Ntâu qơư muôv muôs nhoz Sơn La hlôngr tsưr ziv uô hâur ntu muôx moz huôv xênhz

Zos iz hâur têx tsêr uô jâuz mor nox phưx vưv chôngz kruô tsi so ntơưv niêv đrôngs Sơn La, chor tsêr nox hâuk Lâm Tới iz hnuz muôx yênhx puôk jiês kruô nox hâuk. Hâur jiês moz Covid-19 huôv xênhz no, tsêr nox hâuk cơư trôngx, tsi tos kruô thiêz hlôngr uô tsưr ziv zos muôs sâuv mạng, choz hax huv txos ciês kruô li tsêr.

          Tix lâuk Nguyễn Lâm Tới, tsưr tsêr uô cxuô zav nox hâuk puz pâuz, tsưr ziv uô no zos lav uô chiê muôx cxaz phênhv sâu trâu chor nênhs uô nhoz đêz, mul tsi tâu tsêr, viv cêv kuôk xã hội. Taz sik luôs hâux lưv uô cux tsuôk phưx vưv tâu 10-20% pir li thâuv tsi tâu muôx moz huôv xênhz, muôx têx hnuz cux tsi muôx kruô hu tênhv tuôx cov uô zav nox:

          “Cur cux tôngv vênhx sđ sir jos phưx vưv jông, bax jông têx zav nox, tiv 2 zos uô jông têx tsưr ziv phax tar moz, uô li chas chiê taz por trâu zuk thiêz sđ thâuv mul uô hâux lưv, njiz tsôngv kruô”.

          Tsi taz têx tsêr uô ntâu jâuz mor, grêix mak têx qơư zâu, muôs hax huv lơưr six hơưv xưk li zav nox sơưr nzor, zav nox sei...cux puôr lênhx hlôngr chiê muôs hax huv online đros têx tsưr ziv li txu grês 10% nhiêx txiêx zuôr hax huv chiê tuôr truôx kinh têr chuôz zis thiêz muôx tsôngv kruô zuôr hax huv thâuv moz tsênhv huôv xênhz li no. Taz sik, đros têx qơư muôv muôs tsơưs, chưx têx nhiêx txiêx zuôr trox yêz, nhiêx hli muôz trâu lênhx nênhs thâux xa zav nox....phênhv sâu cux tsi tâu ntâu. Niêv lâuk Cầm Thị Trang, tsưr qơư muôs zav nox sơưr nzor nhoz phường Quyết Thắng, thành phố Sơn La heik:

          “Cxôngx thâuv ntêx txos nhiv no tsi tâu muôx jiês tưs zuôr tsuv gra zav nox mul txos ciês tsôngv kruô tsêr li no, tsuôk zos tsôngv box tuôx ntơưv no nox. Cxôngx thâuv moz Covid 19 huôv xênhz thiêx li uô tsưr ziv no, khưr đuô lok six ntâu pir đros thiêz muôs ntơưv qơư, pôngz cxaz ntâu nhiêx txiêx đuô thiêz li nhiêx zuôr trox yêz....”

          Hla đhâu phêv liv, hlôngr tsưr ziv muôv muôs, cxôngx muôs hax huv ntơưv qơư hlôngr chiê muôs hax huv online tso pov têx tsưr qơư muôv muôs li siêz sir jos hâur hâux lưv sik côngv tês đros tas nro xã hội phax tar moz Covid-19. Iz lênhx nênhs puôr lênhx pâuz tsênhz tiêk, txơưv luz nênhx thiêz hâux lưv muôv muôs njiz ntâu phêv liv, taz sik tsuv uô jông trơưk têx cui tênhv lok phax tar moz chiê paz phênhv txu grês thiêz tir tar tâu moz huôv xênhz./.

(Trấn Long-TXâur Vax cxeik nhênhv)

Kriê khơưk sâu têx yuôx tsuôs tuô đrox, caz hmoz đhâu zôngv tas hâur thax tsav tỉnh Sơn la shông 2020

