Xar tox siêz Sơn La njiz phiv liv hâur cxiv tsa jêx jok yiêz

Nhoz siêz xar muôx 1.000 thiêr pir đros ntus đêx hiêr, Chiềng Lao zos huyện Mường La, tỉnh Sơn La luz xar thax tsav 3 txov nhêv tiv zix. Tas nro xar muôx 2.200 ziv chuôz zis, 10.300 ntâu lênhx nênhs, hâur co chor chuôz zis pluôs muôx 38% ntâu. zơưv Cà Văn Dưỡng, Chủ tịch UBND xar Chiềng Lao, huyện Mường La puz pâuz: Đhâu ntâuk gri, xar tưz uô tâu 14/19 luôs hâux lưv lok cxiv tsa jêx jok yiêz, têx luôs hâux lưv tsênhv yuôr li phênhv sâu tâu tsơưs, chuôz zis pluôs, tênhv qơư thiêz ngaz tuk zav nox zos têx luôs hâux lưv lax uô tiv zix ntơưv xar:

“Chiê uô tâu li tsưr ziv, luôs hâux lưv lok ziv chuôz zis pluôs, phênhv sâu, xar hêik cxuô cấp muôx vax huôv moz siêz txos, paz lok huôv tsar ntông nox txir, sik côngv txuôk đros têx công ty, doanh nghiệp, hợp tác xã chiê choz zok khoa học kỹ thuật, yưv pênhr chuôz zênhx cxuô zav, qir zuôv, sâu zuôr muôs hax huv trâu pox nhuôs…uô tâu li co, hâur ntu zuôr txos pox nhuôs li phênhv sâu zuôr chuôz ndê chiê uô tâu hâux lưv cxiv tsa jêx jok yiêz trơưk li tsưr ziv tưz tso tơưv”.

Huyện Mường La muôx 15 xar mak nhiv kruôr muôx 3 xar uô tâu cxiv tsa jêx jok yiêz. Chor xar tsênhv yuôr mak nhiv kruôr muôx tâu tiêr 10-12 luôs hâux lưv. Phiv liv tiv zix zos têx luôs hâux lưv lok zoz thôngz, phênhv sâu thiêz chuôz zis pluôs.

Qir tiv uô trâu Mường La tsênhv yuôr ntâu xar uô tsik tâu tiêr hâux lưv cxiv tsa jêx jok yiêz zos hâux lưv uô chor luôs hâux lưv cxiv tsa jêx jok yiêz tsuv muôx ntâu pênhr jos, hok têx xar no thâuv qir piz uô kik, kinh têr muôx tsơưs, pêx xênhv luz nênhx tsênhv txov nhêv; cêr, vax tsêr cxuô zav lok kôngz nuv-jêx jok tsênhv muôx tsơưs, tsik tâu cxix cxuô; uô kôngz nuv mak cux tsênhv tsơưs thiêz njiz phiv liv ntâu viv li pênhr yưv uô tsik tâu muôx ntâu. Qiv hơưv txơưr txar, caz hmoz ruôr hiêv cux uô phiv liv ntâu txos pêx xênhv li uô nox, luz nênhx xênhz huôx thiêz phênhv sâu.

Zơưv Lù Văn Quí, Trưởng phongx Kôngz nuv thiêz Huôv tsar jêx jok tox siêz, Phưv Chánh văn phòng điều phối jêx jok yiêz huyện Mường La, tỉnh Sơn La hêik:

“Nhiv no chor jêx jok tox siêz mak bax tsik tâu chuôz lov, tsuv zok nriêr thâux xa txix qơư kik ndê muk viv li gri lok six siêz. Pêx xênhv vav tiêk zos tâu mak têz qơưk paz chuôz lov, pêx xênhv zuôr paz hnuz côngz thiêz xi măng chiê cxiv uô têx côngz trinhx, tiv zix zos cêr muk lok”.

Chiê đơưk kho têx phiv liv hâur cxiv tsa jêx jok yiêz, huyện Mường La xav jênhv tror sir jos kriz uô cov tâu jông têx tsưr ziv txo grêk cêr pluôs thiêz tsưr ziv tso tơưv phongz yaox sik tưr cán bộ, công chức, viên chức, nênhs lox tôngv đros pêx xênhv uô hâux lưv txo grêk cêr pluôs, cxiv tsa jêx jok yiêz lơưr Nghị quyết Đại hôiv Đảng bộv huyện jiês tiv 21 tưz tso tơưv.

