Tox siêz Sơn La muôx xênhv nênhs Quàng gruôs cơưv ntơưr

Niêv lâuk Cầm Thị Uyên, uô côngz xưv ntơưv Sở kôngz nuv thiêz huôv tsar nôngx cxênhz tỉnh Sơn La zos iz lênhx tuz nhuôs hâur xênhv nênhs Quàng nhoz jos Bó. Nhiv kruôr jênhv bằng thạc sĩ chuyên nganhx kôngz nuv niêv lâuk Uyên puz pâuz: Muôx tâu chêx cuk no, đrâuv zuk li sir jos, tsênhv muôx chuôz zis, xênhv nênhs li tôngv vênhx lok six ntâu:

          “Thâuv jênhv tâu bằng thạc sỹ cur lok six jông siêz, cur lok six txưv haox. Ntu zuôr txos cur cux xưk li cxênhx hluôk heik cxuô zuôr sir jos cơưv shâuv ntâu đuô thiêz. Uô tsâus chi hội cxiz cơưv xênhv nênhs Quàng li tsov cưv lok six ntâu”.

          Đros niêv lâuk Uyên, xênhv nênhs Quàng nhiv no tưz muôx 47 lênhx nênhs muôx yênhx tưv cao đẳng, đại học tsênhv uô côngz xưv ntơưv têx chiz coaz, taz viv hâur tỉnh Sơn La, hâur no muôx 1 lênhx muk cơưv ntơưr saz đrâuv têz qơưk lok, muôx 74 lênhx nhiv no tsênhv cơưv ntơưr hâur têx tsêr cơưv cxôngx cxênhx mê nhuôs zâu txos cao đẳng, đại học ntơưv tiv phaz thiêz trung ương.

          Đros tsưr ziv cxuô lênhx nênhs sik đros cơưv ntơưr, cxuô ziv chuôz zis sik đros cơưv ntơưr, cơưv chiê tsi so muôz siêz yênhx tưv txux chi, tsơưr lươngv luz nênhx, chi hội cxiz cơưv xênhv nênhs Quàng nhoz jos Bó tâu yênhx lix shông 2009, muôx 72 ziv chuôz zis đros 344 lênhx nênhs cxaz chuôz. Ntâu ziv chuôz zis hâur xênhv nênhs txơưv txov nhêv, taz sik cux sir jos tso mê nhuôs muk cơưv ntơưr, tôngv vênhx mê nhuôs sir jos cơưv ntơưr. Chiê tuôr truôx chi hội li huôx tôngv, xênhv nênhs Quàng tưz thôngx ziv cxiv tsa cuiv, iz chuôz zis gôngr 30 cxênhz iz shông, đrâuv co zos hu lơưs têx lênhx nênhs siêz jông li paz txưv. 10 shôngk ntâu huôx tôngv, chi hội cxiz cơưv xênhv nênhs Quàng tưz sâu tâu zuôr xar 100 tsov đeiv thiêz chor nhiêx txiêx no phênhv ntâu tsês chiê khơưk kruôk têx mê nhuôs muôx yênhx tix jông hâur cơưv ntơưr thiêz paz txưv mê nhuôs muôx luz nênhx txov nhêv. Thâuv txos hli 8 niêx shông, chi hội tsưr tsix khơưk kruôk trâu têx mê nhuôs tax yênhx tix siêz hâur cơưv ntơưr, tôngv vênhx têx mê nhuôs khưx phưx têx phêv liv sir jos cơưv ntơưr. Khov co, hâur xênhv nênhs tsi muôx lênhx mê nhuôs tưs tsi tâu muk cơưv ntơưr.

          Jênhv pov hâux lưv zuôr trâus hâur tuôr tsês luk heik, ntơưr sâu mênhx cxưx, zơưv Quàng Văn Hặc, tsar xênhv nênhs Quàng tưz sir jos nhênhz chơưv, sâu tsês têx ntâuz ntơưr muôx lênhx coaz txos kriê ntơưr Thái. Shông 2017, zơưv đros têx lênhx nênhs muôx hnuz nhôngs siêz moz siêz txos ntơưr Thái hâur xênhv nênhs tsưr tsix lớp kriê ntơưr Thái ntơưv jos. Lớp cơưv muôx 73 lênhx nênhs nhoz cxuô hov hnuz nhôngs siêz tiv zix zos 63 shông thiêz zâu tiv zix zos 7 shông cxaz chuôz cơưv. Pos Quàng Thị Biên, 60 shông, hội viên chi hội cxiz cơưv xênhv nênhs Quàng puz pâuz cxaz:

          “ Cxôngx thâuv cur tsênhv zâu tưz tâu cơưv ntơưr, txơưx nhênhv, txơưx sâu ntơưr, mnôngs têx tsaz yênhx sâuv Đeix, seiz tivi, tsôngv box cơưv tâu ntâu đuô, pêz txơưx zôngv KHKT lok uô kôngz. Thâuv tâu têx zơưv, têx pos tsưr tsix kriê ntơưr Thái, xar njôngr kriê ntơưr Thái trâu têx cxênhx nênhs, cur sir jos cxaz chuôz cơưv, suôv câuv lớp cơưv cur txơưx nhênhv, txơưx sâu thiêz cux kriê tâu trâu tuz nhuôs”.

          Đros yênhx tix tưz tax tâu, xênhv nênhs Quàng jos Bó tưz jênhv tâu ntâu ntơưr kruôk cxôngx tỉnh, thành phố Sơn La thiêz tâu Trung ương Hội cxiz cơưv Việt Nam khơưk muôz ntơưr kruôk viv muôx yênhx tix hâur phongz yaox tưr thik cxiv tsa têx trâur nuv cơưv ntơưr ntu 2016-2020. Zơưv Quàng Văn Hặc, Tsar xênhv nênhs Quàng nhoz jos Bó, phường Chiềng An puz pâuz: Phênhv huv tsiv grê tiv zix zos tâu sâu jênhv, tôngv vênhx chi hội cxiz cơưv xênhv nênhs Quàng tror sir jos 100% chor chuôz zis tax chuôz zis vênhx huôv, chuôz zis gruôs cơưv ntơưr. Cxuô chuôz zis hâur xênhv nênhs tso mê nhuôs muk cơưv ntơưr chiê phưx vưv luz nênhx:

          “Têz qơưk Việt Nam muôx lok six ntâu xênhv nênhs, ntâu trâur nuv uô nox jông chiê zuk cơưv shâuv. Tâu jênhv trung ương li ntơưr kruôk pêz zuôr sir jos đuô thiêz. Pêz zuôr zos têx đeiv iêr chi cax luk chiê tuz nhuôs cơưv shâuv uô lơưr thiêz tuôr truôx têx yênhx tix tax tâu thiêz tôngv vênhx tuz nhuôs sir jos cơưv ntơưr jông đuô”./.

                                                                                                        (Lường Hạnh- Txâur Vax cxeik nhênhv)

Tsôngv box cxuô mênhx cxưx Tây Bắc đros thiêz Đại hôiv Đảng tas nro têz qơưk jiês tiv 13

Đại hôiv Đảng tas nro têz qơưk jiês tiv 13 zuôr tâu tsưr tsix txix hnuz 25/1-2/2/2021 ntơưv Hà Nội, đros muôx 1.567 têiv plor hlôngr njêx muôs trâu 5,1 triệu ntâu lênhx đảng viên hâur tas nro têz qơưk đros dự.

(Hlôngr suôz) Đảng Cộng sản Việt Nam li Đại hôiv têiv plor tas nro têz qơưk jiês tiv 13 zos đại hôiv tâu cơưv tsik so 5 shông iz jiês, zos Đảng, Têz qơưk thiêz pêx xênhv Việt Nam li xor xưv chính trị zov chênhr thiêz zos kror ntâuk chiv zov chênhr hâur Đảng thiêz têz qơưk Việt Nam li ntu huôv tsar. Đại hôiv zuôr sêiz lax thiêz thôngz đhâu, ntâuz ntơưr chính trị ntơưv Đại hôiv 13 (no zos Đại hôiv li kror văn kiện tsênhv njiêz), Ntâuz ntơưr hêik txos ntâuk gri uô tsưr ziv huôv tsar kinh têr-xar hôiv 10 shông 2011-2020, cxiv tsa tsưr ziv huôv tsar kinh têr-xar hôiv 10 shông 2021-2030; ntâuz ntơưr hêik pâuz ntâuk gri uô lơưr jênhv vưv huôv tsar kinh têr-xar hôiv 5 shông 2016-2020 thiêz tsưr ziv huôv tsar kinh têr-xar hôiv 5 shông 2021-2025; ntâuz ntơưr hêik pâuz ntâuk gri côngz xưv cxiv tsa Đảng thiêz uô lơưr Điều lệ Đảng ntu Đại hôiv 12; Ntâuz ntơưr hêik pâuz Ban chấp hành Trung ương Đảng khóa 12 li côngz xưv cxiv tsa Đảng, chox kriê (muôz trâu Đại hôiv 13); Bâux Ban chấp hành Trung ương khóa 13 (ntu 2021-2026) – Đảng li cơ quan lênhx tov siêz tiv zix nhoz oz kỳ Đại hôiv.