Hâur thax tsav tỉnh nhiv no muôx zuôr xar 500 taz viv, tsưr tsix, lênhx nênhs tsiv uô, zuôr muôs têx qir, yuôx tsuôs tuô đrox, caz hmoz. Sir jos uô luôs hâux lưv phax tir thêir zuôr muôs, tsiv uô têx qir, yuôx tsuôs tuô caz hmoz, tuô đrox chuôr, tsi muôx tsơưr lươngv, chor nênhs muôx vax huôv hâur tỉnh Sơn La tưz bax tsưr ziv sik đros hux jos, qênhz yuôx têx doanh nghiệp, lênhx nênhs tsiv uô, zuôr muôs têx qir, yuôx tsuôs tuô đrox, tuô caz hmoz, qênhz shuôs ntơưv têx trôngx đriv, têx cêr mul lok sâuv ar, cêr mê, têx ciêz lox chiê chiê zênhx max qênhz pov, tir thêir tâu jông têx nênhs siêz tsi jông tsiv uô, zuôr muôs têx huv chuôr li heik sâuv. Hâur 2 shông đhâu, chor nênhs muôx vax huôv hâur tỉnh Sơn La tưz qênhz yuôx 534 txuz, xưv bluô 263 txuz uô cxâuv, bluô nhiêx tâu xar muôx 700 tsov đeiv. Têx uô cxâuv trâul qênhz pov, xưv bluô khênhr zos: Yuôx tsuôs tuô đrox, caz hmoz thiêz têx qir chuôr; tsi muôz têx qir tso tuv tsês trơưk li cui tinhv mak muôz tso trâu hâur ar, tsi muôz đaz tsi tiês; lok sik muôz têx qir tso siz shơưk trâu lưv zav huv txơưr đuô; tsi lo ntơưr chiv, tsi heik tsênhz mênhx gri; Zuôr muôs têx yuôx heik sâuv taz sik tsi muôx ntâuz ntơưr côngk nhav, tso chei muôs; lo tsi cxix têx ntơưr trơưk li cui tinhv sâuv têx hnaz, hưx yuôx; tsi ntiêr têx lênhx muôx txux chi tsưr ziv lok sâuv uô kôngz, zuôr muôs têx yuôx ntơư thiêz zuôr muôs têx yuôx tas hax sir zôngv sâu sâuv luz hnaz lok sik hưx.... Lar heik, hâur shông 2019, têx cơ quan muôx vax huôv ngênhx Kôngz nuv thiêz huôv tsar tox siêz tưz qênhz yuôx, gra 15 zav qir hâur 8 công ty tsênhv côngz têx qir hâur thax tsav tỉnh, ntơưv têx qơư zuôr muôs qir nhoz têx huyện: Mộc Châu, Thuận Châu, Mường La, Mai Sơn, Sông Mã thiêz TP chiê phênhz thiêz qênhz shuôs seiz pok zos têx qir jông, đhâu qênhz shuôs, muôx 7 zav qir zos qir jông, 8 zav zos têx qir tsi yuô jông, uô tsi trơưk li cui tinhv.

Nhạc cắt

Zâus hur, fax thâux, xưv lik têx hnaz, hưx yuôx tsuôs tuô đrox, caz hmoz đhâu zôngv tas

Cxuô zav hnaz, hưx ntiv têx yuôx tsuôs tuô đrox, caz hmoz đhâu zôngv tas thâuv uô kôngz zos têx vuôz tsuôz, kiêk nênhs tsi hur, tsi jông, chênhr viv li tsuv tâu khơưk sâu, xưv lik trơưk cui tinhv li đrav kaz:

(Hlôngr suôz): Hnaz, hưx yuôx tsuôs tuô đrox, caz hmoz tsuv tâu zâus, nzuôr hur 3 jiês đhâu thâuv zôngv tas têx yuôx li đrav kaz:

          1. Nquôr hur si chor yuôx hâur hnaz, hâur hưx trâu hâur thôngz tsuôs yuôx.

2. Muôz đêx hur ntiv iz ntar hnaz lok sik iz ntar hưx luz hnaz, hưx trâu yuôx đhâu zôngv, nquôr tas têx yuôx co, muôz luz hâu cơư ntov lok sik krưr, par luz ndâux hnaz cov khor.

3. Muôz chor đêx ntiv hâur hnaz, hâur hưx co zâus têx yuôx hâur hnaz, hâur hưx.

4. Kriz hâu hưx, ndâux hnaz, muôz chor đêx zâus yuôx co nquôr cov tas hur si trâu thôngz tsuôs yuôx.

Đhâu li no tas, tror muôz đêx trâu thiêz uô, zâus xưk iz zav li heik sâuv 3 jiês cov têx yuôx lo hnaz, lo hưx ntơư hur mav chiê li. Tsuv tsưv ziv:

-Hâu hưx cơư têx hưx trâu yuôx tsuôs tuô đrox, caz hmoz đhâu zôngv tas tsuv muôz nzuôr cov hur têx yuôx lo iz ndis ntơưv luz hâu hưx.

-Nzuôr, zâus hur si têx yuôx lo saz đrâuv luz hnaz thiêz hưx đhâu zôngv tas thiêz nquôr trâu hâur thôngz tsuôs yuôx.

-Zâus thâuv pov têx đêx ntơư tưz nyiêz thiêz tsi muôx yuôx lo mak txơưv tâu.

(Hlôngr suôz): Tsưr ziv fax thâux, xưv lik têx hnaz, hưx yuôx đhâu zôngv tas

-Hnaz thiêz hưx yuôx đhâu zôngv tas tâu khơưk sâu txix qơư trâu lok sik thax tsav trâu têx hnaz, hưx yuôx co tâu fax thâux lok tso trâu qơư xưv lik trơưk Bộ Đêx ar thiêz tênhx qơư cui tinhv lok seiz car têx vuôz tsuôz, kiêk nênhs uô tsi hur, tsi jông trâu tênhx qơư nox nhoz thiêz Sở đêx ar thiêz tênhx qơư tỉnh heik kriê. -Hnaz, hưx yuôx tsuôs tuô đrox, caz hmoz đhâu zôngv tas tso ntơưv têx qơư trâu lok sik thax tsav trâu, ntiv têx hnaz, hưx yuôx heik sâuv tsuv tâu thâux xa muk hlơưr por tsês hâur nhos 12 luz hlik, tsi chiê đhâu ntơư.

-Têx hnaz, hưx yuôx tsuôs tuô đrox, caz hmoz đhâu zôngv tas tso ntơưv têx qơư trâu thiêz ntiv têx vuôz tsuôz co tsuv tâu choz trâu taz viv muôx vax huôv fiv đros chiê xưv lik trơưk li cui tinhv lok sâuv seiz car têx vuôz tsuôz, kiêk nênhs uô tsi hur, tsi jông tênhx qơư co./.

(Bích Thủy-Riê Lâux cxeik, nhênhv)