Tso phóng viên thường trú đros tsênhv tsênhz ntơưv tiv phaz

Zơưv Nguyễn Bá Hảo, Phưv Giám đốc Sở thôngz mông thiêz yax mông Nghệ An puz pâuz, pov chir tưz muôx têx gôngr côngv lox hâur côngz xưv cxiv tsa thiêz por vêv têz qơưk, tiv zix zos paz hêik têx kror jông, kror zos, yã xkriê Đảng, têz qơưk têx cêr chêi, paz uô tsênhv mênhx chor nênhs fêv têx luk hêik tsik jông, thiêz uô jông Đảng li côngz xưv đối ngoại, taz sik pov chir cux tsênhv muôx yưv têx kror tsik jông li iz cxiê pov chir liv zôngv zuk hâux lưv uô chiê uô zuôv cêr chêi, uô phiv liv txos nênhs uô pov chir li côngz bê. Nghệ An nhiv no muôx chor pov chir zuôr xar 50 văn phongx hlôngr njêx muôs viv li tsuv muôx iz qơư sơưr uô thơưx trâu chor pov chir sâuv thax tsav. Zơưv Nguyễn Bá Hảo puz pâuz, nhoz Nghệ An tưz muôx yư iz cxiê lênhx nênhs uô pov chir tsik so yơưz zok têx vênhv thix tsik jông nhoz têx taz viv, tiv phaz chiê sâu, nziêk đas zuôr nhiêx, thâuv pov mak thiêx hêik trâu cơ quan txơưx jênhv tiv phaz paz cêir chêx viv li lok six tsuv muôx coangz siv nhoz oz cơ quan sêiz car phóng viên thiêz nganhx txơưx jênhv tiv phaz.

“ Thâuv tsik tâu muôx tsar tov yênhx lix văn phongx  hlôngr njêx muôs lok sik tso phóng viên thường trú mak tsuv hêik trâu tiv phaz pâuz, pêz tưz muôx iz cxiê phóng viênhuôx tôngv sâuv thax tsav, chiê muôx sik côngv jông đuô, tsik chiê muôx yưv têx uô zuôv thiêx pâuz txos muôx phóng viên huôx tôngv. Tiv zix cur cux hêik hâur ntu nhiv kruôr đhâu thax tsav tỉnh Nghệ An cxov tsês iz cxiê lênhx phóng viên uô zuôv cêr chêi mak chuôs li chor phóng viên n tsik đăngk cir huôx tôngv sâuv thax tsav”.

Zơưv Huỳnh Quốc Hoàng, Chủ tịch Hôiv Pov chir thành phố Cần Thơ hêik tiêk, Cần thơ cux muôx 60 ntâu văn phongx hlôngr njêx muôs chor pov chir, viv li lok six tsuv muôx chêi chiê nênhs uô pov chir thường trú lok xênhz huôx đros Hôiv pov chir tiv phaz, zos kriz uô jông zuôr muôx liv trâu pov chir thường trú uô hâux lưv huv cêr chêi:

“Hôiv zuôr paz trâu chor phóng viên thâuv muôx yưv têx phiv liv tưs lok sik thâuv uô hâux lưv njiz têx kror tsik jông mak Hôiv zuôr paz. Zos uô li co mak Hôiv muôx chêi. Kror no lơưr cur mak huv đros, têx jâuv cux lax, taz sik tsuv uô tâu li co, uô tâu li co mak zuôr gra siêz đuô Hôiv li pưk txux, tiv zix zos hôiv tiv phaz thiêz têx luk hêik zuôr jông đuô”.

Nênhs uô pov chir Phan Sáng phóng viên thường trú VTVNew hêik tiêk, zos xênhz huôx đros Hôiv pov chir tiv phaz, phóng viên tsênhv tâu buôs ti chor xor mông zos nhoz tiv phaz sêi đuô.

