2.000 ntâu tuk đêx nhoz pêz têz qơưk zuôr trâus kruôr thiêz trâus vuôz tsuôz kiêk nênhs

Lơưr Bôv tài nguyên thiêz tênhv qơư li hêik pâuz, xưv lik têx tsik hur vuôz tsuôz ntơưv têx qơư công nghiệp tsuôk tâu muôx 65%, ciêz đrôngs 15%, kôngz nuv 0%. TS Đào Trọng Tứ, Trưởng Ban sêiz car cxiv luôs têx cưx hax, cưx đêx Việt Nam puz pâuz, tas nro têx vuôz tsuôz tsik tâu đhâu xưv lik lok sik đhâu xưv lik tas taz sik muôx têx zav tsik hur ntâu tâu tso ntưk ciês trâu têx cưx đêx thiêz ntưk muk trâu chor đêx chênhr lok sik tso ciês trâu hâur chor cưx ha muôx đêx chênhr. Chor đêx zuôr uô hur mak cux tsik tas, phênhv ntâu chor cưx đêx nhoz ciêz đrôngs ntơưv têx thành phố lox, zâu Việt Nam tưz zos yênhx têx tuk đêx phiv liv, tsik hur.“Việt Nam li tài nguyên đêx njiz trâus phiv liv, tsik jông thiêz trâus kruôr tiv huôv tsar tsik truôx. Cxiv luôs vax tsêr cxuô zav sâuv đêx, ntus đêx uô tsik hur tênhv qơư đêx tiv tso txix ntâu kror lok thiêz tiv zix muôx têx phiv liv tsik jông hâur sêiz car. Tsuv hêik tiêk lok six pôngz siêz muôx 95% đêx ntơưv têx ciêz đrôngs tsik tâu xưv lik, hok xar muôx 70 triệu lênhx nênhs nhoz ntơưv têx ciêz đrôngs zos tso têx cuô đêx vuôz tsuôz co trâu hâur chor cưx đêx mak tsik muôx tuk đêx tưs zuôr hur tâu”.

Txơưv tiêk Việt Nam tưz muôx 1 cxiv luôs pháp luật cik txos por vêv chor cưx đêx xưk li luật tải nguyên đêx, Luật por vêv tênhv qơư, Luật đêx liv, Luật phax tar ntux têz uô hiêv…taz sik qênhx shênhx tsik hur đêx ntơưv têx qơư nhoz đrav kaz đêx cux tsênhv tsik tâu hlôngr yiêz hlo. Zơưv Trần Ngọc Hùng, Chủ tịch Tổng hôiv cxiv tsa Việt Nam hêik tiêk, pháp luật li cuiz tênhv mak tưz muôx, taz sik zov chênhr zos kriz uô lơưr têx pháp luật co li chak:“Hêik mak chor luật cux tưz muôx txâuk tas. Vênhv thix zos sir zôngv, sêiz car zos li pháp luật li cuiz tênhv. No zos kror lok six zov chênhr. Uô li no zos kror sêiz car lơưr pháp luật xưz. Taz sik zov chênhr tiv zix cur hêik ziv chênhv huz no zos hêik txos vênhv thix sir zôngv tải nguyên đêx. Txix têx co mak tso tơưv iz tsênhv chêi chiê uô kror no li chak thiêx zos kror zov chênhr”.

Thôngx ziv đros tsưr ziv no, ntâu ziv chênhv hêik tiêk, kror siz yôngx thiêz phiv liv hâur têx chêi sêiz car tài nguyên đêx hêik cxuô thiêz sêiz car têx cưx đêx, cưx ha hêik taz tưz paz uô phiv liv tsik tsơưs trâu chor đêx co tsik jông. Đuô li, txux chi tsưr ziv kriz uô têx tsênhv chêi pháp luật cux uô trâu côngz xưv sêiz car tài nguyên đêx tsik tâu muôx chêx cur, têx đêx cuz tsênhv njiz trâus phiv liv, tsik jông thiêz trâus kruôr. Zơưv Vũ Mão, zos kuz chủ nhiệm văn phòng Côx hôiv hêik tiêk, tsuv tik txơưx jênhv trâu nênhs muôx txơưx jênhv chênhr lok xưv lik vênhv thix no.“Zos tiêk tik txơưx jênhv têx vênhv thix no mak li tưs muôx txơưx jênhv chênhr? Tsuv muôx bôv tưs? Zơưv bôv trưởng tưs? Têx kror no mak tsênhz mênhx tsik jông siêz hlo taz sik pêz têx luật cux tsik tâu cxix cxuô. Tsênhz mak luật cux tsênhv tsik tâu zos. Lơưr cur mak tsuv nhênhz chơưv jông đuô têx luật tưz muôx thiêz kror uô tsik tâu tâu. No zos kror chênhr, lok six ntâu vênhv thix tsuv tik txơưx jênhv”.