Hâur co, tror hêik pêx xênhv paz ar cxuô zav, hnuz côngz uô cêr muk lok hâur jêx jok, viv cêr muk lok jông mak zuôr paz trâu muk lok thiêz muôs hax huv tâu zôngx ziv đuô, paz thơưz uô nox, hlôngr yiêz đuô tsoz chos, tsiêx tu zus, paz muôx nzir phênhv sâu. Lơưr zơưv Nguyễn Văn Tâm, Phưv Chủ tịch UBND huyện Mường La, thâuv luz nênhx hlôngr yiêz, mak hâux lưv huiz tôngv cxuô pênhr jos sik côngv paz chiê cxiv tsa jêx jok yiêz zuôr zôngx ziv đuô.

“Chiê paz trâu cxiv tsa jêx jok yiêz cov truôx jông, huyện Mường La tsênhv tsưr tsix kriz uô jông oz tsưr ziv, cê por vêv huôv tsar jôngr, cê huôv tsar tâu kinh têr trâu pox nhuôs cov truôx tuk đros trâu uô du lịch pak đêx, ndis shuôk uô si ntơưv têx xar muôx thax tsav, qiv hơưv lax, jông jav hâur ntu zuôr txos. UBND huyện tưz muôx têx tsưr ziv uô tsênhv tsênhz, sir jos cov txos shông 2025 huyện Mường La zuôr tơưv tâu đhâu cêr pluôs”.

Txix têx tsưr ziv uô tsênhv tsênhz, huv đros, cấp ủy, chinhr quyền thiêz pêx xênhv cxuô mênhx cxưx huyện Mường La tsênhv sir jos uô cov sêi hâux lưv cxiv tsa jêx jok yiêz, sir jos cov muôx nzir 2 xar uô tâu tiêr luôs hâux lưv cxiv tsa jêx jok yiêz truôx đrênhk ntu 2021-2025./.

(Trấn Long-Lik Thox cxêik nhênhv)

Uô  trơưk “5K chiê taz por trâu zuk thiêz sđ thâuv moz Covid-19 tsênhv huôv xênhz!

  Moz Covid-19 tsênhv huôv xênhz phêv liv sâuv tas nro ntiêx têz. Việt Nam zuôr tsuv sir jos tir tar moz covid-19 hâur iz ntu ntêr thiêz jux jus yênhx lix cêr uô nênhx huv đros qênhx shênhx moz huôv xênhz. Lơưr co, tsuv uô têx tsưr ziv phax tar moz hâur qênhx shênhx “fênhx yax yiêz” li: chox đeiv bos kror ndâux thâuv tơưv muk đrâuv jôngr, ntơưv têx qơư muôx chôngz lênhx nênhs thiêz sâuv têx yêz công côngv; yax six zôngv yuôx phongx lok sik cuô đêx yuôx nzuôr tês; tsi chêx chôngk chôngz lênhx nênhs ntơưv qơư uô côngz xưv, tsêr cơưv ntơưr, tsêr kho moz; iz lênhx nhoz đêz iz lênhx taz por lơưr tsưr ziv chox kriê.

Chiê chuv tôngv phax tar moz Covid-19 hâur qênhx shênhx “fênhx yax yiêz”, Bộ y tế hu lơưs tsôngv box Việt Nam tror uô jông têx tsưr ziv phax tar moz Covid-19, hâur co tsuv heik txos tsưr ziv 5K đros têx njiêz luv tsênhv li no:

Đeiv bos kror ndâux: Tsuv chox đeiv bos kror ndâux yax six ntơưv qơư muôx chôngz lênhx nênhs; chox đeiv bos kror ndâux y tế ntơưv qơư y tế, qơư cêv kuôk.

 Zôngv yuôx phongx, cuô đêx yuôx nzuôr tês: Yax six zôngv yuôx phongx lok sik cuô đêx yuôx nzuôr tês. Vêv xênhz têx chuôz zênhx yax six cor txos li (tul tês krêz kror trôngx, điện thoại, meir tính, trôngx, tos....) Tuôr jông vêv xênhz tsêr nhoz, so tsêr hur si, lax khiêv.

          Iz lênhx tsuv nhoz kuôk iz lênhx tsơưs tiv zix 2 yiv, chiê taz por tsi cik moz.

          Tsi chêx chôngk chôngz lênhx nênhs.

          Heik kriê y tế: tsuv heik kriê y tế sâuv App NCOVI; cài đặt ứng dụng BlueZone chiê tâu canhv pov njuôs xav cik moz Covid-19.

         Thâuv pov iz chêr cuz sor, nôngk, lax uô pa tsuv hu ciês tênhv lơưr Bộ y tế li số tênhv zos 19009095 lok sik y tế tiv phaz li số tênhv chiê tâu heik kriê, paz txưv muk seiz njuôs moz taz por.

Bích Thủy- Txâur Vax cxeik nhênhv