“ Zôngx ziv trâu chor hội viên Trung ương thường trú ntơưv tiv phaz đhâu Hôiv tiv phaz mak nriêr pâuz lok thax tsav jông đuô. Thâuv muôx yưv têx phiv liv tưs mak hôiv tiv phaz zuôr sêi đrơưv đros kriz uô chiê por vêv qênhx liv trâu chor phóng viên hâur six hơưv uô hâux lưv, thâuv co mak zuôr hêik sêi đuô trâu cơ quan txơưx jênhv chiê xưv lik cov sêi thiêz muôx chêx cur đuô”.

Thôngx ziv đros têx vênhv thix hêik co, zơưv Trần Duy Ngoãn, chủ tịch HNB Nghệ An hêik tiêk, kror chiê chor hôiv viên chor cơ quan thường trú lok xênhz huôx  đros HNB tiv phaz zos huv đros Điều lị Đại hội 10 HNB Việt Nam tso tơưv.

“No tsik zos phiv liv mak tso lok uô cê mak zos kror liv trâu nênhs uô pov chir viv huôx tôngv uô pov chir lơưr điều lệ HNB Việt Nam khóa 10; mak cán bộ phóng viên thường trú thiêz hlôngr njêx muôs nhoz chor tiv phaz muôx txơưx jênhv cxaz chuôz xênhz huôx hôiv ntơưv tiv phaz, kror no lok six huv đros điều lệ Đại hội 10 HNB Việt Nam”.

Đros vênhv thix no, zơưv Thuận Hữu, Chủ tịch HNB Việt Nam hêik hâur iz jiês sêiz lax jê no ntơưv thị xar Cửa Lò Nghệ An, puz pâuz:

“Hâur ntu uô hâux lưv ntơưv tiv phaz mak phóng viên thường trú tsuv uô lơưr xênhz huôx đros hôiv pov chir nhoz tiv phaz. Hôiv pov chir tiv phaz kaz shông zuôr muôx hêik pâuz xa trâu cơ quan sêiz car. Thôngx cxix zos muôx uô cxâuv mak hôiv đôngx xưv lik uô cxâuv ntơưv tiv phaz zuôr sik côngv đros cơ quan sêiz car chiê xưv lik. Taz sik cuêz tênhv chênhr cũ zos hôiv đôngx xưv lik têx uô cxâuv nhoz tiv phaz”.

Kror chiê hôiv viên zos phóng viên thường trú lok xênhz huôx ntơưv Hôiv pov chir tiv phaz zuôr sêiz car jông huôx tôngv pov chir. Uô pov chir huv li tsưr ziv cêr chêi, zuôr paz gra siêz shưz xar nênhs uô pov chir, uô jông nênhs uô pov chir li jênhv vưv công dân thiêz txơưx jênhv trâu côngv thôngx hâur côngz xưv huôv tsar têz qơưk./.

                                                                                                                                   (BTS-Lik Thox cxêik nhênhv)

Lênhx pox niêv uô ntơưr tsir tâu tsôngv box sđ kruôs thiêz nhiêv txos

Ntơư zos niêv lâuk Cà Thị Hoan jax gâux heir nênhs Poz Ziz “ndo txos lênhx cưk kriê li côngz txiêx njis”   tâu niêv lâuk xar tơưv sênhr suôz heik thâuv niêv lâuk nhiv kruôr muôx 12 shông thiêz cux zos niêv lâuk jax gâux xuz thơưx thâuv zos iz lênhx shux xênhz, heik trâu zuk lênhx cưk kriê ntơưr. Niêv lâuk jax gâux co tâu niêk sâu tsês sâuv ntơưr pov tsir vênhx ziv Sơn La thâuv ntu ntơư.

