Kror sâuk muôx ntâu nhoz iz ndis, pênhx xênhv jok

Sùng Phài hnuz hmo cxơưx

Ciês ntơưv txos cêr 4D kuz nhoz thax tsav jok Sùng Chô, xar Sùng Phài, thành phố Lai Châu muôx 2 luz kror sâuk lox trơưk txos cêr. Oz luz kror no đar muôx 5 thiêr ntâu, ntêr xar muôx 10 thiêr ntâu, nhoz jê ntơưv 3 ziv chuôz zis chor tsêr, tas nro pêz luz tsêr no tưz kêix, faz nja tsêr trâus xưz tơưs, puôk tsuôx hnhar thiêz tâu txar sêi đrơưv muk nhoz qơư yiêz.

Nhiv no thax tsav co tưz tâu chính quyền tiv phaz kho đuô txix xuôk tax puô, tsik khênhr đêx ntưk muk trâu hâur chor kror co, taz sik têx ar cux tror xưz poz nzir thiêz uô poz tas iz saz cêr thiêz ar cux trâus sâuk poz jux juk txos pêx xênhv têx tsêr, uô trâu cxuô chuôz zis px nhoz thax tsav co cxơưx hlo. Pos Hàng Thị Tra nhoz jok Sùng Chô, xar Sùng Phài, thành phố Lai Châu hêik:

Cux ntơưv cêik cêr 27+310 Txox cêr 4D, cêr 58 thiêr nhoz thax tsav xar Sùng Phài, luz kror sâuk suôz jêz ntêr xar muôx 30 thiêr, đar đuô 10 thiêr tưz uô poz tas muôx iz đraz plas txox cêr 4D yiêz. Tiv sâuv thax tsav no ntux cux tsênhv lok nas viv li chor ar poz jêz cux tsênhv fênhx tror poz nzir uô trâu têx cêr trâus poz, kror sâuk co ziv hnuz ziv lox đuô. Hâux lưv muk lok sâuv têx cêr nhiv no tsuôk muk lol tâu iz saz cêr xưz, hok chor kror sâuk mak cux tsik so tror sâuk nzir, zuôr zôngx ziv uô trâu cêr mul lol tsik.

Ntơưv tsêr uô hâux lưv UBND xar Sùng Phài muôx txos 4 luz kror sâuk lox zâu iz ndis chor tsêr uô hâux lưv uô xưz plêz chor faz nja thiêz plas tsêr. Xar tưz xav txos tsưr ziv tsuv txar lok trâu ntơưv kror qơư uô hâux lưv kuz uô hâux lưv chiê taz por ngaz tuk đuô. Zơưv Hoàng Trung Kiên, Bí thư Đảng ủy xar Sùng Phài puz pâuz:

“Chor kror sâuk  tưz tâu xưv lik mak nhiv no cux tưz truôx tuk lơưv taz sik ho tror muôx yưv ar sâuk ntơưv têx qơư txơưr. Đảng ủy xar tưz hêik trâu thành phố pâuz chiê muôx tsưr ziv chox kriê xưv lik jông chor kror sâuk no”.

Ntơưv xar Sùng Phài muôx zuôr xar 10 luz kror sâuk lox zâu ntơưv chor jêx jok: Huổi Lùng, Sùng Chô thiêz Lùng Thàng. Chor kror no tưz muôx yưv txix ntâu shông lok no thiêz phênhv ntâu zos thâuv chêix ntux nas. Txơưx khưx phưx txix tsưr ziv muôz chor kror no cxuz taz sik cxuz luz kror no tas lơưv mak ho tror muôx kror sâuk ntơưv têx qơư txơưr đuô uô pox nhuôs lok six cxơưx. Zơưv Bùi Hữu Cam, Phưv chủ tịch UBND thành phố Lai Châu puz pâuz:

“Txơưv tiêk tiv phaz li nhiêx txiêx muôx lok six tsơưs taz sik thành phố cux tưz muôx yênhx châuv tiv đêiv chiê khưx phưx têx qơư muôx kror sâuk no. Lok tsưr ziv muk ntêr thành phố hêik  trâu tỉnh cux xưk li cxuô cấp muôx qênhx tsov tơưv dự án cxuô nro hâur hâux lưv txar qơư nhoz trâu chor ziv chuôz zis thiêz chor côngz trinhx Têz qơưk muk đhâu têx qơư phiv liv”.

Nhiv no cơ quan uô hâux lưv thành phố Lai Châu tsênhv xưv lik truôx ntơưv têx qơưk muôx kror sâuk thiêz khơưz toz đuô trâu hâur chiê nriêr têx đêx muôx toz hâur ar, đhâu co muôz poz jêz xiêz trâu chiê paz uô cov chor ar khor đuô thiêz tir tar chor kror ar poz sâuk no sâuk đar nzir.

Chor kror sâuk ntơưv xar Sùng Phài, thành phố Lai Châu muôx yưv ntâu đuô thiêz chor kror cux lox đuô, viv li lok six tsuv muôx tsưr ziv chiê qênhz yuôx, nriêr pâuz lok đêx ar chiê pêx xênhv tso siêz đuô, taz por ngaz trâu luz nênhx./. 

(Thanh Thủy-Lik Thox cxêik nhênhv)