Jax sâu thưr 5, hnuz 21/4/2016:

Lai Châu: Tso yuôx tuô poz jêz, uô ruôr hiêv txos tsôngv box

Tix lâus Liều A Gieo, nhoz jok Hồi Lùng, xã Nậm Loỏng, TP Lai Châu chuôz zis luz tsêr nhoz đêz thax qơư tsông, tuô poz jêz, 200 thiêr. Ntâu shông lok no, hâur cxuô jiês Công ty Lương Việt tso yuôx tuô poz jêz, tưz uô kênhs txos tix lâus thiêz ntâu ziv chuôz zis tsôngv box nhoz jê iz ndis ntơư têx tsêr. Nhiv no, tsênhv zos luz cheix ntux kruôr, muôx chôngz lênhx ntâu tuk tsênhv tuôx zuôr têx poz jêz chiê cxiv uô vax tsêr; viv li muôx kênh hnuz tix lâus Gieo cux li ntâu ziv chuôz zis nhoz no tsuv mnôngs Công ty tso yuôx tuô poz jêz 2 txos 3 jiês. Iz jâuk li ntơư, iz chas têx ar, poz jêz za pôngz sâuv têx trur tsêr, uô ar kênhs gơưk thiêz zos muôx chuô sênhv tuôx mak tsênhv uô têx hmôngr ar, pluôx ar đros trâu têx pa yuôx nqo za tuôx pur tas cxiê qơư, uô tsôngv box sđ tưz tsi pov kaz nox nhoz li chas.

Tix lâus Liều A Gieo heik: Muôx kênh thâv tsôngv box tsênhv tuôx seiz ti vi ntơưv tix lâus tsêr mak lơưr tso yuôx tuô poz jêz uô kênhs tas nro tsêr. Iz luz poz jêz lox tưz za tuôx trâus trur tsêr, uô trur tsêr to, pôngz lok ndax trâu thax qơư sđ tsênhv jâuv seiz ti vi, uô yênhx châuv lênhx lâuk nênhs, nhuôs zâu lok six nyei. Tix lâus chuôz zis tưz trâus 3 jiês poz jêz za tuôx pôngz sâuv tsêr, uô têx vuôk tơưs tas, iz chas ntơư cux uô tix lâus luz rơưr lok zos bể trâu đêx hur trâus xưz, poz. Têx trâus uô ruôr hiêv mak li heik sâuv, taz sik iz jiês li ntơư công ty tsuôk tuôx đros kho tsêr thiêz thor txiv xưz. Lar heik zos six hơưv jê lok no, công ty tso yuôx tuô poz jêz tưz tsi trơưk six hơưv, cui tinhv, thâuv zuôr tso yuôx tuôxtsi pov Công ty heik li chas lok sik tso lênhx nênhs tuôx heik tsôngv box pâuz hlo. Chor nênhs lâuk mak cxơưx, taz sik iz jiês tso yuôx tuô poz jêz li ntơư tsênhv pâuz nriêr cêr khiêr gâuv, cxơưx yax zos têx nhuôs zâu, tsi pâuz khiêr gâuv kror tưs. Tix lâus Liều A Gieo heik:

“ Nhiv lơưr công ty tsi heik pâuz mênhx shor luz six hơưv tưs tso yuôx tuô poz jêz, lơưr khênhr tuô trâu thâuv tas cik sơưr nzor, tar su, zar hnuz kêix taz sik tsi pov heik li chas trâu tsôngv box pâuz cov chênhr phax hlo. Cur thiêz têx ziv chuôz zis nhoz jê tưz sâu ntơưr xa heik trâu xã, taz sik Giám đốc công ty lơưr puôr lênhx muk uô hâux lưv tov xã, tsi pâuz shor hâur xã lơưr heik li chas, cux  six pov lơưr tso yuôx tuô poz jêz li kuz. Viv têz qơưs tso chei, zuk cux txưr tsi tâu, nhiv no tsuôk vav xar njôngr cov lơưr tuô iz kro jux juk xưz, tsơưs uô hiêv txos tsôngv box”.

