Jax sâu thưr 3.21.3.2017:

CÔNG TY CỔ PHẦN THAX CAZ TSIZ SƠN LA SIR JOS HLÔNGR YIÊZ TÊNHX QƠƯ

          Tơư tês trâu pas đêx nhoz đraz tiểu khu 4,5 thị trấn Hát Lót, huyện Mai Sơn, tỉnh Sơn La, pos Đỗ Thị Bộ, zos tsôngv box nhoz no puz pâuz: Thax tsav no ntâu shông tov ntêx trâus zênhr shar lok six hnhar tiv tsêr meir liv uô thax caz tsiz li têx đêx kiês nênhs. Lơưr co, 1/3 chor ziv chuôz zis nhoz uô nênhx 2 saz ntus tul đêx trâus zênhr shar lok six hnhar. Vax chos jâuz chos tsi tâu, pas zus njês tsuv tso tsês. Têx ziv chuôz zis nhoz đêz xar muôx iz cei cêr cux tsênhv hnor tsư nxiêz. Muôx têx ziv chuôz jê co tưz tsuv zôngv ntâuz tax their iz buôk ndis tsêr nhoz chiê tsi niê tâu têx tsư nxiêz cxôngx tsêr meir tsiv uô thax caz tsiz thiêz.

          Taz sik, cxôngx hâur cheix caz tsiz lol zos kuôr njuôs 2016-2017 txos nhiv no, têx vuôz tsuôz kiês nênhs tsi pov muôx lơưv thiêz. Pos Đỗ Thị Bộ heik:

          “ Niêx shông đêx heik lol mak lok six tsư nxiêz thiêz tsi car cor, taz sik shông no heik têx đêx lol niê mak tsi hnor tsư nxiêz lơưv. Heik cxuô shông no công ty tưz yưr lir têx vuôz tsuôz kiês nênhs, pêz lok six jông”.

          Pos Trương Thị Quế li luz tsêr nhoz tiểu khu 5, thị trấn Hát Lót nhoz jê tul đêx Nậm Pàn. Pos Quế puz pâuz, shông no đêx tsi trâus kiês nênhs viv li pos thiêz ntâu chuôz zis txơưr lok six tso siêz chos jâuz thiêz huôv tsar uô xênhz yar:

          “ Nhiv no đêx nyiêz đuô pêz cux tso siêz tu zus tsiêx cxu, tsêz chos kôngz lôngk cux tso siêz, taz por đas jos trâu chuôz zis. Tsi zos cur chuôz zis xưz mak têx chuôz zis nhoz buôk no cux puôr lênhx pov li ntơưv”.

          Đros công suất 3 cxênhz tênhr caz tsiz iz hnuz, chor fuôk caz tsiz ntâu, zos iz vênhv thix lox hâur hâux lưv yưr lir. Ciês thâuv cxiv tsa, công ty tưz xav tênhv cxiv tsa cxix luôk tso tênhv cxôngx fuô caz tsiz hlôngr trâu hâux lưv yưr lir li phênhv ntâu têx tsêr meir uô thax caz tsiz thâuv co. Tênhv tênhz cxôngx fuô caz tsiz phênhv ntâu zôngv phưx vưv hâux lưv tsiv uô thax thiêz huôx tôngv ntơưv taz viv, cê cxênhx txuôk pênhr nhiêx, cê gôngr phênhv txu grês kiês nênhs tênhx qơư.

          Tiv zix hâur 2 shông tror lol no, công ty tưz yưv pênhr zuôr 20 cxênhz yiv ndis ntâuz tax HDPE chiê puô tas nro 4 luz kror sinh học chiê yưr lir têx đêx kiês nênhs; krêz đar pas tso têx vuôz tsuôz kiês nênhs txos 15 cxênhz yiv đruôz. Thôngx cxix yưv pênhr krêz yiêz 2 cxix luôk kror pa chiê txu grês kiês nênhs tênhx qơư.

          Đros tsưr ziv uô jông, công ty tưz cxiv tsa tsêr meir tsiv uô qir hữu cơ cxôngx fuô caz tsiz chiê paz txưv phưx vưv trâu nôngx mênhx chos caz tsiz. Zơưv Nguyễn Văn Hiếu, Tổng giám đốc Công ty cổ phần thax caz tsiz Sơn La puz pâuz:

          “ Nhiv no tsênhv yuôr iz cxiê chuôz zênhx mak shông no pêz tror yưv pênhr chiê hlôngr yiêz, pêz tưz hlôngr yiêz têx chuôz zênhx tsiv grê yưv pênhr hâur 3 shông zos 600 tỷ đeiv. Cxôngx co pêz sir jos car chêx têx vênhv thix lok lênhx nênhs. Pêz zuôr cxiv tsa têx tsaz yênhx tsiv uô hur, taz por. Viv li njiêz luv no lok six zuôr trâus txos hâux lưv thox cxov lênhx nênhs”.

          Têx công ty nganhx thax li cêr cxơưx xuz thơưx lok tênhx qơư zos đêx kiês nênhs, pa pâus, fuô caz tsiz....tưz tâu công ty cổ phần thax caz tsiz Sơn La cxiv tsa thiêz uô tâu jông, cê txu grês uô hiêv txos tênhx qơư, cê cxênhx txuôk pênhr nhiêx thiêz chuôz cxaz phênhv sâu tâu liv. Kror no cux zos tsưr ziv chiê Công ty tror huôv tsar truôx vênhs thiêz reik đros đreiv tsôngv box têx mênhx cxưx tỉnh tos siêz Sơn La./.