(Nhạc cắt)

Cán bộ, chiến sỹ Bôv đôiv Pênhz phax Sơn La đros Đại hôiv Đảng tas nro têz qơưk jiês tiv 13

Đros tas nro têz qơưk, quân thiêz pêx xênhv cxuô mênhx cxưx Sơn La tsênhv shir phaz lus tok txos hnuz kriz cơưv Đại hôiv.

(Hlôngr suôz): Sơn La muôx ntus đriv ntêr 250 ntâu cêik cêr buôs ti đros têz qơưk Lào. Đros yênhx lênhx cán bộ, chiến sỹ Bôv đôiv Pênhz phax tỉnh Sơn La, đrâuv gra siêz txơưx jênhv por vêv ntus đriv, chor lưx lươngv tưz tâu tso nzir muk trâu cxuô thax tsav qơư đros sir jos tsav txênhz siêz, por vêv cov ngaz tuk tiv zix trâu Đại hội Đảng. Trung tá Phạm Thái Hòa, Trưởng phongx phax tar zax zênhz thiêz nênhx phamv cxâuv, Bôv chỉ huy bôv đôiv Pênhz phax tỉnh Sơn La puz pâuz: “Cxuô cơ quan hâur Bôv đôiv Pênhz phax tỉnh tưz sir jos hêik pâuz trâu Bôv chỉ huy cxiv uô têx tsưr ziv uô hâux lưv, kriz uô tso nênhs muk trâu cxuô thax tsav qơư, nriêr pâuz qênhx shênhx thiêz đơưk tu têx phiv liv muôx yưv nhoz thax tsav ntus đriv, tsik chiê muôx yưv têx phiv liv tsik jông txos ngaz tuk. Paz cov ngaz tuk jông tiv zix trâu Đại hôiv Đảng tas nro têz qơưk jiês tiv 13”.

Chor cán bộ, chiến sỹ Bôv đôiv Pênhz phax Sơn La cux hêik njênhs njôngr trâu Đại hôiv Đảng tas nro têz qơưk jiês tiv 13 li yênhx côngz; vav tiêk Đại hôiv zuôr bâux xêir tâu têx nênhs sơưr thơưx zos chor đảng viên txơưx, moz siêz, sir jos nhoz hâur Đảng trâu Ban chấp hành khóa yiêz, lênhx tov têz qơưk cov ziv hnuz ziv huôv tsar lok kinh têr-xar hôiv, ngaz tuk côx phax tâu uô jông, tuôr truôx.

Trung tá Phạm Thái Hòa, Trưởng phongx phax tar zax zênhz thiêz nênhs phamv cxâuv thiêz Trung tá Đào Mạnh Tưởng, Phưv Chủ nhiệm chính trị, Bôv đôiv Pênhz phax tỉnh Sơn La xar tiêk:“Hâur têx shông đhâu, Đảng tưz lênhx tov têz qơưk huôv tsar, cux xưk li chox car Quân đôiv uô tâu jông lok cxuô kror. Cur vav tiêk Đại hôiv zuôr bâux xêir tâu chor nênhs txơưx njê, moz siêz sir jos trâu hâur Ban chấp hành khóa yiêz chiê lênhx tov Đảng, cux li lênhx tov têz qơưk. Tiv 2 zos muôx têx tsênhv chêi, tsưr ziv jông paz trâu têz qơưk hênhr đuô, muôx coangz siv đar đuô. Tiv pêz zos por vêv truôx jông tsưr qênhx têz qơưk”.

“Thax tsav ntus đriv zos thax tsav zos chênhr lok ngaz tuk côx phax, tiv zix zos hâur ntu muôx moz Covid-19. Pêz vav tiêk Đảng, Têz qơưk tror moz siêz txos têx phiv liv mak cán bộ, chiến sỹ uô hâux lưv ntơưv têx thax tsav ntus đriv njiz trâus. Muôx tâu têx tsưr ziv paz chiê cán bộ, chiến sỹ muôx jông đas jos, tso siêz uô côngz xưv, paz por vêv truôx jông tsưr qênhx ngaz tuk ntus đriv têz qơưk”./.

(Bích Thủy-Lik Thox cxêik nhênhv)