 Niêv lâuk Cà Thị Hoan xênhz thiêz hloz lox hâur iz chuôz zis txơưx xar tơưv têx pax huôv, suôz gâux Poz Ziz nhoz iz jok tox siêz Thuận Châu, tỉnh Sơn La. Niêv lâuk lênhx txir zos lênhx txơưx sênhr suôz heik têx gâux, pax huôv Cà Văn Xôn thiêz tuk txir nzơưv zos Cà Văn Cón car uô đreiv têx txux chi vênhx huôv ntơư. Shông 1993, cơưv tas ntơưr ntơưv tsêr cơưv Cao đẳng Sư phạm Sơn La, niêv lâuk cà Thị Hoan tâu xeir lok uô hẫuheik  lưv hâur Ban nthuôr uô têx cêr lov jêv Đeix nta suôz xa đuôz tỉnh Sơn La. Qơư uô hâux lưv ziv paz cxơưz gra niêv lâuk muôx nzir ntâu six hơưv, hnuz nhôngs chiê uô lơưr zuk têx siêz nhiêv heik sâuv. Chiê muôx tâu jax gâux, suôz sênhr heik jông, niêv lâuk tsuv tsês ntâu six hơưv muk trâu cxuô jêx jok, thax tsav,  nriêr ntâu thax tsav, suôv qơư li têx lul heik, cêr nênhx phôngz cxưx, đhâu ntơư muôz lok uô cê sâu yênhx suôz gâux sênhr, pax lul heik hlôngr trâu tas nro iz thax tsav têx luk cxuô. Txix têx tsênhv tsênhz hâur luz nênhx niêx hnuz tâu niêv lâuk xar tơưv, cxiv sâu uô gâux sênhr, pax luk li co uô trâu sđ nhiêv mnôngs, ntâu tuk thor txos.  Têx suôz gâux, pax huôv heik lok zơưv Hloz Hôx; lok Đảng, têz qơưk; luz nênhx xênhz huôx; cêr gâux cêr đrâul......thâuv tưs tưz tâu niêv lâuk xar tơưv tâu ntâu jax sênhr heik. Tix lâus Quàng Văn Chương, nhoz xã Chiềng En, huyện Sông Mã, tỉnh Sơn La zos lênhx nhiêv mnôngs txos niêv lâuk Hoan têx suôz pax huôv, cưr cxiêx heik pâuz:

“Cur lok six nhiêv mnôngs tsaz yênhx heik gâux Poz Ziz, niêv lâuk Hoan jax gâux mak niêv lâuk xar tơưv thiêz sênhr heik ntơư cur lok six nhiêv mnôngs cơưk, hur si cur chuôz zis lênhx tưs cux puôr lênhx lok six nhiêv. Niêx hnuz cur thiêz chuôz zis tsi so mnôngs đeix, hnuz ciêz txos six hơưv mak cur tso têx hâux lưv uz no tsês chiê lok krêz đeix mnôngs tsaz yênhx”.

Tsi tiêk xar tơưv têx suôz sênhr, jax pêv thav, jax gâux heir nênhs Poz Ziz, niêv lâuk tsênhv lês uô hâux lưv cxeik têx jax pêv trâur lâuk thâuv nzor thiêz uô Đeix nta suôz-xa đuôz tỉnh Sơn La tsaz yênhx tso cêr lov jêv hur si lok sâuv nta suôz thiêz xa đuôz. Đros thiêz niêv lâuk, uô tsaz yênhx tsuv tâu tsôngv box sđ nhiêv mnôngs thiêz uô tâu trơưk li têx lênhx nhiêv mnôngs đeix tsưr ziv, siêz xar. Niêx hnuz, niêv lâuk li tsaz yênhx txeik tâu tsôngv box sđ nhoz cxuô qơư, tsi tiêk hâur tỉnh Sơn La mak têx tỉnh thiêz hur si iz cxiê thax tsav saz têz qơưk Lào, suôv qơư muôx chôngz tsôngv box Poz Ziz uô nênhx nhoz  li yênhx châuv xor tôngx hu tuôx thor cêr lov jêv. Muôx kênh lênhx tsôngv box lơưr xar tror mnôngs đuô têx suôz gâux, cưr cxiêx Poz Ziz mak lơưr nhiêv, taz sik cux muôx lok six ntâu lênhx heik cov niêv lâuk xar thiêz sênhr suôz đros paz lơưr xa têx suôz gâux, pax lul heik co txos trâu têx tul zuk hluz ndo yuô...... Đros trâu zos uô hâux lưv lok sâuv qênhz shuôs tsôngv box sđ jax gâux, cưr cxiêx, pax huôv xa tuôx trâu tsaz yênhx. Zơưv Tòng Văn Xôm, iz lênhx đros niêv lâuk Hoan uô hâux lưv uô cê tâu ntêr shông heik:

