Hnuz txi côngv huôz têik Hùng 10/3

Nam: “Txơưv lênhx tưs nhoz trâu kror tưs

Tsuv ndo txos hnuz txi côngv pox côngz zơưv côngz xiêz 10 hli 3

Cxuô thax tsav qơư tsuv ndo njôngr txos

Zuk têz zuk qơư li chax chês”

Nữ: Têx luk co tưz zênhx đros đrêiv yênhx lênhx nênhs Việt Nam txix fâuv nênhs no trâu fâuv nênhs tov kaz hêik cxuô lênhx nênhs tsuv ndo njôngr txos hnuz txi côngv pox côngz zơưv côngz.

Nam: Yênhx cxênhx shông no, Tsêr mnov Hùng-zos mênhx cxưx, têz qơưk li chax chês zênhx zos iz kror qơư trâu chor nênhs Việt Nam ndo njôngr txos. Lơưr cxôngx nzor mak Lạc Long Quân thiêz Âu Cơ tâu xav zos nênhs Việt Nam li pox côngz zơưv côngz, zos chor huôz têik Hùng li niêv thiêz txir. Ntênhk hôiv tsêr mnov Hùng tsênhv tâu hu tiêk zos hnuz txi côngz huôz têik Hùng.

Nữ: Hnuz txi côngv huôz têik Hùng tâu tsưr tsix trâu hnuz xiêz 10/3 zênhz lix yênhx shông ntơưv tsêr mnov Hùng, Việt Trì, Phú Thọ. Oz pêz ciêz uô ntêx tưz zênhx kriz uô ntâu vênhx huôv jông thiêz suôv câuv trâu hnuz 10 hli 3 zênhz lix đros ntênhk hlơưr shaz txi côngv ntơưv Tsêr mnov Thượng.

Nam: Hnuz txi côngv huôz têik Hùng yênhx shông zos tas nro pêx xênhv hur si têz qơưs hnuz hôiv, cxuô lênhx nênhs txơưv uô nênhx nhoz, uô hâux lưv thiêz nhoz trâu kror tưs cux zênhx sik đros xar lok hnuz txi côngv no. Hâur hnuz no, pêx xênhv tas nro têz qơưk tsênhv tâu tsưr tsix uô vênhx huôv jông chiê hêik tơưv zuk siêz ndo txos chor huôz têik Hùng tưz muôx côngz lox cxiv tsa thiêz tsưx phưv têz qơưs truôx tuk.

Nữ: Txi côngv huôz têik Hùng-Ntêhk hôiv tsêr mnov Hùng tsênhv zos jiês chiê zoz zux chax chês “Ndo txiêx pâuz njis”, ndo txos chor huôz têik Hùng tưz cxiv tsa têz qơưk thiêz cxuô cxênhx nênhs uô ntêx li têx sir jos ntâuk zênhx tros châuz tsưx phưv têz qơưk, thôngx cxix tsênhv zos jiês chiê hêik trâu ntiêx têz pâuz txos iz Di sản tsiv gri lox, muôx yênhx cxênhz shông thiêz nhoz đrêiv hâur tsôngv box pêz têz qơưk, nênhs Việt Nam nhoz saz đrâuv têz qơưk li siêz tsik plox, zos hnuz chiê tas nro Đảng, tas nro quân, tas nro pêx xênhv sik côngv iz siêz uô truôx jông thiêz ndo njôngr txos hloz Hôx têx luk kriê: “Chor huôz têiv Hùng tưz muôx côngz cxiv tsa tâu têz qơưk-Pêz tsuv sik côngv tuôr truôx, tsưx phưv jông têz qơưk”./.

(Bích Thủy-Lik Thox cxêik nhênhv)

Huôv tsar uô nox tâu trơưk tsưr ziv, Trấn Yên yênhx huyện uô tâu tiêr luôs hâux lưv cxiv tsa jêx jok yiêz xuz thơưx ntơưv faz Bắc

Txơưv khưr thiêz muôx ntâu nuv uô đuô pir li tu zus buô, uô liêx têz, taz sik zơưv Nguyễn Đức Minh, nhoz jok Lan Đình, xã Việt Thành chuôz zis cux uô đreiv luôs hâux lưv tu zus caz chaz xor tâu ntâu shông lok no, viv tâu phênhv sâu siêz đuô pir li uô liêx têz, chos poz cưk. Trơưk li zơưv Minh xav, têx liêx têz uô nhoz jê ntus đêx Liêz, zos yưx têx qir zuôv, côngz đas jos tsoz phưz, nôngz kôngz...... txos thâuv sâu têx kôngz, cxur tsênhv civ đuô chor cxur zuôr hâur ciêz đrôngs thiêz:

“Iz zav li pêz px xav kror zôngx ziv, iz chiv blêx cox uô hâur 3 luz hlik txix thâuv tsêz chos txos trâu thâuv siêr jông hlêis sâu, zos sâu tâu blêx nju mak 360 xưv phaz liêx têz tâu txix 1,8 txos 2 puôk blêx xưz, njuôk xav 3 luz hlik tâu 1,4 tsov đeiv. Zos zus caz chaz xor, 8 cir lưk caz, muôs 100 cxênhz đeiv iz cir mak zuk tưz sâu tâu 4 tsov đeiv, iz luz hlik tâu khơưk sâu têx lưk caz 2 jiês li ntơư. Heik tiês mak zus caz chaz xor muôx phênhv sâu tâu ntâu đuô pir li uô blêx”.

