Lênhx nênhs moz siêz ntok ntâuz nhoz xã Ea Trul

Hâur têx hnuz cêv kuôk XH chiê phax tir thêir moz Covid-19, chuôz zis tsi tâu muk lol uô liêx têz thiêz tsik tâu muk lok hâur thax tsav, viv li niêv lâuk H Giang Knul nhoz jok Ja, xã Ea Trul, huyện Krông Bông, tỉnh Đắc Lắc tsuôk nhoz tsêr chiê ntok ntâuz, xơưs tsôngk tril yo. Niêv lâuk H Giang heik pâuz, têx nuv no zos uô trâu thâuv luz six hơưv khưr uô kôngz lôngk tas, paz muôx phênhv sâu tâu nzir. Ntâu shông lok no, chor ntâuz, tsôngk tril yo niêv lâuk ntok, xơưs uô tâu, cux muôx ntâu lênhx chôngz tus pâuz txos, tuôx zuôr chox muk sir zôngv. Chênhr viv li, hur si 3 lênhx vir ndâuk puôr lênhx pâuz ntok ntâuz, uô pax ntâuz, xơưs tâu ntâu nênhs Êđê li têx tsôngk hnar.

“Cur lênhx niêv zos iz lênhx pâuz ntok ntâuz, pâuz uô pax ntâuz, xơưs têx tsôngk hnar viv li kriê cur cơưv uô thiêz xơưs. Thâuv xuz thơưx phiv liv uô, taz sik jux juk cux uô sưv, iz zav li pâuz chaz xor, ntok ntâuz, xơưs uô nênhs Êđê têx ntiês yo hnar”.

Niêv lâuk H Giang zos pos H’Blong Knul li lênhx nxeik tiv 3. Nhoz jok Ja cux iz zav li hâur huyện Krông Bông, pos H’Blong tâu pâuz txos zos iz lênhx pâuz ntok ntâuz, uô tâu pax ntâuz jông, txơưx xơưs tsôngk yo hnar. Đros trâu xơưs uô têx pav, nhiêk êv mê nhuôv, tiêz, yo…., pos H’Blong tsênhv tâu têx qơư muôs huv, tsêr tok kruô hâur thiêz luôs 2 chas tỉnh tuôx cov xơưs uô têx ntâuz puô trôngx, ntâuz đei thêir kror trêi…. Pos H’Blong heik, têx shông đrav ntêx, pos tâu ntâu lênhx kruô đas cir cov xơưs uô têx pax ntâuz, tsôngk hnar  cxuô zav li heik sâuv, tưz zos khov muôx  chor nhuôv paz pos thiêx uô tâu zênhx trâu tsôngv kruô, shông no tiv muôx moz gênhk uô phiv li,  viv li tsi yuô muôx kruô tuôx zuôr. Txơưv li ntơư, taz hâur têx hnuz đhâu, pos cux huôk njôngr six hơưv, hnuz nhôngs xơưs uô cov tiêr têx tsôngk yo tiêz hnar. Co cux zos iz kro uô tsi so cov têk muôs, xơưs uô tâu jông thiêz kaz côngz gôngr đuô.

“Cur pâuz uô têx tsôngk no thâuv muôx 15 shông lok, tax txos nhiv no tưz muôx mê tuz mê nhuôv hloz lox tas li no, viv li txơưv zuôr xơưs thiêz uô li chas lok zuk cux pâuz hur si, tsi tas li co cux xar kriê tsês trâu têx nxeik, têx nhaz, chor hluôk chiê uô đreiv thiêz pâuz txos zuk heir nênhs têx txux chi vênhx huôv, lar heik zos xơưs uô têx tsôngk yo no hnar”.

Trơưk li zơưv Châu Phan, Phưv Tsar Phongx Vênhx huôv xa xor mông huyện Krông Bông, tỉnh Đắc Lắc, xã Ea Trul thiêz têx xã nhoz jê iz ndis hâur Krông Bông, têx shông jê lok no ziv hnuz ziv muôx ntâu lênhx pox niêv pâuz thiêz xơưs uô tâu jông têx tsôngk li heik sâuv. Muôx tâu têx li heik no zos khov chor txơưx uô pax ntâuz, xơưs tsôngk yo hnar li pos H’Blong Knul li côngz đas jos, tsưr ziv kriê cxênhx hluôk xơưs uô. Six hơưv đhâu, pos H’Blong tưz moz siêz kriê têx txux chi, tsưr ziv trâu 100 ntâu lênhx pox niêv nhoz cxuô xã xơưs uô tâu jông têx tsôngk hnar.

“Pos H’Blong Knul cê đros uô têx hâux lưv txux chi vênhx huôv, tsưr tsix têx lớp đhiê nthuôr uô cêr si lov jêv, hu gâux heik cưr cxiêx. Iz chas ntơư pos cux đros sđ cơưv ntâu lớp xơưs, uô têx pax ntâuz, tsôngk yo hnar zos tsênhv qơư kriê nuv uô trâu têx hluôk nênhs Đắc Lắc krêz ntơưv xã Ea Trul li: Jok Cư Mil, jok Ja, jok Plum, jok Băng Cung……chiê kriê txux chi tsưr ziv xơưs uô têx tsôngk tril yo hnar”.

Pos H’Blong heik, têx luôs hâux lưv ntok ntâuz, xơưs uô tsôngk hnar chor lâuk iz txưv kriê thiêz uô li heik sâuv mak tsuv tuôr tsês, kriê trâu cxênhx hluôk, chiê tov kaz no zuk heir nênhs Êđê têx tsôngk tiêz, tsôngk trik yo, cêr nênhx vênhx huôv co tsi trâul pôngz plox . Chênhr viv li, hâur ntu đhâu, tsi tiêk kriê tsês trâu chor tuz nhuôs, tsôngv box tsênhv sir jos kriê trâu chôngz lênhx ntâu tus nhiêv thiêz xar cơưv xơưs uô têx tsôngk tril yo co thiêz.

Đros trâu têx sir jos, moz siêz kriê cxênhx hluôk cơưv shâuv ntok ntâuz, xơưs uô tsôngk hnar li heik sâuv, pos H’Blong tưz tâu cxuô cấp, cux iz zav li têx jiês sik tưr thik ntok ntâuz, xơưs uô tsôngk tril yo, nthuôr uô cêr lov jêv hâur thax tsav tỉnh muôz ntâu ntơưr kruôs. Pos tsênhv hmôngr jông tâu Chủ tịch têz qơưk muôz ntơưr kruôs shông 2019, viv tưz muôx côngz đas jos đros tuôr tsês chiê zuk heir nênhs luôs hâux lưv ntok ntâuz, xơưk tsôngk tiêz, tsôngk yo muôx đros đrêiv hâur luz nênhx niêx hnuz tsik chiê trâus pôngz plox./.

(VOVTN-Riê Lâux cxeik, nhênhv)