          “Đôngx chir Hoan, hâur six hơưv uô hâux lưv uô cê mak thâuv tưs tưz sik thôngx siêz, siz paz, moz siêz trâu luz luôs hâux lưv.  Iz zav li: Têx pax huôv, suôz gâux, cưr cxiê.... puôr lênhx đros cxiv sâu thiêz tưr thik sâu tâu jông hâur tỉnh, hâur ngênhx thiêz T.Ư. Đôngx chir lok six sir jos uô nuv thiêz thâuv tưs tưz uô tiêr tâu jông têx hâux lưv zok muôz”.

Xav txos iz jiês no, niêv lâuk Cà Thị Hoan tưz xar tơưv thiêz cxiv sâu tâu xar muôx 200 jax gâux thiêz têx pêv thav heik lol luz nênhx xênz huôx hâur niêx hnuz. Hâur niêv lâuk 30 ntâu jax gâux cưr cxiêx, apxx huôv....tưr thik tâu jông hâur têx jiês liên hoan nta suôz, xa đuôz têx shông đhâu, muôx iz jax thik tâu hov iz loks âuv tênhx qơư zos Hội văn học VN tsưr tsix, 2 jax thik tâu hov 1 lok sâuv cơưv shâuv thiêz uô trơưk Lâul Hôx cêr nênhx jông. Đros thiêz têx uô tâu li heik sâuv, niêv lâuk Cà Thị Hoan tưz tâu Hội têx lênhx nênhs cxiv uô văn VN, Đeix nta suôz Vn, Đeix xa đuôz tỉnh Sơn La, Ủy ban tỉnh Sơn La muôz ntâu ntơưr kruôs. Niêv lâuk têx txux chi, côngz đas jos  ntơư tưz paz uô muôx nzir cxuô heir nênhs VN ntâu  zav txux chi vênhx huôv jông. Niêv lâuk tsưr ziv, siêz xar uô zôngx ziv co zos uô li chas chiê por hưv thiêz choz kriê tâu têx txux chi, tsưr ziv trâu cxênhx hluôk, têx tuz nhuôs tov kaz:

“Cux xar lok six ntâu lok lul Poz Ziz, luk cxuô heir nênhs tsơưs heik cxuô, zoz qơưx mnôngs thiêz seiz ziv hnuz ziv xar cov jông, taz sik uô thiêz xar tơưv, cxiv sâu têx txux chi vênhx huôv no ziv hnuz ziv trâus pôngz plox jux juk. Xar cov têz qơưk muôx tsênhv chei kriê trâu têx lênhx txơưx hu gâux, sênhr suôz heik, têx lênhx muôx txux chi tsưr ziv cxiv sâu trâu chor hluôk, muôx tsênhv chei tsov cưv trâu hâux lưv xar tơưv, yênhx thax tsav seiz pok por hưv tâu thiêz pok uô tâu, phuôx huiz têx lênhx txơưx hu gâux, sênhr suôz heik.... ntơư li pưs txux”.

       Đros thiêz tsôngv box Poz Ziz Sơn La nhiêv mnôngs Đeix, Cà Thị Hoan tsênhv tsênhv zos iz lênhx pox niêv uô ntơưr pov tsir tâu tsôngv box sđ kruôs thiêz nhiêv txos./.

                    (Lường Thị Hạnh-Riê Lâux cxeik, nhênhv)