kênh, sêiz kaz chor pênhr yưv uô tsaz yênhx tsênhv zos iz kror phiv liv txox cxiv tsa jêx jok yiêz. Zơưv Nguyễn văn Doanh, chánh văn phongx điều phối tsaz yênhx tsưr ziv têz qơưk cxiv tsa jêx jok yiêz tỉnh Bắc Giang puz pâuz: “Lok phêiz kênh phênhv pênhr, Bắc Giang cux hêik tiêk sir jos tsov cưv txos dân số, thax tsav thiêz chêx cur uô chiê phêiz kênh pênhr. Hok nhiv no mak tsênhv phêiz sik bâus. Hok chox kriê mak tsik uô li chiê uô tuôr xuôv ho tsik tsov cưv txos kror tsênhv njiêz”. Zơưv Nguyễn Minh Tiến, cục trưởng, chánh văn phongx sêiz car luôs hâux lưv cxiv tsa jêx jok yiêz hêik tiêk chiê uô cov muôx chêx cur tsaz yênhx, cxơưz cxiz chor tiv phaz tax ploz tsênhr huv đros zuk tsar tov kinh tế. Thường trực ban chox kriê Trung ương zuôr hêik choz zok tsưr ziv tax ploz tsênhr txos shông 2020 tsênhz mênhx trâu yênhx tiv phaz lơưr tsưr ziv tsik phêiz sik bâus. Hâur co, zuôr uô têx tsưr ziv chiê paz chor xã txov nhêv tiv zix sir jos uô cov sêi, muôx chêx cur chor pênhr hâur tsaz yênhx. Zơưv Nguyễn Minh Tiến hêik:“Lok chuôz cxaz đas jos cxiv tsa jêx jok yiêz nhoz cxuô cấp, tiv zix tsov cưv txos cchor bộ cấp huyện, cấp xã thiêz jêx jok. Ndar txos tsik đrêk li co, nhiv no lok six ntâu tiv phaz tâu côx hôiv ntâuk gri mak chor tiv phaz tiêk tsuv sir jos kruôz kriê jêx jok yiêz txos tsưr HTX, tsưr qơư tu zus, uô nox uô hâuk, lâul jok, tsưr jok, chor nênhs muôx suôz bê. Co thiêx zos chor nênhs cxaz chuôz uô jêx jok yiêz. Nhiv no pêz tsênhv thor thường trực côx hôiv chiê kruôz kriê trâu chor nênhs no”.

Hâur ntu 2016-2020, tsưr ziv tsênhv tsênhz chiê uô zos 50% chor xã hâur iz huôv têz qơưk uô tâu tiêr luôs hâux lưv cxiv tsa jêx jok yiêz; iz tỉnh, thành phố nhoz trung ương muôx tsơưs tiv zix iz huyên uô tâu tiêr luôs hâux lưv cxiv tsa jêx jok yiêz. Li co, đros trâu luôs hâux lưv uô cov tâu tiêr têx tsênhv chêi têz qơưs; hâux lưv fuô yax kriê yax kriê, gra siêz jênhv pâuz trâu cán bộ thiêz pêx xênhv jêx jok; gra siêz tsơưr lươngv uô phongz yaox sik tưr cxiv tsa jêx jok yiêz zos iz hâur têx tsưr ziv tsuv uô cov tâu hâur kriz tsaz yênhx./.

(TTĐBSCL-Lik Thox cxêik nhêhv)

Phênhv thưr 2, hnuz 21/3/2016:

Têx lênhx tâu xeir zuôr uô đại biểu côx hội muôx txâuk txux chi, tsưr ziv lês car uô  cxuô luôs hâux lưv têz qơưs.

Txos ntu no, hội đôngx bo xeir têz qơưs tưz qir cơưv 3 jiês. Cơưv seiz lax cxuô cấp mặt trận tổ quốc VN jiês tiv iz tưz thôngx ziv tâu tsưr ziv xeir zuôr lênhx tiz nênhs thiêz pêk tsơưs lênhx hâur cơ quan, tsưr tsix nhoz T.Ư thiêz ntơưv qơư tâu heik kriê xeir zuôr đại biểu côx hội lơưr Ủy ban thường vụ côx hội tsưr ziv njuôk xav. Đros ntơư, côx hội hâur ntu zuôr txos, zuôr muôx 500 lênhx đại biểu; hâur ntơư muôx 198 lênhx đại biểu T.Ư thiêz 302 lênhx đại biểu ntơưv qơư. Hâur tsưr ziv xeir zuôr đại biểu côx hội nhoz T.Ư, côx hội têx  cơ quan tsav ntâu đuô hur si, muôx 114 lênhx đại biểu, tsar ndê 15 lênhx pir li côx hội khóa 13 chiê cxaz nzir têx lênhx đại biểu lês car uô đreiv têx hâux lưv côx hội, lơưr co zos têx cơ quan chính phủ 18 lênhx đại biểu, Bộ côx phax 15 lênhx đại biểu thiêz têx cơ quan Đảng zos 11 lênhx đại biểu….

