Lào Cai bax txar qơư nhoz trâu pêx xênhv muk đhâu têx qơư phiv liv

Pos Nguyễn Thị Liên li luz tsêr, nhoz jok Khai Hoang, xã Việt Tiến, huyện Bảo Yên, tỉnh Lào Cai nhoz jê ntus cưx đêx, kâus tsêr zos tas ar zuôr zôngx ziv njiz trâus ar xưz poz. Ntâu shông tsuv uô nênhx đros đrêiv cêr cxơưx thâuv muôx ntux nas truz ntêr, txơưv tsar tov kinh tế tsênhv yuôr ntâu txov nhêv taz sik pos Liên tưz hêik thor tâu txar qơư nhoz muk trâu qơư ngaz tuk đuô, tsik tok khov trâu têz qơưk li têx paz:

“Chuôz zis cux tơưv đhâu kror qơư phiv liv co, zov chênhr zos chiê zuk chuôz zis nhoz tâu muk ntêr. Têz qơưk paz tâu bâuv li chak mak jông bâuv co, hok tsik li mak zuk txar qơưk nhoz chiê txar qơư nhoz tơưv đhâu qơư phiv liv no”.

Ntơưv huyện Bảo Yên, đhâu thâuv qênhz shuôk, sâuv thax tsav huyện nhiv no tsênhv yuôr muôx 50 ntâu ziv chuôz zis nhoz hâur qơư phiv liv tsuv txar qơư nhoz. Chor thành viên Ban chỉ huy phax tar ntux nas chuô huyện tưz uô jông qơư yax kriê trâu pêx xênhv lok hâux lưv bax txar qơư nhoz uô ntêx, jênhv paz tov kaz, taz por ngaz tuk lok luz nênhx thiêz cxuô zav hâur chêix ntux nas chuô shông no. Zơưv Nguyễn Trịnh Thái Linh, cán bộ phòng kôngz nuv thiêz huôv tsar jêx jok huyện Bảo Yên, tỉnh Lào Cai puz pâuz:

“Bê ntơưr pêz qênhz shuôk mak muôx iz cxiê ziv chuôz zis nhoz thị trấn Phố Ràng thiêz chor xã mak tsênhv nhoz txơưv tiêk pâuz phiv liv taz sik lơưr tsik txar qơư nhoz. Pêz trrr yax kriê hêik cov lơưr txar muk trâu qơư ngaz tuk đuô”.

Hok ntơưv huyện Bát Xát, tiv phaz tsik so njiz trâus têx phiv liv tiv ntux nas chuô, ar poz, đros sêiz đrơưv txar qơư nhoz, truôx tuk luz nênhx trâu pox nhuôs qơư trâus ntux têz uô hiêv, huyện tưz kruôz kriê trâu pêx nhuôs pâuz têx tsưr ziv phax tar ntux têz uô hiêv. Zơưv Nguyễn Quốc Huy, phưv chủ tịch UBND huyện Bát Xát, tỉnh Lào Cai hêik: “Đros chor xã, chor phòng ban uô hâux lưv muk qênhz yuôx thiêz txar qơư nhoz trâu chor ziv chuôz zis muk đhâu têx qơư phiv liv. Txos nhiv no chor ziv chuôz zis tsuv txar qơư nhoz shông 2016 huyện tưz uô tiêr thiêz tsênhv tror txar qơư nhoz trâu 7 ziv chuôz zis zuôr zôngx ziv njiz trâus muôx ar poz”.

Nhiv no tỉnh Lào Cai li phiv liv tiv zix hâur txar qơư nhoz trâu pêx xênhv ntơưv têx qơưk zôngx ziv njiz trâus ntux têz uô hiêv zos muôx tsik txâuk nhiêx txiêx thiêz ar nhoz yiêz. Lok vênhv thix no, zơưv Nguyễn Xuân Nhẫn, phưv giám đốc sở kôngz nuv thiêz huôv tsar jêx jok tỉnh Lào Cai puz pâuz: “Uô lơưr cêr chêi têz qơưk têx cuiz tênhv mak đros thiêz chor dự án kho đuô qơư nhoz trâu pêx xênhv mak cux tsênhv tâu uô lơưr tsưr ziv, thênhv cê nriêr qơư njuôk xav, cê uô mak tsik tâu tâu viv li iz cxiê dự án tsênhv kênhz chiê phưx vưv txar qơư nhoz trâu pêx xênhv ngaz tuk”./.