Chiê cêir chêx qênhx shênhx tsik hur tênhv qơư ntơưv têx đêx mak tsuv muôx têx chêi truôx ntov jông xưv lik têx qơư, doanh nghiệp tso têx vuôz tsuôz tsik zos chêi trâu hâur chor đêx; kho đuô luật por vêv tênhv qơư shông 2014; cêv kuôk đuô têx côngz trinhx cxiv tsa sâuv chor đêx thiêz tsuv tâu sêiz shuôk cov jông. Tiv zix Chính phủ tsuv muôx tsưr ziv, hâux lưv uô hênhr đuô mak thiêx zuôr paz muôx tâu tênhv qơư hur trâu chor đêx./.

(BTS-Lik Thox cxêik nhênhv)

PHÊNHV NÔNGX MÊNHX ZUÔR TSUV PÂUZ

Nhạc hiệu chuyên mục “Nhà nông cần biết”

Zơưv Pao hnuz nhôngs siêz cux tsênhv huôv tsar uô kinh tế

Tsôngv box....! Txơưv tưz muôx 61 shông taz sik zơưv Tsaz Seo Pao, Bí thư Chi bộ jok Dìn Chin 2, xã Dìn Chin, huyện Mường Khương cux tsênhv sir jos huôv tsar uô nox uô hnar. Zơưv tsênhv uô Chủ tịch Hội têx lênhx nênhs lâuk hnuz nhôngs siêz hâur xã thiêz đrav ntêx tưz muôx jiês uô Chủ tịch Ủy ban MTTQ xã.

Xã Dìn Chin zos thax tsav ar têz tsuôs, kruôr krơưr, hâur niêx shông tsi yuô muôx đêx, huôv tsar  uô kôngz njiz lok six ntâu phiv liv. Txơưv tiêk li ntơư, zơưv Pao cux heik chuôz zis, têx nênhs hâur tsêr cov moz siêz huôv tsar uô nox khov trơưk chiv cheix ntux paz, chênhr li ntơư mak zơưv chuôz zis têx kôngz uô tâu muôx nhos 10 tênhr poz cưk thiêz 2, 3 tênhr blêx iz shông. Muk ndis seiz zơưv Pao vax tsêr, qơư nhoz, txix têx kaz khar, mâuv câuv txos trâu qar tsêr kruô, kaz thaz, kror tưs pêz cux pov têx hnaz poz cưk, hnaz blêx tuv uô yênhx pơưs tsês. Iz chas uô kôngz, zơưv Pao tsênhv huôv tsar tu zus 10 tuk nhux tưv, yênhx puô tuk keiz, ok thiêz buô, muôx nhos 2 tênhr buô tưz jông muôs iz shông, sâu tâu liv xar muôx 100 tsov đeiv.

 Zơưv Nguyễn Đăng Kiều, Chủ tịch Ủy ban xã Dìn Chin heik pâuz, tsi tiêk sir jos hâur hâux lưv XH, zơưv Tsaz Seo Pao tsênhv zos lênhx txir ndâux txir luk hâur côngv thôngx, huôv tsar uô nox uô hâuk coz. Ntâu lênhx tưz tuôx nuk txos zơưv Pao têx tsưr ziv huôv tsar uô nox, zơưv tưz jông siêz hlo heik kriê thiêz cxơưz paz trâu têx lênhx muôx siêz, sir jos huôv tsar uô nox uô hnar. Zơưv Pao khênhr heik: “Tsênhv muôx đas jos mak sir jos huôv tsar uô nox, tsuôk zos uô hâux lưv thiêx gruôs tâuk tuôx. Cur tsi muôx tsưr ziv tưs jông, tsuôk zos sir jos huôv tsar uô nox uô hnar mak zênhx tsi nyei trâus yeiz, pâuz xeir uô têx nuv jông, chos kôngz trơưk cheix chiv zênhx zuôr bluô nux”.

Nhạc cắt

Đros trâu huôv tsar uô kinh tế, zơưv Pao tsênhv moz siêz txos choz kriê têx tuz nhuôs cêr uô nênhx tsiv txiêx thiêz thâuv tưs zơưv tưz xar njôngr tsuv uô ntêx nyuôs hâur cxuô luôs hâux lưv chiê têx mê tuz mê nhuôv cơưv shâuv, uô trơưk. Zơưv muôx iz lênhx tuz tsênhv cơưv Đại học Luật , zos iz hâur lok six tsơưs lênhx hluôk nênhs Hmôngz nhoz Dìn Chin tưr thik tâu muk cơưv Đại học xav txos nhiv no.

Kror uô zơưv Pao jông siêz thiêz shir phaz đuô hur si, zos hli 8/2018 nhiv kruôr đhâu, zơưv tâu Chủ tịch Ủy ban tỉnh muôz ntơưr kruôs viv txơưx huôv tsar uô nox uô hâuk.

Phênhv “Nôngx mênhx zuôr tsuv pâuz” hnuz no tsuôk muôx li no xưz, phênhv no zos Đeix nta suôz VN nhoz iz suôv faz Tây Bắc  đros tsênhv qơư cxiz kôngz têz qơưk uô./.

                          (VOVTây Bắc-Riê Lâux cxeik, nhênhv)