Hội đôngx bo xeir têz qơưs cux tso tơưv Nghị quyết, zuôr 184 qơư bo xeir hâur hur si têz qơưs thiêz chor đại biểu côx hội tâu bo ntơưv iz thax tsav qơư bo xeir hâur têx tỉnh, TP nhoz T.Ư. Trơưk Nghị quyết no, TP Hà Nội thiêz TP HCM cux zos thax tsav qơư tâu phênhz bo xeir ntâu đuô hur si, iz TP muôx 30 lênhx đại biểu tâu bo xêir.

Chiê uô tâu jông hâux lưv bo xeir đại biểu côx hội khóa 14 thiêz HĐND cxuô cấp ntu 2016-2021, txix ciês thâuv hâur hli iz, Bộ chính trị tưz tso tơưv chỉ thị heik cxuô cấp ủy, têx tsưr tsix zos  Đảng seiz car, chox kriê uô jông hâux lưv bax têx zuôr trâus chiê taz por trâu jiês bo xeir cov tâu trơưk tsưr ziv, siêz xar thiêz cui tinhv. Lar heik zos tsơưr lươngv đại biểu côx hội thiêz HĐND hâur ntu têz qơưs tsênhv sik hux jos đros luôs 2 chas têz qơưk sâuv ntiêx têz ziv hnuz ziv truôx jông thiêz đêz đar, Bộ chính trị heik têx cơ quan, tsưr tsix, heik kriê têx lênhx nênhs muôx txux chi, tsưr ziv jông, lês car uô têx hâux lưv, siêz truôx bo uô trơưk đảng, têz qơưs thiêz têx lênhx muôx pênhr xưv, tsưr ziv lênhk uô tâu jông cxuô luôs hâux lưv, cử tri thiêz tsôngv px zok muôz.

Uô trơưk Bộ chính trị luôs hâux lưv chox car, zuôr xar 2 luz hlik đhâu, cxuô cấp ủy Đảng, hâu nov, Mặt trận, têx cơ quan thiêz tsưr tsix cik txos txix T.Ư txos cxuô tsênhv qơư tưz bax cxiv tsa tsưr ziv thiêz sik paz fuô kriê hâux lưv bax bo xeir cui tinhv tưz thôngx ziv. Ntơưv jiês cơưv seiz lax xeir zuôr lênhx nênhs uô đại biểu jâuv xuz thơưx, MTTQ VN cxuô cấp tưz tsês six hơưv seiz lax, sik thav huv đros chiê xeir tsov, heik kriê têx lênhx muôx txâuk txux chi, tsưr ziv uô đại biểu, cov taz por uô tâu trơưk têx chei, cui tinhv, taz sik cux muôx tâu têx lênhx muôx txux chi tsưr ziv, txâuk đas jos, pênhr xưv lês car uô têx hâux lưv têz qơưs, tsôngv px zok muôz. Cxuô cấp MTTQ VN cux tsênhv zênhx max fuô uô têx hâux lưv txos hnuz 17/3 tsưr tsix cơưv seiz lax jiês 2, xeir zuôr lênhx tiz nênhs, lênhx nênhs tâu xeir uô đại biểi côx hội thiêz HĐND cxuô cấp li iz cxiê ntâuz ntơưr.

Lơưr Hội đôngx bo xeir têz qơưs, txos nhiv no, hur si têz qơưs tưz muôx 50 lênhx chiv chir thor tâu uô đại biểu côx hội, phênhv ntâu zos nhoz trâu Hà Nội thiêz TP HCM. Têx lênhx chiv chir thor tâu nhoz đại biểu côx hội ziv hnuz ziv muôx ntâu lênhx, ntơư chênhr zos heik lok sơưr đơưk tsưr ziv, siêz xar ziv hnuz ziv nthuôr đar, pâuz txos têx hâux lưv bo xeir, chiê uô lơưr zuk vax huôv, tsưr ziv siz chos paz đas jos, txux chi cxiv tsa thiêz huôv tsar têz qơưs côngz fênhx, vav mênhx. Lênhx nênhs chiv chir thor uô đại biểu côx hội ziv hnuz ziv chôngz lênhx zos iz kro jông, viv muôx ntâu lênhx chiv chir thor tâu uô đại biểu côx hội, cử tri ziv xeir tsov tâu têx lênhx txơưx njê, muôx txâuk đas jos, tsưr ziv lês car uô tâu truôx cxuô luôs hâux lưv têz qơưs. Iz chas ntơư, ziv muôx nzir six hơưv, hnuz nhôngs tsês trâu cử tri bo xeir, pâuz tâu têx lênhx uô tâu truôx hâux lưv, tsiv nhos hlôngr njêx muôs xa px têx tsưr ziv, siêz xar txos Đảng, têz qơưs./.

( TTT-Riê Lâux cxeik, nhênhv)