                                                                                                                                (Thanh Thủy-Lik Thox cxêik nhênhv)

Têx ziv chuôz zis pluôs heir nênhs tsơưs tâu kêr txeik nhiêx ntâu yax 50 tsov đeiv iz chuôz zis

Tsôngv box...! Xav txix hnuz xiêz 7/7/2017, têx ziv chuôz zis pluôs nhoz thax tsav heir nênhs tsơưs thiêz tox siêz....zuôr tâu kêr txeik pênhr nhiêx ntâu yax zos 50 tsov đeiv đros thiêz nhiêx nju txo grêk iz đraz thiêz hnuz nhôngs tso txeik ntêr đuô 2 bâus.

Txix hnuz xiêz 7/7/2017, tsôngv kruô zos têx ziv chuôz zis tsôngv box heir nênhs tsơưs txov nhêv nhoz têx xã thax tsav heir nênhs tsơưs thiêz tox siêz; têx chuôz zis nhoz trâu xã thax tsav 3, jêx jok txov nhêv tâu txeik pênhr, nhiêx nju tsơưs chiê huôv tsar uô nox lok sik hlôngr đuô tsưr ziv uô nuv.

Tâu pâuz, no zos tsaz yênhx tâu fuô uô trơưk Thủ tướng Chính phủ Quyết tinhv số 2085/QĐ-TTg lok tsêr nhiêx tsênhv chei Xã hội li tsênhv chei paz thax tsav heir nênhs tsơưs thiêz tox siêz huôv tsar uô nox uô hâuk ntu 2017-2020.

Hâur ntơư, lênhx nênhs txeik tâu kêr txeik pênhr nhiêx chiê sir zôngv uô iz hâur têx zav nuv  li: Krêz phaz uô liêx têz, yưv pênhr huôv tsar uô nox, uô lax luôv trơưk chei têz qơưk li: Zuôr meir, chuôz zênhx....têx lok phưx vưv uô kôngz, tsêz chos kôngz, tu zus tsiêx cxu, muôs zuôr  xiv huv....).

Trơưk li Vietnam.net, lênhx nênhs txeik nhiêx ntơư zos lênhx tâu kêr txeik pênhr trơưk cui tinhv muôx têx txeik iz lok sik ntâu jiês taz sik xav hur si têx nhiêx txeik tsi tsênhr đhâu phênhv pênhr nhiêx tso txeik uô lơưr trâu têx chuôz zis pluôs hâur yênhx ntu.

Iz chas ntơư, phênhv pênhr nhiêx tso txeik ntâu yax trâu têx chuôz zis pluôs zos 50 tsov đeiv iz chuôz zis. Nhiêx nju tso txeik tâu xav bâuv li 50% têx nhiêx nju tso txeik chuôz zis pluôs hâur yênhx ntu (nhiv no phênhv nhiêx nju tso txeik trâu têx chuôz zis pluôs zos 6,6% iz shông). Nhiêx nju đhâu hax tsi thêv zos bâuv 130%  nhiêx nju thâuv tso txeik. Lênhx nênhs txeik nhiêx tâu txo grêk tsơưs têx nhiêx txiêx uô ntâuz ntơưr thâuv txeik pênhr nhiêx.

Six hơưv, hnuz nhôngs tso txeik ntâu yax zos 10 shông. Thâuv txeik zos txeik li chas thiêz thêv li chas mak nhoz ntơưv lênhx tiz nênhs kêr txeik thiêz tsêr nhiêx tsênhv chei xã hội seiz lax, thôngx ziv./.

                                             (Thanh thủy-Riê Lâux cxeik, nhênhv)