Cux xưk li tix lâus Gieo chuôz zis, niêv lâuk Nguyễn Thị Thắm chuôz zis cux trâus têx pluôx ar, poz jêz za tuôx pâus, tsông, pôngz sâuv tsêr, uô têx vuôk, foz nja tơưs, xưz, tiv hâur ntu đhâu lơưr công ty tso yuôx tuô poz jêz uô ruôr hiêv. Iz jiês poz jêz za tuôx tsông vuôk tơưs, niêv lâuk muk heik mak công ty tuôx kho, hok têx poz nja tơưs xưz, công ty tưz tsi tâu heik li chas txos hlo. Niêv lâuk Thắm cux li têx ziv chuôz zis txơưr đuô nhoz no, tưz ntâu jiês heik công ty cux li hâur xã, taz sik cux tsi pov lênhx nênhs tưs tuôx uô hâux lưv, đơưk tu. Tsôngv box heik ntâu jiês mak cux li ntơư, viv li nhiv no cux tsi pâuz heik trâu lênhx tưs đros paz. Niêv lâuk Thắm heik:

“ Chor tsêr nhoz jê iz ndis no puôr lênhx trâus xưz, poz tas hur si, lar heik zos têx tsêr nhoz jê qơư tuô poz jêz, foz njê tsêr tưz tu têx caz plêz ntêr viv tso yuôx tuô poz jêz uô ruôr hiêv. Thâuv lơưr tso yuôx tuô mak vax tsêr kênhs gơưk xưk li muôx ntux kênhs, viv li têx tsêr nhoz jê puôr lênhx trâus xưz, tơưs tsi jông tas. Hur si têx ziv chuôz zis nhoz jê no puôr lênhx ntâu jiês heik trâu hâur xã, taz sik tsi pov xã  uô hâux lưv, đơưk tu li chas hlo”.

Công ty Lương Việt qơư tuô poz jêz nhoz ciês iz saz txox cêr lox 4D muk yuôv trâu txox cêr muk lok hâur đrôngs Lai Châu. Tuô poz jêz, tsông poz jêz tưz muôx kuôk no ntâu shông lok, thiêz uô hiêv txos 20 ntâu ziv chuôz zis tsôngv box luz nênhx xênhz huôx, cux li uô tsi jông txos sđ txox siê. Lar heik zos nhiv no qơư tuô poz jêz heik sâuv ziv hnuz ziv nav tuô thiêz tsông poz jêz lok jê jux juk trâu saz ntus cêr lox thiêz têx ziv chuôz zis tsôngv box, viv li tsi tiêk uô hiêv txos têx ziv chuôz zis tsôngv box nhoz jê thax tsav co, mak tsênhv uô tsi jông txos lênhx nênhs cheix yêz muk lok tâus cêr thiêz. Taz sik, tsôngv box nhoz no têx luk heik, thix ziv hâur ntâu shông cux tsi tâu cơ quan muôx vax huôv lok sik hâu nov ntơưv qơư moz siêz txos. Zơưv Phê A Vừ, Bí thư chi bộ jok Hồi Lunhf, xã Nậm Loỏng, TP Lai Châu heik:

“ Chor yuôx tso tuô poz jêz mak tơưs lok six lox, muôx kênh thâuv zos chuô yuôz za trâu pêv trôngz mak tưz nhoz khênhr, zos chuô yuôz sênhv lok trâu hâur jok, tsôngv box sđ têx vax tsêr, uz no tưz pâus tas. Têx jiês chuôs njiz cử tri, cơưv jêx jok, tsôngv box cux heik txos têx uô ruôr hiêv tiv tuô thiêz tsông poz jêz. Xar cov hâu nov thiêz têx ngênhx muôx vax huôv đros moz siêz txos, paz đơưk uô li chas chiê txo grêk tsơưs têx uô hiêv, zos yeik txar tsi tâu qơư tuô poz jêz heik sâuv mak cux tsuv tsơưs tso têx yuôx tuô poz jêz, tsông poz jêz”.

Lơưr VN cui tinhv số 02 zos Bộ công thương tso tơưv shông 2008 lok ngaz tuk hâur por hưv, fax thâux, sir zôngv têx yuôx hlơưr tuô poz jêz uz no heik mênhx “ Thâuv tso yuôx tuô pêv têx trôngz, por trôngz mak thax qơư ntơư tsuv kuôk đêz têx qơư muôx lênhx tiz nênhs nhoz, uô uz uô no muôx 300 ntâu thiêr. Li ntơư, công ty Lương Việt hâux lưv tso yuôx tuô poz jêz pok taz por trơưk Bộ công thương cui tinhv lok sik Chính phủ Nghị định lok tênhx qơư lok tsi tâu? Lo luk nuk no tsês trâu têx cơ quan muôx vax huôv nhoz ntơưv qơư./.