( Thanh Thủy- Txâur Vax cxeik nhênhv)

Phênhv thưr 3, hnuz 21/3/2016:

PHÊNHV NÔNGX ZUÔR TSUV PÂUZ

     Đhâu hlo thâuv cxiv tsa tâu chuôz zis, đros trâu têx tsưr ziv, siêz xar chiê sir jos hla đhâu yeiz pluôs thiêz uô bluô nux sâuv zuk thax tsav qơư nhoz, Hux Xênhv Vưx qir uô qơư tu zus tsiêx cxu, huôv tsar uô nox.

    Hux qir krêz seiz hâur mạng, zok nriêr têx zav nôngz tsiêx cxu jông thiêz huv đros thax tsav qơư, zuk chuôz zis chiê zuôr lok zus. Thâuv tưz pâuz tsênhz têx nôngz tsiêx cxu tưs jông zus thiêz têx tsưr ziv tu li chas, Hux li qir têk chos tâux tu zus luôr thiêz zus gruôz. Lar heik zos shông 2013, hux chor luôr vav muôx txos 300 ntâu tuk thiêz 100 ntâu tuk gruôz.

   Hux cê muôs  trâu têx qơư uô grêix, uô jâuz mor nox thiêz cê muôs trâu tsôngv cưr tix nênhx tsa nhoz jê iz ndis zuôr uô nôngz huôv tsar tu zus. Đhâu iz ntuk, seiz pov muôs tâu kênhz, tsi yuô tâu trơưk tsưr ziv, Hux tror zok nriêr đuô lưv zav nôngz tsiêx cxu txơưr đuô lok tu zus. Shông  2014, tix lâus zok nriêr cêr tuôx txos huyện Sông Mã, tỉnh Sơn La chiê zuôr zav nôngz keiz lox nhoz no lok zus shơư trâu zuk têx nôngz keiz ntơưv qơư thiêz tror tuôr truôx, uô đreiv luôs hâux lưv tu zus  gruôz. Kaz shông 2015, Hux paz keiz vav muôx txos 300 ntâu tuk, hâur ntơư têx keiz lox muôx nhos 100 ntâu tuk. Hux heik pâuz: hâur six hơưv tu zus mak cur seiz zav nôngz keiz lox no jông zus thiêz muôs tâu grê đuô. Zav keiz heik co lok six zôngx ziv tu zus, nưk nziv zus tâu trâu têx thax tsav qơư no, keiz têx krâur nox phênhv ntâu zos cxur, poz cưk, blêx, lar heik zos chor keiz no lok six nhiêv nox jâuz đrox, viv li zus zav keiz heik sâuv zos tsuv muôx jâuz đrox trâu nox, lok sik tsi so hâu jâuz shơư krâur trâu nox keiz thiêx lox hloz sei. Têx mê nhuôv keiz txix thâuv đâus tâu lok, zus 10 luz hlik mak muôx txix 8-10 cir iz tuk. Zos muôs keiz grêix, iz cir 200 cxênhz đeiv, kê 20 cxênhz iz luz thiêz têx kê keiz ntês tâu ntơư cux tsik  txâuk tsôngv kruô zuôr. Nhiv no, Hux tsênhv yưv pênhr tu zus nzir zav keiz “siz ndơưk thiêz”. Iz chas ntơư, đros trâu têx pênhr nhiêx cxênhx txuôs tâu, Hux tsênhv kêr txeik mê njik pênhr nhiêx zênhx hax chiê cxiv uô qơư tu zus têx tsiêx lox li: Nhux tưv.... Hux nhiv no tưz muôx 4 tuk nhux tưv, 5 tuk nhux đas.

          Nhạc cắt

    Zơưv Bình Xênhv Shôngx-Chủ tịch uỷ ban xã Hồ Bốn heik pâuz: nhiv no, ntơưv qơư cux tưz muôx iz cxiê trâur nuv huôv tsar uô nox li: Tu zus nhux tưv, nhux đas, chos poz cưk....Taz sik chiê kriz uô cov tâu đêz đar trâu cxuô qơư  thiêz phênhv ntâu tsôngv box sơưr đơưk puôr lênhx cơưv shâuv, uô tâu trơưk, tsi tas muôx ntâu nhiêx txiêx, liêx têz cux zuôr uô tâu trơưk li tix lâus Hux Xênhv Vưx têx tsưr ziv tu zus keiz thiêz ntơư cux zos iz luôs hâux lưv jông, muôx ntâu ziv chuôz zis tsôngv box sơưr đơưk tuôx zok nriêr zuôr nôngz chox muk huôv tsar tu zus, uô trơưk.

    Khov sir jos hlôngr yiêz tsưr ziv huôv tsar uô nox, tsi uô lơưr têx cêr nênhx pôngz kaz li đrav ntêx, Hux Xênhv Vưx nhiv no tưz muôx phênhv sâu tâu nhiêx txiêx chox lok cxiv kho chuôz zis truôx tuk. Tix lâus Hux têx tsưr ziv uô nox heik sâuv tưz krêz hâu cêr trâu têx lênhx tsôngv box nhoz thax tsav tox siêz tsênhv yuôr ntâu txov nhêv, tsi tâu muôx tsưr ziv uô nox uô hâuk, tsêz chos kôngz, tu zus tsiêx cxu chiê pâuz nzir lok têx tsưr ziv uô nox yiêz hâur ntu têz qơưk hlôngr yiêz nhiv no.

   Tsôngv box....! Phênhv " Nôngx mênhx zuôr tsuv pâuz" hnuz no, zos Đeix TNVN đros tsênhv qơư cxiz kôngz têz qơưk uô./.

                     (VOV4-Riê Lâux cxeik, nhênhv)