Zơưv Nguyễn Văn Mạnh, Phưv thơưx Phongx Kôngz nuv thiêz huôv tsar tox siêz huyện Trấn Yên heik pâuz: Uô lơưr Đảng bộ huyện Nghị quyết lok huôv tsar kôngz nuv, six hơưv đhâu ngênhx Kôngz nuv tưz kriê tsôngv px muôz têx liêx têz uô tsi jông kôngz, ar poz jêz nhoz jê ntus đêx Liêz hlôngr chos jâuz tu zus caz chaz xor thiêz paz max px tsưr ziv chos, tu zus têx caz heik sâuv. Nhiv no, tưz tsi pov px muôz têx caz chaz xor tso pơưs lus ntơưv têx li thâuv ntêx, mak hlôngr trâu co zos cxiv uô têx qơư chos jâuz caz, tu zus caz trơưk tsưr ziv kriê; muôz têx  caz tso đei trâu hâur vaz, nzêik, muôx qơư cxênhv, đơưk hlê têx lưk caz hur si..... paz txo grêk tsơưs côngk đas jos uô,  zus tâu ntâu tus caz trâu iz kro qơư. Chor lưk caz tâu têx Công ty, doanh nghiệp sâu zuôr gri truôx tuk, 100 cxênhz đeiv iz cir. Yưx têx nhiêx txiêx ntiêr nênhs đê jâuz puz chox lok puz caz chaz xor, tu têx caz no tas, cux tsênhv muôx phênhv sâu tâu ntâu đuô 5-7 bâus pir li uô blêx:

“Chor caz chaz xor co hloz lok six sei thiêz chiêx tsi tâuk ntêr, thâuv têx caz hloz lox sei li ntơư lok six zôngx ziv trâul moz muôx, zos tsi uô jông phax tir thêir moz, zuôr zus tsi tâu. Iz ntuk zus lok sik thâuv xuz thơưx zus iz fâuv caz ntơư puôr lênhx muôx canr bôv cxiz kôngz kriê tsưr ziv tsôngv niêv txir lax px têx tsưr ziv tu zus thiêz phax tir thêir moz hur si li: Tsuôs yuôx tuô lov caz moz trâu têx chuôz zênhx tu zus, nzuôr vaz, nzuôr qơư tu zus cov hur si; têx jâuz đê lok trâu caz nox cux tsuv taz por. Thâuv chor caz hloz lox jông tsi muôx moz, thâuv co thiêx zus tâu trơưk tsưr ziv”.

Huyện Trấn Yên nhiv no muôx zuôr xar 700 ha têz chos jâuz tu zus chaz xor, phênhv ntâu nhoz trâu têx xã Việt Thành, Báo Đáp, Y Can, Quy Mông thiêz tưz yênhx tsôngv px hâux lưv uô chênhr hâur niêx hnuz. Luôs hâux lưv tu zus caz chaz xor tưz gra lok phênhv sâu tâu ntâu trâu px hâur ntâu shông đhâu, ciês shông 2020, txơưv trâul moz Covid-19 uô ruôr hiêv, taz têx caz chaz xor co cux gra lok phênhv sâu muôx nhos 80 tyv đeiv trâu tsôngv px hâur thax tsav qơư.

Zơưv Trần Đông, Chủ tịch Ủy ban huyện Trấn Yên, tỉnh Yên Bái heik pâuz: Ntơưv Đại hội Đảng bộ huyện jiês tiv 22, six cxiv 2020-2025, huyện tưz tso tơưv 28 hâux lưv tsênhv tsênhz trâu hur si cxuô ngênhx, ciês lok sâuv huôv tsar kôngz-jôngr nuv, xav tinhv tsoz chos chênhr zos tsoz chos jâuz caz, tu zus caz chaz xor:

“Hâur ntu 2020-2025, kôngz-jôngr nuv huyện tror xav tinhv têx tsoz chos chênhr hâur huyện zos tsoz chos jâuz caz tu zus caz chaz xor, sir jos cov muôx iz cxênhz ntâu ha hâur ntu zuôr txos; tuôr truôx 3.500 ha njuôs shôngz Bát độ; huôv tsar chos têx ntông ciêv fix trơưk li tsưr ziv yiêz. Chiê huôv tsar truôx têx tsoz chos heik sâuv, huyện tsênhv đros chor doanh nghiệp, têx taz viv nhoz hâur Bộ Kôngz nuv zok nriêr zuôr têx zuz nôngz jâuz caz jông, xar tsưr ziv tu zus caz chaz xor, tsiv uô njuôs shôngz Bát độ, ciêv fix...., paz truôx tuk gri thiêz tsôngv px tso siêz đuô”.