                      ( Khắc Kiên-Riê lâux cxeik, nhênhv)

Phênhv thưr 5, hnuz 21/4/2016:

Sốp Nặm zok nriêr faz tsưr ziv yiêz huôv tsar uô bluô nux

Shông 2009, zơưv Trần Văn Pha ziv chuôz zis nhoz Thái Bình tuôx huôv tsar uô nox trâu ntơưv xã Sốp Cộp, huyện Sốp Cộp. Thâuv nhiv kruôr tuôx nhoz trâu thax tsav qơư yiêz, zơưv Pha ziv chuôz zis huôv tsar tu zus mê njik kêiz buô, luz nênhx tsênhv njiz ntâu cêr txov nhêv. Hâur shông 2014, tâu têz qơưs paz  kriê tsưr ziv huôv tsar tu zus tsiêx cxu, huôv tsar uô kôngz lôngk. Txix ntơư, zơưv Pha ziv chuôz zis tưz kriz đar qơư huôv tsar tu zus buô sha mê nhuôv. Tu zus 10 tus buô sha mê nhuôv thiêz zus iz tus tơư. Xav kror đruôz đraz, iz tus mâuv buô sha oz jês mê nhuôv hâur iz shông, iz jas sha 8-12 tus mê nhuôv buô, tu zus muôx 9-10 cir, muôs iz tus iz triệu nhiêx. Đros ntơư, zơưv pha ziv chuôz zis tsik so tsuôs yuôx tuô caz moz ơưk trâu têx guôx tu zus.

 “Thâuv chox lok huôv tsar tu zus,  ziv chuôz zis tsuv cxax 3 côngz yuôx thiêz tov kaz ntơư cux tâu cxax nzir 4 côngz yuôx chiê tir thêir cxuô zav caz moz ơưk. Ntơư zos têx tsưr ziv thâuv zuôr buô chox lokhuôv tsar tu zus”.

Pâuz tâu thax tsả ntơư đar, zôngx ziv trâu luôs hauax lưv huôv tsar tu zus tsiêx cxu, zơưv pha ziv chuôz zis tưz ntiêr 1ha ar chiê huôv tsar tu zus kêiz ok thiêz zuôr máy fuôs kê kêiz ok trâu tsôngv px hauar thax tsav. Iz chas têx kêiz ok ntês kê, nhiv no zơưv pha ziv chuôz zis tưz muôx 300 ntau tus kêiz ok. Hur si chor kê kêiz, ok, zơưv ziv chuôz zis muôz trâu máy fuô đhâus mê nhuôv chiê muôs trâu px hâur thax tsav. Xav muôs têx tsiêx cxu, kêiz ok, buô hauar iz shông, sâu tâu 200 ntâu triệu nhiêx. Zơưv Trần Pha hêik pâuz:

 “Kror zov chênhr tiv iz zos tsưr ziv tu zus thiêz xêir nôngz chox lok zus. Têx luôs hâux lưv tu zus ntơư, pêz cux pâuz kro mê njik thiêz. Đuô li chor ziv chuoioz zis txơưr đuô, tsuv tâu cơưv shâuv hauar yênhx hli, yênhx shông thiêx pâuz tâu”.

Iz chas uô bluô nux trâu ziv chuôz zis, zơưv Trần Văn Pha cux tsênhv paz nôngz tsiêx cxu trâu ntâu ziv chuôz zis hauar thax tsav huôv tsar tu zus thiêz paz kriê tsưr ziv tu zus trâu cxuô ziv chuôz zis hâur thax tsav.  Zơưv Vì Văn Na, tsar jos Sốp Nặm hêik pâuz:

 “Hâur jos no cux cơưv ntâu, lar hêik zos tsưr ziv huôv tsar tu zus buô, ziv chuôz zis tưs cux piz tu zus. Iz chas paz nôngz tsiêx cxu, kêiz buô trâu iz cxiê ziv chuôz zis, zơưv pha cux tsênhv kriê tsưr ziv tu zus , tsưr ziv cxax yuôx, tsuôs yuôx tir thêir caz moz ơưk trâu px”.

Uô tiêr luôs hâux lưv tu zus tsiêx cxu, kêiz ok, buô, zơưv Trần Văn Pha tưz paz tâu trâu iz cxiê ziv chuôz zis hâur thax tsav muk đhâu yêiz pluôs, muôx luz nênhx tsâu sor./.

                                                              (Tsu cxêik, nhênhv-cà Thành)