Hêir nênhs poz thơưx  nhoz lai Châu li têx cêr nênhx vênhx huôv jông

Jos Tà Mít, xã Pắc Ta, huyện Tân Uyên, phênhv ntâu zos hêir nênhs poz thơưx hâur thax tsav tỉnh Lai Châu huôv tsar cêr uô nênhx nhoz. Txơưv hâur têx hnuz no tsênhv zos chêix khưr huôv tsar uô kôngz lôngk; taz sik hâur iz ziv chuôz zis cux tsênhv cux tsênhv  muôx lênhx nênhs phiêz tơưz chiê tâu sir zôngv hâur luz nênhx niêx hnuz. Txix têx tơưz ntiv cxuô zav chuôz zênhx khưr uô kôngz lôngk hâur chuôz zis, puôr lênhx zos muôz shôngz thiêz car thênhx chox lok phiêz tâu jông jav.

Niêv tix Lò Thị Xuân, iz lênhx px  nhoz jos Tà Mít, xã Pắc Ta, huyện Tân Uyên hêik pâuz: Hêir nênhs poz thơưx cux muôx ntâu faz tsưr ziv phiêz tâu têx tơưz jông jav txơưr tsik siz thôngx, huv đros hêir nênhs co li luz nênhx. Niêv lâuk Lò Thị Xuân hêik pâuz:

Băng: “Pêz cux yax kriê trâu têx mê tuz mê nhuôv, tsuv cơưv shâuv phiêz zus hêir nênhs li têx tsưr ziv phiêz tơưz tsik chiê zuk hêir nênhs têx txux chi tsik chiê pôngz plox, cov muôx đros đrêiv hâur luz nênhx. Viv ntâu zav hâux lưv tsuv tâu sir zôngv tơưz.

Cux li ntâu hêir nênhs txơưr đuô hâur thax tsav, hêir nênhs poz thơưx têx vax tsêr nhoz cux zos muôz shôngz ntông chox lok cxiv uô tsêr tsar lơưx, muôx 3 qar, oz tos muôx ntêir ndê muk lok. Kror lar hêik zos hâur hêir nênhs poz thơưx luz tsêr ho muôx 3 luz kror chuz nhoz trâu 3 qar tsêr chiê uô jâuz mor nox hâur niêx hnuz. Zơ]v Hoàng Văn Phanh nhoz xã Pắc Ta hêi pâuz nzir:

Băng: “Hêir nênhs poz thơưx têx tsêr tsuv uô 3 txos 4 qar, muôx oz luz kror trôngx; thâuv chox nhaz yiêz lok cux tsik tâu muk đhâu luz kror trôngx tas; tsuv tâu muk luz kror trôngx txuôk”.

Hêir nênhs poz thơưx nhoz Lai Châu nhiv no muôx xar 1.500 ziv chuôz zis, 7.500 lênhx nênhs; phênhv ntâu nhoz trâu oz huyện li: Tân Uyên, Sìn Hồ. Chênhr zos li hêik ntơư, hâur têx shông đhâu, hâu nov ntơưv qơư tưz yax kriê hêir nênhs poz thơưx tsuv khơưk tsês chiê zuk hêir nênhs têx txux chi, cêr nênhx vênhx huôv jông tsik chiê pôngz plox cov muôx đros đrêiv hâur luz nênhx.

Zơưv Lường Văn Tem, chủ tịch ủy ban xã Pắc Ta, huyện Tân Uyên hêik pâuz nzir: Iz chas hêir nênhs poz thơưx huôv tsar truôx têx luôs hâux lưv phiêz tơưz thiêz tsêr tsar lơưx muôx đros đrêiv hâur luz nênhx; hêir nênhs poz thơữx cux tsênhv huôv tsar tâu truôx zuk hêir nênhs têx suôz sênhr hêik cưr cxiêx, suôz trax đros trâu nthuôr uô cêr lov jêv đhia pax vuôs…Zơ]v Lường Văn Tem hêik pâuz:

Băng: “Hêir nênhs poz thơưx têx txux chi, cêr nênhx vênhx huôv jông cux mêx njik thôngx li hêir nênhs poz ziz. Lar hêik zos luz thax đaz txi côngv poz côngz zơưv côngz, tsuôk zos uô trâu iz đêiv ntơưr lơưv xưz. Yuôr têx tơưz phiêz mak jông iz zav li ntu đrav ntêx tsênhv tuôr tsês tâu tsik chiê pôngz plox”.

Zos iz hêir nênhs tsênhv yuôr ntâu  cêr phiv li, phênhv ntâu tsênhv huôv tsar uô nênhx pluôs; taz sik hêir nênhs poz thơưx zos iz hêir nênhs tsênhv tuôr tsês tâu zuk hêir nênhs têx txux chi, cêr nênhx vênhx huôv jông đros trâu 54 hêir nênhs VN muôx đros đrêiv hâur luz nênhx tsik chiê pôngz plox./.

                                     (Tsuv cxêik nhênhv-Khắc Kiên-TTTB)