Txix têx tsưr ziv jông, uô huv px siêz thiêz px têx sir jos đros paz, kinh tế-XH huyện Trấn Yên tưz huôv tsar tâu jông, chor chuôz zis pluôs hâur huyện txo grêk, tsuôk yuôr 4% ntâu, xav kror đruôz đraz iz lênhx nênhs muôx phênhv sâu tâu zuôr xar 40 tsov đeiv nhiêx hâur shông nhiv kruôr đhâu, cxơưz  cxiz trâu huyện yênhx huyện xuz thơưx hâur cxuô tỉnh faz Bắc uô tâu tiêr luôs hâux lưv cxiv tsa jêx jok yiêz.

Txix nhiv no txos shông 2025, uô 3 luôs hâux lưv zov chênhr thiêz 4 tsaz yênhx kinh tế-XH trơưk li Nghị quyết Đại hội Đảng bộ huyện jiês tiv 22, Trấn Yên zuôr moz siêz hu zâuv yưv pênhr trâu têx thax tsav công nghiệp; cxiv tsa têx tsêr meir tsiv uô njuôs shôngz Bát độ, têx xor caz ntơưv qơư chiê chuôz tsar phênhv sâu tâu nhiễx txiêx./.

(Trịnh Xuân-Riê Lâux cxeik, nhênhv)

Sơn La chuôz tsar taz por zaoz thôngz

Nam: Lơưr co, Chủ tịch UB tỉnh heik têx chiz coaz, taz viv muôx lênhx coaz thiêz UB têx huyện, thành phố uô jông iz cxiê njiêz luv li đrav kaz:

Nữ: Sở zaoz thôngz vênhv teiv chox kriê chuôz tsar uô jông côngz xưv coar lik hâux lưv vênhv teiv yêz ô tô sâuv thax tsav, chuôz tsar uô cui tênhv lok lok hâux lưv vênhv teiv đros taz viv vênhv teiv yêz ô tô; yưr lir txos qơư têx uô cxâuv lơưr phuôx lix li cui tênhv; muôx tsưr ziv bax txâuk yêz thâux phưx vưv tsôngv kruô muk lok hâur hnuz so ntênhs Txi côngv huôz teik Hùng hnuz xiêz 10/3 zênhz lix thiêz têx hnuz ntênhs 30/4 thiêz xiêz 1/5 shông 2021; chuôz tsar qênhz yuôx, coar lik jông côngz xưv thox cxov tsar yêz, cungz ntơưr tso chei tsar yêz; coar lik taz por kỹ thuật thiêz por vêv tênhx qơư đros têx yêz muk lok sâuv cêr ar; uô tsưr ziv kho đuô têx cêr muk lok, cxaz nzir, uô tiêr côngz xưv tsưr tsix zaoz thôngz, cxix luôk fiêx canhv pov, heik kriê tsar yêz sâuv cêr cxaz, cêr nkhâuk, cêr greiv, tror seiz car, pov thiêz yưr lir têx cêr trâus puôk tsuôx, khênhr muôx txiêz nanv zaoz thôngz, tiv zix zos têx cêr cxaz; sik côngv đros Ub têx huyện, thành phố chuôz tsar coar lik, seiz car têx doanh nghiệp kinh doanh vênhv teiv sâuv thax tsav tỉnh; đros têx doanh nghiệp muôx têx uô cxâuv lok coar lik vênhv teiv, coar lik tsar yêz uô zênhr shar txos qênhx shênhx taz por zaoz thôngz mak xav lơưr yênhx hâux lưv uô cxauv mak muôx tsưr ziv yưr lir.

          Nam: Công an tỉnh chuôz tsar qênhz yuôx, seiz car, pov thiêz yưr lir txos qơư uô hâux lưv uô cxâuv lok cui tênhv taz por zaoz thôngz; yax six sik côngv đros têx chiz coaz, taz viv coar lik cêr qênhz yuôx, seiz car chiê pov thiêz yưr lir têx hâux lưv tsi huv đros lok tsưr tsix zaoz thôngz; thix ziv kho đuô têx cêr trâus puôk tsuôx, qơư njuôs xav muôx yưv txiêz nanv zaoz thôngz; sik côngv, phênhz kênh chiê uô jông dữ liệu phần mềm coar lik đăng cir, đăng kiểm, cungz, hlôngr ntơưr tso chei tsar yêz phưx vưv trâu hâux lưv yưr lir uô cxâuv taz por zaoz thôngz sâuv thax tsav tỉnh.

          Nữ: UB têx huyện, thành phố chuôz tsar côngz xưv yax mông, vênhv tôngv tsôngv box nhoz uô nênhx buôk niêv cêr lox thiêz têx cêr muk lok hâur tỉnh chiv chir uô trơưk cui tênhv lok taz por zaoz thôngz, tsi uô cxâuv cui tênhv lok sir zôngv plơưr cêr, ntus cêr…; vênhv tôngv tsôngv box uô jông phuôx lix li cui tênhv lok taz por zaoz thôngz; tsi muk sâuv yêz teiv, yêz thâux kruô thâuv tsi yuôr qơư jâuv taz por; tror uô jông Nghị định số 100/2019/NĐ-CP./.

                                             (Bích Thủy- Txâur Vax cxeik nhênhv)